للقدر والنصيب كلمة اخرى

2

#للنصيب_والقدر_كلمة_اخرى

ح2
سكرت وندمت اني قلت لا لكن في حاجة مخليتني مرتاحة وتوضيت وصليت وحاولت نرقد لكن هيهات قعدت نتقلب على فراشي تقول نتقلب على شواية وفي وذاني نسمع غير في ضحكته وبس نين جاء موعد مشيتي للجامعة
خطمت عليا هبة زي العادة
هبة ..صباح الخير
انا ...صباح الورد
هبة ... كنك ياعبير شكلك مش تمام تقول مش راقدة
انا ... ايه ماقدرتش نرقد
هبة ... ان شاءالله خير
انا ... مافي شئ سهرت نتفرج على اعادة المباراة وفات موعد نومي معاش قدرت نرقد واستغربت من روحي اني ماحكيتش اللي صار معاي ليها رغم اني عمرنا ما دسينا حاجة على بعض
مشينا للجامعة وتلقينا مع الشلة وطبعا قعدو نازالين فيا لان الفريق اللي نشجع فيه خسر لكن استغربو من ردة فعلي اني عادي ومش منفعلة اندافع زي العادة لما يخسرو وانا في خاطري بندافع بشنو وانا اصلا ماشفتش المباراة كويس
احمد ... نوارة  جوك مش تمام بكل كنك شنو صاير معاك
انا ... شئ خيركم اليوم مركزين معاي راهو مش راقدة بس
هيا المحاضرة بدت خلينا نحضروها نستفيدو حاجة لاعمارنا
شبحولي نضرة استغراب لكن ماتكلموش
احمد
حسيت في نوارة ان عندها حاجة لكن قلت مانيش زار عليها خليها نين هي تحكي بروحها
خشينا للمحاظرة والدكتور يشرح في وادي وانا في وادي ثاني انا تايهة بين ندماني اني رديت من الاول وسمحت ليه المجال انه يحكي معاي وندماني اني ماقلتش ليه عادي احكي معاي
كملت المحاضرة وطلعنا وقلت ليهم بنروح انا معاش قادرة وحتى هبة قالت بنروح معاك مانيش مسيباتك بروحك وروحنا وهبة طول الطريق تقولي فيك شئ ومش انه مش راقدة بس لكن عادي خليك براحتك لما تلقي روحك تبي تحكي تو تحكي فقلت ليها ايوه خليني براحتي خير حبيبة لما نبي نحكي تو نحكي
هبة ... معناها ضني صح انه صايرة معاك حاجة وشكلها حاجة مش تمام نين مخلياتك هكي
انا ... بحتت فيها وابتسمت من غير نية
كيف بنقوللوها وانا مش عارفة انها حاجة كويسة او لا
وصلنا لحوشنا وهبة اتصلت باهلها قالت ليهم بتتغدى عندنا لان  اللي روح بينا بابا بدل فتحي خو هبة وتغذينا ورقدت انا وياها وبعد النوضة قعدنا نهدرزو في كل شئ وهبة معاش حاولت تسئلني على شنو صار معاي امبارح وروحت هبة وقعدت مكسدة وجت الساعة واحد وقعدت عيني على تيلفوني نستنى لكن ماصار شئ وقلبي يقولي رني انتي وعقلي يقولي ردي بالك تغيري مبداك غلطتي مرة معاش تكبري غلطك بالاتصال بيه
ورقدت وانا نفكر في الاتصال
وعدى يوم واثنين وثالث يوم وانا في الجامعة جاء سالم
قعدنا نهدرزو وانا نحاول نسئله بدون مااندير شبهة عليا
انا ... سالم قولي يوم ربحت الرهان كلمتني من رقم ريفي هذا بتاعكم
سالم ... لا مش من حوشنا كلمتك
احمد ... اي رقم نوارة 
انا ... رقم ريفي وارقامه مميزة
احمد ... رقم حوش جدي
طبعا قلت ليكم ان احمد وسالم  يقعدو ضنا الخالات
