للقدر والنصيب كلمة اخرى

23

#للنصيب_والقدر_كلمة_اخرى

ح23
نضت الصبح منفجعة
هبة ..كنك منفجعة
انا..رقدت وانا نحكي مع يوسف عليك موقف بايخ
هبة ..هههههه اكيد تو يقول من التعب
انا..شفت فوني لقيت رسالة
(صباح الورد ياعمري محلاك وانتي تتنفسي وانت راقدة غير شنو بيصبرني نين تبدي تتنفسي جنبي)
انا متت من الحشم وهبة مركزة معاي
هبة ..هاتي نقرا لانك تحشمتي شكله كلام صايع
وقرات هبة الرسالة ينعجد الرومانسية حتى في صوت النوم
انا..هبة خلاص بطلي تقولي عليها لحد نوريك
هبة ..هههههههه
هيا نوضي الحمام حشاكم فاضي
انا..هي خشيت وغسلت وتوضيت وطلعت غيرت دبشي وصليت وبدينا في التحضيرات والاشراف على كل شئ وعدت حلومة للحمام البخاري وروحت ووتينا كل شئ للناس اللي جاية وووه ناسهم واجد وطبعا ركبت للسطاح مع العشية هدرزت مع احمد سكايب
احمد..اهلين نوارتي كيف حالك
انا..كويسة  غير تعب هلبة 
احمد ..نوارتي راك تكوني تركبي بدون القيلات
انا ..لا حمودي كيف نقدر اصلا نركب بلاهن مع ان ناس سند  يسئلو فيا ويقصقصو نين رقتلي وحست بيا عمتي عزيزة
وطبعا من الكلام اللي يسخف وسمح في نفس الوقت
احمد ..هههههه كيف تجي
انا..يسخفو عليا واجعهم حالي وفي نفس الوقت نسمع فيهن يقولو والله غزالة اللي فيها غير نفس واللي تقول سمحة زي القمر ماتستاهل طبعا بكلامهم حسيت ان عندي اعاقة مستديمة هههههه
احمد ..ناس كبيرة ماتستوعبش بسرعة
انا..بكرة الصبح مع الساعة عشرة ونص بنكونو واتيين لان في الليل عندنا حنة صغيرة انتم امتى بتجو
احمد ..اضني الليلة
انا.. لا لا الا الليل
احمد ..بيش نرقد ونرتاح ونوضو مصحصحين
انا ..في الليل لا او اطلع قبل المغرب
احمد ..به تو نشوف
انا..او ارقد كويس في الليل واسقدو بدري وارقدو قبل ماتجونا حتى شويه
احمد ..تو نشوف يانوارتي
انا ..المهم الليل لا راه نزعل منك وانتي عارفني لما نزعل
احمد..حاضر
انا..هيا بنسكر نا تو وبكرة نتلاقو ان شاءالله
احمد ..سلام
انا نحس في روحي مرايف عليها واجد وقبل كانن مكالمات السكايب يديرن في راي لكن الزردة هذي لا ومش عارف شنو السبب وجيت شور الشباب
احمد ..اسمعو ياشباب (عبدالله وسند وهشام ) بكرة العيلة بيعدو  يفرشو مع الساعة العشرة ونص الصبح وقبل قلت بنروحو الليلة لكن طبعا نوارة سكرت راسها قالت الليل لا فنبي نطلع تو لان المغرب معاش مازال عليه واجد
يوسف
انا كنت نسمع في احمد وهو يقول ان عبورة قالت الليل لا وشفت كيف احمد يسمع في كلامها يعني مش عبير تسمع في كلامه وقديش حسدتهم على العلاقة اللي بينهم
هشام ..انا عادي
عبدالله  ..حتى انا
سند  ..اصلا انا كنت بنطلع في الليل لان معاش فيها وبكرة الحنة الصغيرة وشاهين شادها وراي اتصالات 
احمد ..خلاص امنا هي كل واحد يلم شنطته ونطلعو نسلمو على الشباب
سند  ..انا بنركب مع احمد وعبدالله  انت روح مع هشام 
عبدالله ..عليش شنو جد عليك
سند  ..لان احمد بيا والله بلاي بيتكي على حوشنا
احمد ..وعندكم شك فيها نبي نطمن على انوار و نوارتي خصوصا انها لما تكلم فيا سكايب تركب فوق السطاح مرات تكون تاعبة وداسة عليا
واسقدو الشباب
هشام ..انا مش عارف كيف بنصبر ونتحمل لما نشوف علاقة عبير باحمد
عقلي بيطير
عبدالله  ..افطن لروحك ياهشام  وانت عارف انه نحن كوم واحمد كوم بروحه عند عبير
هشام  ..ما هذي المشكلة هي
عبدالله  ..وسع بالك وبدل ماتفكر في احمد فكر في يوسف وخصوصا سمعته امبدري يحكي هو واحمد ان الاسبوع الجاي بيجيب هله
هشام ..تحكي جد بسرعة هذي
