للقدر والنصيب كلمة اخرى

81

#للنصيب_والقدر_كلمة_اخرى

ح81
الدكتورة .. المدام تقدر تطلع بس لازم التغذية والنظام الغذائي تمشي عليه وديرو بالكم منها اول مايغمى عليها لازم تجيبوها طول لان الخطر يهدد في حياته
احمد.. به يادكتورة طالما الجنين يهدد في حياتها نزليه
انا.. شنو تقول يا احمد لو يبدا فيها موتي مستحيل ينزل
احمد.. بعيد الشر عليك لكن هذا حيقتلك
الدكتورة .. ماتخافش صح هيا حالتها الصحية مش تمام وهو حياثر على صحتها بسبب ضعف جسمها بس مرحلة قصيرة نين تسكر الرابع معاش ينخاف عليها بعدها غير امشو على النصايح والتغذية لازم يوميا تركب اثنين وان شاءالله يصير كل خير
انا.. به يادكتورة تقدري تخلي ممرضة توري زوجي كيف يركب التغذية ونرتحم من الجية يوميا لان بيات مستحيل نبات
الدكتورة .. لو ماديتكم تسمح ليش مانبعتش ليك ممرضة في الصبح تركب ليك وحدة وفي العشية تركب الثانية
احمد.. تمام يادكتورة اتفقي مع الممرضة وتو برا عمي يعطيك الوصف عشان الممرضة ولو تبي حتى انديرو سيارة اتجيبها وتروح بيها عندنا سواق وراجل كبير في العمر
الدكتورة .. خلاص تو نشوفها ونرد عليكم
انا.. نروح امتى يادكتورة
الدكتورة .. نقدر انديرلك تو خروج غير خليني نتفق مع الممرضة
احمد.. تمام مابين جهزتها
وطلعت الدكتورة وساعدني احمد في لبس بشتي ووشاحي لفه ليا كويس ومطنشة عليه
احمد.. نوارتي ملاكي الحلو كنه مطنش عليا
انا بدموع.. معقولة بتتخلى على قطعة مني ومنك
جاء حضني
احمد.. لو فيه ضرر نتخلى على الدنيا كلها مش على بيبي مازلت ماشفتاش
انا.. هانت ياقلبي مازال شهرين الا ونفوت الخطر وطالما انت معاي اكيد حنكون قوية بيك
احمد.. حاط راسه فوق راسي ومازال حاضني
احمد.. ليش ماخليتيش حد يخبرني انك حامل
انا.. عشان انا سبب ضعفك ولو قلت ليك اني حامل حيزيد شعورك بالضعف على خاطري وخاطر البيبي وبالذات اني تاعبة حبيت تعلم لما تكون قوي وماتحسش بالضعف وانت معاي
احمد.. ربي يحفظك لي والله درتها وانا كنت خايف انك تسيبيني
انا.. مافيش حد يقدر يتخلى على روحه وانت روحي ياروحي
احمد.. نزل عليا وباسني بوسة حلوة وهادية وسريعة ووجهي محاط بين ايديه
وشوي والدكتورة جت وقالت لنا انها اتفقت مع الممرضة وعطتنا عنوان يجي السواق ياخذها منه وعطتنا روشيته للتغذية
احمد.. شكرا يادكتورة
الدكتورة .. العفو واجبنا هذا
وروحنا طبعا احمد رافعني في حضنه حتى السيارة ركب من الخلف بيش نكون في حضنه وطبعا القروب كله روح وقالو حيجو بكرة لانهم بيخلونا اليوم بروحنا وروحت للجناحنا في حوش اهلي
احمد وهو يحط فيا على السرير
احمد.. يامكارة تلمي دبشك كله وانتي كل يوم يالبسة بيجامتي ياحاضنة واحد من تشيراتاتي
انا.. وكيف عرفت اكيد نانا
احمد.. لا انا كنت كل ليلة انجيك ونقعد معاك لعند ماانتي تنوضي تقري في قران وتصلي وترقدي
انا.. كيف
احمد.. كنت نجي ونقعد حذاك ونشبع في عيوني منك وقبل ماتنوضي بشوي ننزل ونقعد نستنى في السيارة نين اطفي الضي نعرف انك رجعتي رقدتي
انا..وانا ديمة لما نوض انشم في ريحتك قوية ونطلع ندور مانلقى حد وانت حارمني منك
احمد.. ماهو انا كانت وراي حرب كيف بنكون فيها قوي بدون درعك اللي يحمي فيا
انا.. بس كيف درت وانا في العمرة
احمد.. كنت نخلي في عمتي حواء تفتح الفيس تايم ونتفرج عليك فيديو نقعد بالساعة وانا نتفرج عليك ولما كنت نشوف فيك تاعبة كانت عمتي حواء تقولي تعبتي من المناسك وانك دلوعة ماتحملتي وانا نضحك عليك ماتوقعت ان اللي فيك انا سببه
انا .. حضنته ربي مايحرمني منك انت سببه صح لكن احلى حاجة كنت نتمناها
احمد .. هيا نساعدك في تغير دبشك
انا.. به
وغيرت دبشي بمساعدة احمد ورجعني على السرير
احمد.. تعرفي انا نبي نرقد وناخذك في حضني
انا خشيت في حضنه
انا.. حتى انا نبي نرقد
وخشينا حضن بعض ورقدنا نين ماما دقت علينا عشان دواي ولازم ناكل
ونزلني احمد وكليت وجبتي ودواي وقعدنا نهدرزو معاهم وضحكت وغيرت جو وطبعا مع هرجة نانا ومحمد وموسى ونقارهم وشكاوي نانا من الحمل
عمو .. احمد تعال نبيك
