يا بوي من بعدك دموعي ايصبوا ،،،،
كذاب من قال العمام يربوا ،،،،،
كذاب من قايلها ،،،،،،،،،،،
وكذاب من قايل عمامك هلها ،،،،
هي واحله والعم زاد وحلها ،،،،
وجملة العيله في الكلام يصبو ،،،،،
دنيا غريبة والغريب نسلها ،،،،،
كومة مشاكل واجده ينكبو ،،،،،
لا عم يفدي لا اخوال فعلها ،،،،
لا اصحاب تلقى لا اقراب ايحبو ،،،،،
يا بوي من بعدك دموعي ايصبوا ،،،،
كذاب من قال العمام يربوا
#عفراء حزينه
( كلمة الحق)
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
ولان شهر رمضان شهر ممد بكل خير ع شان هكي اختار هالشهر ع شان العودة ... و المحاولة من جديد من بعد نصايح مفصلة من عمه ناجي
ما حد عارف بموعد عودته الا اشرف .. اللي خذي معاه ياسين و مشو مع بعض لملاقاته في المطار
و ...اول ما وصل ....
كان ع موعد مع نسوم انفاسها ... انشرح صدره كأي مغترب غاب عن ترابها سنين يا ودي بلادك تغيب عليها ايام بس يشدك الحنين ليها و احيانا تشتاق لاكثر الاشياء اللي يوما ما كنت تنتقدها لكن تكتشف انها اجمل ما فيها
بعد اتمامه للاجراءات المعروفة و بعد خذي حقائبه توجه لصالة الواصلين وين ما متوقع وجود اشرف خوه
يدور بعيونه بين الموجودين
من جهتهم : ما عمري توقعت انا اللي نجي و نلاقيه و مش هكي بس انا اللي مرتب كل شي قبل ما يوصل واخذ قضية الحوش و مكلم العيلة ع شان يلاقوه غريب صح
ياسين : بس ماشية معاك
: شني هي؟
ياسين بضحكة : البدلة العربية واخذ الدور مزبوط
ضحك اشرف و شد الفرملة : توا قولك شني ح تكون ردة فعله وقت يعرف انها في البلاد
ياسين : رد بالك تقوله لكن بيني و بينك يا ودي نتوقعه ما يسلم علينا و يشدها كعابي للرابطة
ضحكوا الاثنين لعند
: شني يضحك فيك انت وياه
عيطوا في صوت واحد : اووووو تي امتى جيت انت
و تسابق الاثنان ع احتضانه و لان شوقه لكليهما كبير خذاهم الاثنين في ذات الحضن : و الله العظيم رايفتلكم باهي و كل الدنيا ما تسوى دقيقة معاكم
ياسين وخر من عليه
بس اشرف كان متمسك بيه : مازال مش مصدق تعرف ؟! طولت يا سايح اول مرة نجربها تاريته امك عندها حق الغربة مرة بس انا حسيت بالغربة هنا و انت مش في البلاد ...
اكتفى بابتسامة فقط
تدخل ياسين و نط ع ظهره : و الله تقول حلم يا راجل
ضحك و حوله من وراه و رجع ضمه : شني الامور عندكم
: ماشية
كان موقف عابر ضحكوا فيه و هدرزوا ع طبيعتهم
