للقدر والنصيب كلمة اخرى

64

#للنصيب_والقدر_كلمة_اخرى

ح64
لقيت ورقة مثنية واقفة بطريقة مثلث
وكل مانركب درجات نلقى ورقة
الاولى انت الحب كله
الثانية انت عمري
الثالثة انت قلبي
الرابعة انت الدنيا كلها
الخامسة ياقلبي وحبي وعمري
والسادسة كل عام وانت حبيبي وعمري ودنيتي كلها
ووصلت عند باب الجناح وعرفت من الورقة الاخيرة انها دايرة ليا حفلة بمناسبة يوم ميلادنا وحمدت ربي اني جبت الوردة و الهدية معاي وخشيت لقيت الجناح كله شموع وريحة حلوة والتفت للصالة لقيت على الطاولة تورتة بشكل قلب مكتوب عليها احمد قلب نوارة مغطية بغطاء الخاص بالتورتات 
والتفت ندور فيها لقيتها وراي لابسة شورت جينز لنص فخذها وعليه توب ابيض مرسوم عليه قلب  احمر ودايرة ميك اب خفيف وشعرها على طوله دايرتله فلو وبضحكتها اللي تهبل قريب متت  وقعدت نقول في خاطري يارب صبرني عليها يارب والله ماني قادر نتحمل ومعاها لابسة هكي نحس في روحي سخنت وحرارتي ارتفعت وجت قربت مني ولفت ايديها على وسطي
انا.. كل عام وانت دنيتي يا دنيتي كلها
احمد.. استوعبت الموضوع وطبست على راسها وبسته وانتي بقلبي وبعمري كله
انا.. هي حبيبي خش غير دبشك مابين ماجهزت العشاء
احمد.. به ومازالت الصدمة مسيطرة عليا من لبستها ومن الجو اللي صاير فوق طاقتي انا في الاخير راجل قديش بيقاوم جمال وانوثة زيها خشيت توضيت وصليت ركعتين  ودعيت لربي انه يساعدني ومايخليني ننسى وعدي
انا
جهزت العشاء طبعا بدري درته لان في عقلي حاجات اخرى وجاء احمد وتعشينا وهو رايح زي الاهبل منسته وبس ويرد عليا بعد وين
احمد.. صار للمة بتعدي
انا.. هههه عشان نقدر نوتي براحتي
شنو رايك في المفاجاءة
احمد.. احلى مايكون تعرفي اني تمنيت اني نحتفل انا وياك بهدوء بذكرى ميلادنا
انا.. القلوب عند بعضها لكن مازالت ان شاءالله الباقي يعجبك
احمد.. اي شئ منك اكيد بيعجبني
بعد تعشينا لميت الحاجات وحطيتهن في الغسالة وجبت لحمودي البيجامة وقلت ليه انها هذي هديتي ليك وهو مدلي هديته وكانت طاقم ذهب ابيض بشكل فراشة بسيط وانيق والوردة كانت هدية حلوة
انا..حمودي نوض قيسها بنشوفها عليك
احمد.. ضروري
انا..حتى انا بنوريك عقاب هديتي
.خش احمد يقيس فيها في دار النوم وانا خشيت للجلسة لاني حاطة الروب فيها والعطر
احمد
لبست البيجامة وكانت تهبل قطنية وناعمة وطلعت للصالة مالقيتهاش ناديت ردت عليا من الجلسة قالت تو نجيك دقيقة وقعدت نستنى
انا
لبست الروب وكنت متحشمة فيه الحق وقلبي يدق بصوت عالي دقه وبخيت من العطر اللي عطاه ليا احمد ليلة دخولنا وكثرت منه واذكرت ان هذا عطري زمان قبل ما تجيني الحساسية وحتى بعد شفيت منها معاش دورت العطور 
احمد
طلعت عليا وهي تمشي ومتوترة  وخدودها حمر واجد من الحشم  وانا صبيت في مكاني يارب شنو داير في عمري عشان يحن عليا بنوارة  بعدين ركزت لابسة روب نوم ايه روب نوم مانتخايلش اني لونه احمر كله دانتيل واقصر من الشورت الجينز وكان مبين كل جسمها لان نقش الدانتيل مش واجد عليه وصدره كان بشكل قلب وسيور رقاق على الكتف وعليه طرف من نفس اللون وشيفون كله ومع بياض جسمها ولما شفتها هكي من منظرها ماركزتش على العطر وقلت هذي بتجيب اخرتي رسمي وقربت مني وحطت ايديها لفتهن على رقبتي وهنا انا صحصحت وفطنت للعطر ياربي نوارتي بتكون لي خلاص زوجتي شكرا ياربي شكرا وحضنتها بقوة وعصرتها زين نين سمعت اه منها
انا..حبيبي عصرتني راه
احمد..مش مصدق نا ماتلومنيش بحلم والله علم
انا..بسته على ... علم حبيبي وبسته اخرى علم ياقلبي وبسته اخرى علم ياروحي وبسته اخرى علم يازوجي وحلالي