احمد.. نعم ياباتي
عمو .. انت زعلت نوارتنا واجد رد بالك تزعلها ثاني فاهم
احمد.. ياباتي انت عارف ليش درت هكي
عمو .. اطلع خوذ حاجة ذهب وهدية سمحة على خاطر الحمل
احمد.. حاضر ياباتي اصلا انا بندير حاجة في بالي لاني نبي نحتفل حتى بحاجابها مانبيش نفوته هكي
عمو.. تمام ربي يهنيكم ان شاءالله
وخش عليا احمد وقالي سند وهشام وعبدالله برا بيشوفهم ويجي
احمد.. اهلين شباب
عبدالله وهشام وسند .. اهلين بيك
احمد.. انا كلمتكم نبي اندير حفلة لنوارتي على الحمل وعلى رجعتنا وانتهاء المشاكل وعلى الحجاب
عبدالله .. نحن معاك شنو تبي ادير
احمد.. اولا المعزايم نحن بس بالبنات وازواجهم وانتم وازواجكم يعني شبابية
سند.. تمام وين بديرها
احمد.. في المنتزه ****** حجزت فيه امبدري وكل حاجة منهم لكن اللي نبيه منكم تمشو للحلواني **** تحجزولي تورتة وتكتبو عليها ملاكي مبارك الحجاب وخليهم يديروه بديكور يدل على المناسبة
هشام .. احمد فرحان بحجابها
احمد.. طاير مش فرحان وملاحظ انها من قبل رمضان كانت تفكر فيه لان كانن معظم طلعاتها تلبس في برنوص على راسها وفي الشتاء الاسكارف ديمة تلف فيه على راسها بطريقة حلوة
هشام .. ربي يحفظكم لبعض
سند.. به الوكال
احمد.. حجزت من المنتزه نفسه ذايقين وكالهم انا ونوارتي اكثر من مرة
سند..تمام التمام
عبدالله .. هيا خلينا نقسمو
سند.. انا نمشي للحلواني
هشام .. وانا انكلم الشباب وازواج البنات
عبدالله وانا نمشي ناكدلك الحجز في المنتزه ونشوف التجهيزات وانديرو ديكور حلو للحفلة
احمد.. اهم حاجة كثر الفراشات لانهن عشقها
عبدالله .. تمامو
احمد.. وانا بنطلع ناخذ الهدية وحتى باتي قالي لازم نجيب حاجة ذهب
سند.. تمام نعتبرو متفقين يبقى هي كل واحد يتوكل
وخش احمد للحوش ولقاني مقمعزة انتفرج وماما وعمتو لاهيات في المطبخ ونانا قالت بنرقد شوي
احمد.. على شنو اتفرجي
انا.. على فيلم مصري قديم حلو تعال تفرج معاي
جاء احمد وحطني في حضنه
انا... يخش بابا والله عمو
احمد.. مش قاعدين
حطيت ايديا فوق ايديه وقعدنا انتفرجو على الشموع السوداء
انا.. اهي تو نجاة بتغني اغنية لاتكذبي تهبل بالذات بصوتها
احمد.. فعلا صوتها حلو في الاغنية هذي
وقعدنا نتفرجو نين كمل الفيلم ونحن معظم الوقت ساكتين كاننا نبو نشبعو من حضن بعض خصوصا ان الدكتورة منعت الاتصال الجسدي الا بعد الرابع
وركبنا رقدنا في حضن بعض وجاء ثاني يوم وعدى السواق جاب الممرضة بعد الفطور والدواء وركبتلي التغذية وبعد ماكملت لقيتها ركبتلي الثانية
انا.. مش على اساس العشية بتركبي ليا الثانية
الممرضة .. امك طلبت مني انركبها لك تو لانها قالتلي ان عندك مشوار العشية
انا.. اه غريبة ماحد قالي بالك بنمشي لحوشي الاخر
الممرضة .. كيف عندك حوش اخر
انا.. هذا حوش اهلي وهذا جناحي انا وراجلي وهذاك حوشي عند اهل راجلي
الممرضة .. غريبة اهلك دايرين ليك جناح انتي وراجلك
انا.. لان راجلي قبل مايكون زوجي يعتبر كانه ولدهم وهذا كانت داره قبل زواجنا غير زدنا كبرناه شوي
الممرضة .. اه ربي يخليكم لبعض
انا .. امين
وكملت التغذية وروحت الممرضة وكانت الساعة 12 الظهر ركبتلي نانا
انا.. مقالكش احمد وين طالع
انوار .. لا حبيبة ماشفتاش انا نضت من النوم تو وركبت نطمن عليك قبل حتى مانفطر
انا.. ياروحي متعبك الحمل
انوار .. لا تو الحمدلله في اخر السادس وحالي كويس
انا.. ساعديني حبيبة ننزل تحت
انوار .. تو نكلم ماما نخاف اطيحي مني
انا.. به غير ساعديني تو نغير دبشي
انوار .. هي نوتيلك دبشك قبل
احمد.. تو نجهزه نا السلام عليكم
انا وانوار.. وعليك السلام
احمد.. عدي ياقلبي تو انا نجهزلها دبشها ونساعدها
انوار. . نمشي نفطر امنا
احمد.. صحة مقدما
هيا حبيبي جهزت ليك الدبش نوضي انساعدك
انا.. حبيبي كان ادوشني ليا يومين ما دوشت وحتى ريحة المستشفى في خشمي
احمد.. حاضر حبيبتي
ودوشني احمد ولبسني دبشي وجففلي شعري ولفه ليا ونزلنا تحت
انا.. حبيبي الممرضة قالت بنطلعو اليوم قالت ليها ماما
احمد.. ايه بنطلع انا وياك وانوار ووسيم
انا.. وين
احمد.. مفاجاءة