للقدر والنصيب كلمة اخرى

56

#للنصيب_والقدر_كلمة_اخرى

ح56
انا.. كان عندك علاقة بعلياء  بنت عمك من قبل
احمد..شن خطر عليك انتي عارفتيني اني كنت نتسلى
انا..رد عليا احمد
احمد.. ايه كانت وتقريبا شهرين او ثلاث شهور  وعلاقتي بيها بعد انفصالي بحميدة
انا.. لما ذكر اسمها حسيت بضيق زي قبل لما نسمع اسمها حميدة  لكن هالمرة حسيته زايد
اه وعليش سيبتها
احمد.. عادي مليت وهي اصلا ماحبتنيش كان همها تاخذ فلوس على قد ماتقدر
وطبعا دسيت على نوارتي انها كانت تحاول انها تتهمني  اني اعتديت عليها  بيش تجبرني ان نتجوز منها لكن ستر ربي وكان ولد عمي عصام يسمع فيها بدون ماتعلم  وهددها لو تقول حاجة حيكذبها  ولان عصام صلاي اوقاته وملتزم عرفت انه مش حيكذبه حد خافت ومعاش احتكيت بيها بكل بعدها
انا..وين رحت
احمد.. عليش سئلتي عليها تحديدا
انا..الحق يوم الفاتحة قاللي البنات ان بنات عمك كانن بيدرن جو شين لكن هنا ومعاهن عمتو ماعطنهنش فرصة وهنا يحكن ركزت على اكثر وحدة حاولت توصلي وهي علياء بنت عمك هذا ليش حسيت في حاجة
احمد.. نوارتي انتي عارفة ماضيي ولما ماحكيتش على علياء لانها في الاخير بنت عمي ونسيتها اصلا
انا.. خلاص حمودي معاش تبرر
احمد.. عارفتيني نحبك ومانشوف في الدنيا غيرك تو وبالذات ليا واجد مادرت علاقة 
انا..نجك لي
وبدينا في تجهيزات العرس على قدم وساق لان نجهزو لعرسين وطبعا خذيت جلسة للدار اللي في جناح احمد وعجبني الديكورات اللي دايرهن احمد وطبعا الزواق اخترناه لونه ابيض والصالة دار فيها ديكور حلو بالورد على جيهة من حيطان  الصالة  ودار اضاءة مخفية للجناح كله والوان ديكورات ومفروشات الجناح كلها كانت بين اللون الابيض والزرعي والبرتقالي حتى الحاجات البسيطة اللي خذيتهن للمطبخ بنفس اللون لان عمتو اصرت ان يكون عندنا حاجات في المطبخ مثلا اخر الليل او الصبح بدري بدل ماننزلو تحت ودار احمد اللي في حوشنا حتى هيا غيرها جاب دار نوم بيضا نفس اللي في جناحه ودرنا التغيرات اللي قلت عليهن وبحكم دار احمد فوق فيها حمام وفتحنا الدار الثانية اللي فيها ممكتب احمد والعابي الرياضية ومكان لشغلي على دار النوم بممر صغير بحيث نخشو ونطلعو منها من دار النوم وكانت فكرة احمد وعحبتنا كلنا مع ان الجناح اللي فوق يعتبر تو لينا لكن في حوش اهلي في خوتي الولاد صغار قاعدين وماتضمنيش تحركاتهم وجاء اسبوع العرس وطبعا الحواس كله في حوشنا على خاطر ان نحن سبر اهلي بعد الزواج  مايشوفونيش للاسبوع وبيش نقعد في جناحنا اللي في حوش عمو محمود  وحوش عمو محمود فاضي مافيشي شئ بكل الا احمد يجهز في روحه وطبعا في الفاتحة بابا ماشرط شئ لان احمد ولده لكن عمو حط مؤخر كبير ومقدم كبير وحتى الذهب جابوه كامل لان احمد مايبنيش نلبس حاجة من ذهب يوسف والحق كله حلو جابوه طبعا لاني  شاركت في اختياره  وجاء يوم الحنة الصغيرة اللي بسبب احمد تمت كبيرة درنا صالة متنقلة في الصور وجاب فرقة وجت الحنية تحني فيا طبعا خليجية على خاطر احمد يكره ريحة الحنة وجت رسمتها تهبل وهالمرة قررت نغير ولبست بدلتنا البودرية وصيت عليها مرت عمي جابتها ليا من طرابلس تهبل طلعت عليا  ووجهي ماحطيت شئ عليه  ودارو جو يهبل وجت المصورة صورتني وكلمت احمد اللي فتح فمه لما شافني بالبودري وصورنا صور تهبل ورقصت ودارن البنات جو وجن بنات عم احمد وبنات خالته وبرضو التلقيح سيد الموقف ولكن درت روحي ولا كانه ماخاطريش نخرب على روحي في شئ ولا انتنكد في شئ خاطري بنفرح خاطري انجرب الفرح الصح اللي ماجربتاش مع يوسف وفي الليل بعد الهدوء وكلهم رقدو خذيت هبة لفوق وقعدت نهدرز معاها
انا..هوبي تخيلي اني اشتقت لاحمد في الثلاثة ايام هذين ولو ما اصريت عليه على خاطر التصوير وخاف من زعلي ماجاء
هبة ..ربي يدوووووم الشوق بينكم حتى هو ذايب غير يكابر
انا.. وانتي شنو عرفك
