للقدر والنصيب كلمة اخرى

85

#للنصيب_والقدر_كلمة_اخرى

ح85
خشت علينا بنت وكلهم اندهشو من جيتها 
البنت .. السلام عليكم     
انا.. وعليكم السلام اهلين تفضلي
هبة .. باي صفة تتفضل هيا
انا.. عيب ياهبة خشي ياعلياء مرحبتين بيك
طبعا كلهم مستغربين من ردت فعلي واني كيف نلاقي فيها عادي
علياء .. شكل وجودي مش مرغوب بيه بس انا جاية بنقولك حمدلله على السلامة وهذا وين اسمعت بيك
انا.. تفضلي في اي وقت وهذا قبل مايكون حوشي يكون حوش عمك
علياء .. بارك الله فيك كيف حال صحتك تو والبيبي
انا.. كويس الحمدلله وحتى انا الحمدلله فتت مرحلة الخطر 
وجت ماما وعمتو سلمو عليها ومازالن البنات تحت تأثير الصدمة مش مصدقات
علياء .. ان شاءالله تفتحي عيونك على خير
انا.. ان شاءالله كيف حالك انتي ومراد ان شاءالله اموركم تمام
علياء .. الحمدلله بعد ماجيتك هذيك الليلة مشينا وسافرنا  كبداية جديدة
انا.. ربي يهنيكم
علياء.. ان شاءالله
وبعد الضيافة لعلياء روحت والبنات تمن مصرات انهن يعرفن شنو اللي صار وحكيت ليهم وهزبني المفروض اني ماسامحتهاش لكن اقتنعن في الاخير ان الدنيا والحياة مش مستاهلة الواحد يشيل حاجة فيها والمهم انا واحمد مع بعض وهدن بعد ماكانن شايطة فيهن النار وقبل المغرب فضى الحوش غير انوار ووسيم وماما وعمتو وبابا وعمو وتعشينا وهدرزنا واجد وبعدها ركبت انا واحمد وانوار حست روحها تاعبة فقالت تبات هنا هي ووسيم
انا اول ماركبت لحوشنا لقيته مظلم ومضوي بالشموع بس وورد في كل مكان
احمد.. شنو رايك
انا.. اي شئ انت اديره يهبل
احمد..حط ايده على بطني انا بسبب الاخ اللي داخل نمتنع عليك اربع شهور ياظالم
طبعا الدكتورة قالت ان البيبي ولد 
انا.. وزيد عليهن شهرين بسببك
احمد.. يااااه ستة شهور مش عارف كيف قدرت نصبر وتو خلاص
وجاء طبني وحطني على السرير
انا.. اكيد تميت ثقيلة تو
احمد.. اي ثقل انتي حتى لو حامل بتوم وزنك زي ماهو راك انتي ضاعفة واجد
انا.. تو نروق ونزيد نين معاش تقدر ترفعني من مكاني
احمد.. بنقضو الوقت في الحكي والله شنو
انا.. به نغير دبشي ونلبسولك حاجة دلع
احمد.. انتي دلع حتى بدبشك هذا انا تو نحوله لك
وباسني بوسة مليانة شوق وحب ولهفة وايديه قاعدات تحولي في دبشي وبعدها مشينا لعالمه ليذوقني حبه وشوقه ولهفته ليا ......
انا وعلى صدر احمد وهو يلعب بشعري
احمد.. تمام حبيبي انتي ماتعبتيش
انا.. لا حبيبي معاك مستحيل نتعب ليش تسئل
احمد.. ماهو بسبب الاخ لاني قبل عمري ماسئلتك خصوصا اني سمعت ان الدكتورة تقولك بدون مجهود كبير
انا.. وانا نقول خيرك محاسب على كل حركة ادير فيها
احمد.. اكيد بنخاف عليك اكيد
انا ..تسلم يارب ويخليك لي
احمد.. ترا اش نوارتي
انا.. خيرك حبيبي
احمد.. شكل في حركة تحت
انا.. ان شاءالله خير
احمد.. نلبس بيجامتي وبننزل نشوف ونقولك ماتنزليش فاهمة
انا.. به 
وشوي وركب احمد وانا لبست بيجامتي
احمد.. هيا نوارة دوشي بسرعة وانا بندوش في الحمام الثاني لان انوار رفعوها للمصحة حالة وضع
انا.. به به
احمد.. تقدري ادوشي بروحك
انا.. اه حبيبي نقدر
جاء احمد ضمني ضمة قوية حسيت بجسمي ينعصر وعرفت انه خايف على انوار
انا.. حبيبي ماتخافش ان شاءالله تجيب على خير ماتخافش عليها
احمد.. ان شاءالله خايف عليها واجد
انا..طمن بالك ياقلبي  هيا بيش نلحقو عليها
ودوشنا وطلعنا للمصحة
احمد.. كويسة حبيبي صح
انا.. كويسة ياقلبي وكان توجع فيا حاجة تو نقولك
احمد.. خايف طول المدة يكون ليه تاثير عليك
