( نعتذر بشدة عن التأخير ... )
🌸🌸🌸🌸🌸🌸🌸🌸🌸🌸🌸🌸🌸🌸🌸🌸
دفن المشاعر حية امر صعب للغاية .... لانك لا تعلم متى تنبعث للحياة من جديد !!!
و لكن عند دفنها ميتة يوما بعد يوم توقن انها نهاية و ان كانت مرة فهي النهاية التي لا عودة بعدها !!
_________________________________
يوم كان مختلف تماما
تجهيزات منذ الصباح الباكر
هو سمع الدوشة استغرب طلع من المربوعة و شاف قدامه خميس واقف ع اخته : صباح الخير شني في من الصبح دوشة و زحمة
سكتت حواء
و خميس : حمدالله ع السلامة ما تندري عليها من وين زارقة تقول ماهو عرس بنتك بعد يومين عندك الحق لاهي بعمرك
تحشم و سكت معش قدر يسال
ع جية ياسين : وتينا كل شي خلاص السايح وين ؟
حواء : خذي حاجته كلها و مشي لحوش خاله بيلبس غادي
ياسين اشر لاسماعيل : صباح الخير يا عمي
: صباح النور
خميس : ليش تدور فيه؟
بدي يشرح و اسماعيل يبي يفهم : ماهو قال بيجوه ضيوف من طرابلس برانية و يبي من يلاقيهم و راهو يا عمتي جايين معاهم العيلة
حواء : اي اي قالي مرحبتين بيهم
كانت نظرة اسماعيل استهزاء يعني من اللي ممكن يجي لولده : طباخين معاه
و عاد خميس كبده عليه دم: و خيرهم الطباخين خير من هلبة ناس لا تحلل و لا تحرم ترا يا ولدي يا ياسين حسه راسي وجعني خليني نمشي ناخد طاسة شاهي عند حسين
فهم عليه ياسين ان مش طايق اسماعيل و اكيد الاخير الرسالة وصلاته انسحب و رجع للمربوعة
بعد ذهاب ياسين ع شان يشوف السايح
خميس بنظرة ثاقبة : و الله يا بنت بوي ماني عاطيك عذر و لو شوية ع قعادك معاه بعد عملته
هي كانت منحرجة هلبة و تبي تغير الموضوع : الناس اللي بيجو نبيك انت تلاقيهم كان مش جاي هنا لاقيهم عند حسين و الا عندك في الحوش
خميس و هو طالع: هو مكان واحد يوتوا فيه الشباب جنب الملهاد خيمة كبيرة تلمهم كلهم ... (بعدين تفكر و رجع ) قولي توا خيرا السايح زي اللي واخذ ع خاطره في موضوع بنت ابوبكر
تغيروا ملامح وجهها : معش تجيبلي سيرتها الله لا تربحها
فنص فيها : حواء شني الكلام هذا
عيونها دمعوا وبدت تحكي: من حرقة قلبي يا خوي ع ولدي انا عارفة ولدي يبيها و الشيء هذا واضح في عيونه خطبتها و وافقت قلت نمشي نفرحه لكن بعدها كسرت قلبه سمعها تكلم في خواته قالت نحسابه خوه اشرف اللي خطبني مش هو وليدي مازال غير البكي ما بكاش انكسر خاطره يا ناري