وهو شدني ليه وباسني بوسة ..... ليطفئ بيها نار شوقه يخبرني بيها قديش كان صابر عليا  وانا ارتخيت بين ايديه وطبني ورفعني للدار 
احمد
نبوس ومش مصدق انها بين ايديا واخيرا بتصير ليا جسد وروح الله يارب قديش انت كريم  وماطولتش عليا واجد  اكثر من شهرين  حسيتهن طوال عليا بس النتيجة نحصد فيها والتهمت فمها من جديد عشان نخبرها بشوقي وحبي ولهفتي وبوسة تبعتها بوسات ومشينا في عالمنا الخاص بينا 
وهكذا اصبحت زوجته شرعا وليس على الورق فقط
وبعد وقت  انا بين احضان احمد وكنت فرحانة واجد وهو اكثر مني فرحة
وراقدة على صدره العاري ونشم في ريحته اللي اختلطت بريحتي
احمد.. سامحيني حبيبي اكيد تعبتك معاي
انا بحشم .. عادي حبيبي 
احمد.. ماهو انتي ماتتقاومي ويعلم الله كيف مشت عليا الفترة اللي فاتت
انا..باستعباط كيف مشت
احمد.. صلاة والدعاء حتى لما روحت وشفتك لابسة الشورت صليت ركعتين  دعيت ربي يساعدني
انا.. سامحني تاخرت عليك في حقك
رفع راسي فوق وباسني بوسة هادية وحلوة
احمد..اشششش معاش تقوليه كلام زي هذا المهم في الاخير كنا لبعض
انا.. نحس في روحي عطشانة 
احمد .. تو نوض انجيب
انا.. لا تو انوض انا ونجيب التورتة بالمرة
احمد .. به
انا خذيت طرف الروب لبسته  وطلعت بنجيب التورتة والعصير الفرش في الثلاجة وقعدت نجهز ونسمع
احمد
صبيت وولعت الضي اندور في سورية البيجامة وانتبهت على السرير لقيت ....
مش مصدق شنو شفت معقولة اللي شفته صح نوارتي نوارة نوارة بصوت عالي
انا
انفجعت خيره احمد ينادي بصوت عالي جيته نجري وسيبت اللي في ايدي
نعم حبيبي خيرك تعيط انا احذاك
احمد.. شوفي السرير
انا..بحتت بس مافمتش
وشد احمد ايديا وقرب مني
احمد.. حبيبي كيف انتي بنت كنتي
انا..اه كيف مش تعلم انت والله نسيت
احمد..منين بنعلم
انا.. من التسجيل اللي في فونك
احمد.. انا ماسمعتاش اصلا حتى فوني غيرته واللي فيه التسجيل دسيته ونسيته وبعدين كيف نسمع حاجة ماتخصنيش
انا.. توقعت انك تكون سمعته  لان فونك  قاعد هو الاول قصدك استنى انت تزوجتني ورضيت بيا ودموعي نزلو وانت عارف ان في راجل ثاني قربني حتى لو بالحلال
احمد..   عليش البكاء تو فهميني
انا..جاوبني
احمد.. ايه وشنو المشكلة ماهو كنتي متزوجة وكنت نسحابك راقدة مع راجلك وانا مانيش متخلف نين مانتزوجش وحدة مطلقة عشان رقدت مع راجل هو كان  راجلها بحلال ربي  ولابال انتي رباية ايدي وبعدين ربي يعطي السكينة للمرا  المطلقة او الارملة لما تتزوج ثاني يخليها تنسى اللي صار بينها وبين زوجها الاول وهذي نعمة من ربك عليها 
انا.. ونعم بالله حضنته زين مانسحابكش تحبني للدرجة هذي
احمد..انا كنت نموت فيك وتو بالذات بعد ماعرفت اني اول راجل في حياتك انا انتهيت فيك وذبت بيك
انا..ربي يخليك لي
احمد..ويخليك لي بس فهميني ليش ماصارش
انا .. طالما صبيت هيا للصالة ناكلو التورتة ونهدرزو وقبل كل شئ خليني نغير فوطة السرير 
احمد..به
وغيرت فوطة السرير وحطيتها  في الغسالة وولعت عليها ومشيت للصالة لاحمد وقصينا التورتة وشربنا العصير وقعدت نهدرز وقلت ليه اني ليلة الدخلة مرضت وقعدت اسبوع وبعدها اليوم المفروض تكون فيه دخلتي طحت وبعدها  الدكتور  منع اي اتصال بينا لانه بيضرني وقتها  والشهر اللي قعدته في الاول من كسرة قفصي الصدري  وحسيت بوجع لما قلتها لان خطر عليا السبب زي الاصحاب مافي شئ وهذي الحكاية
احمد.. نوارتي هو في حاجة داستيها عليا وانا راه نستنى فيك تقوليها لكن مانيش زار عليك
انا..تمام
باهي كيف فونك هو نفسه وتقولي دسيته
احمد..لما لقيتك مش ماحية التسجيل قلت اكيد بتحتفظ بيه طلعت في نفس اليوم خذيت فون ثاني زيه بالزبط ودسيت الاول
