#للنصيب_والقدر_كلمة_اخرى
ح50
لبست سروال ازرق وعليه سورية قصيرة بيضاء وجاكة طويلة سودا وخذيت شال احتياط لان الجو كان دافي لكن مرات يصقع واحمد لبس سروال جينز ازرق وعليه تيشرت بيضا وجاكيت اسود قصير ولما نزل قعدت نضحك
انوار .. اللي يشوفكم يقول متفقين
احمد.. صدفة حلوة
انا .. خطرت عليا اللبسة اللي جايبتها من تركيا قديش ليا ونسيتها بكل وطلعنا
انا واحمد ودرت عركة معاه على خاطر السواقة لاني مانبيشي يتعب روحه وهو ايده مجبسة مازالت
في السيارة
انا..حمودي
احمد.. ياعيونه
انا.. تعرف ان الهدية اللي جبتها لك من تركيا لبسة وتركيبة ليا وليك زي بعضهن زي لبستنا هذي اللي مش متفقين عليها
احمد.. نسيتها حتى النسوة
انا.. لما روحت لهيت من بيان لتلبيسة لبيان لفاتحة وبعدها الامتحانات وبعدها كسرتك
احمد.. شنو شكلها زعمك
انا ..هي قعدت قعدت خليها نين يجي الصيف
احمد.. به ياستي
ووصلنا للمنتزه وخشينا وقمعزنا
حسيت باحمد متوتر ومش عارف شنو يحكي
انا..احمد خيرك احكي فيش تستنى
احمد.. به وسعي بالك معاي بس نوارتي مهما نحكي اسمعيني للاخر باهي
انا ..حاضر
وبعد سكوت لاباس بيه احمد تكلم
احمد ..نوارتي اسمعيني للاخير انا مالياش حد في الدنيا الا انتي بعد باتي وامي وعمي عمر وعمتي حواء وتعزي عليا واجد ومانحمل فيك شئ نبيك ونبي يكون عندي لما نكلم اي بني ادام مايقولش بيش تعرفها والله بنقعد نشرح لكل واحد شنو العلاقة اللي بينا والله بنقول اختي وانا اصلا مانشوفش فيك اختي
انا..شبحتله بنظرة استغراب
وكمل احمد
انا نبيك نوارتي تكون نوارة كل شئ عندي انا انا تتزوجيني نوارة
انا ..اندهشت ودمعت عيني توقعت كل الكلام الا الكلمة هذي ولما جيت بندوي حط احمد صبعه على فمي بمعنى اسكتي
احمد..مانبي منك شئ حاليا ولاشئ تغصبي عليه روحك مستعد نستناك نين نموت
انا..بعيد السو
احمد.. نستناك نين تتغيري نين تحسي انك تقدري تعيشي معاي كزوجة لي وانا عمري ماحنطلب منك شئ انتي مش قادرة تعطيه ليا مهما انكان
انا .. قاعد حاط صبعه على فمي وضغط عليا عشان ماندويش
احمد.. شوفي رايي نتزوجو الصيف هذا وانتي يكون على انفصالك سنة ومعاها وانديرو احلى عرس نفرحو بيه قلب باتي وامي وعمي وعمتي واصحابنا ونعيشو مع بعض نين تلقي روحك تغيرتي وقدرتي تكوني زوجة ليا هداك الوقت تبدا حياتنا صح لاني مستحيل ولانفكر ولانقدر انطلقك او ننفصل عليك
انا.. ليش من تحت صبع احمد
احمد.. لاني لاني معاش نبي حد يهينك معاش نبي حاجة اضرك نبي نحطك جو قلبي ونسكر عليك
انا.. حولت صبع احمد وتمنيته يقولي نفس الكلمة اللي قالها لهبة لكن حتى هكي كفاية ومر عليا شريط من يوم انفصالي على يوسف ووقفات احمد معاي وكيف متغيرة معاملته معاي وضحت عندي الصورة وصحصحت من تفكيري
احمد..نوارتي وين رحتي
انا.. موافقة
احمد..شنو
انا..موافقة
انت عارف كيف ربايتي وحافظني وفاهمني قبل حتى مانتكلم مش حنلقى خير منك يصوني ويحافظ عليا وبما انك بتوسع بالك معاي بيش نتقبل فكرة انك زوجي مش احمد اللي كبرت معاه حتى هذا حيساعدني
