للقدر والنصيب كلمة اخرى

40

#للنصيب_والقدر_كلمة_اخرى

ح40
احمد ..ياستي القصة
ان يوسف كان متعلق واجد بامل من صغره بحكم ان بوسالم يشرب وديمة يضرب في مرته وهي تجي حراجانة بعيالها لحوش بوها اللي متربي فيه يوسف وتعلق بيها مايشوفش في الدنيا الا هي لعند لما جاء صيف ثانية ثانوي عرف عمي علي بعلاقة يوسف بامل وعلى خاطر بوها ماباش وهدد يوسف انه يحرمه من الورث كله لو يفكر فيها في البداية امل قالت له انا نحبك انت مانبيش فلوسك لكن لان يوسف كان مش حارم امل من اي شئ وكانت لما تطلب الحاجة تجيها اغلى واحسن شئ فحست بالنقص اللي صارلها وفي نص ثانية ثانوي قالت له انها ماتقدرش تتحمل او تعيش في فقر هي ماصدقت افتكت منه  معاك لكن انت تميت زيي ونا مانقدرش انتحمل وسيباته ولان يوسف يحبها قال تو ترجع وماعدلش عليها ونهاية السنة طالعين زردة ويوسف قال انا تاعب بنروح وفي الفترة هذي خالتي صالحة ام سالم كانت حرجانة ويوسف اصلا روح عارف الحوش حيكون فاضي مافيشي الا امل ومنال بس لان كل واحد عنده مشوار وكان خاطره بيحكي مع امل وانه قنع بوه بيها وبيخطبها رسمي خش للحوش مالقاش حد توقعهن طالعات للجيران ركب للجناح بتاعه وهو متكي سمع صوت وضحك طلع لان الضحكة هذي يعرفها ونزل ولقى باب الدار مردود ولما فتح باب الدار لقى امل في وضع مش تمام بكل ومعاها واحد والوضع اللي يوسف شافها بيه خلاه مصدووووم فترة طويلة ولما انتي قلتي على اسمه استغربت ولما شفته حمدت ربي انه قرر ينسى اللي صارله وطبعا لاني كنت واثق منك لان لو بنت ثانية مكانش حبها بالسرعة هذي وارتبط بيها وتزوجها في الوقت هذا
انا..به وامل شنو صار فيها
احمد ..طبعا بعد ماشافهم يوسف ضربها وصارت حالة غير الراجل اللي غلط مع امل صلح غلطه وتزوجها والله واعلم شنو صار بينهم لكن ماليهاش اربع شهور مطلقة
انا ..ويوسف سمع بيها لما اطلقت
احمد ..ايه اكيد
انا..يعني اطلقت ويوسف متعرف ليه عليا شهر بس
احمد ..ودلالة على انه يوسف نسى جرحه وقدر يبدا صفحة جديدة وحبك صح لانها على حسب ما حكت ليا امال انها كانت طول الفترة اللي قبل مايتزوج فيها وهيا تحاول انها تخليه يرجع ليها
لكن هو كان يصد فيها ويهزب فيها
انا..اه
احمد ..بس شنو خطرها عليك وكيف عرفتي ان في قصة
انا ..وحكيت ليه على يوم زورتي لاهل يوسف
احمد..هالحيوانة شن مازالت تبي ضيعاته من بين ايديها وتو تبي ترجعه بعد ما تما  سعيد في حياة جديدة
انا..ماتحطش في بالك شئ انا عقلي كبير تعرف فوني كان في حوش اهلي ولما جبته لقيتها باعتة ليا من رقم صور ليها وليوسف واوضاع حميمية لكن انا مادرت شئ قلت نين تروح ونسئل يوسف بحداك لكن اهو عرفت القصة ومعاش مهم شئ
احمد ..شنو اللي مش مهم
انا..ماتركزش
احمد ..بنقولك غريبة هشام  مختفي حتى الزيارات مايجيش
انا
طبعا انا منبهة على الشباب واهلي انهم مايحكو شئ لاحمد على هشام نين نحكي ليه انا
انا.. وين نندري عليه وحسيت بضيق
انا مش واجعني من يوسف بقد ماوجعني قلبي من هشام  عشرة عمري وصديق الطفولة ليش دار هكي وكيف وصل لصوري وكيف مصورة انا وياه بدون مانندري ووووك راسي دايخ
احمد..وين رحتي نوارتي
انا..راسي يوجع فيا
احمد ..تو نكلم الممرضة
وجاء موعد الزيارة وجو كلهم حتى يوسف جاء تقول حس بكلام بابا مع اني ماقلت ليه شئ ونحس في روحي معاش عندي نية نشوفه لان كل ماتجي  عيني في عينه نحس في قلبي يوجع فيا وواجعتني نفسي لان المفروض الليلة اللي تكون ليلة دخلتي نقضيها في المستشفى ومعاها ضاربني راجلي وحبيبي ومع الالم الجسدي آلمي النفسي اللي مستحيل ننساه كان نلقاه يروح
