للقدر والنصيب كلمة اخرى

67

#للنصيب_والقدر_كلمة_اخرى

ح67
وطلعنا ولحقنا عليهم وفطرنا مع بعض وحسينا بيهم فرحو بجيتنا وهدرزنا واحمد عدى للمكتب وبابا وعمو طلعو بيجيبو اللحم والبنات الاول باول وصلن جت هنادي وبعدها اصالة ولاول مرة هبة تجي اخرهن
انا..مش عاجبتيني ياهبة
هبة ..وليد محيرني وشكلي بننفصل بكل
انا..عليش استهدي بالله
هبة ..قصة طويلة تو نحكيلك مش تو غير تو طمنيني عليك
انا.. فرحانة واجد واجد مانقدرش نوصف فرحتي قديش عرفت انه يحبني وانه كان ضاغط على روحه على خاطر الوعد اللي عطاه ليا
هبة ..ربي يهنيكم ديمة
انا..امين
وطبعا كل شئ واتي وبدن الطبخات يجهزن في العشاء وبدو النسوان الاول باول يجو وحتى الرجالة وشوي سمعنا تبيب سيارات وخشت انوار للجنان  تلقاها عمو محمود كان بيموت عليها غير يكابر وتغمرها وحضنها وبعدها بابا وطلعت عمتو وماما لاقوها وهي جاية الفرخة تهبل بالعربي مع اني حسيتها مش تمام وسلمت علينا والزغاريد معبيات الحوش
انا..طالعة تهبلي يافرخة
انوار .. الفرخة بتجيبلكم فرخ او فرخة بيش يكمل طقم الفروخ عندكم
كلنا بدهشة ...شنووووووو
انوار .. ايه حامل وهذا اللي خلانا انطولو ماروحنا لاني تعبت من الوحم
انا..سلمها يارب فرختنا بتبقى ام وطبعا الاحضان استمرت طويلا وجاء حبيب قلبي
احمد..وينها عروستي الحلوة
انا..انا بس عروستك
احمد..انتي قلبه وعمره مش عروسته بس
وجاته انوار وحضناته زين وقعدت تبكي نين استغربنا
احمد..كنك نانا
انوار ..رايفت عليك اكثر حاجة والله
احمد.. باه عليش البكاء
انوار ..من فرحتي بشوفتكم
احمد..سلمها يارب
هبة ..وبارك ليها هالفرخة بتولي ام وبتخلينا خالات وانت خال عاد من قدك 
احمد..حضن انوار ياعمري كبرتي وبتبقي ام
انوار ..خذيت راجل ومازالتم هازيين عليا
هنادي ..نانا هي المصورة جت خلونا نصورو
احمد..تو نكلم وسيم ونجي
انا..باه ياقلبي
وجاء وسيم وباركنا ليه وصورو ونانا ركبت لدارها و معاها هنادي وتسنيم عاونتها في تحويل العربي ولبست فستان قصير وحلو طالع عليها ومخلاش الامر من انها مرة مرة ترجع ونزلت علينا
انا..تعبتي واجد ياقلبي
انوار ..شكله وحمي واعر زي امي
انا..شكله لان عمتو غالية ديمة تقول وحمي واعر باحمد
انوار ..تعبت واجد وانتم مش معاي ووسيم تما خايف عليا ولان حتى الدكتورة قالت السفر مش كويس غير معاش قدرت نقعد بلاكم
انا..به وليش ماتتصليش بيا
انوار ..والله الوقت اللي مصحصحة فيه يادوب انلحق مرة نكلم باتي وامي ومرة بابا وماما ونطمن عليكم منهم بدلالة الفندق
انا..ااااايه حتى انتي وصلك
انوار ..ربي يهنيكم يارب ويفرح قلبك حتى انتي وتبقى ام في اقرب وقت
انا بحزن وخطر عليا موضوعي ..ان شاءالله
ومشى اليوم يهبل وروحت نانا هيا ووسيم ورحو الناس كلهم حتى البنات وقعدت انا والشغالة نلمو في الحوش على جيت احمد
احمد..حبيبي تعب عليك
انا..مافيش حاجة صعبة حبيبي البنات ضمن معاي قبل مايروحن وانا وزيزي  نردو في الماعين لمكانهن بس
احمد..نعاونك