انا
فعلا كيف خطر عليا ان احمد بيكون سامع التسجيل لان لو سامعه راه عرف ان يوسف ماد ايده عليا
احمد..  حبيبتي هيا نخشو لدارنا مازالت ماشبعت راه اذا تحسي روحك تقدري بما انها اول مرة 
انا..طبست راسي بحشم مافيا شئ  
احمد..نجك لي وطبني للدار ......... لتكتمل ليلتنا واحمد يحكي  ليا عن عشقه ولهفته وحبه بالوسيلة اللي امتنع فترة عليها وكانت احلى وسلية وبعدها رقدنا تالفين او نا رقدت
احمد..كانت راقدة زي الملاك وبستها على راسها  سامحيني حبيبي تعبتك اليوم وطولت من الفرحة ماقدرت نرقد وانا نتفرج عليها وكل شوي نبوس في مكان بهدوووووء وضميتها ورقدت قريب صبح
انا
نضت الظهر وكنت فرحانة واجد وفعلا حسيت بشعور مختلف مع احمد وكل اللي صار معاي قعدت نشبحله وهو كيف راقد يهبل ونلعب بشعره وخطر عليا كيف حبني وكيف صبر عليا وكيف كان متحمل وساكت ولامرة لمح الله قديش محظوظة بيك وقديش ربي عوضني بيك خير يا احلى #نصيب واحلى قدر في الدنيا وبسته على ...  بوسة هادية وهو يفتح عيونه
احمد.. صباحي انتي يارب ديمة
انا.. وانت حبيبي
احمد.. تناشبي على الصبح
انا.. اه هههههه قول ظهر وانت الصادق
احمد.. حتى للعصر مش مهم انا هذا وين حسيت روحي عريس تو
انا .. بسته على .... بنبوسه بوسة خفيفة شدني وانا رحت في خبر كان ومن بوسة تمينا في ...........
احمد.. وانا راقدة على صدره حبيبي هيا نوضي دوشي بيش تنشطي  ونصلو اللي فاتنا من صلاة ان شاءالله ربي يسامحنا وبنطلعو
انا.. وين حبيبي خلينا قاعدين
احمد.. لو نقعدو هنا حنتعبك واجد وبعدين انا حاجز جناح في فندق يومين على اساس تغيير جو وكنت زعميتني بنغريك بالك تحني عليا ههههه
انا.. صار فكرت في الموضوع
احمد.. اكيد حبيبي اصلا كيف بتتغيري لو ما تعاوناش من الطرفين وبعدين قوليلي كيف حسيتي روحك انك تقبلتيني كزوج
انا....يوم البحر صارت معاي حاجة وبعدها البوسة اكدت ليا
احمد.. شنو الحاجة اللي صارت معاك
انا.. خليها في وقتها تو مش وقتها
احمد.. به تعرفي نوارتي فرحتي باني تميتي لي كانت كبيرة واني بنصبر معاك كان مش مهم عندي المهم انتي معاي لكن لما صار اللي صار امبارح حسيت روحي في قمة السعادة وبالذات لما عرفت روحي اني اول راجل في حياتك وانك كنتي بنت رغم زواجك حسيت روحي كاني ملكت الدنيا وكانه ربي يقولي هيا لك كانت من البداية
انا.. ضميته زين الحمدلله اللي ربي رزقني بزوج كيفك حبيبي
احمد.. هي نوضي دوشي خير ماندير حاجة اخرى
انا.. هههه لا خلاص بنوض لازم منا الدوش بعد هذا كله بيش الواحد يصحصح وينشط ونضت خشيت دوشت ونحس في روحي فرحانة واجد وانقول انها مفروض صارت من قبل لكن حتى تو ليها نكهة حلوة وصليت مافاتني واستغفرت ربي على تاخير الصلاة 
احمد
خشت ادوش وانا ذايب انه كلها لي واخيرا تمت لي واخيرا مش حضن ولابوسة بس لا هي لي في كل شئ هي حبيبتي ومرتي وحلالي وعمري وطلعت من الدوش لابسة كبوط الحمام وشعرها مبلول وكان شكلها يدوخ زي العادة
انا.. حبيبي مخلي جسمي فضيحة وبالذات رقبتي كيف بندير
احمد.. سامحيني حبيبة لكن المواضيع اهيا لافيها دماغ يشتغل ولا حتى  يقدر الواحد ايسيطر على روحه
انا.. لا حبيبي مش قصدي حاجة تو اندير خافي عيوب وتو يخفف شوي منهن
احمد.. ربي يخليك لي
انا.. ويخليك لي هي نوض دوش وصحصح
احمد.. ووتي ليا وليك لبستين
انا.. به
وخش احمد يدوش وانا برمت على الحوش على السريع لميته ووتيت الدبش وقعدت نجفف في شعري وطلع احمد لاف منشف على وسطه
انا .. لاهكي واجد عليا راه
احمد.. ههههه نجيها يارب هاتي نجففه لك وانتي جففي شعري