للقدر والنصيب كلمة اخرى

55

#للنصيب_والقدر_كلمة_اخرى

ح55
عرس خالدة وعبدالله وطبعا انا واحمد نتلاقو شوي شوي بسبب هو حاصل مع عبدالله ومرة وانا طالعة بنادي احمد لقيت هشام برا جاني احمد بمجرد ماشافني وحتى قبل ما اناديه وانا لابسة فستان طويل وكمه طويل لونه ابيض ومخصر من الوسط وكلوش تحت من الشيفون ومورد من جيهة الصدر ومن نهاية الفستان من تحت والورد لونه موف وفوشيا وعليه صندل بسيط لونه موف وشعري ذيل
انا.. هذا شنو يدير هنا
احمد.. جاي لعبدالله
انا.. اه وشديت ايدين احمد وعارفة هشام مركز معانا
حمودي ياقلبي راك تتعارك معاه او تقوله اي كلمة وهو جاي لانك عارف انه وعبدالله قراب واجد وصح عبدالله وجعه اللي داره صاحبه لكن هذا في الاخير صاحبه
احمد.. حتى انا على خاطرك وخاطر عبدالله شاد روحي عليه وهو احسن حاجة خاطيني
انا.. بست احمد على خده نجيه العاقل
احمد.. تحشمي في حوش ناس نحن
انا.. هههه هي سلام
احمد.. تعالي جاي ماقلتيش عليش كنتي طالعة
انا.. اه نسيت هههه اكدت على حجز الكيكات او لا عاد مانبوش نزلطو قدام الراجل
احمد.. ااااايه من بدري اكدت الحجز وبعد بكرة يكونو في الصالة
وخشيت واستغربت روحي على البوسة لهدرجة بنقهر هشام ايه بنقهر هشام وفي نفس الوقت عجبني شكل احمد طالع يهبل صح ايده اللي كانت مكسورة حصل عثرة عليها موجعاته شوي لكن وحتى هيا على صدره طالع يهبل وقاطعتني هبة
هبة .. وين رايحة من مبدري انادي فيك وخدودك خيرهم بيولعو نار
انا.. وحكيت ليها شنو صار
هبة .. صاحبتي الصايعة
انا.. صايعة مع راجلي وشريك حياتي
هبة .. ايوة الكلام كبير تما
انا.. تعرفي ياهوبي من لما انقرت الفاتحة صح نحن مانتلاقوش ديمة بسبب انه حايس مع عبدالله لكن كل مانشوفه كل كلمة تطلع من فمه نحس فيها كانها من حبيبي مش احمد اللي كبرت معاه
هبة .. الحمدلله فرحتيني ربي بدل احساساك بقراية الفاتحة
انا.. ممكن وفعلا هو راجلي من زمان لما نرجع بتفكيري كان خوفه عليا وغيرته وحنيته كلها لو حد مش قلبه كبير مايديرش هكي وبعد ماسمعته لما قالها لك في الهاتف حسيت بصدمة صح واستغراب لكن بعد قرية الفاتحة حاجات واجد تغيرت
هبة .. ربي يهنيكم ان شاءالله وسهفتوني على الفرح حتى انا بنقول لي وليد خلاص معاش لازم نصبرو كلكم تزوجتو الا انا وهنادي وسند حتى انوار بتتزوج قبلنا ولو هداكم ربي ودرتو عرس واحد
انا.. عمو محمود قال مادخلنيش بيكم انوار بنتي وبنفرح بيها بروحها وبنديرلها فرح كبير
هبة .. عليك بهدلة حتى فلوس معاد عندي وانا لتو شارية ثلاثة قفاطين ومازال فرحك وفرح انوار وسند
انا.. حبيبة دولابي لك ماتفكري في شئ
هبة .. تسلمي ياقلبي لكن وليد قالي تو نجيبلك قفطان لفرح عبير من كثر ماعارف قديش نحبك وفرحانة ليك
انا.. سلمه يارب هيا ياهوبي ونحن دقينها هدرزة نمشو نكملو عوالة ومشى عرس عبدالله وخالدة طلعت تجنن وجاء عرس يهبل وعبدالله طلع حلو بس مش احلى من احمد وبعد ماطلع عبدالله وخالدة ونحن بنروحو فطنت باحمد يتعارك مع حد وبدون مانعرف لقيت روحي نجري شوره خايفة عليه وخايفة على ايده ولما قربت منهم لقيته يتعارك مع هشام والشباب يحزو فيه وبابا لما شافني جاء وراي طول وحز احمد وشده واحمد لما فطلني بحذا الشباب هزبني وقالي امشي للسيارة ومشيت وانا نبكي وركبت من الخلف ومعانا موسى ومحمد وخليت انوار لقدام وعمتو وماما روحو مع بابا واحمد ركب ومقالش ولاكلمة وروحنا للحوش مع ان المفروض انروحو لحوش اهل عبدالله نضمو معاهم لكن لاني مانبيش نتكلم معاه فمدورتش وبعتت رسالة لهنادي نعتذر منها ووصلنا للحوش وخشيت طول لداري وسكرت الباب وارتميت على السرير وقعدت نبكي عليش احمد دار عركة مع هشام وانا مواصياته وهو مواعدني وعليش هزبني قدام الشباب واللي قهرني احمد مادورنيش وبعد مابكيت خطر عليا نمشي نطمن على احمد لاني كنت خايفة عليه ايه خايفة عليه من قبل كنت نخاف وتو اكثر وطلعت سئلت انوار وانا مازالت بلبستي
