(اسفة ع التاخير دقايق معدودة بس لان الحلقة طويلة طولت في مراجعتها )
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
أبلِغ عَزيزاً في ثنايا القلبِ مَنزله
أنّي وإنْ كُنْتُ لا ألقاهُ ألقاهُ
وإنَّ طرفي موصولٌ برؤيتهِ
وإنْ تباعدَ عَن سُكناي سُكناهُ
يا ليتهُ يعلمُ أنّي لسْتُ أذكرهُ
وكيف أذكرهُ إذ لسْتُ أنساهُ
إنْ غابَ عنّي فالرّوح مَسكنُهُ
مَنْ يسكنُ الرّوحَ كيفَ القلبُ ينساهُ
المتنبي
( من اختيارات
Haan An & Somya Bun Amran)
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
فجاة ما سمعوا غير صوت صراخ وراهم : ووووووه
عفراء شافت وراها و عادي ما تأثرت
بس حنين قريب اغمى عليها : حيه عليا هذا شنو. ؟
طلع فاتح يضحك : طلعتي قوية يا بنت عمتي و ما يمشوا معاك الاصوات العالية مش زي اللي معاك شني يا بنت عمي ع اساس بنت اجانب و ما تخافي بكل
عصبت منه : جديات تسال ! و مروق و تضحك معاها تعرف لولا احترامي لخالي كنت درت شي ثاني خلعت البنت اي قريب ماتت شوف وجهها
قربت من حنين و مراد : خلاص بسيطة هذا واحد مكسد
فاتح ببصارة: مكسد ع اساس محترمة بوي اللي انا ع فكرة ولده راهو
عفراء : الاحترام يكون بالتصرفات و العقل و انت عقلك بح
و في اللحظة هذه جي السايح و لا حب انهم يتكلموا و لا حب كلامها بس عاد مستحيل يحرجها قدام حد لكن هي لاحظت ان معصب و هو تعمد ما يقرب اكثر بسبب وجود حنين
حنين اللي فعلا كانت ميتة خوف لانها فكرت ان شخص غريب او ربما تفكر في امر ما : تعالى ماما نمشوا الحوش
و هربت عفراء من نظرات السايح اللي خلوها تستدرك انها فعلا غلطانة في طريقة كلامها مع فاتح : انت مش طبيعية خلي نمشي معاك
بصوت واطي و ايديها فيهم رعشة مش طبيعية و عفراء مستغربة هل هذا كله بسبب خلعة: ما تضيعي الفرصة هذه انت تبي تتكلمي معاه و اهو جاتك فرصة
شدت في ايد ولدها و مشت
و فاتح يبي يعرف : تي قولي خيرها هذه
عفراء : خلعتها خيرها
بدي السايح يكح
و فاتح خذاها من قصيرها و مشي
و اقترب السايح منها : السلام عليكم
: و عليكم السلام
مستمر يشوف الخيل : ما كنت نعرف انك هنا
عفراء. : و لا انا كنت متوقعة ان حظي حلو و نشوفك ثاني جيت صدفة نشوف الخيل
شبحلها ع جنب : و فاتح
