للقدر والنصيب كلمة اخرى

48

#للنصيب_والقدر_كلمة_اخرى

ح48
احمد... شنو منو قلتي
انا.. حوش هشااااام خيرك حمودي
احمد... فهميني شنو تبيه فيه المعفن والخاين هذا
انا... تو تعرف تربح ارفعني ليه
احمد.. وكان مارفعتكش
انا.. نمشي من وراك
احمد،. ما اديرهاش
انا.. لان الموضوع مهم عندي انديرها خليني نمشي بيك لاني قوية بيك ومعاك خير مانمشي ونحس  روحي مهزوزة بلاك
احمد.. لهدرجة مهمة المشية
انا .. اه
احمد.. وكان مالقيناشي الخرا هذا
انا.. نستنوه
احمد.. امري لله والله نساير فيك واجد يانوارة راه
انا.. عارفة بس تحملني اخر مرة وشديت ايده
احمد .. امري لله
انا.. خوذلنا حاجة مانبي نخش على عمتي رابحة ايدي فاضية
احمد.. ياربي الصبر
وطول الطريق وانا نفكر شنو تبي في هشام زعمك بتسامحه كيف تسامحه وهو طعنها وخانها وخان عشرتها وطلعها ماتسواش وطلعها مادية وسبب في طلاقها 
انا
طول الطريق احمد ساكت نزل للمحل وركب بدون اي كلمة كانه يبي يتوقع شنو نبي منه وصلنا ومالقيناشي وقعدنا نهدرزو مع عمتي رابحة انا واحمد ونضحكو  وجونا تمام لان عمتي رابحة ماليهاش ذنب ان ولدها خاين للعشرة وشوي خش علينا هشام وانصدم لما شافنا
عمتي رابحة .. قول السلام وانت انجمدت
هشام .. السلام عليكم
وانا نقول زعمك سامحتني زعمك غفرتلي غلطي
ونضت انا واحمد ومابيتش نمد ايدي لا انا ولا احمد و لا هو فكر يمد ايده وطلعنا للمربوعة لان مافيهاش حد وبعيدة على دار عمتي رابحة
هشام .. مش مصدق اني شايفكم هنا
انا.. لاصدق لاني انا اللي جاية احمد جاي غصبن عنه
احمد ماباش ينطق ولا حرف مستمع بس
هشام ... عبيرررر
انا .. قاطعته ماتقولش اسمي على لسانك تشوهه انا جاية بالك مفكر اني بنسامحك مستحيل نموت ولانسامحك مع اني سامحت يوسف لكن وجعك انت احرف من يوسف انت طعنت وخنت وغدرت عشرت عمر وانت تعرفني كويس اديرني مادية اديرني دايرة علاقة معاك وتخرب بيتي وتسرق صوري وانا نعطي فيك فوني  بكل ثقة لاني مش متوقعة خونة وتحطهن عندك واشبح لمن باعتهن اخرى انا جيت اليوم بس عشان نسكر صفحتك بكل وعشان معاش ادمع عيني لما نشوف باقي اقروبي كيف بلاك تمو احسن وكيف ربي باينلي حقيقتك في وقت قريب خير مانكبر في العمر ويبدا الجرح والغدر اصعب انهن يدوان
هذين هنا الكلمات اللي بنقولهن وحسبي الله ونعم الوكيل فيك وشديت في ايد احمد وطلعت وركبنا واحمد مانطقش ولاكلمة وروحت للحوش عادي وخشيت للمطبخ ودرت كيكة اه قديش ليا مادرت كيكة
انا .. بتبات هنا
احمد.. دايرة كيكة وقديش لينا ماكلينا حاجة من ايديك وتبيني نعدي ونسيبها ابدا لكن بنطلع شوي بنشوف سند شنو ناقصه ونجيك
انا.. به مابين بردت وزينتها
طبعا احمد فرح واجد اني خشيت للمطبخ لدرجة لقيت رسايل عرم فايبر تاريته احمد كاتب لهم نوارتي اليوم دايرة كيكة ولانهم عارفين المطبخ عشقي وقديش ليا مادرت حاجة ففرحو كلهم لي
احمد
مشيت لسند وحكيت له شنو صار مع هشام
سند .. مفروض تفرح يا احمد عبير لما ادير هكي تعتبر نفست على غضبها وشكل هالسفرة جت معاها
احمد.. ايه الحمدلله
