للقدر والنصيب كلمة اخرى

71

#للنصيب_والقدر_كلمة_اخرى

ح71
روحنا والعيلة كلها استقبلتنا احلى استقبال حتى نحن لينا شهر غايبين
هبة ..ماعاد اتعاودها
انا.. هههه وغمزت لاحمد  مانقدر نوعدك الحق
انوار .. عدو بس مش شهر عاد
احمد.. قالتها اللي غابت علينا شهر ونص
انوار .. عارفين وضعي كنهدا مانغيبه الشهر والنص
هنادي .. اهم حاجة روحتو طيبين رايفنا عليكم واجد
اصالة .. يا خذونا معاكم
احمد.. ولايهمكم المرة الجاية نتفقو مع الشباب ونمشو ليش لا
عبدالله .. وفي اخبار حلوة واجد
انا و احمد ..فرحونا
عبدالله .. انا واسامة بنبقو ابهات
احمد سلم عليهم وبارك لهم وانا فرحت ليهم ومشيت حضنت  خالدة واصالة
انوار .. و هبة وهنادي  بيتاهلو قريب ومع بعض
انا..احلى خبر
احمد.. الف مبارك
انا.. تقول سنة غبنا عليكم
وسيم .. وانتم طمنونا عليكم
انا مافهمتش قصد وسيم فرديت عليه
انا.. نحن بالف خير
احمد.. فهم على وسيم وقاله
احمد.. نحن مازال نش مفكرين تو فيهم انا و نوارتي اخر سنة جامعة ومانبو  شئ يشغلنا 
وشد احمد ايدي لاني من رد احمد فهمت قصد وسيم وطبعا روحو كلهم ونحن تعابنين من السفر وماصدقنا روحو حتى خشينا دوشنا ورقدنا وانوار ووسيم باتو في دار انوار
ونضنا وفطرنا كلنا مع بعض حتى بابا وماما جو فطرو معانا وطبعا فرحانين ان محمد اول سنة بيقرا وموسى بيخش الروضة
وبعدها بدن الاستعدادت لعرس هبة وهنادي قررو بيدروه مع بعض واقنعت هبة وليد انه يديره مشترك معاهم وفعلا اقتنع ونسقو الاهل وكل واحد كيف يقسمو الحاجات بينهم   والشباب قررو ان هديانا تكون فلوس سوى لفتحي او لهبة او هنادي وانا لما مشيت لفرنسا جبت لكل وحدة منهن شنطة ووشاح وعطر وحذاء وانوار جبت ليها دبش للبيبي  وبعدها ونحن ندورو من سوق لسوق وتلقيت مرة مع علياء في السوق ولقحت عليا لكن انا فتتها مادورتهاش وطبعا كملنا كل شئ وجاء العرس وهبة وهنادي طلبو ان فساتينا يكون لونهن عنابي وطبعا سماح انضمت لينا واحلام جابت بنوتة تهبل وخيطت ليها ولبنوتتها فساتين نفس اللون وانا لاني جبت معاي من فرنسا فساتين وكان من ضمنهن فستان باللون هذا ووفرت عليا معاناة البحث
وانوار  وخالدة  واصالة خيطن زي بعض باختلافات بسيطة  عشان حوامل ومع ان خاطري نكون حامل ونجيب بيبي من حبيب قلبي لكن احمد مسكر راسه نين نكمل السنة الاخيرة وكل التجهيزات والعرس يهبل جاي ودرنا يوم حنة هبة ويوم حنة هنادي وانا الوحيدة حنيت هندية على صوابعي بس بيش تحول بسرعة على خاطر الجامعة وسهرت معاهن وطولت السهرية وجاني احمد موخر بعد ماكملو التجهيزات الناقصة مع فتحي
