للقدر والنصيب كلمة اخرى

59

#للنصيب_والقدر_كلمة_اخرى

ح59
وعيت ثاني يوم ولقيت احمد مجهز الفطور
انا.. ااايه اليوم دلال احمد مجهز الفطور
احمد.. مستعد انديره كل يوم ليك اذا تجهيزت هالفطور بتفرحك هكي
انا.. تسلم ياقلبي
احمد..عشان قلت محنية ونحس فيها تعب فقلت انريحك اليوم
وفطرنا وجتني هبة 
هبة ..بتمشي بسروال وسورية البدلة
انا.. اه بيش مانطرش انجي  للحوش بيش نغير هكي تلبسني الرداء والذهب عندها عادي
هبة .. فكرتي صح هالمرة
احمد.. هيا يا حلوات السيارة سخنت ورفعنا احمد للكوافيرة ومكيجتني مكياج حلو ولبسوني الرداء وطلعت حلوة بيه وطبعا احمد حيشوفني بيه للمرة الاولى ولما هبة تلبس فيا الذهب خشت وحدة ومعاها امال اخت يوسف لاحظت ان وجه هبة تغير التفت وراي لقيت امال جتني وسلمت عليا بحرارة وانا نفس السلام
امال .. اليوم اسبوعك الف مبارك
انا.. ايه الله يبارك فيك
امال .. طالعة حلوة زي العادة
انا.. شكرا حبيبة عيونك الحلوات مع من جاية هنا
امال .. جاية مع مرت يوسف
انا.. اه ربي يهنيه ويهنيها ان شاءالله والفال ليك وسلمت عليها عادي ولا كانها زوجة طليقي  وكانت حلوة الحق حتى هيا لكن ولا حاجة تحركت فيا وحسيت امال زي اللي توترت
امال .. نصيب الله غالب
انا.. امال ماتحطي شئ في بالك وزي ماقلتي كله نصيب ونصيبنا مش لبعض ربي يهنيهم من كل قلبي
وهبة ساعدتني لبست كابي وساعدني احمد في ركبت السيارة  وطبعا لان برنوص الكاب نازال هلبة ماركزتش على احمد كيف طالع عليه الزبون  وهبة واضح عليها مضايقة وانا عادي جدا واحمد لاحظ على هبة الضيق لكن انا عليت المسجل وقعدت نغني معاه
احمد.. دوووووم يارب زاهية
انا.. بنشوف اهلي قديش ليا عليهم ماما وبابا وعمو وعمتو وانوار ومحمد وموسى عاد انت مش زيي تشوف فيهم
الحرمان عليا غير انا
احمد.. والله مانحكيلك كل يوم نشوف فيهم
انا.. المفروض حتى انت زيي
احمد.. واسطة
انا.. هبة وينك رايحة
هبة .. قاعدة
ووصلنا لحوش اهلي واستقبلونا وطبعا البكاء كان المسيطر في البداية واحمد قعد يفك فينا وشدني وحاضن وجهي بكفوفه
احمد.. نوارتي شنو قلت اني فرحتك نبيها ضحك مش دموع
انا.. اشتقت ليهم
احمد.. اهو شفتيهم هيا خشي للدار عدلي مكياجك
انا.. هههه قول نركب للدار
احمد.. ههههه
انا.. احمد
احمد..نعم
انا .. طالع تهبل بالزبون ماتوقعتاش يطلع عليك هكي
احمد.. ولا انتي ماتوقعتكش تتطلعي بالعربي قمر هكي 
وركبت انا وهبة
انا.. هبة خيرك من لما طلعنا جوك مش تمام
هبة .. على الموقف اللي كنتي فيه ومرت يوسف اللي كانت فيه
انا.. من ناحيتي ولا حاجة والله ماحسيت بحاجة وفرحت ليه
هبة .. مقوى قلبك لكن هي لما قالت لك امال نصيب حسيت وجها تغير
انا .. والله ماركزت صح فرحت بشوفت امال لاني الحق حبيتها بس تعرفي حتى هيا حليوة وشكلها طيوبة
هبة .. بس انتي احلى
انا..سلمها المتحيزة لصاحبتها
هبة .. لا والله بس مازالتي احلى
انا.. مش مهم من الاحلى المهم تو هيا عدلي مكياجي وفوتي الموضوع حبيبة ومعاش تضايقي من حاجات زي هذي
لان ثاني يوم عرسنا طلعت انا واحمد وتلاقينا مع عبدالسلام ومنى وكانت حامل في شهرها
هبة .. وليش ماقلتيش
انا.. عادي حبيبة الموضوع مش مهم
هبة .. واحمد شنو دار