سند .. بتقعد. ماد وجك نين يجي حد ثاني يخش قلبها
احمد.. شنو تبيني اندير
سند.. صارحها احكي ليها
احمد.. ابدا مانقدرش نخاف نخسرها بكل
سند.. لامتى
احمد.. يجي الوقت ان شاءالله
ها قولي شنو ناقصك
سند .. والله ماناقصني شئ اليومين الجايات احلام وامي وهبة بيطلعو يجيبو الذهب وباقي الدبش والله وفرت عبورة علينا واجد بالبدلة بدل الدوران على خاطرها وانت عارف ان البدل الرسمية كلهن زي بعض ربي يعطيها على قيس نيتها
احمد.. امين حتى انتو تستاهلو ان شاءالله عجباتك الساعة
سند.. معقولة عبير تجيب حاجة ماتعجبنيش مع ان سماح قالت انا قبل بنجيبلك ساعة لكن عبير خربت عليا وتو بندور شنو انجيبلك
احمد... خطرت عليا كلمة نوارتي بارة ههههه بالك تغار يا راجل
سند .. في عينها وهي عارفة ان عبير واصالة وهنادي وهبة خط احمر نسيبها على خاطرهن
احمد.. هديييي ياراجل انا قلت بالك
سند .. تغار والله تملح
وروح احمد 
وبعدها لهينا من بيان هنادي الكبير لتلبيسة هبة واصالة الصغيرات لكن قضيتها من حوش لحوش وبعدها مشينا رفعنا بيان سند وداره كبير عشان سماح حب عمره وبعدها دارو تلبيسة خالدة وعبدالله وكلهن جن حلوات وحبيباتي طلعن قمرات حتى سماح الباردة طلعت ماشاءالله عليها ومشن ايام  وجن ايام وانا الحمدلله رديت ورقت وجانا رمضان وجوه جاء يهبل وبعدها العيد وبعدها امتحاناتنا النهائية وطبعا انا بنمتحن عاد وشديت وقريت من قلب ورب ومشيت اول يوم للكلية ونحس في روحي غريبة تقول او مرة نجيها او ممكن عشان اول مرة نخشلها وانا مطلقة وخايفة نشوف يوسف ايه خايفة نشوفه خايفة نلقى في #احاسيس بعد الوقت هذا كله ليه لكن تماسكت ونزلت وحمدت ربي لقيت احمد وسند وعبدالله واصالة وهنادي  قدامي وانا وهبة جينا مع بعض زي العادة ولاقوني وسلمو عليا وفرحو بجيتي
سند .. عاد انتي من قدك الامتحانات النهائية بس
انا.. وين من قدي وانا الخطاء مضاعف عندي ماتنساش انا خاشة على المية
عبدالله .. انتي ماينخاف عليك
وخشينا للامتحان وطلعت موخر للامتحان كان واعر بس زي ماديمة نقول على اللي قاري مافيش شئ واعر وطلعت موخر وواحد وراي نسمع فيه يلقح عليا زعميته يدوي هو وصاحبة وراي وانا نازالة ومتعمد يسمعني
الشاب .. خسارة سماحة ومطلقة
الشاب الثاني.. ابصر شنو دايرة
الشاب .. اكيد لانها ماطولتش
الشاب الثاني .. مش كل شئ السماحة اهم حاجة الاخلاق
الحق الكلام وجعني وقعدت ننزل بسرعة بيش نباعد عليهم ومعاش بنسمع شنو يقولو ولما جيت وانا مسرعة مانتبهتش قدامي وخبطت في جسم نانعرفه نعرف الريحة نفس الريحة ماتغيرتش بس زادات عليها ريحة ثانية شنو يانوارة اه ريحة الدخان رفعت راسي
انا.. اسفة معليش مكنتش منتبهة وطبعا عرفته يوسف لكن قلبي هالمرة ما دقش عيوني مافرحوش خدودي مانحمروش
يوسف
انا كان خاطري نضمها ونعصرها عصر بين ايديا ونقوللها قديش مرايف قديش مشتاق لريحتها الحلوة 
يوسف ..ولايهمك حصل خير
انا.. سلام
وطلعت نجري لقاني احمد
احمد.. ضايقك قالك حاجة
انا.. لا غير نزلت بسرعة خبطت فيه
احمد.. اه
