للقدر والنصيب كلمة اخرى

36

#للنصيب_والقدر_كلمة_اخرى

ح36
نضت الصبح مالقيتش يوسف حداي صبيت مفزوعة طلعت من الدار نسمع في قربجة في المطبخ جيته
انا ..صباح الورد ياقلبي
يوسف ..صباح النور ياعيوني
انا..شنو ادير
يوسف ..لقيتك مازالتي راقدة قلت انوتي الفطور ونوضك
انا..عليش حبيبي تعبت روحك كنت نوضتني درت الفطور
يوسف ..حبيبك مش باير راه حبيبك حر يعرف يسوي ويغسل الماعين ويضم راه
انا..اااايه ماشاءالله
يوسف ..الواحد من كثر مايقعد بروحه يتعلم
عدي اغسلي وجك وتعالي
انا..حاضر
خشيت غسلت وجهي وغيرت بيجامتي ولبست سروال واسع وعليه بدي كت ولفيت شعري كعكة فوق عالية وطلعت
يوسف ..هيا حبيبي الفطور واتي
انا ..اني جيت سلم دياتك
يوسف ..الله يسلمك
امبارح شكلك وتيتي لعزومة اليوم
انا..اه ماجانيش نوم قلت خليني نوتي للعزومة بيش مايقعد عندي شئ لما يجو
يوسف ..يعطيك الصحة لاني لما فتحت الثلاجة شفت حافظة اللحم وحافظة الدجاج
انا ..وتيت السلاطة المشوية وبندير معاها سلاطة خضرا وبطاطا مقلية بطريقتي
يوسف ..والله خايف عليك يعطوها لك بعين نقعد انا نعناني
انا..عليش حبيبي انا مادرتش حاجة غريبة بيش تجي العين
يوسف ..كيف ياقلبي عروسة لك خمسة ايام ودايرة عزومة ودايرة كيكة شكلها يسهف ومتشوق على وكالها وتقوليلي منين بتجي العين
انا ..ههههه هي حبيبي خليني نضم السفرة بيش نجهز الغذاء
يوسف ..لا ما ديريش غذاء ديرلنا بعدين سندوتشات خفاف طالما العشاء بيكون سمح بيش ناكل كويس
طبعا انا مانبيهاش تتعب زيادة غذاء وعشاء
انا ..حاضر ياقلبي
مع ان احساسي مش هذا السبب انه مايبينيش اندير غذاء عشان مايتعبنيش زيادة فرحت واجد
عديت قمعزت حداه وقعدنا نهدرزو على شلتي وقرايتي
يوسف ..تعرفي عبورة نقولك حاجة بس ماتزعليش مني
انا ..شنو ان شاءالله خير
يوسف ..تعرفي شلتك كلها كوم وهشام  كوم ثاني
انا ..عليش هشام 
طبعا ما استغربتش من كلام يوسف لان هشام  في الفترة الاخيرة تصرفاته معاي مش مفهومة
يوسف ..نحس فيه كانه يحبك حب الحبيب مش حب الاخوة زي عبدالله وسند 
انا..معقولة
ومر عليا شريط تصرفات هشام  الفترة الاخيرة ولقيت فعلا كلام يوسف هو الصح
يوسف ..اه عبورة لانك طيبة تحسي الناس تتعامل زيك
لكن الحياة فيها السئ اكثر من الطيب وانتي بسبب احمد ديمة محواطكم ماخلاكش ادوسي في الدنيا اكثر
انا..تعرف ممكن كلامك صح لاني انا بالذات كنت نعتمد على احمد واجد لكن اختي انوار عكسي وفاطنة لكل شئ وديمة تقولي انتي بيضاء
يوسف ..هههه والله احسن تشبيه
انا..خزي عليك تضحك عليا
يوسف ..تعرفي معاي لازم تقوي لان عيلتي مفترسين واذا ماكنتي قوية يفتروسك وينهوك وانا بلاك مانسوى شئ
انا ..اي عيلة ان شاءالله مش امولة وعمتي عازة قصدك
يوسف ..لا لا هذين زيك بالزبط
انا قصدت بنات خالتي بسبب الموضوع القديم لكن ماقدرتش انقول لها
نا نحكي على عيلتي بالعموم وجيهت اهل امي
انا..اه
وطول عقلي مشى شور البنت اللي سلمت عليا والوجوه تغيرن لما خشت عليا