انا..سلم عادي وهدرز مع عبدالسلام على تركينة وقاله عبدالسلام خالتك ما خالتك لكن احمد قاله خالتي على العين قبل الراس لكن يوسف بروحه
هبة.. كلا انتي ياصاحبتي خزي عليك
انا.. لانهن صفحة وانطوت وانا نشوف فيهم  عادي لان يوسف معاش ليه تاثير في حياتي
هبة .. كملت هي ننزلو
ونزلنا ودارو جو حلو واقاربنا كلهم والاهم فتكيت من الفرخة علياء ماجتش اريح وغزلان بنت خالي مريضة راقدة طول الوقت افتكيت من تلقيحها وحسدها  وجت المصورة وصورتني انا واحمد واهلي والبنات وبعدها خشو الولاد وصورنا مع بعض ومع بابا وعمو وبعدها ركبت لدارنا فوق ساعدتني هبة حولت العربي والذهب وغيرت دبشي ولبست جمبسوت عرس احلام  ودراتلي هبة تسريحة بسيطة ونزلنا ودرنا جو حلو و رقصت نين تعبت وبعدين البنات انتبهن للسلسة وعلقن واجد عليها وعجبتهن اللقطة بتاعتها وسلمت عليهم وروحنا وانا في السيارة نحس في قلبي انقبض ونفسي انقطع فتحت الروشن ورفعت برنوص الكاب
احمد.. كنك نوارتي فاتح المكيف
انا.......
احمد.. ماتشغلينيش عليك ردي
انا.. نحس في روحي مخنوقة والنفس بينقطع
احمد.. نرفعك لمستشفى
انا.. لا حمودي شوي بس ونروق
ووصلنا للحوش و وركبت لجناحنا واحمد يسكر في الباب الكبير لانه دخل السيارة وركب لقاني قدام دار النوم ونعيط بصوت عالي مر عليا شريط هذيك الليلة نفس الوقت ونفس الوضع وماقدرتش انخش نحس فيه كانه بيتكرر معاي مرة اخرى 
احمد
سكرت بيبان الحوش وركبت وكل مانركب نسمع في صوت عياطها واضح  قعدت نجري جيت لقيتها طايحة  قدام باب الدار
كنك نوارة ماتخوفينيش عليك تربحي
انا.. بصوت عالي مانبيش نخش للدار مانبيش نقعد هنا
احمد.. به هيا غير اسكتي بس هيا ننزلو. لتحت   هيا
وحسيت بيها مش قادرة تحرك حتى كرعيها طبيتها ونزلت  خشيت بيها للصالة ولما جيت بنزلها لقيتها شادة في حضني زين وهي تبكي بعبرتها مددتها وانا قعدت حاضنها ونمشي في ايدي على شعرها نين حسيت بيها هدت وارتخت عرفتها رقدت فتحت كاب الجمبسوت وحولته لانه لولي كله تو يضايقها وسحبت من حذاها بشوي  وركبت غيرت دبشي وجبت غطاء وجبت مزيل مكياج لانها ماتحبش ترقد وحاجة على وجهها وبشوي شوي قعدت نمسح في وجهها وفكرت نحول لبستها لكن خفت منها تضايق مني وجبت طرف الجلسة ولصقته احذاها ورقدت حذاها وحسيت بيها من جديد كانها تحلم لانها تبكي مرة اخرى جبت ليها امية ونوضتها تشرب وقلت ليها جبت ليك بيجامة غيري بيش ترتاحي اكثر وشكلها من الحالة اللي مارة بيها ماتندريش على روحها
انا.. ساعدني في اللبس ماعنديش جهد
احمد
قعدت نساعد فيها ولان جمبسوت لازم يتحول مع بعضه ولما حولت الجيهة اللي من فوق لو نقيس حرارتي هذاك الوقت اكيد يلقوها فوق الاربعين من كثر مانشوف في جمال جسمها لاول مرة وكيف في نفس الوقت واجعني حالها ومش عارف شنو  السبب والدنيا خشت بعضها عندي ولبست ليها السورية بتاعت البيجامة ونزلت باقي الجمبسوت وحاوالت مانركزش واجد بيش مانضعفش من اللي نشوف فيه ولبستها سروال البيجامة وغطيتها وتمددت احداها خشت في حضني وتكلمت
انا.. ماتسيبنيش ما اضرنيش
احمد.. اسسس مستحيل نضرك يوم اللي نضرك فيه نضر روحي قبل
ورقدت بهدوء وحسيتها اكثر راحة وانا مش قادر نرقد كل مانرقد يجي منظر جسمها في بالي وهي راقدة في حضني ياربي صبرني يارب ماتخليني نضعف  ونخلف بوعدي معاها ياربي نين دخت من التفكير ورقدت