انا..حبيبي كان خليتني نبات
احمد.. نوارتي مروح بيك الساعة اربعة الفجر عشان ترقدي في حضني هالساعات وتقولي كان خليتني نبات
انا.. خلاص ياقلبي
احمد.. اصلا حبيبي هما الاول الاول حيرقد وبعدين نحن في حوشنا الثاني وبكرة من صبح ربي تقدري تمشي اول ماتنوضي بسرعة توصليهن خطوتين الحوش
ووصلنا للحوش وفطن بينا بابا
بابا..صباح الخير والله تصبحو على خير
نحن.. وانت من اهل الخير هههه وصباح النور
بابا.. المفروض روحتو ابكر من هكي
احمد.. هذا هو ياعمي كيف كملنا اللي انديرو فيه
بابا.. هيا اركبو تحصلو تغفو شوية
وركبنا واول ماخشيت شدني احمد وطبني للسرير
انا.. حبيبي والله تعبانة
احمد.. حتى انا تعبان و وواجد اخرى وانتي ليك ثلاثة ايام ماكرتيني
انا.. والله ماني ماكرتك ياقلبي لكن مانبيش رقبتي تولي حالة وانا كنت ناوية بكرة بنعوضك عوض كبير والله
احمد.. جت على الليلة نصبر ياقلبي
انا..ربي يخليك ليا
احمد.. حبيبي نطلب طلب
انا.. انت تأمر امر
احمد.. بكرة ما اديريش مكياج ثقيل
انا.. حاضر بس عليش
احمد.. لان بكرة بنصوروا الصورة الجماعية والحق مانبيهمش يشوفوك بمكياج ثقيل
انا.. غريبة حمودي
احمد.. مش غريبة حبيبتي هما خوتي ومازالو خوتي بس لو عندي اخ من باتي وامي كنت حنقولك هكي
انا.. تغار
احمد.. موووووت كان نلقى نحطك بين ضلوعي ونسكر عليك مايشوفك حد
انا.. حاضر ياقلبي حتى كان ماتبينيش نمكيج بكل عادي ياقلبي
احمد.. هو انتي من مغير مكياج تهبلي لكن الفستان يبي مكياج
انا.. به خليني نغير دبشي
وغيرنا دبشنا ورقدنا طول من التعب وجاء ثاني يوم والاستعدادت والتقسيم كل شئ بينا سهل الامور وانا بعد تميت اللي عليا مشيت للكوافيرة عشان اندير وجهي ودرت مكياج هادي جدا رسمة بسيطة بدون ظلال وروج هادي لان الفستان لونه عنابي داكن وشعري دارته ليا تسريحة بسيطة وجاء احمد روح بيا انا وانوار عشان نلبسو في الحوش ولبست الفستان وطلعت على حمودي
انا.. حبيبي شنو رايك
احمد
التفت شفت ملاك قدامي الفستان كان ضابط عليها راسم  جسمها كله وقصير للركبة وكمه لعند المرفق ومسكر كله لكن قماشه كانت تلمع كلها زي المرشوشة فضي ولبست عليه كندرة فضية ودزدان فضي ولبست عليه طاقم الذهب الابيض بشكل فراشة اللي هديته ليها في يوم ميلادها وبروش في التسريحة بشكل فراشة ومع المكياج الخفيف طلعت واو ومعاش عرفت شنو نقول 
انا.. وين رحت
احمد.. سارح في الجماااااال سارح في هبات الله الجميلة عليا كان خطر عليا المكياج الخفيف يخليك هكي راه قلت ثقلي خير
انا..ههههه غيرت رايك
