للقدر والنصيب كلمة اخرى

78

#للنصيب_والقدر_كلمة_اخرى

ح78
احمد.. نوارة نوضي لمي دبشك وعدي لحوشنا الثاني 
انا بصدمة .. شنو حبيبي خيرك شنو في
احمد.. بدون نقاش انا معاش نبيك في حياتي
انا ودموعي طول نزلو .. شن شنو تقول انت
احمد بدون مايشوفلي .. اللي سمعتيه
انا جيت لعند وشديت ايديه .. فهمني حبيبي خيرك معاي هكي كيف معاش تبيني
احمد ..دف ايديا نين طحت قدامه وقعد يعيط خلاص اطلعي من حياتي قديش مرة بنقولها ومشى فتح دولابي وقعد يطلع في الدبش ويعزق فيه وهو يقول اطلعي من حياتي
انا استجمعت مافاضلي من قوة وشديته وحطيت عيني في عينه لكن اللي صدمني ماشفتش في عيونه نظرة كره قاعدة نظرة الحب قاعدة نظرة العشق لكن ممزوجة بخوف كيف احمد في عيونه الخوف اكيد في شئ
انا... احمد فهمني خيرك
احمد وانا نشوف لعيونها ونطلب منها تسامحني لكن من خوفي عليها لازم نطلعها من حياتي خير ماتنضر اكثر من هكي طالما ماعرفتش من اللي وراء اللي يصرلنا
احمد بصوت جدي .. نوارة انا حاليا نمر بوضع مش تمام ولازم تبعدي عليا بيش نقدر نعرف نرسى على بر
انا.. بس انا برك وانا راحتك
احمد.. وسبب ضعفي وعمري ماحنكون ضعيف او نخلي حاجة تخليني ضعيف
انا بدموع مبنش يوقفن .. حاضر يا احمد وقعدت انلم في دبشي ونبكي وهو نزل وخلاني ورنيت على بابا
انا.. بابا تعال روح بيا
بابا .. اني تحت قاعد اصلا
انا .. اني نازالة
غيرت دبشي ونزلت وركب احمد نزل الشناطي وعمو وعمتو يهزبو في احمد وعمتو تبكي جيتها وضميتها
انا.. عمتو انا بنتك زي الاول زي تو سوى كنت كنتك او لا
عمتو .. والله ماني عارفة شنو صارله
عمو .. هذا اصلا فقد عقله
بابا .. محمود خطى العيل
عمو .. مش عارف كيف بعد اللي دايره ومازالت واقف معاه
بابا .. حياته وحر فيها واحمد ولدي سوى راجل بنتي او لا
انا
مستغربة من رد فعل بابا وفي نظرات بينه وبين احمد مافهمتهاش ولاول مرة ماعرفتش نفهم نظرات احمد
وروح بيا بابا ولاقتني ماما وقعدت نبكي انا وياها وحسيت روحي فعلا منهارة وان السعادة مش مكتوب عليا انها ادوملي وبكيت وبكيت نين عييت ورقدت في دار المعيشة ونضت لقيت روحي الليل ومتغطية ولقيت هبة وانوار وهنادي واصالة قاعدات احذاي يهدرزن ودرت روحي عادي و هنا مبانش يفتحن اللي صاير
انا.. وين الصغار
اصالة .. نرتاحو شوي منهم
انوار .. نوارة انتي ماكليتي شئ انديرلك حاجة تاكليها
انا.. لا نبي كابتشينو نحس في راسي صداع
هنادي .. في عينك شنو كابتشينو كلنا جواعة نستنو فيك
اصالة .. هي انوار نجهز انا وياك
انا قعدت نبكي ونبكي وخذتني هبة في حضنها وتبكي معاي
هنادي .. خلاص انتن الاثنين
هبة .. اكيد في حاجة حبيبة مستحيل احمد يدير هكي مستحيل يبعد عليك انتي روحه
انا.. مسحت ادموعي الله واعلم شنو اللي وراه
انوار .. هي وسعن وحطت السفرة
انا خذيت مق الكابتشينو
هبة .. حاولي عبورة تاكلي
انا.. ماتغصبو عليا راعو وضعي انا بنبعد على روحي
هبة .. ان شاءالله فترة وحتعدي
انا.. ماما وين
انوار .. في الحوش الثاني
انا.. خيرها
انوار .. بتطمن على احمد
