(اسفة جدا ع التأخير هذا وين كملت مراجعة الحلقة )
أيقنت أنك جنتي
على الأرض
وأن الحياة بدونك
موت
فأنت تاريخ ميلادي
أنت بوصلتي
عندما تتوه روحي
في صحراء الشوق
أنت قصيدة العاشقين
حين يلقيها شاعر
أثمله الهوى
بل أنت الهوى
وكل من أهوى
#عفراء💞💞
(Úm Àlgood)
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
نزلت للجيم و بدت تتمرن في محاولة للخروج من حالة الصدمة و التشتت و هي تسال في نفسها علاش ما حد رد عليها يعني هل من المعقول في شي ثاني ماقالوه...
و تتفكر الكلمة لان المهدي نقلها زي ما قالها السايح سرحتها
و قررت لاخر مرة تحاول معاه لعل و عسى يرد و اتصلت و هالمرة رد و ما سمعت غير صوت انفاسه كان عاجز ع الرد
و تقول : سرحتني ... كيف هنت عليك يا سايحي و جرحتني ..
رده كان : قلبي ذبحته ... و بفعلتي عارف اني من الفرح حرمته .. لكن ما هو بجودتي يا غالية
تتكلم و صوتها فيه بحة : جرحوك
السايح يتذكر في الكلام اللي قالوه خواته : قولي ذبحوني
عفراء دموعها نزلوا : هانوك
عيونه ع باب الحجرة اللي فيها امه : ايه بالله قولي قهروني
عفراء حست ان الامل يتقلص : زعم خلاص
بس احيى الامل في قلبها وقت قال : لين نموت و خلاصي منك وهم حتى و كان ما طلتك
تبي منه طريقة محددة : قولي كيف ندير
اتكى براسه للخلف ع الحيط : العلم عند الله و انا طالبك منه
ضغطت بايدها ع مقبض الدراجة اللي تدرب عليها : زعم يصير
و رغم كل شي عنده الامل موجود : يصير ربي فوق الظالمين
تذكرت وعده ليها : ماهو قلتلك تصبر وانت وعدت
تذكر الكلام اللي سمعه : و هاني صابر لكن هذه امي و قهروها و رجولتي و كرامتي اللي هانوها
وجعها و هي الادرى بمكانة امه عنده : امك امي و ما نرضى فيها و كرامتك كرامتي و ما تهون عليا تنهان حتى ع شاني و نقولك انك سيد الرجالة و ما عمري شفت منك الا الحاجة اللي تشرف
السايح شاف الدكتور طلع : خليني توا مش فاضي
سكر الخط
و لانها مش عارفة باللي صار لحواء تحساب ان تهرب منها عذراته رغم كل شي لانها ما تبي هالقصة بينهم تنتهي