عبدالله ..حتى هيا عبورة من يعرفها مايقدرش يبعد عليها بقلبها الابيض ونيتها الصافية
هشام ..وكيف قدرت تمنع روحك انك ماتحبهاش
عبدالله  ..لان رفقتها وصداقتها كبيرة عندي وماعنديش استعداد نخسرها مقابل عواطف رخيصة زي الحب لان الصداقة عندي اكبر من كل شئ وبعدين سلم خالدة  بنت عمي اللي خلتني مانفكر في حد الا هيا
هشام ..انا مستعد نخسر كل شئ الا اني نخلي عبير تمشي مني
عبدالله .. نرجع ونقولك هي ماتحبكش
هشام  ..غير تو طايرة بيوسف لانه شخص جديد عليها ونحن ديمة حذا وجهها
عبدالله ..انت الادرى لكن انت لو رفضاتك عبير مش حتخسر عبير بس حتخسر القروب كله فكر كويس قبل اي خطوة اديرها
هشام  ..نخسر كل شئ عادي
عبدالله .. وتهون عليك العشرة
هشام ..ايه تهون لان هيا عبير يا عبدالله 
عند احمد و سند 
سند  ..كنك يا احمد مش على طبيعتك
احمد ..محد يعرفني الا انت
سند  ...شنو في 
احمد..شكلي نحب
سند  وكله فرح ..واخيرا من سعيدة الحظ
احمد..نوارة
سند  ..تحكي جد وين كنت راقد تو وهي بتمشي لراجل ثاني فتحت فمك
احمد..اصلا انا مش مفكر نفتحه فمي حتى بدون وجود يوسف في حياتها
سند  ..عليش
احمد..لان  نوارتي  روحي مانقدرش نستغنى على روحي فمستحيل انقوللها او نعترف ليها من خوف انها تتغير معاي او تحسس مني لانها ماتحبنيش كحبيب
سند  ..مش عارف نفرحلك والله نحزن ليك
نفرحلك انك فتحت باب قلبك من جديد والله نحزنلك لانها عبير
احمد ..افرح ليا لاني كل مانشوفها فرحانة انا بنكون فرحان وحتى لو سعادتها مع غيري
سند  ..وكيف عرفت روحك
احمد .. لبسة وضحت مشاعري اللي ليها فترة متلخبطة  وكنت نغالط في روحي وكلام قالته انوار بدون ماتعرف اني نسمع فيها
سند .. كيف لبسة
احمد .. شريت اللبسة اللي بتحضر بيها عرس احلام يوم الصالة وطلعت ملاك طلعت ماتفهم شئ اية من الجمال ومع انها ديمة تطلع سمحة لكن هالمرة انا لقيت روحي نشوف ليها بنظرة اخرى عرفت ان في شئ تغير عليا ولما جيت زردة صح تكلم فيا حتى من قبل لكن نا طول الوقت نستنى في اتصالها ونرقد نلقى روحي نحلم بيها  وكلام انوار انهم هلنا كلهم كانو يتمنو نكونو لبعض
سند  ..والله ماني عارف
احمد..المهم راك تلمح حتى التلميح لحد وبالذات نوارة 
سند.. كون هاني
ووصلو لحوش اهل سند 
وانا سمعت صوت سند  جيت نمشي بسرعة
انا..اهلين سند  وين احمد
سند  ..غير سلمي قبل كويس وبعدين اسئلي
انا..سلمت كويس على سند 
ها وين احمد تو
سند  ..احمد روح قال بندوش وبيتريح وبكرة بيجي الصبح وخلاص
انا..اه غريبة معقولة مايبيش يطمن عليا خصوصا عارف اني نركب للسطوح
سند  ..اما انتم تفكيركم واحد
انا..كيف
سند  ..حتى احمد قال هكي بيطمن عليك
انا ..بحزن عليك اطمنان لبكرة بيخليه على خشت احمد عليا كان يسمع فينا من برا
احمد..وتصدقي انديرها
انا ...بفرحة اهلين حمودي حمدلله على السلامة كيف حالك ونشوف فيه من كل تركينة انه مافيه شئ
سند  ..عليك حظوظ نحن سلام عادي سلمو من فوق النفس لكن احمد نبرمو فيه ونفصصو فيه
انا..ههههه حتى هو حمودي
سند  ..ربي يحفظكم لبعض
انا ...ان شاءالله
وانتبهت لاحمد كيف شبحله
احمد ..كويسة نوارتي ماتعبنكش الدروج
انا..كويسة والله مافيا حاجة زي الجن
احمد ..الحمدلله طالما اطمنت عليك نادي انوار وهبة و اصالة وهنادي  نسلم عليهن وبنعدي نرتاح بيش بكرة نصحصح ليكن
انا ..حاضر
ناديت البنات وطبعا انوار مكرشة فيه زي العيل الصغير تقول ليها شهر ماشافاته لكن نحن هكي مع احمد يغيب يومين نحسو بفراغ كبير