ولاني مانبيش نسمع كلام عليها ولانبي نسئله عليها تو كل صابرة يجي هو يحكيلي فنطيت من مكاني
انا..بنعدي نحط اللحم في الاسياخ ونكمل السلاطة المشوية ونوض نجهز روحي
يوسف ..به ربي يعاونك
نا حسيت في عقلها كلام لان اه لما طلعتها من فمها ترفع معاني واجدة زعمك عارفة موضوع امل لا لا كنهدا راه جت وواجهتني انا المفروض حكيت ليها عليها قبل الزواج لكن خليها لما نسافرو نحكيها لها
صبيت للمطبخ حطيت اللحم في الاسياخ ورتبته جو الحافظة وكملت باقي السلاطة المشوية وخشيت غسلت اطرافي ولبست قفطان طويل وواسع وكمه للمرفق لونه ازرق ملكي وامبطش بدوائر صغيرة بيضاء وماحطيتش مكياج الا كحل في عيني باللون الازرق
ولميت شعري بمساكة على بعضها لكن مش ملموم زين وطلعت على يوسف
انا ..شنو حبيبي لبستي باهية قدام خوتك
يوسف ..بسم الله ماشاءالله قمر قمر يمشي على الارض
انا..مش للدرجة هذي
يوسف ..نجيه المتواضع يارب والله لو تلبسي شوال يطلع عليك يهبل
انا..عيونك الحلوات ولانك تحبني تشوف فيا حلوة
يوسف ..نحبك صح بس مش لدرجة لو كنتي شينة بنشوفك حلوة مستحيل لكن انتي حلوة اصلا والبساطة اللي فيك مخلياتك احلى واحلى لان لو وحدة ثانية ومازالت عروسة ودايرة عزومة مافكرتش في المستور والمحتشم راه بالعكس ضربتها مكياج اوفر ولبست شاحط او مبهرج اكثر لكن انتي ياقلبي وبسبب الحشم اللي عندك وروحك الحلوة كل شئ اديريه يطلعك حلوة
انا ..خلاص حبيبي
يوسف ..نجيه اللي يتحشم من زوجه
وجاء ضمني ضمة قوية نين حسيت روحي انعصرت بين ايديه وباسني على بوسة قوية نين ارتخيت بين ايديه وهو مستحيل يطلقني نين يحس بيا اني ارتخيت بين ايديه وذبت وبعدها طلقني
انا ..حبيبي ليش ادير فيا هكي
يوسف .. انا نموت فيك وقديش نعشقك لما ترتخيي بين ايديا غير امتى ياربي بس ونقدرو ناخذو حاجات اكبر من البوسة هذي
انا ..تحشمت وطبست راسي
يوسف ..رفع راسي وتما وجهي مقابل وجهه وقالي
حبيبي بطليه الحشم بعد يومين حنخشو في اماكن اكثر وانتي مازالتي تتحشمي من بوسة
انا ..انحرجت بكل وغمضت عيوني لانه مازال ماسك وجهي بيديه
حبيبي خلاص بطل خلي الدوة هذي في وقتها
باسني على خدودي على رنة الجرس انا فرحت لاني خلاص نحس في روحي مش قادرة نوقف خشيت للدار نبرم على روحي وعلى شعري اللي حاس بين ايديه وسمعت يوسف يقول هيي تفضلو
طلعت من الدار بسرعة لقيت خالد وامال جايين سلمت عليهم
انا ..نورتو الحوش
امال ..منور بيك ياهبلة بضحكة 
انا ..عليش
امال .هناك عروسة ادير عزومة
انا ..ههه بنوريكم فلاحتي بدري بدري
خالد..قصدك اليوم كله من دياتك
انا ..اكيد
خالد..معناها يستر الله كيف بيطلع
يوسف ..لا اطمن اصلا انت واكل حاجات واجد من ايديها وبالذات الحلو
خالد ..امتى بسم الله الكريم
يوسف ..في زردات الشباب الحاجات اللي يجيب فيهن احمد كانت عبورة هي اللي ادير فيهن
خالد ..اه صح نسيت ان عبير هي نوارة