انا.. احمد يوسف يدخن
احمد.. اه في الزردة الاخيرة انتبهت ليه يدخن
انا.. اه الزردة اللي قعدت فيها يومين بس وروحت وقلتها كاني نعاتب فيه
احمد،. نوارتي والله كنت جسم بس معاهم وقلبي وعقلي معاك وجوي تما اخييي ماقدرتش نسيبك وقتها وانتي ربي عالم بحالك 
انا.. ربي يخليك ليا اهو تو انا الحمدلله واموري تمام تعرف ماحسيت بشئ
احمد
كانها كانت ترد على افكاري وانا نقول زعمك لما شافاته شنو حست قلبها ماحنش مارايفتش عليه
احمد.. شنو ماحسيتي بشئ
انا.. لما شفت يوسف كنت نخمم لما نشوفه كيف بندير لكن ماحسيت بشئ ولما خبطت فيه كاني خبطت في شاب عادي
انا
طبعا انا يسهل عليا نسيانه رغم ان الوقت عدى عليا مش بالساهل لكن انا ماصار بيني وبينه شئ اني مازالت قاعدة بنت غير تغيرت الصفة مطلقة
احمد ... به تمام نوارتي
ومشن ايام الامتحانات   لكن في شئ يصير في كل يوم انجي نسمع في نفس الشابين يلقحو عليا تقول حد دازهم عليا وبرضو احمد مرة مرة شكله كانه متعارك
ويوم الاخير في الامتحانات الشابين زادو العيار شوي
الشاب .. خسارة شكل سمح واخلاق عاهرة حشاكم
الشاب الثاني .. ياراجل ماتقولهاش
الشاب .. كان مش هكي شنو يخلي شاب مصنع منع ماناقصه شئ يطلق وحدة سمحة زيها بعد شهرين بس
انا خلاص معاش قدرت نتحمل وجيته
انت نكلم فيك
الشاب .. انا شنو تبي فيا
انا .. تحترم نفسك افضلك ولعلمك انا اشرف من الشرف اللي انت شكلك ماتعرفه
الشاب .. كان انتي اشرف من الشرف وبهزوء ليش طلقك يوسف امنا
انا وبكامل عصبيتي وعطيته كف بكل قوتي
انا.. نصيب يابهيم (حشاكم) نصيب تعرف شنو معنى الكلمة هاذي نصيييييب يامتخلف
الشاب .. والله لو ما انتي بنت لا مش بنت مرا كنت دفعتك الكف هذا غالي
انا.. المرا لما اتمد ايدها على راجل لا مش راجل عيل تولي زيه زود رده كان تقدر
الشاب .. انا مانحطش ايدي على وحدة صايعة زيك
انا.. الصايعة هذي مرتك اللي بتاخذها لان من يقذف المحسنات مايعرفش ربي بيش يبليه
الشاب. انصدم من ردي وماتوقعاش ولانه فعلا زي ماقلت كانه مبعوث طلع وسيبني
وجني البنات يجرن
انا.. انتن من امتى هنا
هبة .. من اول ماوقفتي عليه
انا .. ان شاءالله احمد ماشفاش
هنادي ..هههه  قالك احمد ماشافكش احمد هو اللي مسك سند وعبدالله ونحن وقال خلوها تاخذ حقها بروحها
انا .. بصدمة نستني الشاب والكلام اللي قاله احمد مسككم
اصالة ..احمد قال  خلوها ترد بيش ترجع عبير القوية اللي كان مايقدر حد يتعدى عليها واصلا هدوم احمد متعارك اكثر من مرة معاهم لان يسمع فيهم فيش يقولو
انا.. تقول حد باعته
هبة .. ممكن ماتستبعدي شئ حيوانات
انا .. به وين احمد وسند وعبدالله
هنادي .. روحو وقالولنا نروحو مع عمي عمر يروح بينا
انا
غريبة احمد ماكلفش روحه انه يطمن عليا وقلبي حسيته انقبض
وروحنا للحوش ومابيتش نتغذى احمد ماجاش وماردش على فونه ولا عبدالله ولا سند كلهم ماروحوش
المغرب كلمتني هبة وقالتلي تعالي باتي عندي بما ان خلاص كملنا امتحانات وبكرة البنات ملتمات عندي
انا.. هوبي خليني احمد مازال ماروح وهو وسند وعبدالله فوناتهم مقفلة  