احمد.. لولا الفرح لهبة وهنادي ماخليتك تطلعي
انا.. حبيبي هنا ثلاث ساعات ونرجعلك
ولبسني كابي ونزلت لانوار حتى هيا طالعة تهبل ببطنها اللي دوبك طالعة
انا.. ايه الحلاوة ده  وحطيت ايدي على بطنها نجيها المكركبة
احمد.. خفي عليها
انوار ..شكلي شين صح
احمد.. تي هيا اللي زايداتك حلاوة
انا..لكن بانت بسرعة
انوار ..ايه شكلي حتى سمن لاني ناكل الايام هذي
احمد.. هيا وانتن فتحن هدرزة وساعد انوار في تسكير الكاب
احمد.. شكلي نشتغل نفتح ونسكر في الكابات
انوار..ضريبة لازم تدفعها
احمد..ههههههه
انا..دووووم ياقلبي بس شنو اللي ضحك
احمد.. هيا اركبو نقوللكن في السيارة
وركبنا في السيارة ومشينا شور الصالة
انوار ..هي قول عليش تضحك
احمد.. لما بنصورو  الصورة الجماعية كلكن حتلبسن  كابتكن وحتطلعن زي السكريات
انا..ههههه خزي عليك عليك تشبيه شبهته لينا
احمد.. ماهو كلكن تخيطن في نفس الكاب لما تتزوجن حتى سماح وخالدة خيطتن ليهن زيكن
انوار..صح والله كابتنا كلها نفس بعض حتى اللون كلنا خذيناه على الفضي
قعدنا نضحكو ووصلنا الصالة وجن العرايس ودرنا جو يهبل وطبعا في فرقتين في العرس فتحي ووليد كل واحد اصر انه يجيب الفرقة اللي تبيها مرته وقعدن الفرقتين يتنافسن ودارن جو يهبل
ومشى عرس مش عادي  وصورنا الصورة الجماعية والشباب طلعو متفقين انهم يلبسو قرافة او ببيونة بنفس لون لبستنا وكانت لقطة تهبل حتى العرسان وليد لابس ببيونة عنابية داكنة وفتحي قرافة عنابية هادية واحمد قرافة نفس درجة فستاني بالزبط  ووسيم وسند لبسو ببيونات وعبدالله قرافة  ونحن بنفس الكابات وبعدين كل واحد دار صورة هو ومرته بدون الكاب وطبعا عند التسقيدة درنا عزاء الحق لان هبة ووليد على طول بيوتو  دبشهم ومع الساعة 3بيكونو في المطار لان طيارتهم الخمسة الفجر مسافرين لتركيا وفتحي وهنادي الصبح طيارتهم  لمصر ماشيين وروحنا لحوشنا
احمد.. ها عند وعدك والله نسيتي وتعبانة
انا..مستحيل حتى انا مرايفة عليك راه
نغير دبشي بس
احمد ..حتى انا نغير ونوتي حبركشات السهرة
انا..بدلع تمام التمام وخشيت غيرت لبست روب صايع بكل وبخيت عطري وطلعت لاحمد
احمد.. لاهكي واجد واجد  راه
انا.. بحشم حبيبي
احمد.. محلاك وانتي تتحشمي بس امتى خذيتيه
انا.. من مول ***** في دبي  فيه محل للملابس النسائية  مايخشوشي الرجال كان تتفكر
احمد..ياروحي وخذيتي غيره والله هو بس
انا..بطل حبيبي تو تشوفهن بالشوي
احمد قرب مني واشتغل البوس في كل مكان الا فمي وبعدين جاء لفمي وخذاني ببوسة طووووووويلة وهو طابني لعند حطني على السرير ومازال يبوس وبعدها .......