انا..وين احمد
انوار .. حطنا وطلع
انا..به وخشيت بنرن عليه
احمد
حطيتهن وطلعت وعارفة نوارتي زعلانة لكن مانبيهاش تشوفني هكي بالذات ايدي توجع فيا واجد روحت لحوشنا دوشت وخذيت مسكن للالم لاني خلاص وشوي نسمع في فوني يرن لقيتها هيا قلبي وعيوني فرحو واجد نوارة اللي قبل مستحيل تكلمني لكن نوارتي مرتي متصلة بيا وهي زعلانة مني
احمد.. ايوه
انا.. وين انت
احمد.. في حوشنا
انا.. تعال تو
احمد.. به
بدون نقاش لقيت روحي لبست ادبشي ومشيت ليهم ومش مصدق اتصلت بيا نوارة نعرفها من عشرين سنة مستحيل تتصل بيا لكن نوارتي اللي ليها مراتي اسبوع بس متصلة بيا فرحان ومش قادر اندس فرحتي ووصلت للحوش واول ماوصلت جتني بلهفة
انا
جيته بلهفة وخوف مافي شئ في وجه لكن واضح ان ايده موجاعته هلبة لان حتى لما جاء بينزلها توجع رفعها طول
انا ..احمد حالك باهي محصل خبطة على ايدك صح توجع فيك صح في مكان ثاني يوجع فيك قولي ما دسش عليا راه نفتشك
احمد.. على كلمتها الاخيرة ماقدرتش نشد ضحكتي حلوة تفتشني
انا .. بحمق خيرك احمد تضحك رد عليا
احمد .. مافيا شئ ايدي توجع فيا بس
شدتني من ايدي الثانية وحطتني على الكنبة وخلت راسي متكي على كتفها
انا.. بتخوفني عليك انت وبعدين مش مواعدني انك متعبرش امه الفرخ هذا مانبيش نعرف شنو قالك لكن ليش حمودي ماشغلتش عقلك
احمد.. مشغل عقلي وتحملته نين عدى عبدالله سمطها معاي نين معاش عرفت نتحمل
انا.. ووعدك ليا
احمد.. مخلفتش لان عبدالله عدى واللي قاله ولو عبدالله قاعد ماقدرتش نتحمله سادني قديش ليا متحمل
انا..خوفتني عليك هلبة حمودي معاش ادير هكي
معاش سمعت رد ولما شفت لاحمد لقيته راقد حولته بالشوي من على كتفي وعدلته على الصالون وحطيت مخدة تحت راسه وجبتله غطاء وغطيته وطفيت الضي ورديت الباب وخشيت غيرت دبشي ودوشت وصليت لربي ركعتين يزيد قلبي يقويه بحب احمد حب راجلي وحلالي
احمد
نضت الصبح لقيت روحي مغطي وراقد على الصالون وقاعد نتفكر في الحديث اللي بينا وقلت كيف غفيت هكي بعدين اذكرت المسكن وطلعت لداري فوق خشيت دوشت وصليت ونزلت لقيت انوار ونوارتي ومحمد وموسى وعمتي حواء يفطروا
احمد.. صباح الخير
كلهم الا نوارتي ماردتش عليا .. صباح الورد
ماما .. تعال احمد الفطور واتي
انوار .. هيا نجهزلك الكابتشينو
احمد.. صحيتي نانا كيف حالك نوارتي
بحتت فيا وصبت ومابتش ترد عليا
ماما .. شكلك مزعلها يا احميدة
انوار .. ااااايه علينا شنو بيحزها تو
احمد.. يستر الله مع انها امبارح كلمتني وجيت ولاقتني بكل حب وخوف
انوار .. حزها يا حمودي عرسكم مازال عليه اسبوعين
احمد..يستر الله وطلعت مشيت ليها
ماما..غير افطر قبل
احمد.. كيف بنفطر وهي زعلانة
ماما.. حتى هيا فطرت
احمد.. نا نعرفه فطورها وهي زعلانة
ومشيت للدارها دقيت عليها وقلت كنها هذي امبارح كانت خايفة عليا واليوم زعلانة مني دقيت ومافيش رد دقيت اخرى
انا.. خش
احمد.. خيرها نوارتي ماتبيش تكلمني
انا..وكنت نشتغل في مدالية ليه ومابيتش نرد
احمد..نوارتي كنك انتي دوختيني امس جيتيني وحنيتي وخفتي عليا واليوم ماتبيش تكلميني
انا.......
