للقدر والنصيب كلمة اخرى

34

#للنصيب_والقدر_كلمة_اخرى

ح34
نضت حبيبي حبيبي صبي رقدنا في الصالة راه حتى ظهرك اكيد يوجع فيك
حبيبيييييي
يوسف ..صباح الورد ياقلبي
انا..صباح النور
يوسف ..اي ظهر بيوجعني وانا راقدة بين ايديا احلى قمر
انا ..بسته على خده هيا صبي انا نغسل وجهي ونغير دبشي ونوتي الفطور وانت نوض دوش وغير
خشيت للحمام حشاكم غسلت وجهي وغيرت بيجامتي ولبست فستان قصير تحت الركبة لونه احمر وعليه وردة كبيرة بيضا ورفعت شعري ذيل وخشيت نوتي في الفطور وخش عليا يوسف لابس سروال جينز ابيض وعليه تشيرت ازرق
فطرنا وقعدنا نهدرزو
انا..حبيبي نبي نكتب ليك ورقة فيها حاجات نبيهن نبي نبدا انطيب
يوسف ..مازال بدري لاحقة عليها الكوجينة
انا..لا مش متعودة وبعدين نا نعشق حاجة اسمها مطبخ لمعلومك
يوسف ..حاضر انتي تأمري اصلا هو يكمل الاسبوع هذا وبنجيبو شغالة
انا..عليش الشغالة
يوسف ..كيف عليش انا نبيك ملكة ملكة قلبي بس مانبي اديري شئ
انا ..ياروح قلبي لكن التطييب انا بنطيب
يوسف ..به لكن اي حاجة اخرى هيا اديرها
انا..تم ياقلبي بس من بيجيبها
يوسف ..وصيت عليها خالتي عازة لان اللي عندهم ماشاءالله عليها وديمة امال تشكر فيها
انا.. تمام قديش تهبل اختك امال وعمتي عازة
يوسف ..قلبهم ابيض وخالتي طيبة واجد عمرها مافرقت بيني وبين اعيالها
انا..ربي يحفظك ويحفظها يارب
اه خطرها بكرة بندير عزومة
يوسف بدهشة .. شنوووووو
انا ..خيرك انفجعت
يوسف ..حلوة هذي عروسة وبديري عزومة
انا..هههههه بنوريك فلاحتي بدري بدري
يوسف ..والله تبصري عليا شكلك
انا..اه نحكي من جدي بنكلم منى وعبدالسلام وخالد وامال بنكلمهم بكرة على العشاء ومنها انهدرزو ونزيدو نتعرفو على بعض
يوسف ..كلا انتي عليك حاجات بدل مانطلعو وندهورو تقولي بتقضي نهارك في الكوجينة
انا.. ياحبيبي البلاد عارفتها كلها مافيها حاجة جديدة وبعدين نحن يوم الجمعة بنسافرو فبندهورو نين نعيو
يوسف ..امري لله
انا ..ربي نجيه ليا حبيب قلبي
يوسف ..ويخليك ليا
انا..خليني نكتبلك اللي نبيهن وانت كلم عبدالسلام وامال وخالد باهي اتجي منك خير
يوسف ..حاضر
جبت ورقة وكتبت اللي نبيه
انا..قولي حبيبي انت تحب المبوخ
يوسف .. انموت فيه
انا..سلامة قلبك من الموت
خلاص معناها اليوم انطيب الغذاء رز بالبصلة بطريقتنا
يوسف ..اي شئ من يديك اكيد بيجي يهبل
انا ..اكيد بيجي يهبل لاني عارفة روحي
هاك حبيبي هذي الورقة وانا بنقعد على الفايبر بنشوف بالك احمد فتح نت وبنهدرز مع البنات
يوسف ..صح احمد وين استغربت انه مادوركش بكل
انا ..احمد سافر ليلة دخولنا بعد ماوصلني ليك قالولي جاته سفرة مفاجاءة ربي يرجعه ليا طيب