احمد.. كان خطر عليا كل ماتمنعي عليا ثلاثة ايام ادلعيني هكي راه ديمة نصبر عليك
انا.. ونهون عليك تخليني مرايفة
احمد.. لاماتهوني ياقلبي ولا انا نقدر نصبر اصلا انا هذين صبرتهن عشان مانضايقكش
انا..ربي يخليك لي  عطشانة نحس في روحي
احمد..تو نجيب انا ونجيب اللي وتيتهن وانتي ولعي البلازما وشوفيلنا فيلم نتفرجو عليه
انا..بدلع حاضر
احمد..راه خيرلك
انا.هههه .خلاص حبيبي
ومشن ايامي احلى من العسل وبدت الدراسة وجاء اول يوم بنعدي وكانت عندي رهبة مافهمتش شنو هيا كنت خايفة ايه خايفة خايفة حد يلقح عليا خايفة احمد يدير عركة خايفة نسمع كلمة تقهرني لاني في الاخير وقدام الناس تزوجت  ولد خالة طليقي 
احمد
حسيت بتوترها لكن ماعرفتش السبب ومابيتش نسئلها قلت خليها تحكي
انا
لبست سروال جينز لونه سماوي وعليه سورية بيضاء قصيرة لنهاية المؤخرة وعليها بشت لونه ازرق داكن عليه شناشيب من الكمام ومن الاطراف مفتوح زي الجاكة ولبست سبيدرو ابيض وشنطة بيضاء وشعري لميته على بعضه وماحطيت شئ على وجهي الا واقي شمس بس ولبست دبلتي  الذهب ابيض ومعاها ساعة فضة بس 
احمد.. ايه حبيبي والله حلوة اللبسة وفعلا البشت عطاك شخصية المدام
انا.. وحتى انت حلو طالع يا راجلي الغالي ولبستك قريبة للبستي طبعا لابس سروال جينز سماوي وقميص ابيض وسبيدرو ابيض وشعره اللي مدرج ومنفوخ يهبل وعطره اللي يدوخ
احمد.. صح لبستنا قريبة واجد في الالوان واحسن حاجة انك لميتي شعرك
انا بزعل.. شنو الذيل معاش تبيه
احمد.. كنك زعلتي انا مش قصدي حاجة حبيبة غير تحسي ستايل البشت مايمشيش معاه الذيل
انا.. اه به هيا مانبيش نعطلو
احمد.. هي واتي انا
ونزلنا لعمتو وعمو صبحنا عليهم وطلعنا
انا.. حمودي خايفة انا
احمد.. مسك ايدي من شنو خايفة حبيبتي
انا..نقول وماتزعلش
احمد.. نحن شنو اتفقنا ماندسوش على بعض واكيد مش حنزعل 
انا.. خايفة حد يلقح عليا وانت ادير معاه عركة خايفة لان كلهم بينظرولي بنظرة وحدة اتزوجت ولد خالة طليقها 
احمد.. هذي ياقلبي بس ماتفكري في شئ لان الناس لو بتنظر لحد بيكون ليا انا لاني خذيت طليقة ولد خالتي واكيد الناس بتقول كان حاط عينها عليها وهي مرته فمتخافيش   لاني مقرر مانيش مخليك بروحك لاصق فيك نين يتعودو على فكرة اني راجلك وماحد يقدر يدوي معاك  واذا لقح حد عليا حنكبر دماغي عليه لان ربي اعلم بنيتنا وثانيا عبدالله وسند قاعدين واصالة معاك كنك نوارتي معاش تخافي
انا..طبست بست ايده بوسة خفيفة
احمد..نوارتي راه نرجعو للحوش
انا...ههههه خلاص 
وخشينا للكلية وانا نحس كل واحد فيها يشوف فيا ومركز معاي لكن درت روحي عادية خصوصا ان احمد لما نمشي شادني من كتوفي بيده الاثنين لانه زحمة وكانه يقول ملكي لاتقترب  ونحن خاشين للكلية شفت يوسف  ماحسيت بشئ نهائي بس خطرت عليا كلمته  على السنة اللي فاتت اننا نجو للكلية وانتي مرتي وحلالي قديش القدر والنصيب ليهم كلمة ثانية في حياة الانسان كنا نقولو ونخططو لكن هما كان ليهم راي ثاني وحطيت ايدي على ايد احمد وشديتها بكل حب وكاني انقوله ايه انا ملكك للعمر كله   وخشينا للمحاضرة وبارك لينا الدكتور زواجنا وعرفو الطلبة اللي معاي ان احمد مش احمد الحارس والخو والصديق لا عرفو انه تو الزوج والحب كله ومشن الايام عادي وروحت هنادي بعد اسبوع ودرنا ليهم اسبوع حلو والحق كان خاطرهم يقعدو ويسافرو لدولة ثانية لكن فتحي لان واعد هنادي انه يكون معاها في كل شئ مباش يخلف وعده ورجعو على خاطر مايبيش يفوتها واجد في القراية وقالو يسافرو في عطلة السمستر وهبة روحت بعد عشرة ايام وحتى هما على خاطر القراية وجوهم يهبل ودرنا ليها حتى هيا اسبوع يهبل