احمد..جبت الكرسي الثاني وقمعزت قريب منها وشديت ايدها
حبيبتي ومراتي كلميني نتعب راه
انا.. لما سمعت كلمة حبيبتي سخنت وبردت في نفس الوقت ومابيتش نرد
احمد.. نوارة قلبي نوارة عمري
انا.. معاش قدرت نتحمل
ماهو انت امس هزبتني قدام الشباب
احمد.. اه قلتيها بروحك قدام الشباب انتي شنو اديري حذاهم
انا.. خفت عليك ومعاش نندري على روحي
احمد.. نوارتي انتي من قبل ماتكوني مراتي وانا تعرفيني نغار وبعد ماحبيتك وتميتي مراتي غيرتي زادت عليك وكان نلقى نحطك جوا قلبي ونسكر عليه
انا..حسيته كلامه حلو ويهبل مع اني كنت نسمع فيه من يوسف لكن مش زي مانسمع فيه من احمد حولت الفكرة من راسي معاش بندير مقارنة اني هكي نتعب ونتعب احمد معاي وهو مايستاهلش وبدون مانندري لقيت روحي حاطة راسي على صدره
احمد
فجاءة بدون سابق انذار بعد ماكانت كانها تتناقش هيا ونفسها حطت راسها عليا قربتها مني وحضنتها مع ان الكرسي عقدني لكن المهم كانت بين ايديا ورضت وسامحتني
وخشت انوار علينا اللي ماتعرف ادق على الباب بكل ونحن من كثر ما حاضنين بعض ماحسيناش بيها نين تكلمت
انوار .. ياسلام معليش ياشاب وياشابة وين قاعدين انتم
معدلناش عليها بنزيدو نقهروها وبالذات قالتها كانها موظف امن في جامعة
انوار ..هيييي راعو مشاعيري الزف الليم كمل من حوشنا راه
انا..تحشمت على وجهي وحولت من حضن احمد
انا..ماعندك عليش تمصي في الليم هو ثلاث اسابيع وتقعدي مع وسيم
انوار.. الحمدلله يارب رضيتي بسرعة
انا.. حتى هو راجلي
انوار ..هههه صار حتى هو راجلي
الحمدلله فكيتونا من جو النكد اللي بنقضوه لما تتعاركو وياريتك يا احمد متزوجها من سنين بدل ماكنا نقعدو قريب اسبوع ونحن متنكدين من زعلها منك
احمد.. نصيب الحمدلله لما ربي اراد اهو ازوجتها والمهم رضت
انا.. انت تحكي معاي هكي وتبيني مانرضاش طبعا شديت ايد احمد وحاطة عيني في عينه
انوار ..خلاص ياعنجدكم وطلعت
ورجعت
نسيتوني تعالو افطرو طالما ترضيتو
اناواحمد.. انقنا جواعة
انوار .. خزيي قديش ماتكابرو هي جهزت الكابتشينو للمرة الثانية
احمد.. تعبناك
انوار .. طالما تراضيتو تعبكم راحة
وطلعنا فطرنا لان فعلا كنا جواعة
ونحن ناكلو خطرت عليا حاجة
انا..حمودي بنسئلك
احمد..شنو
انا.. قولي ارتبطت يوم بعلياء بنت عمك
احمد.. شنوووووو