تغيب كثيرا و تسكن بعيدا
و لكن هل اعتاد قلبي غيابك
هل صار هناك مكانا شاغرا
لاستقبال غيرك !!
كلهم يظنون ذلك
اعذرهم فهم لا يعرفون شيئا
فقلبي يا احبتي مقفل و مفتاحه
اتدرون اين ؟
ساخبركم مفتاح قلبي معه
فكيف سيفتح الباب لغيره
و كيف سيهنأ معي غيره
انا له و به الى ان يعيده الي
او اكسر ذلك الباب و اصنع غيره
فيدخل غيره ...
(كلماتي )
______________________________
ما اشبه اليوم بالامس
كل زياراتهم السابقة للرابطة شبيهة جدا بهذه الزيارة
تحضيرات ... و حماس و فرح
الا انها تفتقد وجوده معها ...
ركبت السيارة : خلاص نتوكل يا عمي
صفية : يا ودي انا مش مقتنعة انك تسوقي بينا للرابطة و رد بالك يا صالح تعطيها المفتاح غادي ممنوع تسوق راهو
عدلت المرايا : نحس فيك انت مرات مرة بوي راهو
ضحك صالح : ولعي وفكي المارشة و ما تدوريها بكل
صالحة كانت حاسة بنوع من الخوف: و الله يا خوي حتى انا خايفة راهو
و كلا عتيقة : وحدة مخفوقة بتقلبها بينا
صفية شدت ابوبكر ناحيتها : بعيد السو علينا يا عمتي ... اسمع تعالى انت يا ابوبكر اصلا ما يدور فيا حد غيرك
هي كلمة عادية تقصد بيها ولدها
بس صالح ضايقاته و كعادته ما تكلم : بسم الله
ابوبكر يصفق : هيا فافي انطلقي
ضحكت : هيا نغني انا وياك المرة هذه
بدي يصفق و يغني : شجع و قول التيحا
و هي تضحك
صالح : عيب راهو احترموني عارفين اني مش من جماعتكم
عفراء : اي هذا توا تشوفه نحس فيه ح يبيعني يا عمي صالح يقول معاي ع التيحا و بعدين نلقاه يغني في اغاني الاهلي مع اولاد الشارع عاد شارعنا كله من جماعتكم
و ابوبكر : لالا انا زيك انت
عفراء : لا رد بالك تشجع فريق انت ما تحبه بس ع شاني هكي غلط هو صح انت نبيك زيي لكن بقناعتك يا غالي
مش فاهم منها : باهي
صالح كان فاهم مغزى كلامها و عجباته كيف بادية تتغير " البنت بدت تفهم و تعقل الحمدلله "