وطبعا تميت نمشي مع عمتو لاني كنتها لمناسبات العائلة لاني زمان مانمشيش معاها واجد كانت نانا اكثر حاجة تمشي معاها وانا مانمشيش الا اذا نانا عندها امتحان  وطبعا لما نمشي تو و تكون زوجة يوسف قاعدة الانظار كلها تتوجه علينا وخلينا العلاقة بينا عادي نسلمو على بعض بمودة وهذا ماقهر بعض من الناس وطبعا كل مشية بالذات لعمام احمد او اقارب عمو محمود مايخلاش الموضوع من مضايقات علياء ليا نين طفح كيلي وطبعا اليوم بنمشي للمة عند اهل علياء دايرين لمة كبيرة لاول حفيد عندهم 
انا.. حبيبي راه هالمرة بتكون ردت فعلي مش ساهلة على علياء كيلي طفح منها وصل للجمام يعني مانيش ساكتة ليها 
احمد.. ايوه ياواعرة
انا.. حبيبي والله مانبصر نحكي راه
احمد.. اكيد في راسك حاجة
انا.. اكيد ومرتبة اموري
طبعا كان في مخطط بيني وبين هبة
احمد.. حبيبي اهم حاجة خليك زي ماعرفتك وديري اللي يناسبك وانا معاك في كل شئ ولو تبي مانسيبش حوش عمي عادي نستناك
انا.. لا حبيبي دوت صبايا خليك بعيد عليها خير انت بس كان سئلك عمك او مرته قوللهم انها كانت اضايق فيا لكن تفاصيل ماتعطيش بس هذا اذا سئولك
احمد.. حاضر ياقلبي اللي يريحك
انا.. تسلم حبيبي
وطبعا  لان لمة كبيرة اول حفيد ليهم فلبست احلى ماعندي على بساطته لكن طلعت من الاخير
لبست فستان احمر داكن  راسم جسمي المتناسق في كل شئ واللي ربي ابدع في تصويره واهتمامي بيه طوله محير وكمامه ومنطقة الصدر من الدانتيل ومعاه حذاء اسود ودزدان نفس اللون ولبست عليه طاقم ذهب بتاع العرس ومكيجت مكياج خفيف زي مكياجي في عرس هنادي وهبة وطلقت شعري  اللي طوله اقل من طول الفستان بشوي بدون اي شئ سوى اني شديته من الجنب وطلعت على حمودي
احمد.. ايه الحلاوة ديه
انا.. لبسنا اللي على الحبل
احمد.. ههههه والله لو تلبسي شوال تطلعي تهبلي مش اللي على الحبل
انا.. عشان تحبني بس تشوف فيا ديمة حلوة
احمد.. بنكذب عاد وانتي عارفة روحك جسم رشيق وبياضة  زي الحليب ومعاها لابسة لون احمر داكن والشعر اللي لونه اشقر من ربي بنكذب في هذين يعني
انا.. وربي كملها عليا وعطاني راجل طول وعرض ولون قمحي يهبل وعيون سود واسعات وشعر ناعم اسود ومعاها اللحية اللي تقتل والله عضلات البطن اللي مفصلة
احمد.. اقسم بالله اللي يشوفنا ونحن نتغزلو ببعض هكي يقول امس متزوجين
انا.. هههه عمري كله مستحيل انمل من اني نتغزل بيك ياقلبي
احمد.. ربي يخليك لي هيا حبيتي اكيد  نانا وامي يستنو
انا.. ساعدني في الكاب بس
ونزلت انا واحمد وطبعا مخلصناش من لسان انوار على التاخير ومشينا للمة وانا قلبي مقبوض وتلاقيت مع زوجة يوسف وسلمت على بعض وهدرزنا شوي وجيت قمعزت حذا عمتو وانوار وشوي علياء جاية اضيف في العصير عفست على رجلي بحيث اني بزعت على روحي عصير استئذنت نمشي للمطبخ نغسله وعارفة ان علياء حتكون وراي فاتصلت بهبة طول على حسب الاتفاق وزي ماتوقعت جت وراي
علياء .. مصح وجهك كلا انتي
انا........
