للقدر والنصيب كلمة اخرى

6

#للنصيب_والقدر_كلمة_اخرى

ح6
وما نندري على روحي الا وانا في المستشفى وكلهم حداي في الدار بابا وماما وعمتي غالية وعمي محمود واحمد وسند وهشام وعبدالله وهنادي واصالة  وهبة
ولما فتحت عيوني شفت منظرهم انفجعت وقعدت نعيط نقوللهم شنو صارلي قولولي جوني بابا وماما وقالولي مافيك شئ  بس بسبب الطيحة حصلتي كدمات وحوضك حصل رضة ومنع عليك ركوب الدروج بدون مساعدة
انا... كيف
بابا ... قال الدكتور
احمد ... تو نقوللها انا ياعمي عمر
عارف لو تكلم عمي عمر تو تهستر لكن لو حكيت انا تو اتحمل وادير روحها عادي لانها ديمة تبي تبين روحها شجاعة قدامي
انا...شنو ياحمد شنو فيه وانتم كانه داسين حاجة عليا
احمد... اس ماتخافيش مافيك شئ غير الدكتور قال على خاطر الطيحة ركبت الدروج حكتون صعبة عليك وحتحسي بوجع قوي لازم من مساعدة زي مثلا تقعدي منسندة عليا كاني عكوز بيش تركبي الدروج او تستخدمي قيلات
انا ... درت روحي عادي عشان مانبانش قدام احمد خوافة من القيلات رغم ان كلمة قيلات في حد ذاته ترعب فيا بالذات لما قضيت فترة الصيف كلها وانا نتحرك بيهن وقعدت نضحك على كلمة احمد وقلت صار في الحلقة الاخيرة طلعت عكوز
احمد ... على سباك عادي نكون عكوز
انا... سكتت وعيوني مرقرقات
وهدرزو عليا وماما باتت معاي وروحو كلهم دورت تيلفوني وبعتت رسالة ليوسف وكتبت ليه
انا.. معليش يوسف مريضة شوي وماما راقدة معاي في الدار مانقدرش انرد عليك
يوسف
كان قلبي بيوقف واستغربت من ردة فعلي ليش هي شنو تعنيني معقولة بديت انحبها من غير مانشوفها رديت على روحي بصوت عالي ايه نحبها بدون مانشوفها ووقتها احداي خوي عبدالسلام
عبدالسلام ..احم احم منو اللي تحبها بدون ماتشوفها
يوسف 
لاهي بنرد على رسالة عبير
يوسف.. الف لاباس عليك ان شاءالله حاجة بسيطة ياريت اطمنيني عليك
عبدالسلام .. هيي انا نكلم فيك وين رايح
يوسف  ... نطمن على حبيبة القلب
عبدالسلام ... ايييييه من ورانا تعال احكيلي كل شئ تو
يوسف ... باهي تو نحكيلك غير خليني نطمن عليها
وصلتني رسالة يوسف
رديت عليها
انا ... تو بكرة نقولك لكن ماتشغلش بالك عليا حاجة بسيطة غير عشان مدللة العيلة حتى الحاجة البسيطة يكبرو فيها
يوسف ... باه الحمدلله ساهلة نستنى اتصالك بفارغ الصبر
انا
شفت الرسالة وفرحت انه مشغول عليا
عند يوسف و عبدالسلام
يوسف
حكيت لعبدالسلام كل شئ قعد يضحك عليا انا رقتلي منه
يوسف.. كنك تضحك الحق مش عليك الحق علي حكالك
عبدالسلام ... رغم اني مستغرب لكن نضحك من كيف ماشفتهاش وخلاتك تتعلق بيها هكي
يوسف ..مش عارف طريقة حكيها وطبعها تحسها مرات كانها صاحبك ومرات ملكة الجمال والانوثة خليط من كل شئ فيها تحب الكورة بجنون وتحب الموسيقى وتعزف في عود  شفت كيف جانب ذكوري وجانب انثوي مع بعض اي شئ احكي عليه تلقاها عندها عليها خلفية شخصية تشدك ليها غصب عنك
وتلخيص شخصيتها جميع النقائض تلقاهن عندها
عبدالسلام ... تخيلها تطلع شينة
يوسف ..لوكانت عفريتة بروحها هذي انا راضي بيها
انا
