للقدر والنصيب كلمة اخرى

42

#للنصيب_والقدر_كلمة_اخرى

ح42
احمد..كيف بتاخذي دواك وحتى نا ماكليت شئ هيا نوضي كولي بيش انا ناكل بنموت من الجوع راه
انا ..خطرت عليا كلمة انوار حتى المية ماخشت فمه
وقلت هيا نوضي ولما طلعت جت ماما وحضنتني وجت بتسئلني سكتها احمد بحركة تو نحكيلكم بعدين
وتعشينا وانا اللقمة تنزل جمر لان في وذني قاعدات كلمات يوسف تتردد في عقلي وخذيت دواي وخشيت لداري وشكل احمد يحكيلهم وانا ناخذ ونعطي مع روحي ونبكي شوي ونسكت شوي معقولة يايوسف معرفتش تفرق بيني وبين بنت خالتك نين تحطني في ميزانها
وكنت بتخلي  حياتنا جنة بسبب شكك تقلب حياتي وحياتك لجحيم ليش يايوسف ليش وانتبهت لفوني لقيته يرن عليا فتحته
انا..ساكتة مابتش نتكلم
يوسف ..عبورتي تسمعي فيا
انا..نعم
يوسف ..ردي الحوش بلاك اخي سامحيني
انا..على شنو بنسامحك على مدت ايدك عليا ونا عروسة قاعدة والله على الكلام اللي عمري ماتخيلت اني نسمعه في حياتي من اي انسان ولما نسمعه نسمعه من انسان كان الدنيا ليا كان الفرح والهنا كان الحب كان الحياة
يوسف ..كان تميت
انا..اه مش بالساهل نسيانك لكن يجيني يوم وننساك ماتخافش انا اقوى ممن تتخيل
يوسف ..حرام عليك ماتقوليش هكي
انا..نبي ننفصل عليك ومعاش تفكر اني نرجعلك حتى في خيالك وعشان لا تعبني ولا نتعبك خلينا زي ماخشينا بمعروف نطلعو بمعروف
يوسف ..انتي شنو تقولي
انا ..اللي سمعته
يوسف .. وانا مش مصدق شنو تقول
لا ماتقوليش هكي نا بنخليك يومين عند اهلك وبنروح بيك تردي الروح لي حوشي ولي وسكرت الهاتف وانا مخنوق مصدوووم واتصلت بعبدالسلام وجاني وحكيت ليه انه يمشي ويكلمك مايخلينيش نفقدك غلطة وماعاد معاودها طمني عبدالسلام وقالي تو يمشيلها ويكلمها
انا
مخنوقة مش قادرة وطلعت من داري لقيت احمد مقمعز في الصالة وداير روحه يتفرج وركبت لماما فوق بروحها لان بابا مسافر
ماما ..خشي
انا خشيت وضميت ماما وقعدت نبكي وهيا تهدي فيا ياماما خلاص ياماما اللي بيني وبين يوسف انتهى معاش نبي نكمل معاه
ماما ..اهدي بنيتي تو صدرك يوجعك اهدي بنيتي غير تو انتي حامقة ولما تهدي تو تندمي على كل اللي تقولي فيه
انا..لا ماما انتي عارفتيني المواضيع اللي زي هاذي مافيهاش لحظة غضب انا ليا ايام نفكر ومعاش بنكمل خلاص ياماما
ماما ..به بنيتي اللي تبيه يصير غير هدي روحك
انا ..هديت وحسيت روحي غفيت بين احضان ماما
احمد 
انا لما شفتها ركبت ركبت وراها خفت عليها ونبي نعرف كنها شنو اللي صاير معاها شنو اللي مخليها هكي ولما خشت لدار امها ماقدرتش مانسمعش شنو تحكي ليها هذي نوارتي هذي قلبي وسمعتها شنو حكت مع امها ونصدمت شنو اللي صاير بينهم للدرجة نين يخليها تكون قاسية هكي ونا نعرف يوسف قديش يعشقها
طلعت ونزلت لما اطمنت عليها هدت اشوي بين احضان امها وطلعت ماشي شور يوسف نبي نفهم منه
وصلت لعنده فتحلي الباب وهو شبه منهار
احمد ..كنك يايوسف
يوسف ..عبير خلاص معاش تبي تروح قالت ليا تبي تنفصل
احمد ..شنو داير انت فيها
نحكي معاه وشاد اعصابي منبيش نضره على خاطر نوارة
يوسف ..مادرت شئ اي خلاف يصير بين زوجين
احمد ..نوارة ماتقساش بسهولة نا نعرفها وطالما قست للدرجة هذي اللي دايره فيها مش حاجة ساهلة
يوسف ..والله نبيها وماني مستغني عليها هيا روحي مانقدرش نعيش بلاها
احمد ..انت حر ومانيش غاصب عليك تحكيلي لاني خايف لو سمعت منك انضرك ونوارة تزعل مني ونا مانبيهاش تزعل لكن لو مازال عندك فرصة معاها اضغط عليها ماترخيش عليها لانها لما تسكر راسها كان ماجيتش في البداية معاش تفكر تجي وهي سلام
ومابيتش نستنى منه رد لاني كنت نفكر في نوارة تو 
يوسف
طلع احمد من عندي وقررت اندير زي ماقالي احمد اني بكرة بنمشي ليها وعبدالسلام امتى مابيمشي براحته انا مانبيش نضيع فرصة تخليها معاي
جاء الصبح