يوسف ..ليك بس
انا ..اكيد احمد ملكية خاصة قلتها بضحكة شريرة
يوسف ..ربي يرجعه لك طيب
انا..امين يارب
وطلع يوسف وضميت حوسة الفطور وقعدت على الفايبر ومالقيتش احمد متصل ولاحتى على الفيس او السكايب وخشيت هدرزت على البنات وقعدن يشفطن عليا طبعا ماحد يعرف اني مريضة الا انوار وماما وعمتو غالية وهبة بس لكن الاخرات مايعلمنش
وبعدها كلمت انوار فايبر
انوار ..اهلين ياقلبي الحوش بلاك يعي بكل ماينقعد فيه
انا..حتى نا رايفت عليكم
كيف حال بابا وماما ومحمد وموسى وعمو وعمتو
انوار ..كويسين كلهم
انا..ماكلمكش احمد
انوار ..كلمنا وقال تو يتصل بيك على رقم يوسف وانتي يافالحة مسيبة فونك هنا
انا..اه سيبته بالتعني على خاطر مايرن عليا حد واحمد قلت تو يكلمني فايبر لانه عارفني ان مستحيل الايباد يفارقني
انوار ..بالك رن على يوسف وكلمه ويوسف نسى
انا ..لا ماكلمتش متاكدة لان يوسف سئلني عليه اليوم قبل مايطلع
انوار .. اه طلع وين
انا ..قعدت نحكي ليها على العزومة وقعدت تضحك عليا وعلى ادماني للمطبخ وسئلتني على جو اهل يوسف وحكيت ليها وقلت ليها على الشقة اللي فوق
انوار ..اه من قدك ثلاثة احياش صار عندك احسن حاجة بيش لما تمشي ماتلقيش روحك تلطي من دار لدار بالذات هله مناسباتهم واجد بحكم جده اب بوه شيخ قبيلتهم
انا ..فعلا حتى انا حسبتهن هكي
تخيلي نقولك حاجة اهل يوسف الكبار اللي نسلم عليه يعطي فيا فلوس وقالي يوسف لازم ناخذهن ومانقدرش انردهن بكل وحتى يوسف قال مايحقش ليا فيهن حتى دينار اني ناخذه منهن بحكم عادتهم تخيلي كم طلعن لما لميتهن
انوار .. الف
انا..اي الف اهل يوسف سوى اهل امه او اهل بوه مايعرفوش يمدو بالميات بكل
تخيلي لما عديت الفلوس لقيتهن 12000 منهن 5000 من عمي علي اب يوسف
انوار ...ماشاءالله خيرهم واجد وانتي طيبة وتستاهلي وشنو بديري بيهن
انا ..يوسف زادلي عليهن وافهن 15000 وقالي مش تفكري بديري مشروع ديريه بيهن وهكي تقعدي فتحتي مشروع من فلوسك ولاحد يجمل عليك
انوار ..ماشاءالله عليه
حبيبة انتي قلبك ابيض ونيتك صافية هذا ليش ربي ديمة موسع رزقك وعمرك مافكرتي في حاجة الا وجاتك
انا..الحمدلله
هي حبيبة سلميلي على ماما
اه خطرها
انوار ..شنو
انا..راه يوم الخميس زورتي مش الاربعاء
انوار ..عليش
انا..على خاطر يوم الاربعاء بنعدي مع منى لهلها يوم زورتها بحكم عبدالسلام الكبير وهيا بتجي معاي يوم زورتي
انوار ..بتلبسي عربي يومين يعني
انا ..لا يوم زورت منى بنلبس عادي وهيا يوم زورتي بتلبس عادي هكي نسقت لينا امال
انوار ..به تمام بكل تو نوقض ماما
انا ..عليك عادات يقهرن الحق لانقدر انشوفهم ولانحكي معاهم ظلم والله
انوار ..هانت شن مازال