للقدر والنصيب كلمة اخرى

24

#للنصيب_والقدر_كلمة_اخرى

ح 24
طبعا نضنا الصبح بدري وانا حيوية ونشاط وحتى يوسف ماحكيتش معاه واجد بيش نكون ناشطة في الصبح وفطرنا الناس والبنات وتن روحهن وطبعا شدتنا عمتي عزيزة وعطتنا شوي وصايا انديرو بالنا من ناس معينة
طبعا مشيت انا وهبة و اصالة وانوار مع احمد
وهنادي مع عبدالله ومعاها بنت عم احلام
وسند  معاه بنات خالته وبنت عمه وسيارة عمه الصغير معاه عمة سند  وخالته الصغيرة وسيارتين الدبش لانها ماشاءالله حلومة دبشها واجد وحاجتها كلها حلوة واحسن مايكون
طبعا انا من الفرحة نسيت القيلات ونسيت انها شقة في الدور الثالث
وركبنا نا لبست لبسة مستورة وحلوة بنطلون واسع شوي بس وسورية طويلة لنهاية الرجل الا ربع كانها فستان طويل ودرت شعري ذيل ولبست عليها صندل بسيط وفيه سيرين بس من جيهة الاصابع وطبعا البنات كلهن لبسن لبسة مستورة ومن غير عبايات لان هذا حكم السيد سند مافيش عبايات بيش وحدة ماتقدرش تضحك عليه وتلبس لبسة مش مستورة
انا..غير عليش سند  كيف مش عارفنا نسمعو كلامه
احمد..انتم سند  عارفكن  لكن بنات خالته اللي ركبات معاه عارف طروحهن هذا ليش قال عبايات لا  لانهن لبسهن ديمة يقهر في وسند  ويبدن يعرضن قدام الشباب
انا..اه
ووصلنا وطبعا بنركبو نحن الاولين البنات وبعدها يركبو الشباب الدبش
ولما نزلنا بحتت في احمد
احمد ..نسيتيهن صح
انا.. من كثر مافرحانة لاحلام نسيت ان شقتها في الدور الثالث
احمد ..به نوارتي خليهن يركبن قبل بيش نركبك
انا ..رديت للسيارة على خاطر سيارة الشباب وصلت وسند  فطن لاحمد لما شيرله خلى سيارة الشباب توخر شوية من حدانا وركبن البنات كلهن وجاني احمد قالي انزلي عادي نين نجو حدا مدخل العمارة
انا ..قلت له باهي
ورفعني احمد نين حطني قدام باب الشقة وقبل مانوصلو حمودي ديمة متعبتك معاي سامحني وبسته على راسه
احمد.. تعبك راحة
ونا كلي ارتباك لما باستني قبل بوسة الراس عادي عندي زي ماتبوس في باتي او عمي عمر لكن تو لان تغيرن مشاعري من ناحيتها نحس في كل شئ غريب
ونزلت بسرعة لقيت سند  يضحك عليا
احمد..كنك تضحك بس نبي نفهم
سند ..شوف وجك كي رايح احمر وتقول اول مرة ترفعها بيش تركب الدروج
احمد..ياراجل اسكت قريب قلبي وقف وهي في حضني
سند.. حالك يوجع
احمد..هيا كلم الشباب يركبو الدبش بيش يكملن بسرعة ونروحو
سند..من قدك انت عاد بتنزلها اخرى 
احمد..سكر خير ليك راه
وركبو الشباب الدبش وبدينا فيه وطبعا عمة سند قصقصتني نين دهشت على احمد وليش هو طبني وركبني
وكملنا الدبش ووخلاص نزلن البنات هنا نزلن وانا سكرت الشقة نستنى في احمد وركب احمد وطبني ونزلني من الدروج
انا..الحمدلله ان جسمي رشيق ومش معبية كنهدا راك عديت فيها
احمد ..والصالة والعضلات عليش دايرهن امنا
انا..والله ماتقولي لو كان وزني في الستين او السبعين راك رابط القيلات في رقبتي بيش ماننسهانش