انا.. تاثير المدة شوق ولهفة ونار مازالت ما انطفت وعطش مازال ما ارتوى
احمد.. مش اكثر منك نطمنو على انوار بس
انا.. ههههه ان شاءالله
وصلنا للمصحة وقالولنا ان انوار جابت بنوتة وشوي ويطلعوها للجناح وقعدنا نستنو واللي قلبه على نار وسيم اكثر واحد فينا يبي يشوف مرته وشوي وقالت الدكتورة دخلوها لجناحها وطبعا خلينا وسيم يخش قبل
وسيم يبوس على جبينها  .. حمدلله على السلامة يا روحي
انوار.. الله يسلمك حبيبي كيف حال بنيتي
وسيم .. قالو كويسة وصحتها تمام
انوار.. انت ماشفتهاش
وسيم .. نطمن عليك قبل ياروحي
انوار.. تسلم روحك  خفت عليا
وسيم .. مع كل عيطة كنت نسمع فيها روحي كانت بتطلع معاك
انوار .. سلامة روحك
وخشينا نحن عليهم  وحمدنا ليها على السلامة وشوي وخش وسيم بالبنوتة
وسيم .. اهي عروستنا الحلوة شرفت
خذاها عمو واذن في وذانها وعيونه دمعن من الفرحة  وتمت البيبي الحلوة من عمو لبابا لعمتو ولماما  واحمد وانا
انوار .. نبي نشوف بنتي
انا.. خلينا نشوفوها قبل
وعطيت انوار بنوتتها وشكلها طشة بكل
ومنظرها يهبل
انا.. هاكي سمي بسم الله
احمد.. شنو بتسموها
وسيم .. ملك
انا.. والله
وسيم .. والله قديش عندنا نوارة نحن
انا.. ربي يخليكم لي يارب
وفرحت واجد انهم سموها الاسم اللي في خاطري وروحنا وسيبنا معاها ماما وام وسيم واول ماوصلنا حوشنا طبني احمد للحوش
انا.. حبيبي انت تعبان سهرنا واجد وانت ليك ايام كنت ماترقدش كويس
احمد.. اي تعب انا معاك مهما نكون تعبان وبقدرة قادر نقلب حصان
انا.. ههههه حشاك ياقلبي
ورحنا في خبر كان ومانندرو على شئ للظهر
احمد.. حبيبي نوارتي نوضي ياقلبي
انا بكسل .. صباح الفل والورد والياسمين
احمد.. ياصباحي انتي ديمة يارب
انا.. الساعة كم حبيبي
احمد.. الساعة 12 الظهر
انا.. اه اكيد انوار روحت
احمد.. اه امي بعتتلي رسالة وقالت بعد مانوعو نجوهم في حوش انوار
انا.. هي انوضو امنا يادوب ندوشو لكن لا ناكل قبل بيش ناخذ الدواء موعده مازال نص ساعة عليه
احمد.. تو نكلم زيزي تجهز الفطور مابين مادوشتي وهاتي هيا قبل
انا.. شنو هاتي
احمد وهو يشير على فمه.. حصتي اليومية
انا وبسته بوسة كبيرة
احمد.. هكي معاش فيها طلعة
انا.. حبيبي
احمد.. هيا بس قبل ماتجي زيزي بالفطور
ورحنا في عالمنا الجميل .....
انا.. حبيبي زيزي ادق على الباب
احمد.. استني هنا تو انا نوضلها
انا.. واصلا فيا جهد انصبي
احمد.. هههههه سلامتك ياقلبي تعبتك
انا .. عدي عدي تو تنزل
وفطرنا ودوشنا ولبسنا بعد ماجففت شعري ودرت ميك اب خفيف ولفيت وشاحي وطلعنا
احمد.. شنو ناخذو حبيبي معانا
انا.. كبداية تكي على حلواني وخوذ حلويات وبعدها ناخذو صندوق عصير وصندوق مشروب لان اكيد عمو وبابا جايبين الدنيا كلها
احمد.. ليش كبداية
انا.. ماهو مش عارفة شنو بيديرو حبيبي خطرها وليد ماقالكش امتى بيديرو اسبوع حبيبي الصغير لان اجلوه على خاطر نطلع
احمد.. انغار راه وانتي تقولي حبيبي لحد غيري
انا.. ماهو مسمينه عليك اكيد بيكون حبيبي الصغير وانت حبيبي الكبير
احمد.. ربي يحفظكم الاثنين وليد على اساس الاسبوع هذا بيديروه
انا.. امنا بيش نطلعو ناخذو حاجة ذهب ليه ولملك
احمد.. تمام متفقين
ومشن الايام ودرنا اسبوع لاحمد الصغير وبعدها لملك الحلوة لكن في حاجة مش تمام
انا.. حبيبي اسامة جاء لاسبوع ملك
احمد.. لا  ماجاش لكن اتصل واعتذر عليش تسئلي
انا.. احساسي يقولي ان في حاجة بينه وبين اصالة
احمد.. حكتلك حاجة
انا.. حسيت بي اصالة مهبية ومطفية وحتى بنيتها تنسبه عليها
احمد.. يستر الله