ومشن ايام الاسبوع هكي يوسف يجي في الزيارة ويجي في الليل موخر يبات معاي والصبح يجي احمد وهو يروح والكلام بيني وبين يوسف تقريبا مايفوتش العشر كلمات واهلي وقروبي واهل يوسف كل موعد زيارة حاضرين
وجاء اليوم اللي طلعت فيه من المصحة وقبل نبي نروح لحوش اهلي بس يوسف مباش ولقيته جايب شغالة للحوش وانا من داري مانطلعش الايام الاولى قضيتها رغم ان يوسف يبات معاي في الدار وعلى نفس السرير لكن لاقدرت نقوله ماترقدش معاي ولاقدرت نخليه يفكر حتى يقرب مني سانتي حتى بوسة الراس اللي في المصحة معاش خليته يجي شوري
وبدا حالي مع الايام يتحسن شوي بشوي
وبعد كملت شهر جاء احمد ويوسف في العمل وانا اتصلت باحمد وطلبت منه يجي وبعدها اتصلت بسند  وقلت ليه يجي حتى هو بس مايخشش واذا احمد طلع من عندي يطلع في جرته ومايخلشي بروحه سئلني سند  ليش قلت ليه بنحكي لاحمد على هشام وانت عارف احمد كيف يصبح لما حاجة تخصني او تخص اختي وسند  طمني انه حيطلع تو ويستنى احمد
احمد ..اهلين نوارتي ان شاءالله حالك تمام
انا..تمام بكل الحمدلله وهانت
حمودي نبي منك خدمة بس توعدني قبل انك ماتحمقش مني
احمد ..يستر الله شنو دايرة نوارتي
انا ..مادايرة شئ بس اندار فيا
احمد ..بخوف شنو اندار فيك احكي ماتخلينيش على اعصابي
انا..احمد الموضوع مايبيش عصبية بيش تعرف تبري ذمتي لازم تهدا وتفكر بعقلك
احمد ..شنو نوارة خوفتيني
انا..مش فاهمة الموضوع كويس لكن يوسف لاقي صور ليا عند هشام  ومعاها اخرى صورة ليا انا وياه ودايرها خلفية
احمد..شنو شن تقولي انتي وصبى وبيطلع
انا ..حسيت قلبي بيوقف وناديت بصوت دوبك طالع اااااحمد
لف عليا احمد وجاني كنك نوارتي
انا..نحس في قلبي
حمودي اسمعني بالله عليك
احمد ..غير قمعزي وكلم الشغالة تجيبلي مية شربني احمد المية
انا ..حمودي اسمعني هشام ماينفعش معاه العصبية لازم تعرف قبل كيف وصل لصوري لان يوسف اتهمني بالكذب لان مرة سئلني على الصور فقلت ليه الصور موضوع ماتخممش فيه احمد حاط حد لينا صورنا مع القروب عندنا نحن البنات بس ومافيش حد من الولاد عنده صورنا وعمري ماصورت مع واحد منهم بروحي الا احمد غير
وطبعا لما يوسف نقال هشام ويلقى فيه  صور ليا واخرى مصورة انا وياه بس اكيد بيكذبني وانا نبيك بالهداوة تعرف كيف هشام  وصل لصوري وكيف عنده صورة ليا انا وياه انا نبيك تبريني قبل قدام يوسف وبعدين انت حر مع هشام  لكن حمودي مايبيش عصبية الموضوع هذا لازم تفكر فيه بعقل بيش تعرف تاخذ حقي وانت عارفني حمودي واللي يقهر ياقلبي في الموضوع اكثر انه عنده صور ليا بيجامات نوم شورتات وكت تخيل
احمد..ينعن جد هذي انا عمري ماشفت صور ليك هكي اذا انا عمري ماشفتهن بتعطيهن لهشام 
انا ..استنى نزيدك شنو قايله اخرى
اني انا وياه نحبو بعض ولولا فلوس يوسف مكنتش حبيته وتزوجته وراه قاعدين مع بعض تخيل يطلعني هشام  على اخر الوقت مادية
احمد ..والله نوريه ونشعفه على كل كلمة قالها
انا..احمد وقعدت نبكي بالطريقة هذي معاش تاخذلي حقي انت هكي بضيعه ونقعد في نظر يوسف كذابة عمري كله
احمد..اسسس خلاص مش كويس ليك الانفعال
انا..خايفة عليك تقتله وتقعد انت في الحبس انا من بيا بعدين
