(السلام عليكم ح انزل تابع متأخر توا هذا اللي قدرت نكتبه و نراجعه و ما نبي نتأخر عليكم ❤️❤️❤️❤️)
ما احلى الرجوع اليك يا وطني
لست الاجمل
و لست الانظف
و لست الاكثر تطورا
و لكنك في عيوني الاكثر جمالا و نظافة و تطورا
الهواء لا ينعش رئتاي ان لم يكن في احضانك
و العين لا تبصر و القلب لا ينبض و العقل لا يلهم ان لم اكن بين ربوعك ...
اشتقت اليك و ها انا اعود اليك ...
🌸🌸🌸🌸🌸🌸🌸🌸🌸🌸🌸🌸🌸🌸🌸
و عفراء تبكي و اسراء اكثر منها ... و هكذا كان اللقاء ...
لقاء الاخوات .. اخوات محنة صارت منحة
الكلام ما يعبر ع شي لان صوت الشهقات اكثر دقة في وصفه
: رايفتلك واجد يا فافي ياناعليا لو تعرفي بس لو تعرفي بس
ما كانت مركزة ع الكلام اللي قالاته بالحرف : اه يا اسراء هذا وين تنفست هدا وين حولتها الغمة اللي ع قلبي
طارق كلمها من بعيد و حياها بايده : صار طز في امريكا يا ريقولي انستي البلاد
ضحكت باحراج : ايه و الله طز و طز و طز في امريكا و اخيرا قلبي عرف طريقه يا ناس ...
طارق : انستينا
حبت تبصر عليه : كيف صار يا اسراء شكله بدي من اصحاب البلاد
طارق دار حركة لايك بابهامه: في حياتي ما نقسم معاها انا
و تحشمت هالمرة اسراء من غزله الصريح
حاولت تغير الموضوع : هيا معايا اليوم لعند الصبح و نحنا نحكوا نبي منك تحكيلي كل حاجة
عفراء لانها فرحانة و مش مركزة : مازال خاطرني نعبر عن فرحتي يا ناس نحس في روحي في هلبة. كلام نبي نقوله ما احلاك يا ليبيا ما احلاك يا ليبيا يا جنة احنا ليك و انت لنا
اسراء تشوف في طارق جنبها يفنص : كنك انت بطلي
ضحكت باحراج : سامحوني فرحانة
طارق جي جنبهم : المشكلة لو نقوللهم ما حد يصدق ان الانسانة هذه كانت في امريكا غادي و روحت اهني بقرار من المحكمة هي جرت عليه لا و فرحانة قوي (بصوت عادل امام )
ضحكت : و الله في قمة الفرح و ع فكرة انا مدينة ليك بشكر يا طارق
: علاش ؟
عفراء ابتسمت : لان بفضل مجهوداتك نادي السلام وصل الممتاز حلم بابا الله يرحمه تحقق بعد السنين هذه كلها لو تعرفوا كيف فرحت صح كانت فرحة ناقصة لاني بعيدة ع النادي لكن والله طول الوقت نتخيل لو كنت معاكم شنو درت بارك الله فيك
