මට දැනුනේ මග ඇග උඩින් මොකක් හරි වැටිලා තියෙනවා වගේ. මන් හිමින් ඇස් ඇරියේ ටිකක් එහාට වෙන ගමන්මයි. ඒත් යන්න උනේ පොඩ්ඩයි. මොකක හරි වැදුනා. කොහෙද අප්පා මන් ඉන්නෙ. මන් හිමින් පිටිපස්සට වෙලා නැගිට්ටෙ මගේ වටේ හොදට බලන ගමන්.
හරිනෙ ඊයේ රෑ අපි කෙල්ලො ටික නිදාගත්තෙ එකටනේ. ගෙදර ආපු ගමන් කට්ටිය ඔක්කොම මෙහෙම නතරවෙනවා කිව්ව නිසා අපි කෙල්ලො ටික මන් ඉන්න ගෙදරයි කොල්ලො ටික නිලක්ශගෙ ගෙදරයි නතර උනා. පොඩි අයියටයි තියූ අක්කටයි මෙහෙ ගෙවල් තිබ්බත් එයාලට යන්න බෑ කියලා නතර උනා. ඒ නිසා මගෙයි සේමින්දි නන්ගිගෙයි මෙට්ට දෙක සාලෙට දාලා අපි නිදාගත්තෙ. මගෙ දෙපැත්තෙ නෙතුයි මිහියි ඉද්දි තියූ අක්කා නෙතූගෙ එහාපැත්තෙ සේමින්දි මිහීගෙ එහාපැත්තෙ. ආයෙ කොහෙ කියලා එහාට වෙන්නද.
ඊයෙ නිදාගන්න ආවට මට නම් නින්ද ගියේ කීයටද කියන්න මන් දන්නෙත් නෑ. කතා කරන්න ගොඩක් දේවල් තිබ්බට ඒවා වචන කරගන්න බැරුව හිටියේ. මට තාමත් නිකන් එයා මාව කිස් කරපු විදිහ දැනෙනවා දැනෙනවා වගේ. මන් නෙතූවත් බදාගෙන නිදාගත්තේ එයත් මන් වගේම අමුතු ලෝකෙක හිරවෙලා ඉන්නවා කියලා මට තේරෙද්දි. ගෙදර එද්දිත් තියූ අක්කා එක්ක අපි ගෑනු ළමයි ටික එකට එද්දි එක එක ප්‍රශ්න ඇහුවත් මන් නම් හිටියේ ඒ එකකටවත් උත්තර දෙන මානසිකත්වෙක නෙවේ. මන් මග දිගටම ගොලු බෙහෙත් බීලා ආවෙ මට පිස්සුද කියලා මටම සැකයක් එද්දි.
මගෙ ඇග උඩින් තිබ්බ මිහීගෙ අත අයින් කරලා මන් කුසියට ඇවිත් මූණත් පොඩ්ඩක් හෝදලා හීටර් එක ගැහුවේ වෙලාව නවයට ලන් වෙලා තියෙද්දි. මන් අර අයට නිදාගන්න දීලා නිලක්ශගෙ ගෙදර දොරට ගැහුවේ නැගිටලා නම් තේ බොන්න එන්න කියන්න.
" අහ්... ලොකු අයියා..."
" ආ.....හ්... ගුඩ් මෝනින් සුදු දෝණි..."
" ගුඩ් මෝනින්. නිදිද කට්ටිය තාම."
" හ්ම්.... ඔව්."
ලොකු අයියා ඈනුමකුත් ඇරලා මට දොර ඇරලා පෙන්නුවෙ මට ඒක දැක්ක ගමන් හිනා යද්දි. ඌරු කොටුවක් වගේ අප්පා. පොඩි අයියා සෝෆා එකෙන් බිමට කකුලක් දාන් ඒකේ නිදන් ඉද්දි සුදු අයියයි සොනාල් අයියයි ගැරඩි වගේ බදාගෙන බිම නිදි. පොඩි මල්ලි චනා එක්ක මෙට්ටයක් උඩ කකුල් හතර අතේ දාන් ඉද්දි නිලක්ශයි මෙනුවයි මෙට්ටෙන් පහළ ගුලි වෙලා. මේඝ අයියා සිහින අයියා එක්ක මේසේ යට නිදියන් ඉද්දි දිනාල් අයියා තෙනූශ අයියගෙ ශීට් එකත් පොරවන් සෝෆා එක ගාවම බිම. තෙනූශ අයියා එක අතක් ඔලුව උඩින් දාන් සන්සුන් ඉරියව්වෙන් නිදි අනිත් අත් දිනාල් අයියගෙ ඇග හරහා වැටිලා තියෙද්දි. ඇදුම් කොහෙන්ද දන්නෙ නෑ කට්ටිය හොයාගත්තෙ. මන් ෆෝන් එක අතේ තිබ්බ වෙලාවෙ ඔක්කොම අහුවෙන්න ෆොටෝ එකක් ගහගත්තා.
YOU ARE READING
කණාමැදිරි එළි
Romance" වැස්ස හැමවෙලේම ආවෙ එයාට අයිති වගේම එයා කැමති තැනට." - තෙනූශ මින්දිනු සමරදිවාකර- " මන් හැමවෙලේම ඉන්නෙ මන් අයිති තැන වගේම මන් කැමති තැන." - යෙතුනි සිදස්නා ආරියවංශ-
