#للنصيب_والقدر_كلمة_اخرى
ح61
اول ماخشيت حوشنا اه قديش رايفت عليك ياحوشي
احمد..وانا تعبان على الاخر بنخش اندوش قبلك
انا.. به بالك جعان
احمد.. لا كان مق كابتشينو من دياتك مانقولش لا
انا.. من عيوني
احمد
خشيت ندوش وانا مكانش خاطري نروح لان هنا بنرد نرقد بروحي وهيا بترقد بروحها لكن هيا كانت مشتاقة لحوشنا هنا مقدرتش نصر اني نقعد غادي
وطلعت من الدوش لقيتها مغيرة دبشها لابسة بيجامة شورت تهبل لونها فوشيا مع جسمها الابيض يارب الصبر
احمد.. كيف مانكش امدوشة
انا.. دوشت غادي قبل مانجي
وقعدنا نتفرجو ونشربو في الكابتشينو
انا
طبعا انا كنت نفكر كيف بنقول لاحمد يجي يرقد في الدار معاش يرقد كل واحد فينا ومتوترة كيف بنقولها
احمد.. خلاص انا معاش قادر بنوض نرقد تبي حاجة نوارتي
انا.. لا سلامتك
ونرجى فيه وين بيمشي ولقيته ماشي لدار الجلسة جيته شديته من ايده من عند المرفق
احمد
انا جيت بنخش لدار الجلسة انتبهت ليها شدتني من مرفقي وهيا متوترة على الاخر
انا.. حمودي تعال ارقد في الدار على السرير
احمد
وانا فرحان من داخلي لكن درت روحي عادي
احمد.. مانبيش انضايقك
انا.. حمودي كيف بنتقرب منك وكيف بيتغير احساسي اتجاهك اذا انا وانت كل واحد فينا يرقد في مكان
احمد.. انا نبي راحتك بس
انا.. وراحتي معاك
وخشينا رقدنا في الدار و وشوي لقيت روحي ماشية جيهة احمد وقلت ليه ممكن نرقد في حضنك واحمد بدون تعليق ضمني وشوي رقدنا
ووعينا الصبح وانا في حضن احمد وقديش حسيت براحة وانا في حضنه الله قديش كنت ظالمة روحي وانا نرقد بعيدة عليه وفتح عيونه
انا.. صباح الخير
احمد.. صباحي اكيد خير طالما نصبح عليك
مازالت ضامها ومانبيش نطلقها ولاخاطري نطلقها احلى نومة نرقدها النومة هذي وغمضت عيوني
انا.. شنو حمودي مازالت بترقد
احمد.. اه وزدت ضميتها بيش ماتفكرش تمشي
انا.. لما زاد ضمني حسيت بيه مايبينيش نسيبه فغمضت عيوني وشوي لقيت روحي راقدة اخرى نين فجعنا فون احمد ناسيه على العام
ونضنا نحن الاثنين مع بعض
انا .. منو هذا
احمد.. باتي
ايوه
عمو محمود .. وينكم نرجو فيكم على الغذاء
احمد.. هي جايين راحت علينا نومة
ونضنا بسرعة وغيرنا دبشنا وتوضينا وصلينا وطلعنا وجينا على الغذاء مزبوط عمو وبابا راقيلهم لكن ماما وعمتو فرحانات لكن ماعرفتش السبب وتغذينا وضميت الحوسة وخش عليا احمد في المطبخ
احمد.. نوارتي انا بنبدا نفطن لمكتبي ساد ليا واجد نشوف فيه هكي
انا..باهي ياقلبي ربي يعاونك ان شاءالله
احمد.. تبي حاجة
انا.. نبي سلامتك
ومشى اليوم عادي لا مش عادي قاعدة ندور كاني فاقدة حاجة فاقدة احمد واجد حسيت بغيابه وهذا احساس جديد كلمت البنات ولا وحدة فيهن تبي تجي وانوار سافرت هي ووسيم المعفنة اجلنا سفرتنا على خاطر عرسها وهي سيبتنا وسافرت فالحة وجاء المغرب وانا في جناحنا فوق بعد ماعصرت مع ماما وعمتو قاعدة نلهي في روحي بشغل المداليات وشوي سمعت حد خش وعرفته طول احمد لان كان ماما او عمتو راهن دقن سيبت اللي في ايدي وجيته بسرعة وضميته طول وهو حضني ليه
انا.. اشتقت ليك واجد
احمد.. وانا اكثر والله
انا..نحس في روحي كاني فاقدة حاجة بلاك
احمد.. وانا تقول تايه وزدت عصرتها
انا.. حمودي عصرتني واجد ههههه
احمد .. طلقتها وشديت اكتوفها نوارتي جعان واجد
انا.. هذي بس غير دبشك وتعال تو نوتيلك حاجة تاكلها
احمد..به
ونزلت وانا فرحانة بشوفته كانه ليه ايام غايب عليا ووتيت ليه ماياكل ونزل كلى وبعدها درت كابتشينو وقمعزنا نهدرزو مع ماما وعمتو
ماما .. معاش اطولو في النوم اليوم اباهتكم راقيلهم منكم لما يكون عندكم غذاء معانا
احمد.. والله ياعمتي نسينا بكل
انا.. شكله التعب خلف فينا نحن قبل نوضو ابكر من هكي
عمتو .. انتم عرسان وخوذو راحتكم لكن تو اباهتكم فاقدين انوار وبتزيد عليهم نوارة واجد عليهم راه حاولو لما يكون وقت متفقين ناكلو مع بعض
اناواحمد.. حاضر
وطلعنا ومابيناش نتعشو لان احمد المغرب كلى وانا طنقشت معاه
وروحنا وسهرنا وتفرجنا على فيلم حلو وبعدها خشينا رقدنا وقعدنا على الحال هذا حوالي اسبوع ثاني وعمو وعمتو روحو للحوش وقعدت انطيب في الغذاء مع عمتو ويوم اهلي عندنا ويوم نحن عندهم وطبعا مادرناش اسبوع لانوار لانها مسافرة واليوم راقيلي من احمد بكل
انا.. تعرف يا احمد كان ماتزوجتك خير
أنت تقرأ
للقدر والنصيب كلمة اخرى
Romanceحب فراق وحياة جديدة.... حينما يمنحك القدر فرصة جديدة للحياة قصة باللهجة الليبية للكاتبة حياة