احمد..خلاص معاش تتكلمي تو تزيدي تتعبي وتتعب ريتك خلاص اهدي والله بنحكم عقلي معاش تخافي وكوني هانية نجيبلك حقك قبل ونبري ذمتك قدام يوسف وبعدها ساهل
انا..وعد
احمد..وعد
هيا خشي تمددي وانا بنطلع تو
انا..به
وطلع احمد ومعاه الشغالة سكرت الباب وشفت من الروشن لقيت سيارة سند  برا ارتحت وخشيت داري وتمددت على السرير وشكلي تعبت روحي لقيت روحي راقدة مانندري على شئ حتى لما يوسف جاء نوضني على الغذاء مانندريش عليه ونضت قريب من المغرب وقالت ليا الشغالة ان يوسف جاء ونوضني  على الغذاء بس انا مانضتش معاه وقلت ليه انك رقدتي تعبانة
انا ..اه شكرا
الشغالة ..نجهز لك حاجة تاكليها
انا..لا مانبي شئ نبي كوب كابتشينو
الشغالة ..حاضر
انا ..خشيت دوشت بيش نريح روحي شوي
وطلعت اتصلت بي احمد سكر عليا
وبعتلي رسالة
(مشغول شوي تو نعاود عليك)
واستغربت يوسف عادتا العشية مايطلعش وبالذات كان عرف اني تعبت
وقلت لروحي وانا شنو  هاممني طالما بنسيبه وقعدت نستنى في احمد
وسمعت صوت الباب انفتح يوسف ومعاه احمد و سند 
انا..اهلين بيكم
هما ..اهلين بيك
احمد ..خلاص نوارتي كوني هانية
انا..شنو احكي وجت عيني في عين يوسف وعلى طول نزل راسه
سند  ..تو نحكيلك نا غير جيبلنا حاجة نشربوها وانتي تشربي قدامنا
انا ..معليش سامحني
كلمت الشغالة وجابت لهم قهوة وقعدو يشربو
انا..هيا تكلم راه على نار قاعدة
سند  ..القصة ان هشام  واخذ الصور من فونك  بدون ماتندري
انا ..كيف من فوني 
سند  ..ماهو انتي من طيباتك ونيتك الصافية ماشكيتيش في هشام  لما خذا منك فونك بيش يكلم لانه رصيده كمل وانتي لانك ذوق بعدتي من احداه وهو استغل الوضع وخذا اصورك
انا..به كيف عنده صورة ليا انا وياه
احمد..لما صورنا الصورة الجماعية في عرس احلام انتي جيتي جيهة هشام  لما خذا الصورة قصها وتعمد ان يوسف يشوف الصورة بيش يخرب بينكم
انا ..انهرت مش مصدقة اللي نسمع فيه
انا عليش ليش هشام  ايدير هكي ليش شن مصلحته يخرب عليا ليش
سند  ..لانه يحبك
انا ..ونار راكبة فيا وانا عمري ماحبيته الا زي خوي معقولة رفيقي وصديق طفولتي ايدير هكي فيا يدمر حياتي قبل ماتبدا وقعدت نبكي واحمد يهدي فيا ويوسف ماقدرش يقرب شوري خاف شكله مني اني نحكي اللي داره فيا
انا
ليش ياربي ليش يطعني اللي قريب ليا ليش ياربي شنو دايرة في عمري انا والله حتى بابا وماما راضيين عليا وبحتت في احمد قولي ياحمودي بالك دايرة غلط وانا مانعلم ربي يعاقب فيا على خاطره ليش ياهشام  انا شنو درت ليك بس وجعت قلبي ودمرت حياتي
واحمد يهدي فيا وماقالش ولا كلمة وطلع يوسف للدار جابلي حبوب مهدئات خايف اني نتعب وعطاهن لاحمد شربهن ليا وبعدها شوي مانندري على روحي الا وانا في سريري وراقدة ونضت الصبح راسي منفخ ويوسف مالقيتاش راقد احداي مشيت شور المطبخ لقيت الشغالة نايضة قلت ليها اديرلي كوب كابتشينو وطلعت للصالة لقيت يوسف متكي بين الراقد والواعي على الصالون
مابيتش نعدل عليه لاني اصلا اليوم بنقوله بنروح خلاص
شربت قهوتي وخشيت للداري طلعت شنطة صغيرة حطيت فيها غيارت ليا وقلت باقي دبشي تو يلمنه البنات وانوار ودرت برمة في الدار لكن ماحسيت بشئ ولا كأني بنفارقها وطلعت ليوسف
انا..يوسف
يوسف ..ياعيونه
حسيت الكلمة وجعتني لكن درت روحي ماعدلتش
انا..ارفعني لحوش اهلي او نكلم احمد او بابا او عمو لو انت مش فاضي
يوسف
حسيت كان الدنيا دارت بيا والكلمة اللي مانبيش نسمعها اني سمعتها تو نحس في قلبي بيوقف وبعد جهد جهيد قدرت نتكلم
يوسف .. لللللللليش