معناها بناكلو ونحن مطمنين لكن نحن كلينا منها الحلو بس يستر الله في العادي
يوسف ..حتى عادي واكل واخرى طحنا فيه بيدينا وسنونا
خالد ..كذا ذكرني
يوسف ..الخروف المحشي براك وورق عنب
خالد ..ياراجل تبصر عليا شكلك
يوسف ..والله يا راجل ولان كنا متاكدين ان احمد جايبه من المطعم مافيش واحد سئله منو اللي دايره
خالد .. ياراجل معناها طحت واقف
شكل لاقوة الا بالله وهدوء ومعاها فنانة مطبخ
انا تحشمت وصبيت
نجيبلكم قهوة وخشيت للمطبخ ومعاي امال
خالد ..وتتحشم اخرى
يوسف ..الحشم هذا زايد محليها
خالد ..ربي يهنيك بيها ياخوي واخيرا ربي عوضك خير من المعفنة امل بنت خالتك
يوسف ..اسس راه تسمعك
خالد..قصدك انت ماحكيتش ليها
يوسف ..لا ومش عارف ليش
خالد..مع انها شكلها متفاهم لان حتى لما جت يوم زورتها عند جدك عطية وتغيرت الوجوه لما خشت عليها لكن دارت روحها عادي ومبتش حتى تسئل
يوسف ..بصدمة شنو تقول انت شنو قصدك جت
خالد ..كيف ماحكتش ليك
يوسف ..لا
انا قعدت نفكر زعمك عرفت بقصتي معاها او استغربت بس من ردت فعل اهلي وماعدلتش قعد عقلي ياخذ وويودي على رنة الباب
وجاء عبدالسلام ومنى وشفت لمنى قديش حتى هيا حلوة بس مكثرة مكياج على وجهها ولابسة بدلة رسمية مع اني قلت لعبدالسلام انها عزومة شويات
انا ..جيت سلمت عليهم ورحبت بيهم وخششتهم للصالة
وعديت زدت قهوة اخرى ودرت قهوة عربية لخالد وعبدالسلام ويوسف وانا ومنى وامال درت كابتشينو وقصيت الكيك وحطيته في صحون وطلعت معاي امال رافعة الكيك وانا القهوة وضيفتهم ونهدرزو
عبدالسلام ..الكيك طعمته تجنن من اي محل جايبنه نمشو نجيبو منه
يوسف ..محل عبورة قالها بحب كبير
عبدالسلام ..ياراجل
يوسف ..والله دايرته عبير امبارح وقدامي اخرى خلطاته وطيباته وحشاته وزيناته
عبدالسلام ..التفت لي ربي يعطيك الصحة يارب
خالد ..تعرف ياعبدالسلام الخروف اللي مرة جابه لنا احمد عشان نجاحه ونجاح نوارة  في الثانوية
عبدالسلام ..وهو ينتسى طعمه مازال في فمي للتو
خالد..تعرف ان عبير هي اللي دايرته
عبدالسلام ..تبصر
يوسف .. عليش بيبصر بيش تعرف خوك شنو عنده
انا ..من الاحراج قريب خشيت في الفنجان
منى ..خلاص عاد شوفو وجه عبير كيف راح وفعلا ياعبورة هذا انا ذقت الكيك وجاي يهبل امنا الباقي كيف
كلهم شبحولي وقعدو يضحكو عليا
وقعدنا نهدرزو وجو يهبل
يوسف ..اصلا هي بعد مانروحو من السفر تفكر انها بتفتح مشروع للكيكات
امال..عليش انتي مانكش مستحقة ويوسف وضعه مرتاح والله قايلك انه فقري
انا .. لا والله ماهي قصة فلوس الحق قصة كيان وتحقيق طموح حتى الشهادة لما بناخذها عمري ماتخيلت روحي وراء مكتب بس 
منى..صحة ليك هذا التفكير الصح وطالما يوسف يشجع فيك ابدي وماتفكري
يوسف ..انا معاها قلبا وقالبا بلي تبيه
خالد ..وانا اول زباينك
انا ..تجي تاكل اللي تبيه من غير حاجة هيييي يوسف وتي الشواية اكيد جعتو
عبدالسلام ..اي والله مايطيب الا نحن طبنا من الجوع
انا..خسى الجوع وان شاءالله تعجبكم تتبيلتي