ولقيت روحي راقدة في دار ماما نضت ونزلت لداري غيرت دبشي وتوضيت وصليت وخشيت للمطبخ لقيت انوار واحمد وماما يفطرو او دايرين روحهم يفطرو
احمد..صباح الخير نوارتي
انا..صباح النور
ماما..صباح النور بنيتي حالك باهي تو
انا ..رقدت بين ايديك اكيد احسن حال وقاعدة في حوشنا اكيد في خيار الخير لاني مفروض انا ماسيبتاش من الاول شنو كان ناقصني ودمعن عيوني وجاني احمد
احمد..اسسس خلاص فكينا من الدموع على الصبح هيا افطري على خاطر دواك
امتى مراجعتك
انا ..والله ماني عارفة بالك بعد بكرة
انوار ..تو نزيد انتاكد على الموعد
انا..تمام ..احمد
احمد..ياعيونه
انا..نبيك تمشي ليوسف تاخذ منه بطاقتي الجامعية وتعدي للكلية تغيرلي من نظامي لانتساب
ماما وانوار واحمد انفجعو ...شنوووووووو
انا..اصلا نبي شهر ثاني بيش نصح وشهادة  لله مانبي نمشي للكلية ااحمد والقروب ايديرو ليا حصار على خاطر خايفين عليا حد يدفني والكلية تعرف ان ضلعي مكسور انا نعرفهم كيف بيصرفو هدوووم مش بعيد ايديرو عليا دائرة زي البدي جارد وقلت كلمة قروب خطر عليا هشام  نزلت دمعتي بروحها وجعتني العشرة كيف هانت عليه كيف كان اناني   وناوي اخرا يخرب عليا كيف اتهمني اني مادية وهو عارفني من صغري
احمد..شن قلنا على البكا نحن واللي تبيه يصير خاطرك طيب خلاص
ماما ..كيف بتقري بنيتي وانتي انتساب
انا..احمد والبنات وسند وعبدالله يقروني  اللي قروه وهكي نكون معاهم اول باول بس مانمتحنش الا في النهائي بس وهكي هكي نحن نقرو مع بعض ديمة
ماما..بنيتي طالما عارفة روحك تقدري عليه ديري اللي يريحك
انا ..ربي يحفظكم لي ودرت روحي فطرت وخذيت دواي وخشيت داري تمددت ونبكي ونبكي ونبكي نين خشت عليا انوار وقالت ليا يوسف يستنى فيك يبيك
انا..مانيش طالعة قوليله راقدة لقيتها
انوار ..عليك موقف بايخ
انا..بالله عليك مانبي نشوفه
انوار ..به وطلعت ليوسف وقالتها له وقاللها تو نجي العشية وطلع ونا زدت في البكاء
خش عليا احمد
احمد..طالما تبيه للدرجة هذي عليش تمكري فيه
انا..ومن قالك اني نبكي عليه انا نبكي على بختي وعلى رفقة عمري اللي دار فيا هكي
احمد..معاش تحكي عليه الحيوان هذا والله لو ماوعدتك ماكان الا في قبره
انا ..في قبره وانت في الحبس شنو بتنفعني بعدين وانت في الحبس كيف بتوقف معاي وكيف بتهون عليا وجعي وكيف بطلعني من اللي انا فيه
حمودي خليني بروحي معليش
مشن يومين وانا على الحالة هذي جن البنات وحاولن يغيرن جو ماصار شئ نبكي وبس وحتى الوكال بطلته ويجي يوسف مانطلعش ليه وجاء عبدالسلام وهدرز معاي وانا ثابته على موقفي مرات انتم تقولو عادي اللي صار والمفروض اني سامحته لكن انا عمري ماخذيت على الاهانة ولاني عمري ماكذبت ولما ناض اتهمني بابشع و اوسخ الكلمات وبدون مايسئلني ويتاكد مني وخلاني بنجيب مصحف بيش نحلفله عليه عشان يصدقني اني مانعرف شئ ومعاها ضربني ومد ايده عليا وانا مازال ليا اسبوع عنده صعبت عليا روحي اللي كانت مدللة  عنده وعند اهلي قبله صعبن عليا الاحلام اللي بنيتهن معاه 
رفعني بابا للمراجعة والدكتور قال حالتي في تحسن لكن ضغطي هابط وشكله في توتر نفسي وطلب تحليل لانه قال نعطو فيها مضاد حيوي قوي مرات ياثر على جسمها وانا فعلا في هاليومين دبلت ورحت من الدنيا وهلها
وطلعن نتائج التحاليل وعندي فقر دم ونقص في بعض الفيتامينات والدكتور قالي لازم ناكل وانا منين بنجيب النية اللي تاكل وروحت للحوش وحاول بابا يفهم مني وانا ماقدرتش نحكي وروحت اتصلت بهبة
انا ..اهلين هوبي 
هبة ..اهلين بيك
انا ..هبة تعالي وباتي عندي بدون البنات
هبة ..حاضر نشوف فتحي كان قاعد كنهدا ابعتيلي احمد وانوار
انا ..حاضر
وقعدت نستنى في هبة ومقررة اني بنحكي ليها كل شئ وناخذ رايها في شنو بندير وشنو نحكي لماما وشنو الكلام اللي بنقوله لو يوصل لي احمد  مايتهورش