ان لم تستطع اغماض عينيك للحظة و ان لم تستطع اخذ انفاسك للحظة و ان لم تتكمن من ابتلاع ريقك للحظة ... و ان لم تتوقف رعشة يديك للحظة فالتعلم ان الجرح عميق و الوجع غير محتمل ... اعانك الله ع هذا يا هذا !! (كلماتي )
________________________________
يغسل في الاحصنة الخاصة بخاله ...
و يدندن ع حاله :
شوفي ليه عيني بكتني؟
ولله شوفي ليه عيني بكتني؟
لله شوفي ليه عيني بكتني؟
ولله شوفي ليه عيني بكتني؟
إنت السبب ولا حياتي شقية؟
إنت السبب ولا حياتي شقية؟
إنت السبب ولا حياتي شقية؟
إنت السبب ولا حياتي شقية؟
إن كان حبيتك و روحي عصتني
لا خير في روحي ولا خير فيّ
لله شوفي ليه عيني بكتني؟
نجلا العيون الساحرة ولعتني
تكفين حني لي و حني عليّ
جنوني عذبني وروحي شكتني
أتعبتها ما بين روحة وجية
(نجلا العيون الساحرة (ولعتني
(تكفين حني لي (وحني عليّ
(جنوني عذبني (وروحي شكتني
(أتعبتها ما بين (روحة وجية
إن كان حبيتك وروحي عصتني
لا خير في روحي ولا خير فيّ
لله (لله) شوفي (شوفي) ليه عيني
كلمات الاغنية كانت دموع غير هو يكابر
جي من وراه : مازال ما كملت
عرفه و فضل عدم الالتفات ليه: عمري ما نكمل انا
فهم عليه : سايح و الله
وقف غسل و التفت عليه : بلاش كلام ما في منه فايدة ... مازال عندك يوم و ماشي خلينا نسلموا ع بعض احباب بلاش لا انكد عليك و لا تنكد عليا
دمعو عيونه : مش قادر يا راجل كل ما نحاول تكحلها نعميها
ضحك : يا ودي من غير ما تدير شي هي عمية من يومها
رشف انفه : قولك ؟
دار حركة بحاجبيه : هذا الواقع
قرب من الخيل : هذا حصانك انت
كمل يغسل : هذا حصان صاحبه اما انا عندي شي هنا و لا في اي مكان انا ما عندي شي ...
: السلام عليكم
انتبهوا الاثنين لوصول عامر : و عليكم السلام
تقدم في ناحيتهم : شني الجو
اشرف. : مليح انت شني جوك نحسابك مشيت لمصراتة
حط ايده ع حصان : لا و الله مازال و بيناتنا عندي موضوع نتمه و معاكم انتم ع فكرة و بعدها بنتوكل خلاص طولت
وقف السياح غسل و اشرف كذلك انتبه معاه في انتظار اللي بيقوله
و كان عامر خايف من السايح بالذات مع ان نوعا ما تصالح معاه
قرب منه : نبي نقولك .. قبل ما يصير الكلام رسمي انا الحق يعني ليا فترة نفكر اني نكمل نص ديني و بالذات بعد اعطوني شقة غادي جنب المصنع
اشرف : كيف ... يعني باهي كمل كمل !
كلا السايح ابتسم و شبه فهم