اصالة .. معقولة خلت بنتها وعدت تطمن على احمد
انا.. حتى احمد قطعة منها ماتلوميش عليها هذي امه الثانية
هنادي .. يارب يحل موضوعكم بدري لان والله اباهتكم وامهاتكم حيتقطعو بينكم
على خشة عمتو وماما وجتني عمتو وحضنتني وبكيت واجد في حضنها
هبة .. خلاص عمتي غالية عاد انتي الكبيرة
هنادي .. والله عين ماصلت على النبي
عمتو .. الله غالب يابنتي
انا.. ما اديري في بالك شئ ياعميمة ايام وحيهدى متاكدة ان احمد مش حيسبني احمد انا روحه زي ماهو روحي
وقعدنا نهدرزو وانا نهدرز شوي ونبكي شوي نين اذن الفجر روحت اصالة على خاطر بنوتتها لكن هنادي وهبة ماخلانيش توضيت وصليت ودعيت لربي وقريت قران لان هذا اللي حيهديني وفعلا رقدت لكن كل شوي نوض نبكي شوي ونرجع نرقد ومشن علي الايام هكي طوال وليل ماينتهي (الليل طويل على الرايق يبال اللي علمه ضايق) ومع اني مرات نوض وانا متاكدة ان احمد كان هنا وعمو وعمتو يعتبرو قاطعو احمد لانهم طول الوقت وهما عندي
وبعد اسبوع
بابا .. نوارة تعالي يابنتي
انا.. نعم يابابا
بابا.. بنيتي انتي كان خاطرك تمشي عمرة صح
انا بحزن .. اه
بابا .. به شنو رايك تمشي
انا باستغراب .. مع من
بابا .. مع عمتك غالية وامك وعمك محمود
انا.. وانت
بابا .. بنقعد مع احمد مانقدرش انسيبه حتى هو يتعذب زي ماتتعذبي
انا.. وليش ايدير فيا وفي روحه هكي
بابا .. ربي يهديه ويصلح حاله 
انا.. اللي تشوفه يابابا
انا
صح العمرة كنت محتاجة ليها لكن تمنيتها مع حبيبي اني نمشي انا وياه وقعدت نبكي واجد حضني بابا
بابا .. اهدي بنيتي بالصبر كل حاجة تنحل
انا .. بابا انت عارف حاجة
بابا .. مش عارف شئ غير احمد مضايق ويبي وقت بروحه
  انا.. مع اني متاكدة انك عارف بس ماتبيش تقولي وبنخليك براحتك اهم حاجة يابابا رد بالك على احمد
انا
بحسرة ماحد يعلمها لكن بفرحة اني بنزور الكعبة وبنزور قبر النبي عليه الف صلاة وسلام بس حسرتي اني بروحي مش معاي حبيبي ونص الثاني هيا لكن ديمة #النصيب_والقدر ليه كلمة في حياتي
جني البنات وجهزت دبشي وطلعت ماما وعمتو انوار وشرولي اللبس الخاص بالعمرة وهنا جهزو روحهن وموسى ومحمد بيكونو عند انوار وطبعا انا دوخة باستمرار عندي بالذات لما نوض الصبح لكن كله نقول من قلة الوكال لاني بالفعل يادوب ناكل وجهزنا وسافرنا وبدون مانشوف احمد وقديش كان خاطري نشوفه مع اني متاكدة ان هو في مكان قاعد بعيد يشوف فيا تجولت بعيوني لكن مالقيتاش لكن قلبي حاسس بيه
احمد
بعد ماصار لرجلين نوارة قعدن يجني رسائل اغلبها تهديد وتهديد لحياة نوارة ومكانش في ايدي حل سوى اني انباعدها عليا نين نعرف منو اللي وراء اللي يصيرلنا وجيت حكيت لعمي عمر وقلت ليه اللي بنديره وفي نفس الوقت الحاج محمد عرف المكان بالزبط اللي لاقاني فيه ومشيت ليه لكن بيش اندير ونتحرى براحتي لازم نبعد نوارة عليا بيش نطمن ان مايجيها شئ. لكن قلبي تقطع مع كل كلمة قلتها ليها مع كل دمعة نزلت منها ونجي للحوش الثاني كل ليلة بعد مانتاكد انها راقدة نجي نقعد احذاها شوي ونعبي عيني منها وتو في المطار شفتها كيف ادور عليا وكان خاطري انجيها ونضمها ونقوللها مشتاق ليك ومش قادر على بعدك لكن اكتفيت باني نشوفها من بعيد