احمد.. بس بشرط
انا.. شنو
احمد.. لما حسيتي انك تقبلتيني ماتبهدلينيش وراك
انا.. هههه حاضر
احمد.. بس اتفاقنا هذا ماحد يعلم بيه الا انا وانتي بس وكان تبي تحكي لحد يكون هبة اهم حاجة اهالينا لا
انا.. معاك تمام متفقين ان شاءالله
وروحنا للحوش وقبل مانوصلو كان في حديث ثاني يدور
عمتو غالية .. ان شاءالله توافق
ماما.. ياريت والله مانلقى غير احمد يهنيني عليها بالذات بعد اللي صارلها
انوار .. فهموني ماتخلونيش كيف الاطرش في الزفة
عمتو .. ياحبيبتي احمد طلع هو ونوارة على خاطر يبي يعرض عليها الزواج
انوار ..نطت بفرح ياريت توافق وماتكونش قفلت من بعد اللي صار ليها يارب توافق
عمتو .. اصلا من الاول كنت نبيها لاحمد لكن لما لقيت احمد يحكيلي على يوسف معاش عرفت شنو اندير
ماما.. المهم تو انها توافق
انوار وعمتو .. ان شاءالله يارب
عندنا نحن
انا ..وين نازال
احمد.. للحلواني
انا..عليش
احمد..بنجيب حلو الموافقة
انا..قصدك يعلمو
احمد..امنا ليش امي مسكت انوار
انا ..اه
نزل احمد للحلواني وجاب حلويات وجاء
انا .. بناخذ طرف يمي شعبيات ماعندي معاها الروح بالذات لما تكون باللوز مش بالقشطة
احمد.. حتى انا جبتها على خاطرك هكي
انا..تسلم ياقلبي
وصلنا للحوش ومن اول ماشافو وجوهنا عرفو اني موافقة والحلويات في يدي اكبر دليل
وزغردت عمتو وماما وانوار جتني تجري وحضتني وقالت كان من الاول لكن نصيب الله غالب احمد نغز انوار بحيث تسكت
انا..صار اني اخر من يعلم من اخرى عنده العلم
احمد.. هبة بس وتو بعتت ليها لانها على نار قاعدة من امبارح
واحمد قاعد معاي خشت هبة تجري واضبتني الف مبارك ياقلبي الف مبارك ياعمري والله فرحت ليك
احمد.. اسملله امتى لحقتي انا تو كيف بعتت الرسالة
هبة ..ماهو ماجانيش صبر كلمت فتحي جابني وورسالتك جت ونحن في الطريق
انوار .. غير سلمي
هبة ..من فرحتي
عمتو ..عادي بنيتي حتى نحن بنطيرو من الفرحة
انا.. ماما عمتو حكيتو لبابا وعمو
ماما .. عندهم العلم لكن مايعلموش امتى احمد بيفاتحك
انا.. حسيت بحشم وخشيت انا وهبة للدار واحمد ركب لداره وشوي وجاه سند
انا ..هوبي ماقاليش نحبك قال كل شئ الا انه يحبني
هبة ..بالك خاف من رد فعلك
انا..بالك
هبة .. كيف وافقتي
انا..من الكلام وحكيت ليها شنو الاتفاق
هبة ..من جدكم انتم
انا..هوبي انتي اكثر وحدة عارفتيني صح مانكذبش عليك في حاجات حسيت بيهن اتجاه احمد من لما خش يوسف حياتي ومالقيتش لهن تفسير لكن تو حتى لما قلت ليه موافقة حاسة براحة غريبة ونكذب عليك كان نعرف شنو سببها وعادي انا من قبل عايشة مع احمد غير تو بيختلف المسمى وبعدها نعود روحي عليه كزوجي واكيد حيجني وقت ونحبه زي مايحبني واكثر
هبة ..ايوا يا واثق
انا..وحمودي فيه حاجة ماتنحب
هبة ..اكيد غير انتي اللي كنتي عمياء ودورتي برا
وعند احمد وسند
أنت تقرأ
للقدر والنصيب كلمة اخرى
Roman d'amourحب فراق وحياة جديدة.... حينما يمنحك القدر فرصة جديدة للحياة قصة باللهجة الليبية للكاتبة حياة