احمد..هههه الحمدلله اللي وزنك 50كيلو
ووصلنا وركبت السيارة وقريبات سند  كلهن يشوفن ليا بتركيز قريب ياكلني لكن عندهن حق وحدة شايلها طرف ماتفهمي شئ من شخصية وشكل بين ايديه اكيد حسداتني الف حسد عليه
انا..هشام  وين احمد ماشفتاش
احمد ..جاء بروحه وشكله بعد كمل رفع الدبش معانا روح ما انتبهتش ليه
انا..يعني بتفوته المثرودة دايرتها عمتي عزيزة وانت عارف مثرودة عمتي عزيزة شنو
احمد..والله ماني عارف هشام  كنه متغير بكل رايح
اصالة ..صار ملاحظ تغيره يا احمد حتى انا لاحظته
هبة .. انا نحس فيه عادي مش عارفة كيف متغير
اصالة ..كنك وانتي انقلبتي وتميتي زي عبورة
انا..شنو قصدك وصالو
اصالة ..ماهو انتي طيوبة وتشوفي في الناس بعينك لكن هشام  صح متغير من لما طحتي على الدروج ياعبورة
احمد..صح ليك اصالة  تركيزك مزبوط
انا..بالك متوتر على خاطر الامتحانات والنتيجة
اصالة ..مش هذا السبب وبعدين انتي وهشام  ديمة احسن نتائج انتو تجيبو فيهن يعني بيكون زيك مش خايف من النتيجة ولا الامتحانات
احمد..يستر الله غير نفضو عرس احلام وخطوبة نوارة  وقلتها وانا بحسرة في قلبي بعدها نفضى ليه
انا ..نحرجت
اصالة  ..سلمها اللي تتحشم غير كيف بس كبرتي وماتعلمتي منا شئ
انا..زي شنو
اصالة  ..الحشم والاحراج مع لسانك كان طلقتيه يابنتي مافيك خير وواعرة لكن سبحان الله هشة فيسع ماتنجرحي ورغم واعرتك الا انك بسرعة ماتتحشمي
انا ..عالم المتناقضات
احمد..صح نوارتي انتي هكي تجمعي في صفات مستحيل يكونن عند شخص واحد
انا..ماهو خذيت من اللي ربوني وماتنساش انا ربوني اربع اشخاص مختلفين وشخص خامس ليه ثاتير مختلف
هبة ..في هذي صح باتك وامك وعمتي غالية وعمي محمود والسيد احمد
وصلنا للحوش ولقونا بالزغاريد ونزلنا ومشى جو العرس يهبل ودرنا الحنة الصغيرة وكانت تجنن وحنتها جت تهبل واكيد بكرة بتصبغ احسن واحلام بعد التغيرات اللي دارتهن فتلة وحواحب وصبغت وميشت طلعت تجنن وتغيرت واجد وطبعا بكرة اليوم الكبير حفلة احلام وبتمشي للكوافيرة بدري ونحن بعد نلمو مع عمتي عزيزة الحوش بتعدي هيا وماما وعمتو غالية ومعاها اختها وعمة احلام للصالة قبلنا كلنا بيش يشرفن على كل شئ ونحن نشرقو بروحنا وطبعا انا استغربت احمد مادواليش على اللبسة اللي خذيتها له وانها عجباته او لا بس بعدين فهمت من كلام احمد انه جاء لحوشنا سلم على بابا وماما ومحمد وموسى وماباتش في الحوش لكن قالي ان يوم الصالة بيلبس في حوشنا على خاطر انه بيروح بيا نلبس في حوشنا وجاء ثاني يوم
ودرنا كل حاجة وبعدها طلعنا للكوافيرة وانا درت شعري الاولى بيش نطلع مع احمد وبعد ماهما يجهزو نجوهم
الكوافيرة دارت ليا شعري فلو بس على واسع ورفعت جزء بسيط من شعري بنفخة بسيطة بيش نحط عليها السير ويبان وحطيت برنوص السورية اللي لابستها نين ركبت في السيارة مع احمد وطلع بينا احمد
