للقدر والنصيب كلمة اخرى

66

#للنصيب_والقدر_كلمة_اخرى

ح66
انا بصدمة مش مصدقة من نشوف قدامي الموظفة وطول شديت في ايد احمد وحسيت بنار ركبت فيا
انا.. كيف حالك
حميدة ..بخير الحمدلله
انا .. تشتغلي هنا
حميدة ..اه
انا..ربي يعاونك
حميدة .. الف مبارك شكلكم مشيتو وجيتو ورديتو لبعض
انا..ومازالت ضاغطة على يد احمد
ايه مالينا الا بعض
حميدة .. ربي يهنيكم
احمد و انا .. امين يارب
وطلعنا واحمد مادواش حاجة ووجه ولاردة فعل
وركبت السيارة لكن مابيتش نسيب ايد احمد
احمد.. كنك نوارتي
انا.. ماتطلقش ايدي
احمد.. به نركب بس ونرد نمسكها
وركب احمد السيارة ومسك ايدي ولف شوري
كنك نوارتي عقلك وين مشى
انا.. مش عارفة واجد مواضيع برمن في دماغي
احمد.. ما اديري في بالك شئ انا نحبك انتي ونموت فيك انتي وهي بشوفتها ولاشعرة تحركت فيا
انا.. انت شفتها قصدك قبل اليوم
احمد.. لما حجزت لقيتها وتعاملت معاها عادي ولما قلت ليها جناح عرائس قالتلي بتتزوج فقلت ليها لا متزوج لكن نجددو بس وباركتلي وبس هذا اللي دار بينا
انا.. الفندق هذا رغم انه يهبل  لكن خلاص اول واخر مرة
احمد.. هههههه نوارتي الحلوة تغار
انا.. اه نغار ونخاف قلبك يحن
احمد..مستحيل كنهدا حن من سنين وبعدين متزوجة  راهي
انا.. وكيف عرفت
احمد.. انتبهت لدبلة في ايدها
انا.. مركز ماشاءالله
احمد.. نوارة قلبي انتي والله مافي واحد مكانك ولا حيجي مكانك حد ولايقدر اصلا
انا.. نحبك بس ماتلومنيش
احمد.. تعرفي انا فرحان واجد بيك وبغيرتك
انا.. ماتجربهاش حمودي راه نولي يع بكل واي حد يقرب حاجتي انتفه
احمد.. خلاص انولع السيارة ونطلع
انا.. اه
مشينا ادهورنا وغيرنا جو وضحكنا ولعبنا كانا اصحاب والحلو في احمد انه اخر همه الناس لما يشتغل الهبال عنده لكن لما يفصل مايعرف واحد وبعد ما دهشنا روحنا وقبلها تكينا على مطعم خذينا عشاء وروحنا وحطينا العشاء وتعشينا ولميت حوسته وبعدها خشيت دوشت على السريع وغيرت دبشي ولبست الروب الثالث اللي خذيته وكان لونه ازرق ملكي وقصير من الستان الناعم وبسيط ومن الحاشية بتاعته شريط من الشيفون من نفس اللون وطلقت شعري وبخيت من العطر وطلعت عليه
احمد.. لاهكي واجد عليا واجد واجد
انا.. مش واجد هذا اخرهن ههههه
احمد.. خطرتي عليا حاجة استني تو انجيك
ونزل احمد لتحت وشوي وجاء ماسك في ايديه علبة كبيرة
انا.. هذا شنو حبيبي
احمد.. استني شوي
نزلها وكرني احمد وحطني في حجره وفتح العلبة وقعد يطلع في مجموعة ارواب وروب احلى من روب ومعاها ثلاث شيش عطر من العطر اللي جابه ليا ليلة دخولنا وبيجامتين شورت يهبلن وناعمات ومعاهن ستة قطع داخلي طقم  نفس الشكل بس كل طقم لون 
انا ..امتى خذيتهن ياقلبي
احمد.. بالنسبة للارواب والبيجامات لما جبت ليكم كتالوجات الفساتين والفيلوات جابولي معاهن بتاع ارواب وملابس داخلية طبعا لان كان في اتفاق بينا ماحبيتش انجيبه ليك عشان ماتحسيش كاني نضغط عليك وقعدت انتفرج عليه وعجبني فيه اللي خذيتهن وتخيلت كيف شكلك بيكون بيهن وبعتت عليهن وجابوهن ليا ودستيهن ليوم يحن قلبك عليا
