ඒ සීතල අත් දෙක අදුනගන්න මට පිටිපස්ස හැරෙන්නවත් කව්ද කියලා අහන්නවත් ඕනි නෑ. මගෙ බඩ උඩින් නතර උන අත් දෙක උඩින් මන් අත් දෙක තියාගත්තෙ එයා නිකට මගෙ උරහිස උඩින් තියාගද්දි. දැන් නම් සීතලත් අඩුයි වගේ.
" මොනාද යෙතුනි මේ සීතලේ කරන්නෙ?"
" පොඩ්ඩක් එළියට ආවා ඉතින්."
" මේ සීතලේ...?"
" මේ වෙලාවට තමා මෙතනට පේන හොදම වීව් එක පෙන්නෙ. දැක්කද?"
" හ්ම්... තරු කැට වගේ."
" ම්ම්. තව රෑ උනොත් මීදුමට ඕවා වැහිලා යනවා. ආයෙ පේන්නෙ නෑ හෙට උදේ නවය දහය වෙනකන්. ලයිට් එළි ටික බලන්න හොදම වෙලාව මේ."
අයියා මාව තව තදින් බදාගන්න ගමන් හිමින් හිමින් මගෙ කන ගාව කිස් කරනවා. මට එතකොට හිනා යනවා අනේ. මට ලාවට කිචි.
හිමින් හිමින් මීදුම ලයිට් එළි ටික හොරකන් කරන් යද්දි වටේම තව අදුරු උනා.
" යමුද තේ බොන්න. අර අයටත් කියාගෙන යමු. සීතලයි."
" හ්ම්. එන්න."
අයියා මගෙ අතත් අල්ලන් එයාලා හිටිය ගේ පැත්තට ඇවිදන් ගියා. දොර ඇරපු ගමන් මන් දොරකඩ ගාව නතර උනේ ඇතුළින් ඇහුන මහා ඝෝශාව නිසා.
" චන්ද්‍රපාල හු...ත උඩින් ප...ය තියා ඇතුල් ක..."
චනාගෙ කටහඩින් මහ හයියෙන් ඇහෙද්දි මට මහ හයියෙන් හිනාගියේ තෙනූශ අයියා මන් දිහා ස්මයිල් ඉන් පේන් හිනාවෙද්දි. මන් හිනා උන සද්දෙටද කොහෙද චනා ඒක නවත්තලා දොර දිහා බැලුවා.
" අඩෝ යෙතුවො... මොනාද බන් ලප් තැනම ලොප්නේ ඉතින්."
චනා නැගලා හිටිය සෝෆා එකෙන් බිමට බැහලා අතේ තිබ්බ වීදුරුව බිමින් තිබ්බා. අයියලා ටික වාඩිවෙලා සම වැදිලා වගේ බලන් හිටිය එක මන් කැඩුවනේ ඉතින්. කොන්සර්ට් එකක් දාලද මෙතන.
" අහ් හරි. තේ බොන්න එන්න. චන්ද්‍රපාල හු...තව දාලා ආවට කමක් නෑ උබට සේමිගෙන් අමු කුණුහරුපෙන් අහගන්න ඕනි නැත්තන්."
මන් ආයෙ මුකුත් නොකියා හිනා වෙලා හැරිලා ආවෙ තෙනූශ අයියා අර සෙට් එක එක්ක එන වෙලාවක එයිනේ කියලා හිතලා.
YOU ARE READING
කණාමැදිරි එළි
Romance" වැස්ස හැමවෙලේම ආවෙ එයාට අයිති වගේම එයා කැමති තැනට." - තෙනූශ මින්දිනු සමරදිවාකර- " මන් හැමවෙලේම ඉන්නෙ මන් අයිති තැන වගේම මන් කැමති තැන." - යෙතුනි සිදස්නා ආරියවංශ-