انا
سافرنا وكانت رحلة طويلة شوي وفقدت احمد واجد لانه كان يساير فيا لان نحن مانرقدوش في الطيارة وقضيت الرحلة بكاء ووصلنا وبعد يومين ونحن في الحرم حسيت بدوخة قوية ومانندري على روحي الا وانا طايحة ورفعوني للدكتورة ولما كشفت عليا
الدكتورة .. مبروك مدام حامل
انا بفرحة ممزوجة بدموع .. جد يادكتورة تحكي
الدكتورة .. اكيد وليك كمان ثلاث اسابيع  حامل بس جسمك ضعيف جدا
ماما.. شكرا يادكتورة وجت وحضنتني 
الدكتورة .. بنكتبلك ادوية لازم تاخذيها انا... حاضر يادكتورة
وطلعنا عمو حضني وقعد يبكي وانا نبكي معاه
عمو ..مبروك يابنيتي
انا.. الله يبارك فيك
ماما .. احمد وباتك حيطيرو من الفرحة لما يعلمو
انا.. ماما وعمو وعمتو بالله عليكم لو تحبوني ويهمكم امري ماتقولوش لاحمد حتى بابا نين نروح ونحلفه بروحي
عمتو .. ليش يابنيتي
انا.. نبي احمد لما يرجع يرجع على خاطري مش على خاطر اللي في بطني بالله عليكم
عمو .. حاضر يابنيتي اللي تبيه
ماما.. بس يامحمود
عمو .. خلاص ياحواء كلمة هي وردو بالكم تحكو لهم
هيا نروحو ونجيبلك الدواء لان الدكتورة قالت ضروري تاخذيه
وطلعنا وفرحنا فرحة كبيرة ونستني همي شوي واني بنجيب قطعة مني ومن احمد حبيبي وبدينا في مناسك العمرة وتعبت واجد بسبب الحمل لان جسمي ضعيف بكل ومش قادرة نغصب روحي على الوكال  ومع ذلك قاومت واديت مناسك العمرة على اكمل وجه
انا.. ماما وعمتو وعمو بنقوللكم حاجة لكن تاكدو اني على كامل قناعتي بلي بنديره وياريت تدعموني
هما .. نعم
انا .. نبي نتحجب
عمو .. هذا حقك بنيتي وهو فرض عليك ونحن مافرضناشي عليك عشان تلبسيه بقناعتك لان كل شئ بالغصب الا الدين لانه  بين العبد وربه
عمتو .. وبعدين بنيتي انتي لبسك طول عمره مستور وتصلي في فرضك في وقته وديمة مصحفك في يدك وماناقصك غير حطت هالمحرمة على راسك
ماما.. وانا نقول ليك فترة تطلعي ديمة البرنوص على راسك المهم مقتنعة
انا.. زي ماقالت عمتو علاقتي بربي ان شاءالله تطلع كويسة زي مامتمنية وماناقصها غير غطاء الراس وربي يهديني ديمة للاحسن
عمو .. الف مبارك بنيتي
وحضني عمو وقعدت نبكي
ماما.. عليش تبكي تو حتى ليبيا بكرة طيارتنا
انا.. بروحهن ينزلن يا ماما
وجاء ثاني يوم واسقدنا لليبيا لبلادي اللي فيها قلبي وعمري وزعمك نلقاه يستنى فيا او لا ووصلنا ولقينا بابا وانوار ومحمد وموسى يستنو فينا وانا قعدت ندور بعيوني بالك يراقب فيا من بعيد
انوار .. ماجاش احمد
انا.. كان عندي امل
انوار .. هو في المرج عنده شغل
انا.. اه ربي يعاونه
احمد
كنت نشوف فيها من بعيد قديش رايحة ضعيفة بكل لدرجة شنطة يدها طاحت اكثر من مرة منها ونا نعرفها لما اطيح من الشنطة بالشكل هذا نعرفها تاعبة واجد غير وجهها الاصفر وفهمت نانا اني ماشي للمرج عندي شغل لكن هي مابطلتش ادور عليا تقول قلبها حاسس بيا وليش قلبها مايحس بيا ونحن واحد 
بابا .. حمدلله على السلامة خيرك نوارتي شكلك هكي رايح
