(نعتذر ع التقصير يوم الامس بسبب ظروفي الصحية و حاولت نعوض اليوم بحلقة طويلة و يارب تكون عند حسن ظنكم. )
__________________________________
شعرغنائي.. آنا جرح
لوغبت من يفقدني. .ومن ينتظر في عيني
ولو جيت من يحضني. .من غير جرح اسنيني
انا جرح يخلف جرح. .وانا بحر مالآهات
ابودي انعيش الفرح. .امعاكي انتي بالذات
وتلمس ايدي ايديك. .بعد طول شوق انجيك
وتحضن ابود حنيني#
لوكان مره غبت. .من ينشغل فغياني
محتار نا واتعبت. .في غربتي وعذابي
كيف جيتي كيف غيبتي. ماعاد يفرق شي
معروف دوم ابطيبتي. صافي ضميري حي
لكن الغير نساني. .وراجيت ما راجاني
يكفي شقا يكفيني#
عيش الحياه ابروحك. .يا قلب واشكي لله
وداوي سطير اجروحك. .ملي فالغلا يسلا
وأهجر اللي باعوك. .وخوذ مالتجارب عبره
يا قلب ما يبوك. . اللي ناسيين العشره
احسبهم سحابة صيف. لاهي مطر لا هيف
ولا نقطها يرويني#
محمود اكنيش.
2006ف.
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
اصعب لحظة تعيشها امراة عاشقة
و مش اي عشق ! عشق بعد خيبة امل كبيرة
و عشقها لرجل عقدت عليه امال كبيرة
و القلب مش راضي يصدق لكن العقل ياما يقول
ممكن ما صار شي ! بس السؤال شنو في بينهم
و ليش ما قال عنها شيء من قبل
كانوا الدموع في العيون مسجونات ...
مش قادرة تنزلهم لان لو نزلوا هذا اعتراف ان دارها
و هو اللي معاهدها ما يديرها
شافت رقمه ع شاشة تيلفونها سكرت الخط و قفلت التيليفون مرة وحدة
ولو عرفت انها المرة الاخيرة اللي ح تشوف فيها الرقم هذا كانت رمت كل شيء وراء ظهرها و سمعت صوته و سجلت اللحظة هذه في خانة الذكريات التي لا تنسى ...
بينما هو كان واصل لاعلى درجات اليأس: لا يا اسراء مش هكي. مش هكي ... حرام عليك كيف صدقتي بس !
عنده موعد مهم في الشركة بس هي اهم من كل المواعيد ....
اتصل بمحمود و فهمه ع اللي لازم يديره
و اخيرا : انا مروح يا محمود معش نقدر نقعد دقيقة وحدة
محمود : باهي اذا تبي تروح اقل شي انزل في طرابلس شوف قصة حسابات الشركة غادي لان اي تاخير بعدها مش في صالحنا
ما كان حاب الفكرة بس مضطر : اوف منك .. باهي حاضر نحجز لطرابلس و بعدها بنغازي المهم زي ما فهمتك بخصوص الخدمة اي و في حاجة ثانية تجيب حد للحوش يغير القفل ضروري يا محمود
: حاضر باذن الله كون مطمن
سكر الخط و حاول يهدا ع شان يعرف يتصرف .. و خطر في باله مهند اتصل بيه