خالد.. ههه قلبتي على باب الحارة
انا.. ههه تعودت عليها 
يوسف ..بنبرة تهبل اي شئ من يديك اكيد بيعجبنا
عبدالسلام وخالد ..احم احم
وخشيت جبت لهم حافظة الدجاج واسياخ اللحم
ووتيت السلاطات في صحون وحطيت البطاطا في الكوشة لانها كانت بطاطا متبلة واطيب في الكوشة وجيت قمعزت احدا امال ومنى برا وجبت لهم عصير وشوكلا
وانشوفو في الشباب وهما يشوا
منى ..عبورة بكرة بتمشي لكوافيرة معينة والله نكلمك كوافيرتي
انا..لا ماعنديش كوافيرة كلميلي كوافيرتك وخلاص حنتك طالعة تهبل امتى حنيتي
منى ..اليوم حنيت
انا..بالصحة عليك
منى ..وانتي ماشاءالله حنتك مابهتتش  بكل
انا ..نحرجت وقلت ليها اهو بتبهت لان الحمامات مش واجد لان بعد اول ليلة قعدنا ثلاثة ايام
منى ..اه صار امس انفرج عندكم
انا..بضحكة اه وغيرت الموضوع طول
خليني نصبي نشوف البطاطا ونجهز الصحون انجيبهم  لانهم خلاص قريب يكملو انا خشيت نجيب في الحاجات وطلعت لقيت يوسف يهدرز مع امال بصوت واطي بس ماعدلتش قلت حاجة خاصة بينهم
يوسف ..كنك يا امال ماقلتيش ليا ان الخرا امل جت يوم زورت عبير لعيت جدي عطية
امال ..عليش نقولك واصلا انا ماشفتهاش قالولي قول لانها لزتها امك قبل ماانا نطق فيها كان طقيت فيها راك ماسمعت بيها الا في المستشفى الحقيرة هذي وبعدين انت ليش تسئل وشنو عرفك قالتها لك عبير
يوسف ..لا قالها ليا خالد واستغربت عبير ماحكتهاش ليا
امال ..يوسف انت مش حاكي لعبير
يوسف ..لا
امال ..عليش ياخوي عليش هكي تو تعتبرك كاذب عليها وانك داس عليها لان اكيد في عقلك حاجة شورها
يوسف ..لا والله مافي عقلي حاجة شورها غير الكره والحقد
امال..ليش ماحكيت ليها امنا
يوسف ..عبير نظيفة يا امال ماعندهاش ولاتجربة وعبير واضحة ومن النوع حتى المعاكسة تاثر فيها وتخليها تبكي تحشمت نحكيلها على ماضيي وبالذات زي اللي صارلي
امال ..حتى انت الله يهديك وهذي حيوانة ماتعلمش شنو اديرلك المفروض لازم تحكي لعبير
عبورة تحبك وحتسامحك
يوسف ..يستر الله وحنحاول نحكي ليها في هاليومين
وتعشينا والحمدلله عجبهم العشاء وروحو ويوسف ضم معاي الحوسة وخشيت غيرت دبشي ورقدت من التعب ونضت الصبح على انوار ترن على فون يوسف ورديت عليها لان فون يوسف احداي  وقالت لي افتحي الباب انا برا
طلع يوسف فتح الباب ومدت فوني ليوسف وعدت ومبتش حتى تشوفني
خش عليا يوسف
انا..خيرها عدت
يوسف ..قالت لو تعلم بيا ماما توريني واللي جايبها عمي محمود
انا..اه وخذيت فوني منه وحطيته في الشحن وطلعت فطرنا واتصلت بيا منى ووصفت العنوان ليوسف وقالي انه بيطلع ولما يجي الموعد رني عليا انجيك بما ان فونك جاك
انا ..به دير بالك على روحك وبسته على خده
يوسف ..وانتي كان تبي حاجة كلميني
وعديت فتحت فوني وهو في الشحن وجن عرم رسائل على الوتس وعلى الشفرة وقعدت نفتح فيهن ونشوف واكثرهن مباركة لكن مالقيتش رسالة من حمودي لكن لقيت صور جايتني خشيت عليهن ونصدمت مش مصدقة شنو اللي قاعدة نشوف فيهن