انا .. نروحو تو نحكيلك
روحنا للحوش وحكيت لبابا اني حامل وفرح واجد بيا وقلت ليه شنو نبي
بابا .. بس حقه يعلم
انا.. حقه اكيد لكن يابابا هو اللي فيه ساده مانبيشي نحمل تفكيره زيادة ببيبي
بابا .. بس انا حنقوله
انا.. بابا انا ماطلبتش منك تحكيلي على اللي صاير لاحمد ومتاكدة انك تعرف فاحترم رغبتي
عمو .. عمر خليها براحتها وهو حيجيه الوقت ويعلم
انا.. والله يا بابا وانوار لو تحكو لاحمد ماعاد لساني يخاطب لسانكم نين نموت
بابا .. لاحول ولاقوة الا بالله
انا .. نبي نرتاح واكيد البنات ساعتين وحيجن وردو بالكم تقولو ليهم حاجة نين انا نحكي ليهم
وركبت لجناحنا فوق وعلى طول شميت ريحة احمد تخيلته يستنى فيا في الدار الثانية بتاعت المكتب دايرها مفاجاءة لكن فتحت الباب ومالقيتاش دوشت وغيرت دبشي وخذيت بيجامته لبستها ورقدت طبعا بعد المعتاد البكاء اللي تما ونيسي في الفترة هذي
وجن البنات واستقبلتهن في الصالة اللي قدام الجناح لان الحوش تحت معبي ناس وبعد السلام والدموع والاحضان 
انا .. نانا ليش عمتو وماما مامشو للحوشنا الاخر
انوار ..بسببك
انا.. عليش
انوار.. لما بتمشي لحوشنا الثاني مش كلهم بيسئلو على الكنة هو قبل ماتكوني كنة ولازم يسئلو عليك لابال تو كنة لكن هنا احسن عشان مرة مرة تنزلي تبيني وجهك للناس
هنادي .. الله يسامحك يا احميدة
انا.. اسمعن يابنات  انوار و هنادي وسماح واصالة وهبة ووجدان وخالدة عندي ليكن خبرين حلوات لكن واحد منهن  لو يطلع من هنا اقسم بالله ماعاد لساني يخاطب وحدة فيكن
هبة .. خوفتينا
انا.. الاول اللي حتى لو طلع عادي اني بنتحجب
هنادي .. الف مبارك حبيبة
هبة .. واخيرا انضميتي للفريق
اصالة .. حي على امكم مازالت نا
خالدة .. توكلي على الله وتحجبي بيش ربي يكمل علينا بالهداية
اصالة .. والله حتى انا ليا فترة انفكر فيها
انا.. فكري كويس حبيبة على خاطر الحاجة هذي لربي ولازم تكون بقناعة ومن القلب
اصالة .. ان شاءالله
هبة .. والثاني
انا.. هذا هو الاهم ولو طلع انسن ان عندكم صاحبة اسمها عبير وانتي يا انوار لو يطلع انسي انك عندك اخت
انوار .. هييي خوفتينا لهدرجة مهم انه مايطلعش
انا .. اه بالذات لرجالتكن وانتي يا وجدان  يشملك الكلام راه ومش تقولي جديدة عليكن انتي غلاوتك من غلاوتهن
وجدان .. ربي يحفظك وكوني هانية مايطلع مني حاجة لهشام
انا.. انا حامل
البنات .. وااااااااالله وبدن عياط واحضان ودموع وفرحة كبيرة
انا .. هبة بطلي تنطيط يابنتي بطنك قدامك
خالدة .. بس ليش ماتبيناش نحكو خبر زي هذا لرجالتنا والله يفرحو اكثر منا
انا..لاني مانبيش احمد يعلم
انوار .. عليش
انا .. لاني نبيه لما يرجع يرجع وهو مرتاح وناهي كل شئ انا سبب ضعفه فيه مانبيشي يضغط على روحه على خاطر البيبي لان هكي حنخسره مزبوط
وجدان .. قصدك انتي عارفة احمد حيرجع
انا .. اااااكيد
وجدان .. به ليش تعذبي في روحك هكي ماشفتيش شكلك
انا.. لاني مش متحملة بعده عليا زي ما متاكدة انه حتى هو مش متحمل
هنادي .. ربي يهديكم ويقرب بعدكم في اسرع وقت
كلنا .. اااااامين يارب