هبة .. تعالي ولما يجي تو يجيك عندنا
انا..بالله فكيني
لكن هبة اصرت والحت اصرار غريب وخلاني نشك وقلت هيا نشوف شنو وراها كلمت بابا ووتيت روحي ومشيت لهبة وبعد السلام على العيلة والهدرزة معاهم شوي لكن عيني ماحولت على فوني  انفردت بهبة
انا.. ماتقوليش خير دعوتك عششتي في الجية والبيتة
هبة .. شئ مافي شئ لكن هكي قلت بندير انا وياك حاجات للمة بكرة بنديرو جو حلو لينا واجد عليه
انا
هبة تحكي معاي لكن تتهرب بعيونها مني حسيتها داسة حاجة
هبة .. هي خشي للدار غيري دبشك بيش نبدو وديرلنا كيكة من تحت دياتك
انا.. مع اني قلبي مش مرتاح ومش عارفة شنو وراك
لكن بنخش وبندوش اصلا بما ان فتحي مازال في داره فوق لان من كثر ماركبتي عليا مادوشت
هبة ..تمام بكل اصلا فتحي مش حينزل تو الا على العشاء
انا.. به وخشيت نوتي في دبشي وسمعت فون هبة رن لكن بدل ماتخش للدار طلعت فتاكدت ان في حاجة لان لو وليد راه خشت للدار مش طلعت للجنان وطلعت وراها وبدون ماتعلم نسمع فيها تقول
هبة .. شنو احمد مانسمعش فيك
اناجيتها وشيرت ليها بتفنيص بحيث ماتقولش اني حذاها وفتحت السبيكر نبي نعرف احمد ليش ماكلمنيش ومسكر فونه ولما اتصل اتصل بهبة نش انا
احمد.. قلت كيف حال نوارتي مشغولة عليا صح
وشيرت لهبة تحكي كاني مش حذاها
هبة .. انقنها مشغولة وماحولتش عينها من على الفون
احمد.. المهم قدرتي تقنعيها انها تبات عندك وتعرفي حاولي تخليها حتى يومين ثانيات
طبعا احمد يحكي لكن صوته متغير شوي
هبة .. يا راجل انا ماجبتها الليلة عندي الا خليني وخليك كيف بنشدها يومين
احمد.. انا بصوتي هذا مانقدرش انكلمها الليلة لكن بكرة تو نكلمها ونخليها تقعد عندك لانها لو تشوفني بالوضع هذا انصر شنو يصرلها
انا حطيت ايدي على قلبي
هبة .. منضر واجد شكلك
احمد.. ههه الوجه خريطة راه واليد مش قادر نمدها وتوجع فيا واجد على الاقل اليومين هذين نقدر انحرك ايدي بيش ماتنفجعش واجد
انا قلبي قريب وقف ونبي نفهم شنو اللي صارله وبنشد منها الفون لكن هبة شيرتلي وقالتلي اصبري
هبة
بما انها صارت وصارت قلت خلي عبير تعرف شعور احمد ليها اللي كلنا حاسين بيه الا هيا
هبة .. احمد تحب عبير
احمد بصدمة .. نحبها
هبة .. مش الحب اللي قبل تحبهاانا نحكي على الحب بمعناه  زي ما انا نحب وليد
احمد.. سكت شوي لهدرجة باين عليا
هبة .. باين عليك وكلنا لاحظنا الا الحمارة عبير لاحياة لمن تنادي
احمد.. ردي بالك تحكي او تلمحي ليها مانتحملش نخسرها نموت بلاها نا
هبة .. لدرجة هذي
احمد .. انا نعشقها عشق الدمعة تنزل منها تقهرني والضحكة منها تحييني وتسعدني
هبة .. به صارحها تسعة شهور مرن على طلاقها وهي نست وتغيرت مرات تفتح قلبها ليك
احمد.. خايف المهم هبة ردي بالك تخليها تروح
هبة ..حاضر وسكرت
انا
قمعزت على ركابي كاني كنت نسمع فيه حلم ونبي نوض منه امتى وكيف وليش ماقالش
هبة ..نوضي عبورة صبي
انا .. فهميني خيره احمد شنو صايرله
هبة ..به صبي وانا نفهمك بطلي بكا
انا .. به غير فهميني 
هبة .. يوسف