انا.. لفيت عليه وبسته بوسة كبيرة على وهو كمل معاي  .....  وطبني ورفعني للدار وسيب كل شئ في مكانه وعلى السرير ........
انا.. حمودي هكي بتهبلني راه
احمد.. وهذا اللي نبيه تهبلي فيا زي ما انا هابل فيك
انا.. حبيبي ليش العطر هذا وليش جايب منه الكمية هذي
احمد.. نقولك بس ماتضحكيش عليا
انا.. قول وخايفة تصدمني اكثر
احمد.. كيف نصدمك
انا.. تصدمني بحبك ليا
احمد.. مش عارف تضحكي او تنصدمي
زمان كان تذكري كان عطرك المفضل وكنت نموت فيه عليك لانك تبخي فيه وبعد ماجاتك الحساسية ومنع الدكتور عليك العطور معاش بخيته وحتى بعد تعالجتي معاش حطيتي منه ومرة سئلتك عليه قلتي ليا انقطع ومايلتقى الا بعد وين وين وانتي قعدتي اديري في لوشن الجسم وفتي العطور بكل ومرة مشيت لدبي لقيته خذيت منه وعلى اساس بنجيبه لك وقتها اعترفتي لي بعلاقتك مع  يوسف ماحبيتش يشمه عليك فدسيته وكل مانمشي نلقاه نجيب منه وحتى مشيت تركيا اللي مشيناها لقيته خذيته ولما عرضت عليك الزواج وبعد الاتفاق كان هو اللي حيكون العلامة بينا بيش مانحرجكش وتقوليها قول
انا.. ياقلبي انت وفرحت واجد ان ربي عوضني بحب اكبر من الحب الاول واعمق من الحب الاول مع ان دائما يقولو ما الحب الا للحبيب الاولي لكن انا نقول مرات يجي حبيب ثاني يخليك تحسي ولا كانك حبيتي من قبل وهكي احمد خلاني نحس
وحضنته زين وهو ضغط عليا واجد
احمد.. حبيبي جيبلنا حاجة حلوة نبي طاقة بنشحن
انا.. هههه حاضر ياصايع
احمد.. صايع في حوشي
هيا ناضت وانا خطر عليا التسجيل قلت بنوض نسمعه وصبيت لصالة الالعاب ندور في فوني وين ضامه ولقيته وفتحته لقيته مافيشي شحن حطيته في الشحن وسمعتها تنادي فيا وطلعت
انا ..وين كنت حبيبي
احمد. . في صالة الالعاب خطرت عليا حاجة
انا.. حبيبي هي كول وبكرة بنعدي بدري لحوشنا
احمد.. مش انوار بتجي عشية
انا..اه لكن ياسرنا عاد تو كلهم يشكو ويقولو خيرهم تقول تو متزوجين
احمد.. واحنا شنو امنا تو انحسبت علينا الزيجة
انا.. حبيبي صح كلامك لكن هما مايعلموش وجيته وحضنته وبعدين نحن قدامنا العمر كله
احمد.. ماهو موعدك قريب وانا بنستغل كل فرصة ليا انا مانشبعش منك راه
انا..زابط حتى الموعد
احمد.. نوارتي كنك انتي انا نعرفك اكثر من نفسي
انا.. بسته بوسة قوية على ....  ومنها ماصدق وكمل ........
وجاء الصبح ونضنا دوشنا وصلينا وخذيت لبسة بيش نلبسها العشية وقررت انا واحمد نباتو غادي
احمد.. خوذي روب معاك
انا.. حموووووودي
احمد..ههههه حتى لو مادرنا شئ معاش نبيك ترقدي احذاي الا بروب نوم
انا.. حاضر اصلا انا لازم نقسم الدبش بين هنا وغادي
احمد.. غير هيا نطلعو نلحقو نفطرو معاهم تو ملتمين غادي وباتي وعمي عمر اكيد بيطلعو موخر اليوم وبعدين شوفي روحك كيف تقسمي الدبش
انا.. هي واتية