අපේ නත්තල් බබාට විසි එකක් අද. උටත් මතක නැති උපන්දිනයක් ඒක. ගෙදර මිනිස්සු කතා කරනවා උගෙ ෆෝන් ඕෆ්. මන් අද උදේ දොරට ගහලා විශ් කරද්දි තමා ඒ යකාට ඒක මතක් උනේ. නිලක්ශත් වැනි වැනි ඇවිත් ඒක අහලා කෙළින් උනේ උටත් තමන් එක්ක ඉන්න එකාගෙ උපන්දිනේ අමතක වෙලා තියෙද්දි. අද මිහියි නෙතුයි මෙනුවයි එනවා කිව්වා දිනාල් අයියා එක්ක. සිහින අයියා නම් ඉතින් හඳටත් උඩින් ඉන්නෙ. ඇයි ඉතින් කාලෙකින් එයාගෙ ශානු එනවනේ. දිනාල් අයියත් එච්චර තමා එයාගෙ සසීව එක්කන් යන්න යනවා කිව්වෙ.
දිනාල් අයියා ටික කාලෙකට කළින් මිහීගෙ අම්මටයි තාත්තටයි එයාලගෙ අෆෙයා එක ගැන කිව්වා. සොනාල් අයියා එක්ක දිනාල් අයියලගෙ තාත්තලටත් කියලා තිබුන නිසා ඒ දෙන්නා නම් දැන් ඉන්නෙ නිකන් බැදලා වගේ තමා. පවුල් දෙකෙන්ම ප්‍රශ්නයක් ආවෙ නැත්තෙ ඉස්කෝලෙ කාලෙ ඉදන් ආදරේ කරත් දෙන්නම හොදට ඉගෙන ගෙන හොද තැන් වලට යන්න පුලුවන් අය නිසා. පවුල් වලින් අකමැති වෙන්න කියලා හේතුත් නෑනෙ ඒ දෙන්නට. දෙගෙල්ලොම හොද පවුල් දෙකක්.
මෙනුවත් අඩුම සදෙව් අන්කල්ටවත් එයාලා ගැන කියන්න ඕනි කිය කිය හිටියත් තාම කිව්වෙ නෑ. මන් නම් හිතන්නෙ කියන්න දෙයකුත් නැතිවෙයි. සදෙව් අන්කල්ගෙ රේඩාර් එකට ඕක දැනටමත් අහුවෙලා ඇත්තෙ.
නත්තල් නිවාඩු නිසා අපි හැමෝටම එකට ඉන්න පුලුවන් අද. මෙනුවට ගෙදර නම් යන්න වෙන්නෙ නෑ හැබැයි. සෙකන්ඩ් ඉයර් එකේ ෆයිනල් එක ලියලා පිස්සු හැදිලා තියෙන වෙලාවක කට්ටියත් එක්ක ඉන්න හම්බෙන එකත් හොදයි. ලේසි නෑ අප්පා මේ වැඩ. ජූනියස්ලා ටිකත් බලාගන්න උනානෙ ඉතින් අපි දෙවන වසර විශ්ව විද්‍යාල ශිශ්‍යයෝ උනාම. කැම්පස් එක ඇතුලේ එක එක ඉවෙන්ට්ස් එක්සෑම් අනන් මනන් සෙට් උනාම ඉතින් ඉස්කෝලෙ වැඩ වලට හපන්. හැබැයි ඒ ඔක්කොම හරි සතුටින් ආතල් එකේ කරන්න පුලුවන් උනා. අපි පොඩි උන්ට බනිනවා අපි ලොකු උන්ගෙන් බැනුම් අහනවා. චනා නම් අඩියක් විතර උඩිනුත් ගියා ජූනියර් බැජ් ආපු කාලෙ. මෙඩිසින් අවුරුදු දෙකක් ඉවර උනා ලගදි තිබ්බ ෆයිනල් එකත් එක්ක.
මේ අස්සෙ වෙච්ච දේවල් ගොඩයි. හොදම දේ තමා ලොකු අයියයි තියූ අක්කයි එන්ගේජ් උනා. දැන්ම බදින්න අදහසක් නම් නෑ දෙන්නගෙ ඒ උනාට පවුල් දෙකෙන් එන්ගේජ්මන්ට් එක ගත්තා. පොඩි අයියා නම් අනේ මන්දා ඒක මට තේරෙන්නෙත් නෑ. සදා තනිකඩද මන්දා. ඊට පස්සෙ පොඩි මල්ලි පේරා මෙඩිසින් ගියා. මෙනුවට බැන බැන හිටියා මුල් කාලෙ. ඇයි එයාලනෙ පොඩි මල්ලිලගෙ ජ්‍යේශ්ඨ උත්තමයෝ වෙන්නෙ. ඊටත් පස්සෙ දෝණි නන්ගි ඒලෙවල් කරන්න ගත්තා ආට් වලින් ඕලෙවල් ඒ නවයක් දාලා. එයා කොහොමත් චිත්‍ර අදින්න දක්ශයිනේ. අයියට නුවර හොටෙල් එක බලාගන්න දුන්නා ඒකේ වැඩිම ශෙයාස් තියෙන්නෙ අප්පච්චිගෙ නමට නිසා. දැන් ඉතින් ලොකු අයියයි පොඩි අයියයි අයියයි තුන් දෙනාම එකට වගේ තමා ඉන්නෙ හැමවෙලේම. අයියත් මට නෑනා පොඩ්ඩක් දැන්ම ගේන්නෙ නෑ වගේ අනේ. හැබැයි මක්කදෝ වෙනවා කියලා මට හිතෙනවා බලමුකෝ ඒක.
YOU ARE READING
කණාමැදිරි එළි
عاطفية" වැස්ස හැමවෙලේම ආවෙ එයාට අයිති වගේම එයා කැමති තැනට." - තෙනූශ මින්දිනු සමරදිවාකර- " මන් හැමවෙලේම ඉන්නෙ මන් අයිති තැන වගේම මන් කැමති තැන." - යෙතුනි සිදස්නා ආරියවංශ-