انا.. احمد هيا ارفعني ليها انقنا خاطري ماهو مهنيني
احمد.. تو مغرب حبيبي
انا.. عادي مافيش وقت بينا وبندير روحي بنتعشى عندها وخوذلي عشاء
احمد.. حاضر بس خوذي دواك معاك وكولي كويس
انا.. حاضر
هيا مابين انت جبت العشاء انا انكلمها
احمد.. به
ومشينا لاصالة حطني احمد وقال لما يروح اسامة كلموني نجي
انا.. كيف حالك صولو
اصالة .. بخير الحمدلله شنو دايرين حاجة كويسة بيش تفكرتي اطلي علينا
عندك علم من امتى ماجيتي من اسبوع سما
انا.. لو غريبة عليا انقولو
اصالة .. عارفة والله غير مشتاقة ليك بس ليش متعبين روحكم كنتم قلتو راه عبيت بعشاكم ومش مستحقين تشرو من برا
انا.. اصلا الجية ضربت في دماغي تو وحمودي حسيته مايبيش عشان مغرب ووقت عشاء فقلت ليه نجيبو عشاء معانا فوافق
اصالة بحسرة .. ربي يخليكم لبعض
انا.. اصالة خيرك خلي العشاء على تركينة تو لما يجي اسامة واحمد نسخنوه انا جاية اليوم والوقت هذا نبي نعرف خيرك وضعك مش تمام ومش انا بس ملاحظة حتى البنات كلهن لاحظنه غير قالن بيخلنك براحتك نين تحكي لكن انا مانقدرش حبيبة ولو في مشكلة لازم نحلوها بسرعة قبل ماتكبر وعلى العموم هو في حاجة بينك وبين اسامة مش تمام
اصالة .. ربي يخليك ليا خليني اندير كابتشينو ليك وقهوة ليا ونحكيلك
انا.. تمام مابين مالعبت مع سما شوية
وشوي وجابت اصالة الكابتشينو وقعدت تهدرز
اصالة .. الموضوع وما فيه اسامة يخون فيا
انا.. شنو وكيف عرفتي وعندك دليل او شك وخلاص
اصالة .. عرفت اسامة ليه وقت باعد عليا  ولما تميت مركزة معاه يحكي فترات طويلة في الفون وديمة مقضيها ماسنجر وواتس
انا.. ممكن مع اصحاب مش صاحبة
اصالة .. اسامة مش بطبعه الحاجات هذين الفون حتى ايام ماكان يكلم فيا ايام الخطوبة كان كله اطمئنان عليا وحتى لما اعترفت ليه اني نحبه زي مايحبني على طول قرا الفاتحة بيش يكون اي كلام بينا بشرع ربي ومش فترة طويلة بين الفاتحة والفرح فمن طبعه الفون ديمة يختصر والماسنجر والواتس عمره ماقضى عليه اكثر من ساعة وحذاي كان يتصفح الفيس ويرد على رسايله تو لا يسيب فيا بالساعات ومش حذاي يفتح ويرد على الرسائل
انا..اولا انك قلتيها بروحك يخاف ربي وماباش يعبر عن حبه ليك نين تميتي حلاله كيف بيخونك ترا
وثانيا  بالك يا صولو مقصرة معاه
اصالة .. مش سبب
انا.. لا كيف مش سبب حبيبة المرا لما تكون ديمة مهتمة براجلها وبعدين تهمله اكيد بيحس بفراغ واهمالها ليه فبيدور عليه في مكان ثاني ومش ضروري يكون مرا واسامة ماشاءالله عليه ماناقصة شئ وانتي عارفة ديمة عيت حنة يدحنسن عليه والله نسيتي
اصالة .. بس انا مش لاهية عليه الا مع سما
انا.. اه جينا وينا ربطنا الفرس معناها انتي شديتي في سما وسيبتي اسامة
اصالة .. ماهي بنتي وبنته
انا.. اسمعي حبيبة ممكن كلامي تزعلي منه لكن لازم انقوله المرا لما تجيب تسحاب روحها ملكت الراجل مع ان الراجل مايشده شئ لو يبي يبيع مراته وانتي غلطتي لما اهتميتي ببنتك على حساب زوجك مع انك يا اصالة تقدري تقسمي وقتك بينه وبين بنتك ومعاها تهتمي بحوشك وروحك انتي ماتشوفيش في شكلك ياصولو كيف رايح وين الاهتمام وين الشعر اللي ديمة امشط ومفتلك والمشكلة ان حتى سما تمت  هادية لو البداية صح انقولك لكن تو هدت واجد ياروحي عليها
اصالة .. بس مش مبرر للخيانة
انا.. تو يجي اسامة واحمد ونحكو مع بعض ونفهمو ولو خانك زي ماتقولي تو نشوفو لازم انتاكدو قبل الشك بدون دليل يدمر وبدون الفهم من الطرف الاخر يسبب الخسارة
اصالة .. يستر الله