انا..لا ياقلبي اركب ارتاح حتى انت اليوم تعبت واجد
احمد..خلاص حبيبي بس ماتعطليش
انا..حاضر
حبيبي تبي حاجة تاكلها
احمد..كان في موالح ياريت
انا..في ياقلبي حاضر تو نسخنلك
وسخنت الموالح وحطيت معاهن عصير وركبت لاحمد لقيته مغير دبشه وقاعد بشورت وكت حطيت قدامه
كول حبيبي مابين غيرت ادبشي
وخشيت نغير في دبشي ولبست روب وردي هادي طويل وكتوفه خيوط رقاق وفيه فتحة من قدام كبيرة وجيته
احمد..حبيبي اكيد تاعبة بكل
انا..اه تعبانة بكل ولاني الموعد قريب فنحس في التعب زايد
احمد..لاباس عليك ياقلبي
هيا نوضو نرقدو وخذاني احمد في حضنه وعدينا في احلى نومة تعبانين نحن الاثنين ونضنا الصبح وفطرنا وعدى احمد للمكتب وانا روحت لحوشنا رفعني بابا وطيبت الغذاء مع عمتو وقعدنا نهدرزو نين جاء احمد وعمو وتغذينا وضميت حوسة الغذاء مع زيزي وخشينا نقيلو ولبست نفس الروب
احمد..مرايف عليك واجد
انا..وانا اكثر والله وبسته على خدوده وهو كمل الباقي من بحرنا الحلو اللي مايكملش
ورقدنا بعدها نضنا ودوشنا وصلينا العصر ونزلت لتحت اندير في العصرية
احمد
اذكرت الفون اللي حطيته في الشحن ونسيته وفتحته وخشيت على التسجيل وفتحته وسمعت وانا قلبي وعقلي يغلي غلي ومش مصدق انا شنو نسمع 
(حبيبي سامحيني والله عارف روحي غالط  وكيف سمحت لروحي اني نمد ايدي عليك والله ماني عارف كيف حياتي بتكون بلاك انتي كل شئ لي انا يوم اللي انقرت فيه فاتحتنا حسيت روحي كاني نولدت من جديد حبيبتي سامحيني اي شئ يخليك ترضي مستعد انديره لك والله ماتلومني الغيرة عمتني وكلام هشام  خلاني مانفرز شئ وانك لولا فلوسي ماكنتيش حبيتني وصورك اللي في نقاله وصورة ليك وليه مع بعضكم ودايرها خلفية الغيرة كلتني ونسحابك زي الحقيرة بنت خالتي مع انك ماعمرك كنتي زيها لكن الغيرة عمتني وخوفي اني نفقدك بطعنة او غدر منك خلاني اعمى  اعمى لدرجة حتى فتحي لما فكني من هشام  قالي اكيد في غلط عبير مستحيل تكون هكي مسمعتش ليه ماحكمتش عقلي وقلت هذا يعرفك من زمان من وانت صغيرة والله ماني ماعارف كيف اندير ولما خشيت للدار وشفت الروب عرفت ان الليلة اللي خربت فيها كل شئ كنتي حتكوني زوجتي مش على الورق بس لكن انا حمار خربت كل شئ ومعاش عارف شنو اندير نتحمل كل شئ الاخسارتك)
سمعته ومعاش قدرت نمسك روحي وطلعت من باب الحوش وانا انادي والع
نوارة نوارة نواررررررة
انا..نعم
احمد..اركبي نبيك
عمتو ..خيره يعيط
انا..والله ماني عارفة خليني نركب نشوفه
عمتو ..وسعي بالك معاه بنيتي
انا..بخوف حاضر عميمة
احمد..نوارة وينك بسرعة اركبيييي
انا..اهو جيت شنو في حبيبي
احمد
سكرت باب الجناح وعليت صوت الشاشة اللي في الصالة  وخشيت للدار
احمد..خبريني قولي الحق
انا..حق شنو حبيبي
احمد..السبب اللي خلاك تنفصلي على يوسف
انا..حمودي معقولة راجل يسئل مرته هكي
احمد..انا سمعت التسجيل شنو دارلك الحيوان
انا..خفت عليه وهو حامق بينفجر ونزلن الدموع طول قبل مانبدا نتكلم وشديت ايديه وفك ايديا بقوة انصدمت