علياء ..معقولة بكل وقاحة تحكي مع زوجة طليقك اما انتي عليك وقاحة غريبة
انا... والمطلوب
علياء .. انك تسيبي احمد
انا.. من جدك
علياء... في كل مرة نتلاقو ونقولك احمد ليا وماتحلمي بيه ولو نقتلك مقابل ان يكون ليا
انا... يامجرمة حتى لو تقتليني تسحابي احمد بياخذك
علياء.. اطلعي من حياته وتو نخليه ياخذني
انا.. اه  زي ماكنتي بديري قبل معاه وتتهميه انه اعتدى عليك لولا عصام سمعك
علياء بصدمة لانها ماتوقعتش احمد انه حكا لي.... انتي شنو عرفك
انا.. اكيد من الشخص اللي ستر على ترهاتك وعارك ومايبيش يشهدر بيك في العيلة
علياء ... والله الا مانقتلك لو طلعت كلمة منك وجت بترفع ايدها عليا وانا شديت ايدها
انا.. مانيش لقمة ساهلة وعمرك ماتفكري ترفعيها مرة ثانية ايدك والله لكسرنها لك ولعلمك كنت نسكت على كل شئ اديري فيه ليا بسبب عمو محمود بس لكن كيلي طفح وتو تشوفي
علياء... ههههههه من بيصدقك مافيش حد يسمع فينا لاني لما جيت وراك خليت منال توقف على المطبخ بيش ماحد يجي
انا.. دقيقة وحتشوفي لاني سكتت واجد  وطلعت على عمتو وكانت قاعدة حذاها ام علياء وجيتهن
انا.. عمتي بنتك علياء زودتها معاي واجد واليوم وصلت بيها تهدد فيا بقتلي
ام علياء .. كذابة انتي مستحيل بنتي اديرها
عمتو غالية .. مستحيل نوارة تكذب ربايتي ماتتهميها بالكذب لو سمحتي 
انا.. عندي الدليل استني دقيقة بس يتحمل
ام علياء .. انا بنتي مربيتها وعارفاتها مش بتاعت غلط
وطبعا النسوان التمن علينا وشوي وتحمل التسجيل طبعا الاتفاق كان بيني وبين هبة انها ماتفارقش فونها واول مانتصل بيها تشغل التسجيل وبمجرد مانسكر منها تبعته ليا
وفتحت ليهم التسجيل وعليت الصوت وطبعا علياء جت تجري على الهرجة اللي صايرة ودايرة روحها تبكي لكن لما اشتغل التسجيل جمدت الدمعة في عينها وطبعا كانت فضيحتها كبيرة وامها ضربتها كف وانا وعمتو وانوار طلعنا من الحوش وقعدنا في الصور نستنو في احمد
عمتو .. ياروحي عليك يابنيتي وكنتي هذا كله وتجي معاي وتتحملي على روحك
انا.. والله ياعميمة مانبي اندير شوشرة لكن هالمرة وصلت انها ترفع ايدها عليا وقعدت نبكي وحضنتني عمتو
انوار .. خلاص نوارة عليش تبكي تو
انا.. لاني ماكنتش نبي نوصل للي درته لكن هيا جبرتني 
وجتنا ام علياء وتعتذر وتتاسف وقعدت تبينا نخشو ونكملو لكن عمتو مابتش وماخلاتناش  لا انا ولا انوار نتكلمو
وجاء احمد وخش للصور ولما شاف عمتو حاضنتني  جاني بسرعة
احمد.. كنك نوارتي شنو صاير
عمتو .. هيا خلينا نطلعو