انا ..شريت لبسة جديدة
احمد .. لا والله مافضيت قلت نلبس اي لبسة حلوة وخلاص
انا ..اه لبسك كله حلو
احمد ..تسلمي
وصلنا لحوشنا وخش احمد يدوش وانا خشيت نلبس وطلعت نستنى في احمد لاننا نبو نطلعو بدري بيش نجيبو البنات ونمشو للصالة على خاطر نستقبلو الناس
انا ..هي حمودي عطلت
احمد..شوية بس شنو نسيتي محمد وموسى بيخشو هما بي احلام
انا.. به نزلتهم ليا نلبسهم
احمد ..مابوش قالولي انت لبسنا على خاطر بيش اندير شعرهم كيف شعري
ونزل احمد وهو لابس اللبسة الجديدة اللي خذيتها له وطالعة عليه يجنن ومعاه موسى ومحمد لابسين بدل رسمية لونها قهوي داكن طالعين زي الغزلة يهبلو الثلاثة
انا..بسم الله ماشاءالله ربي يحفظكم
وانا ذايبة في احمد كيف طالعة اللبسة تهبل عليه وكيف عضلاته حتى من الجاكة باينات طالعة حاجة ماتفهم شئ
احمد..انتي اللي واخذتيها صح
انا..اه عجباتك
احمد..معقولة تشريلي حاجة وماتعجبنيش
انا..تسلم يارب
احمد..نوارتي بس شكلها غالية وانا عارف فلوسك
انا..مايغلا عليك شئ ياقلبي
احمد..عارف مايغلا عليا شئ بس ان شاءالله ماتسلفتيهن  نزعل راه
انا..خيرك حمودي معاي
احمد..انا نبي نطمن عليك ومانبيش حد يحطها واطية عليك مهما انكان
انا..اطمن ياقلبي انت مش تكلفت بلبستي كلها ومابيتش تاخذ النص بتاعها فقعدن الفلوس وكلمت بابا رفعني للمحل وبابا قالي كان نقصن عليك تو نزيدك وزادني شوي مش واجد وبعدين حمودي سنتين نقرا في جامعة مصروفي مانقربش فيه بكل انت تصرف عليا وماتخلي فيا ندفع شئ حتى حق شيتاتي والحوش بابا فيقعد مصروفي زي ماهو ومش مغير نا حتى انوار زيي انوار ممكن تو عندها من لما خشت الثانوي خمسة الالاف
احمد..ايه دايرة ثروة من ورانا
انا..مش مغير لانها تاخذ في مصروفين بابا وعمو محمود وتطلب الحاجة يدفعو الاثنين فشوف روحك ومصاريف ثانية انت ماتخليش فينا فمعش تسئلني على الفلوس لاني مستحيل نتسلف من حد خارج عيلتنا
احمد..نجيها العاقلة
انا ..هي نصوركم وانتم طالعين زي الغزلة وصورتهم وجت الصورة تهبل
محمد عدي جيب عصاة السيلفي خلينا ناخذو وحدة سيلفي
محمد..به وعدى جابها محمد وركبت الفون والتمينا نا جنب احمد وموسى ومحمد قدامنا وحسيت بشعور غريب مافهمتش شنو هو لكن مش زي كل مرة انصور مع احمد هالمرة حسيته غير
احمد ..هاتي انا اطول منك تو تجيبا مفطسين
انا..ههههه شنو قصدك
احمد.. ماقصدي شئ هي واحد اثنين ثلاثة
لما تكيت على الكاميرا حطت ايدها
من خلف ظهري ووصلت لعند خصري مع انها شادة في الجاكة مش في وسطي الا اني حسيت روحي رحت في عالم ثاني وتخيلت الصورة كانها مراتي حلالي وصغاري وانتبهت لروحي ونوارة تنخص فيا
انا..احمد هي وين رحت
احمد ..هيي رنن عليك البنات
انا..ايه رنن على فونك لما حسيتك سارح رديت عليهن نا وهنا يستنن فينا
احمد ..هيا