နာမည်ကြီးဝတ္ထုထဲကိုကူးပြောင်းပြီးနောက်ဇာတ်ကောင်တွေလွဲကုန်ပြီ

chapter 86

Heartthrob - 86

အိပ်တာကတော့ အိပ်ရမည်ဖြစ်သည်။ သို့သော် နောက်ရက်အနည်းငယ်ကြာမှ ထပ်သွားအိပ်ရမည်။

ဖန်းချောင်ကျိုး ရွှယ်သန်းရုံအား ပေးခဲ့သည်မှာ အဆိပ်မဟုတ်ဘဲ သကြားခဲသာဖြစ်၏။ ထိုအချိန်က သူ့ဆီမှာဘာမှမရှိသဖြင့် သူ တစ်ဖက်လူကို ခြောက်လှန့်ရန် သကြားခဲကိုသာ သုံးခဲ့ရသည်။ တစ်ဖက်လူ ကြောက်အောင်ခြောက်လိုက်သလား မသေချာဘဲ တစ်ဖက်လူက မည်သို့လှုပ်ရှားမည်ကိုလည်း မသိသဖြင့် ဖန်းချောင်ကျိုး သည်ရက်အနည်းငယ်အတွင်း အတော်လေးနိုးနိုးကြားကြားရှိနေလေသည်။

ထိုကြားထဲတွင် သူ အမျိုးသားအပြင်တပည့်ကြီးကြပ်ရေးမှူး ရှန့်ယွမ်ထံ နေ့တစ်ဝက်ခွင့်တောင်းကာ တောင်အောက်ဆင်း၍ ရေဓာတ်မှော်လက်နက်များ ဝယ်ယူခဲ့သည်။

ယခင်က သူ သိုလှောင်စုဆောင်းထားခဲ့သည့် ရေဓာတ်မှော်လက်နက်များက မလုံလောက်ချေ။ သူ နောက်ထပ် ပမာဏအများကြီး ထပ်ဝယ်ရုံသာတတ်နိုင်လေသည်။ ရှန့်ယွမ်က ပြောလို့ဆိုလိုကောင်းသည်ဟု သတ်မှတ်လို့ရသည်။ သူက ဖန်းချောင်ကျိုးအား ဘယ်သွားမည်၊ ဘာလုပ်မည်၊ ဘယ်လောက်ကြာမည်ကို မေးပြီးနောက် ဖန်းချောင်ကျိုးအား တောင်အောက်ဆင်းခွင့်ပြုသည့်တံဆိပ်ပြား ပေးလိုက်လေသည်။
ထျန်းရွှေဂိုဏ်းတောင်အောက်ရှိ မြို့လေးက သိပ်မကြီးသော်လည်း ထျန်းရွှေဂိုဏ်းနှင့် နီးကပ်နေသောကြောင့် သာမန်မြို့များထက်ပို၍ စည်ကားသည်။ လမ်းအတော်များများမှာ ဈေးဆိုင်များဖြင့် ပြည့်နေကြလျက် ခြေသလုံးအိမ်တိုင်ကျင့်ကြံသူများလည်း အတော်လေးများပြားသည်။
ဖန်းချောင်ကျိုးက မှော်လက်နက်ဆိုင်တွင် ရေဓာတ်မှော်လက်နက်ရတနာ အများအပြားဝယ်ယူခဲ့၏။ ဤအတောအတွင်း သူစုပ်ယူခဲ့သော ရေဓာတ်မှော်လက်နက်များက အတော်များသည်။ အဆင့်နိမ့်ရေဓာတ်မှော်လက်နက်များကပင် ဈေးကြီးသည်ဖြစ်၍ သူ ပိုက်ဆံရှာဖို့လိုလာ၏။
ဒါပေမယ့် ဘယ်လိုပိုက်ဆံရှာရမှာလဲ။ သူ မှော်လက်နက်များ မမွမ်းမံတတ်သလို ဆေးလုံးများလည်း မမွမ်းမံတတ်ချေ။
ဖန်းချောင်ကျိုး လမ်းပေါ်တွင်ရပ်ရင်း ထိုကိစ္စအကြောင်းစိတ်ပူနေကာ ပိုက်ဆံရှာဖို့ အခွင့်အရေးတစ်ခုခု ရှာဖို့ကြိုးစားနေစဉ် သူ စာအုပ်ဆိုင်အပြင်ဘက်ရှိ အကြောင်းကြားစာတစ်ခုကို တွေ့လိုက်ရသည်။ ၎င်းပေါ်ရေးထားသည်မှာ-
ရေဘဝဲလူကြီးမင်းရဲ့ နောက်ဆုံးထွက်လက်ရာအသစ် "ဗိုက်ကြီးသွားသော လွတ်လပ်ပေါ့ပါးစွာနေတတ်သည့်သခင်လေး" အသစ်ထွက်ပြီ!
ကြက်မြင်းသည် ဖန်းချောင်ကျိုးက နေရာတစ်နေရာသို့ စိုက်ကြည့်နေသည်ကို မြင်သောအခါ ၎င်းလည်းလှမ်းကြည့်လိုက်၏။