احمد .. فهموني خيرها نوارتي
انوار .. خلينا نروحو تو نفهموك
فكني احمد من عمتو وحضني وطلعنا للسيارة وفي الوقت كان يدور حديث
علياء .. شفتيه كيف جاها يجري تقول ساحراته والله كيف حضنها قدام امه من خوفه عليها 
منال .. بعد اللي دارته فيك شنو تبي والحشمة اللي حصلتيها لكن طلعت مش ساهلة 
علياء .. هيا طريحة بنحصلها من باتي تو وببنحبس كم يوم وبعدها ساهل نوريها انا من علياء 
منال .. انا معاك في اي شئ تبيه لانها هي خربت حتى على اختي قبلك
وعندنا
احمد.. احكولي هي
انا.. مافي شئ حمودي خلينا نروحو للحوش ونحكيلك  هدي بالك
عمتو .. عين العقل ياوليدي لما توصلو تركبو وتحكيلك بهدوء
احمد.. حاضر وربي يصبرني بس بطلي بكا ومدلي منديل لاني كنت مقمعزة وراه
احمد.. نانا بتروحي لحوش والله بايتة عندنا
انوار.. مروحة معاكم وقاعدة على قلبكم
احمد.. زي العسل
انوار ..وسيم اليوم راقد مع صاحبه في المستشفى
احمد..لاباس عليه و تآنسي وتشرفي هو حوشك اصلا
عمتو .. بالك عندك كلام اخرى
احمد.. ابدا
ووصلنا ونزلنا واحمد ماخلانيش حتى نقمعز تحت  مع عمتو وانوار شوي ركبني لفوق طول وحولت الكاب وقمعزت وخذاني في حضنه وحكيت له كل شئ وسمعته التسجيل
احمد.. عليك حقيرة كلا هي وعليك الذكية اما انتي
انا.. لاني خلاص فديت غير كنت مانبيش الشهدرة هذي كلها ولما جيت حكيت لامها بصوت واطي غير هيا رفعت صوتها وعمتو ماسكتتش ليها لما اتهمتني بالكذب والتمو علينا عيت حنة طبعا واللي زاد كبر الموضوع لما طلعنا
احمد.. تستاهل بالك تتربى بعدها
وماتحطي في بالك شئ لانها ماتقدر ادير شئ
هي حبيبي خشي غيرك دبشك اكيد جعانة
انا.. اه نحن يادوب حتى العصير ماشربته
احمد.. وطبعا لانكن عابيات على العشاء برا اكيد باتي متعشي في الحوش الثاني تو نجيب  عشاء من برا
انا.. خلاص حبيبي ووقض عمتو وانوار بيش مايديرن شئ    
ومشن الايام ونحن زي ما كنا نقرو ونراجعو مع بعض وكل مرة نجتمعو عند حد بس قبل كنا نجتمعو في حوش اهالينا وتو نجتمعو في حواشينا وبعد فترة سمعنا ان علياء اتزوجت واحد تاجر مخدرات وحالتها المادية فوق الريح وعصام اتصل حتى باحمد بيش يبيه يخش في الموضوع واحمد مباش قال حتى لو تاخذ تاجر سلاح مايهماش هي تبي الفلوس وبس  وجن الامتحانات والحمدلله جاوبنا كويس  لان كنا نقرو من قلب ورب ونحن مروحين من الكلية بعد ماكملنا امتحانات  السمستر تتصل بينا ماما وهي تبكي
احمد.. كنك ياعمتي شنو فيه كنك تبكي اهدي بيش نفهم 
ماما..انوار