هبة.. كل شوي متصل بيا ومرات يقولي تعالي احذاها وخليها تحكي بيش نسمع صوتها
انا.. معقولة باه عليش قال خلينا لا نتلاقو ولا نحكو
هبة .. بالك معاش قدر يرجع في كلمته لما قالها
انا.. بالك لان لما جاء ساعة التصوير حسيت عيونه تتكلم بداله وهو كلامه بسيط وبسرعة طلع 
هبة .. هانت حبيبة بكرة تشوفيه وتعرفي قاعدة نتخيل فيك بالفيلو كيف بتطلعي وبيكون صدمة للكل
انا..هههه اكيد ان شاءالله نطلع زي مانبي
هبة .. اكيد باذن الله حتطلعي احلى اخرى
انا..هيا نرقدو بيش بكرة نوض رايقة
وعدينا رقدنا ونضت الصبح وفطرت بالسبع تمرات وكباية حليب ومع صحباتي فطرنا فطور سمح ومشينها بالضحك والجو السمع
غزالان .. صحة ليك ماتقول عروسة بكل
انا.. عليش
غزلان ..تضحكي وجوك يهبل
انا.. وكان عروس انكد على عمري
اسماء.. اضحكي عبورتي واضربي الدنيا وخلي فرحتك توصل للسماء
انا.. تسلمي ياسومة وربي يحفظك اكيد فرحتى واصلة لربي لانه انعم عليا بيها
هبة .. بصوت واطي بنت خالك هذي كان مش عشان خاطر عمتي حواء راه رقدتها في المستشفى
هنادي .. حييي كان مش عمتي حواء بس
اصالة .. حطوني معاكم والله كان نتلاقو عليها نقتلوها
انا.. ههههههههه يعطيكن الهنا
اسماء..ربي يخليكن لبعض على قد ماشفت صحبة بنات ماشفتش زي صحبتكن حتى صحباتي في الجامعة ديمة نهدرزلهن على صحبتكن انتن والولاد 
انا والبنات .. امين يارب
انوار .. هي جهزي روحك شوي وفتحي بيجيك
هنادي ..من وراي يكلم فيك
انوار ..تبي وسيم يقتلني امنا لا ياحنة اطمني اتصل بيا احمد وهو قالها ليا وقالي انه هو اللي بيجي ياخذك من الكوافيرة بيش هبة واللي ماشي معاك يروح بيهم فتحي
هبة .. كيف مشغلتيها غيرة هنادي شكلك
انا..مع ان فتحي ربي يحفظه ماينخافش منه
هنادي ..انديرله في الجو نرد فيها ليه لان مكتفني بغيرته
اصالة .. طلعو الفرح وارتاحو
هنادي ..هذا اللي جاي غير اهو عبير بنرتاحو منها ومازالت انوار وبعدها نرتاحو شوي واجد في جرت بعضه راه وبعدها بنحددو الفرح ان شاءالله
انا..حتى سند بيحدد الفرح
هبة .. مازالت نا بس
هنادي ..حركي روحك كلنا عارفين التاجيل عندك كان على وليد قديش ليه مطلعه الفرح
هبة ..خلاص حتى انا معاد عندي صبر
وجاء فتحي وطلعنا مشينا للكوافيرة وحنتي صبغت باللون الدمي اللي يهبل وطلبت من الكوافيرة انها ادير شعري تسريحة بس بطول الشعر وحطيت فيها تاج حلو بسيط لانه كان شكله ورد صغير على بعضه والمكياج دارته ليه حلو وطبعا مانيش دايرة طرحة لان بنخش للصالة انا واحمد وجاء احمد للكوافيرة ولبست كابي وانوار وهبة وهنادي ركبو مع فتحي  واصالة مع راجلها وطبعا كلهم تبعونا لحوش عمو محمود بيش نلبس الفيلو غادي ونزلت هبة وانوار وهنادي  وطبعا اصالة قلنا ليها تسبقنا للصالة واحمد ركب فوق يلبس حتى هو وطبعا انا ماخليتاش يشوفني حتى الكاب منزلته لوطة واجد وهو ماحاولش يكلمني بكل واستغربت ولبست الفيلو وكان عبارة عن فيلو قصير ومنفوخ  للركبة وفيه ذيل طويل يتركب وينفك يلتف على الخصر من الخلف والجناب  وصدره توب مرصع باللولي وهو من الدانتيل وعليه طبقة شيفون مغطية المنطقة العريانة وبربع كم صغير  ولما برمت للبنات معاش وحدة نطقت
انا.. خير دعوتكن
انوار .. بسم الله على وخيتي بسم الله
هبة .. اللهم صلي على النبي
هنادي .. اقري يافرخة المعوذات
انا..حلو طالع
انوار ..قالت حلو
هبة ..التواضع اللي عندك غريب تسئل حلو انتي طالعة زي السندريلا تهبلي ياعبورة طالعة
انا..هي لبسني الكاب قبل ماينزل احمد
ولبسني الكاب وخليته مايشوف شئ وهو نزل وطالع لاقوة الا بالله لابس بدلة توكسيدو سودا وداير ببيونة تهبل طالعة عليه ماتخيلتش بالرسمي يطلع يجنن هكي وراسم اللحية والشعر كانه مقصوص مدرج زايده حلاوة  وساعدني البنات واحمد وركبني السيارة وهنا ركبن مع فتحي وشوي جو سيارات الشباب وقلبو قدام الحوش العاب نارية وتبيب وطلعنا للصالة
احمد..متوترة نوارتي