මේ අවුරුද්දේ වෙච්ච හොදම දේ දන්නවද? හ්ම්... අප්පච්චි ගෙදර ආවා. අයියයි මායි පුදුම උනත් ගොඩක් සතුටු උනා. මොකද එයා කාලෙකින් අවුරුද්දට ගෙදර ඉන්නෙ. කිරිඅම්මත් රසම රස කැවිලි ගොඩක් හැදුවා අයියගෙයි මගෙයි උදව් එක්ක අප්පච්චි ඉන්න නිසාම. කාලෙකින් තිබ්බෙ නැති සතුටක් අපෙ ගෙදර මේ දවස් ටිකේ තියෙනවා.
ඉස්කෝලෙ නිවාඩු දුන්න දවසේ ඒ කියන්නෙ අවුරුදු දවසේ මන් ගෙදර ගිහින් නිදාගෙන හයත් පහුවෙලා ඇහෙරෙද්දි අප්පච්චි ඉන්නවා අයියා එක්ක සෝෆා එකට වෙලා වාඩිවෙලා. මන් පොඩ්ඩක් පුදුම උනත් අප්පච්චි මට හිනා උන ගමන් මන් පැනගෙන අප්පච්චිගෙයි අයියගෙයි මැද්දට පැන්නා. කිරිඅම්මාත් හිනාවෙලා අපි දිහා බලන් හිටියේ කාලෙකින් අපි සතුටින් හිනාවෙලා එකට ඉන්න නිසාමද කොහෙද.
වෙන අවුරුදු වල මායි අයියයි විතරක් අවුරුදු ශොපින් යද්දි අප්පච්චිත් අපිත් එක්ක ආවා. අයියයි මායි අවුරුදු පහේ පොඩි උන් දෙන්නෙක් වගේ හිටියේ. ඉස්සර අම්මා එක්ක ඉන්න කාලෙ වගේ අපි හැමෝටම ඇදුම් ගත්තා අප්පච්චි අපිට නිලා කූරු එහෙම අරන් දෙද්දි. අපි තුන් දෙනා මුලු දවසක් ටවුන් එකේ එහෙට මෙහෙට ඇවිද්දා. පොඩි උන් වගේ අයිස් ක්‍රීම් කෑවා, හවස ජූස් ස්පොට් එකකින් අපි තුන් දෙනාගෙම ෆේවරිට් ඇවකාඩො ජූස් බිව්වා අයිස්ක්‍රීම් එක්ක.
අවුරුදු නැකැත් ටික කාලෙකින් අප්පච්චි අතින් සිද්ද උනා. නොනගතේට කිරිඅම්මා අප්පච්චි එක්ක අපි හතරදෙනාම පන්සල් ආවා. අප්පච්චි ටික වෙලාවක් බෝධිය දිහා බලන් ඉදලා අපිව දැක්කම හිනාවෙලා අපි ගාවට ආවා. කිරිඅම්මා එක්ක තුන් සුත්‍රේ කියලා අපි ලොකු හාමුදුරුවෝත් හම්බවෙලා ගෙදර ආවා.
අයියයි මායි නොනගතේට නොකා හිටියත් ආහාර අනුභවේ ලන්වෙන්න මේසේ ලෑස්තිකරද්දි මොනා මොනා හරි කටට දාගන්නවා පටන් ගත්ත වෙලේ ඉදන් නොකා ඉදලා. ඒවා ඉතින් පොඩි කාලෙ ඉදන් පුරුදු වෙච්ච ඒවා. අම්මි නම් ටොකුත් ඇනලා තියෙනවා ඉවසන්න බෑ කියලා තව පොඩි වෙලාවක්. අපි හතර දෙනාම එකම මේසේ වාඩිවෙලා එකට කෑවා කාලෙකින්. ඉතින් මේක නෙවේද මන් හොයන සතුට.
YOU ARE READING
කණාමැදිරි එළි
Romance" වැස්ස හැමවෙලේම ආවෙ එයාට අයිති වගේම එයා කැමති තැනට." - තෙනූශ මින්දිනු සමරදිවාකර- " මන් හැමවෙලේම ඉන්නෙ මන් අයිති තැන වගේම මන් කැමති තැන." - යෙතුනි සිදස්නා ආරියවංශ-
