للقدر والنصيب كلمة اخرى

19

#للنصيب_والقدر_كلمة_اخرى

ح19
رن فوني بحتت لقيته يوسف ضحكت وفرحانة لما عرفت قديش يحبني لدرجة ماصبرش انه يرن عليا ونرضى ونرد عليه لكن عدى لاحمد بسرعة بيش يحل الموضوع قبل مايكبر
انا فتحت وساكتة
يوسف .. السلام عليكم
انا ..بصوت واطي وعليكم السلام
يوسف ..حبيبتي مازالت زعلانة مني
انا ..قديش فرحانة بكلمة حبيبتي لكن مارديتيش
يوسف ..والله ياحبيبتي نار الغيرة ركبت فيا ماقدرت نركز والله ماعرفت روحي نحبك بالدرجة هذي زي اليوم والله اليوم قريب خشيت عقل غير عقلي وانا ماصدقت لقيتك في لحظة نحس في حياتي ظلمت بلاك وبالذات لما احمد قالي انك حساسة وماتتحمليش لكن قاسية واجد وخفت وقلت خلاص تو تنهي  اللي بينا قبل حتى مايبدا
انا
طبعا انا فرحانة واجد بالكلام اللي يقول فيه ليا واكيد مافيش احلى من انك تسمعي قديش حبيبك يحبك بجنون انا..ماهو انت المفروض عطيتني فرصة
نحكيلك مش تعيط عليا انا نحبش حد هكي يحمق بدون مايفهم
يوسف ..اسف حبيبتي حقك عليا لكن تعرفي قررت قرار انا مانيش مستني عبدالسلام لصيف الجاي بيش نطلع فرحي انا مانقدرش نصبر والله اليوم قريب هبلت لما شفت حد شايلك ماهو لو كان انا راجلك وحلالي راه انا اللي شلتك وحطيتك بين احضاني انا نقدرش نصبر خلاص
انا ..ضحكت لدرجة هذي وبعدين اللي طابني كان احمد 
يوسف..ماهو انا لو عرفته احمد راه ماصارش فيا هكي
واكثر انا بنقولها لعبدالسلام الليلة ياهو اللي يطلع فرحه معاي يا بنطلع فرحي بروحي
انا ...بس الوقت ضيق واجد حيبقى
يوسف ..شوفي بعد الاسبوع الجاي نجيب هلي صبايا وثاني يوم رجالة ونتفقو على كل شئ وفي نفس الاسبوع نقرو الفاتحة وحتى هكي باتك مايرفضش الفاتحة بحكم فرحنا بيكون قريب  وبعد شهرين يعني قبل ماتبدا الجامعة نطلعو الفرح ونطلعو شهر عسل حتى اسبوع حتى لو غبنا على الجامعة في البداية وبعدين نرجعو للجامعة وانتي حلالي وعلى ذمتي وبين احضاني
انا ..لكن هكي مانلحقش على شئ خصوصا  اني حاجات واجد نبي نجيبهن من تركيا واحمد مواعدني بسفرة لدبي ناخذ منها حاجات لعرسي
يوسف ..مانبي شئ نبيك انتي بس وبعدين اللي تبيه نجيبه لك حتى بعد الزواج وشهر العسل حنخلوه اسبوع في تركيا واسبوع في دبي شنو رايك
انا ..شنو بنقول حد يكره
يوسف ..خلاص متفقين معناها
انا
انفجعت كنك يا انوار فتحتي الباب هكي من غير ما ادقي
انوار عيونها مدمعات
انا.. يوسف سكر بنشوف انوار خيرها
يوسف.. به عاودي عليا بعد تطمني
انا ..ان شاءالله
انا.. خيرك انوار شنو فيه جت اظبطتني وتبكي
انا.. خيرك انوار شنو صايرة حاجة مع وسيم خيرك تكلمي وقفتي قلبي
انوار.. تمسح في دموعها
احمد  .. اتصل  بيا تو
انا ..خيره صايرة معاه حاجة وبنصبي
انوار ..مافيه شئ احمد انا اللي في
انا ..انطقي قلبي بيوقف يامعفنة
انوار ..باتي وبابا وافقو على وسيم
انا ..خزي طيحتي قلبي
الف الف مبارك حبيبتي واخيرا
انوار ..الله يبارك فيك وضحكت
انا ..دوووم يارب
انوار ..تعرفي احمد قالي شارطين عليه مجلد كامل من الشروط 
انا ..اكيد هذا عمو محمود
انوار.. اكيدة
انا.. شنو قالك احمد شنو الشروط
انوار ..نكمل قرايتي ولو يقصر في قرايتي يروحو بيا وانه مايفكرش يوم يزعلني او يبطلني من القراية واذا نبي نخدم يخليني وديمة بيجبها لهلها امتى مانبوها غصب عنا يجبني
انا ...هههههههههههه كلا عمو محمود يبي يطفشه شكله
انوار ..شكله لكن مايعرفش باتي ان وسيم لاصق بلصقة امريكية وحيرضى بالشروط هذين كلهن لاني نعتبر شارطتهن عليه من لما عرفت انه يبي يجي يخطبني وناويني جد يعني من بداية علاقتنا
انا ..والله صبرتي ونلتي ياوخيتي
اه بنقولك شوفي يوسف شنو قالي
انوار شنو قالك
انا وحكيت ليها ....
انوار ...عليك المستعجل
انا ..اللي صارله اليوم خلاه هكي يقرر
انوار ..سلم وخيتي اول مرة تحب خلت الراجل طاير بيها
انا ..هي عدي فرحي راجلك وخليني نكلم راجلي
انوار... تخيلي نزلتلك نجري ونسيت وسيم
انوار ..سلمها يارب اللي تبي تشارك فرحتها مع اختها قبل حبيبها باستني  انوار وعدت وانا رنيت على يوسف
انا ..اهلين
يوسف ..اهلين بيك طولتي ياعمري
انا ...حكيت له القصة
يوسف ..الف مبارك ليها وحتى هما  بيطلعو فرحهم قريب
انا ..والله ماني عارفة ماضني عمو محمود يعطيها بالساهل هكي
يوسف ..عليش عمي محمود ممكن يعك في تطليعة الفرح
انا ..انوار يعتبر فيها بنته راه تقوله ياباتي وعمتو غالية تقوللها يا امي 
يوسف ..امنا باتك وامك شنو تنادي فيهم
انا ...بابا وماما
يوسف ..اما انتن من قدكن ابهات اثنين وامهات اثنين ربي يحفظهم لكم يارب
انا ..امين
يوسف ..خليني تو بنسكر عبدالسلام جاء بنحكي معاه وبنشوفه
انا .. وحتى انا بنرقد مشغولة واجد بكرة
خطرها انت مش بتعدي لاحمد عشان تنسقو زردتكم بعد بكرة
يوسف ..بيمشي خوي خالد ونحن ديمة دايرين كل مرة واحد
انا ...هيا سلام
يوسف ...سلامات
وسكرت نضت توضيت قريت قران شوي وبعدين رقدت