انا ... حوش جدك انت والله انت وسالم
سالم ... انا واحمد
عرفت انه حوش خوالهم لكن معاش قدرت نسئل اخرى وقلت خلاص معاش مدورة موضوع وعدى في حاله
سند..عبورة نبي منك خدمة
انا ... ادلل شنو
سند ..انتي عارفة ان عرس اختي الشهرين الجايات وطبعا كلكم معزومين نهاركم اللي هو كان واحد او وحدة ماتجيش
هبة وانا و اصالة وهنادي ...الا احلام مانقدرو نغيبو عليها ماتخافش من بداية الاسبوع تو نمشو غادي
انا ... شنو سند الخدمة اللي تبيها
سند ...نبي ناخذ هدية للاحلام لكن مش عارف شنو ومانبيش نجيب هدية تطلع مش مستحقتها
انا ... عطيها فلوس خير
سند...الفلوس عطيتها لانهن واجب نساعد وخيتي لكن الهدية بروحها محبة
انا والبنات والولاد درنا صوت بتاع ايوه ياحنون
سند..همدو احسن ليكم
انا ... احلام تستاهل حتى انت معزتك عندها  تختلف على خوتك كلهم وهي طيوبة ربي يهنيها
سند  ... ها شنو يصير
انا ... ولايهمك كيف قصدتني وانا نخذلك عيب ماتقولش هكي
تو نتصل بي احلام ونهدرز معاها ونقصقصها بيش نعرف شنو ناقصاها ونطلع انا وهبة نجيبوها ليها غير بحبح جيبك بس لانك عارفني اذا الحاجة مش رقم واحد واحسن حاجة ماناخذهاش
سند...حتى انا عارفك ومعبي جيبي ولايهمك
هشام ...بتعزمنا نحن بس ولابتعزم هلنا
سند...فيش تقول هشام معقولة عرس عندنا ونكلموكم انتو بس تي هما عندهم العلم بموعد الفرح قبلي حتى نا 
طبعا نحن علاقتنا قوية لان كنا من الابتدائي نقرو في نفس المدرسة ونفس الفصل وماتفارقناش الا لما وصلو للاعدادي انتقلو الاولاد لمدرسة ثانية
والاهل كانو جيران واللي مش جار لينا
تعرفو على بعض بسبب علاقتنا مع بعض
انا واحمد جيران باب في الباب كنا وبعدين اهل احمد بنو في قطعتهم وبعيدة على حينا لكن حوشهم قاعد وديمة يجوه ويعتبر احمد ولدنا و اتبان  العلاقة اللي بينا لقدام وهبة حتى هيا بعيدة عليا بحوشين بس وهشام في نفس الحي بتاعنا غير مشوار شوي علينا وعبدالله وهنادي اصلا هما ضنا عم وحوشهم مش بعيد على حوشنا في نفس الحي غير شارع ثاني مش زي سند و اصالة كل واحد فيهم في حي ثاني لكن بسبب معرفتنا لبعض اهليهم تعرفو على اهلينا وتمو صحبة وفي الصيف لازم انديرو زردة جماعية للعائلات كلهن للبحر وفي الربيع نمشو لمزرعة بات احمد
وطبعا استئذنت من ماما للمشية للسوق بعد ماعرفت احلام شنو اللي ناقصاها لان بابا كان مسافر ورفعنا احمد للسوق وهبة حتى هيا كلمت امها وطلعنا مع بعض قعدنا ندورو ولاني ديمة نحب الحاجة تكون احسن حاجة فمستحيل نلقى حاجتي بالساهل وفي الاخير لقيناها وغلفناها لانها كانت حاجة خاصة بيش ماينحرجش سند قدام اخته ونحن ماننحرجوش  قدام سند 
وروحنا للحوش من التعب كلينا حاجة وهبة روحت وانا اتكيت رقدت بعد ما اتفقت مع هبة بكرة نطلعو نجيبو اللي ناقصنا للعرس كان احمد فاضي
رقدت وانا راقدة حسيت بفوني يرن هزاز نضت فتحت عيوني ....