نضت الصبح وانا نحس في جسمي كله مدقدق لقيت احمد حداي وماما مهناش
احمد..صباح الخير
انا... صباح الورد وين ماما
احمد ... قلت ليها تروح ترتاح من امبارح وهي راقدة على الكرسي وتجي على موعد الزيارة لان الدكتور مااكدش على انه يعطيك خروج اليوم
انا...ربي يخليك لي
احمد ...ويخليك لي كيف تحسي في روحك تو
انا...نحس في جسمي كله مدقدق
احمد ...اكيد مفعول المسكن حول
انا...حمودي مانبيش قيلات شكلهن شين نبيهن حلوات
احمد ...هههههه شنو تبيها وردية امنا
انا... مش لهدرجة هذي بس مانبيش بتاعت اللوح
احمد ...حاضر انتي تدللي
انا ... قررت اني نحكي لاحمد على يوسف لاني نحس فيه درعي وظهري لكن خايفة من ردت فعله
احمد ...كنك نوارتي كانك بتحكي حاجة لكن شكلك مترددة
انا ...ايه بنحكي وفعلا خايفة من ردت فعلك والموضوع هذا حتى هبة ماحكيتش عليه ليها
احمد ... شغلتيني احكي وانتي عارفتني مهما ترقالي. لكن مستحيل نقدر نبعد عليك انتي قطعة من قلبي
انا... شجعت روحي وحكيت له كل شئ وردت فعل احمد حيرتني هادي ويشبحلي وماتكلمش ولاكلمة لاني نا نعرف احمد طبعه واعر لكن نتمنى انه يتساهل معاي زي انوار
انا.. احمد رد عليا ماتقعدش ساكت هكي
احمد
مش عارف شنو الشعور اللي حسيت بيه شعور غريب شعور خوفني وقعدت نفكر شنو نرد عليها وخفت كان عصبت عليها معاش تحكيلي وهكي معاش نقدر نحميها كان صارت ليها حاجة ولانها اول مرة تفتح قلبها للحب رغم ان كان وحدة غيرها وبالحرية اللي هي فيها راه دايرة كل يوم علاقة 
احمد.. اخيرا قررتي تفتحي قلبك للحب اخيرا باه غير ان شاءالله يطلع كويس
انا ...بصدمة حب !!! لا لا لا انت فهمت غلط صح مرتاحة ليه لكن حب لا لا ماظنش
احمد ..ماهو انتي عشان عمرك ماحبيتي ماتعرفيش شنو هو لكن اللي تمري بيه تو هو الحب بروحه
انا...يعني مش حامق مني
احمد ...وليش نحمق منك هذا حقك ياقلبي وبالعكس فرحان ان قرر قلبك يفتح بابه للحب بس ديمة خليني في الصورة في كل شئ يصير معاك تمام واعرفي اسمه بالكامل ووين يسكن بيش نقدر نسئل عليه 
انا
.طبعا انا دسيت على احمد انه يكون ولد خالته لاني الحق نبي نشوفه قبل ونتعرف عليه اكثر لان احمد علاقته بخواله مش قوية بسبب الغيرة لان وضع اهل ام احمد احسن من خواتها كلهن  ماديا غير ان عمي محمود رغم فلوسه ورزقه مافكرش يتزوج على عمتي غالية لانها بعد احمد معاش حصلت صغار
ورفعت ايدي بطريقة كاني نقسم اول باول مستحيل ندس عليك شئ
وضحك ضحكة قوية على الحركة اللي درتها وخش علينا الدكتور وكشف عليا وقال اموري تمام بس زي ماوصيت الدروج بدون قيلات ماتركبيش لكن المشي امشي عادي ورفع ثقيل لا وبدل مجهود وجلوس واجد لا على الاقل لمدة شهرين 
انا ... ناقص تقولي ماتتنفسيش بس يادكتور
الدكتور ...شبحلي بابتسامة وقالي هنا شهرين يمشن ماتحسيش بيهن وتو بنكتبلك على خروج
فرحت واجد اني بنطلع لاني مانحبش المستشفيات بكل خش احمد
انا ..  حمودي بنطلع الدكتور عطاني خروج
احمد.. خلاص امنا تو نكلم الممرضة تجي تساعدك في دبشك وانا نكلم عمي عمر ونقوله ان الدكتور عطاك خروج واني بنروح بيك تو
انا...باه