للقدر والنصيب كلمة اخرى

82

#للنصيب_والقدر_كلمة_اخرى

ح82
احمد.. مفاجاءة
انا.. شنو حبيبي
ماما.. كان قالك كيف بتكون مفاجأة
انا.. حتى انتي تعلمي شكلك
عمتو .. انتي بس لانها المفاجأة ليك
انا.. ياصبر ايوب عليكم لما تمكرو
احمد.. هي حبيبي نساعدك تلبسي بيش نطلعو
انا.. هي بس مش عارفة شنو داير عشان نعرف شنو نلبس
احمد.. لبستك جاهزة غير هيا
انا.. ساعدني نركب
احمد.. هذي بس
وجاء رفعني لحضنه ورفعني لفوق ولقيت على السرير علبة فوق منها وردة حمراء
انا.. شنو حبيبي هذا
احمد.. هذا هدية لحبيبة قلبي ورفيقة دربي كا اعتذار على اني بعدتك عليا
انا.. مش مستحق هدية حبيبي وجودك معاي اكبر هدية
احمد.. ربي يخليك ليا هيا افتحي العلبة وشوفي شنو فيها
وفتحت العلبة ولقيت فيها فستان ابيض من الدانتيل طويل واسع  شوي وكت وحزام رقيق ابيض على الخصر  ومعاه جاكيت لعند الخصر لونه دمي ومعاه وشاح مخربش بين اللون الابيض والدمي وجيت حضنت احمد
انا.. حبيبي تهبل اللبسة ديمة ذوقك حلو
احمد.. طلعت عيني بيش لقيت حاجة عجبتني وتعبت في اختيار الوشاح لاني مش متعود
انا.. ههههه تو بتتعود واجد
احمد.. اكيد هي نساعدك تلبسي
وساعدني احمد نلبس وحطيت ميك اب خفيف واجد لاني درته على خاطر بس نخفي اللون الاصفر اللي في وجهي ونغطي ارهاق عيوني
احمد.. الحلاوة هذي كلها وانتي مريضة امنا كان كامل صحتك كيف بتكوني
انا.. اجمل الجميلات
احمد.. بدون شك ياقلبي
انا.. يسلم قلبك شنو انتي ماتبيش تغير والله بتطلع بالتوتة
احمد.. هي تو بنغير
وبدل احمد لبسته ولبس سروال ابيض وقميص ابيض وببيونة دمية
انا.. طالع تهبل ياقلبي رغم انك ضاعف واجد
احمد.. منسق اللبسة على لبستك وتو نرجع طالما رجعنا لبعض ومع بعض اكيد حنرجع زي قبل
انا.. ان شاءالله يارب
احمد.. هيا ننزلو
وطبني احمد في حضنه ونزلني
وطبعا لقينا وسيم تحت هو وانوار جاهزين
انا.. كيف حتى انتم عندكم مشوار
انوار .. ماشين لنفس المشوار اللي بتمشيله
انا .. حتى انتي عندك علم
انوار .. ماهو المشوار نحن والقروب كلنا ماشين ليه
انا.. صار اجتماع للقروب
احمد.. تقدري تقولي هكي
انا.. وهو مستحق لبسة جديدة
احمد.. اكيد
انا.. وراكم وراكم نين نعرف شنو عقابها قالك اجتماع
شبحلي احمد وضحك وغمزلي
احمد.. هيا نطلعو اكيد يستنو فينا
وطلعنا انا واحمد في سيارتنا ووسيم وانوار في سيارتهم ومشينا و اول ماقربنا من المنتزه عرفته
انا.. انت جايبنا للمنتزه
احمد.. اه
انا.. تعرف حمودي لما عرضت عليا الزواج كان هنا ولما كنت نضايق او انت مضايق تجيب فيا هنا ولما نكونو فرحانين واجد تجيب فيا هنا تعرف اني نحب هالمنتزه وااااجد
احمد.. حتى انا المفاجأة قررت انديرها هنا عشان انضيف ذكرى جديدة لذكرياتنا في المنتزه هذا
انا.. ربي يخليك ليا واديرلي احلى المفاجاءات
احمد.. امين ونحن مع بعض مع ان الاخ او الاخت  اللي جوا  حارميني منك لكن هيا نصبرو اخرى
انا بحشم .. الله غالب حبيبي
احمد.. نجيه الحشومي
ووصلنا عند بوابة المنتزه وبعد ماخشينا بشوي وقف احمد لكن وسيم كمل طريقه
انا.. خيرك وقفت حبيبي
احمد.. شوي بنسكر عيونك
انا.. عليش
احمد.. تو تعرفي
وربط عيوني بالشوي بوشاح ثاني خفيف وبعدها ولع السيارة وكمل طريقه وبعدها وصلنا ونزلني احمد من السيارة وانا مغمضة عيوني مازالت ومشينا مشوار باهي مش واجد بعدها حولي احمد الوشاح
انا بصدمة .. هذا شنو حبيبي
كان منظر خيالي واخذين الجزء من المنتزه المخصص لحفلات اعياد الميلاد ومناسبات خاصة ومزين كلها بالبالونات والفراشات وكانت طاولة طويلة عليها ورد ابيض واحمر وممر طويل يوصل للطاولة مزين بالورد مشيت فيه وشوي وطلع قروبنا كله السعادة اللي انا فيها مش قادرة نعطيها لحد خوتي وخواتي معاي هبة ووليد هنادي وفتحي وسند وسماح  عبدالله وخالدة وهشام ووجدان  اصالة واسامة ووخيتي انوار ووسيم وانا وحبيب قلبي
انا بفرحة كبيرة .. امتى لحقتو درتو هذا كله وامتى نسقتو
احمد.. حمل الجماعة ريشة كل واحد دار حاجة
انا.. ربي يخليكم لي يارب
وصلنا عند الطاولة ولما جيت بنقمعز شدني احمد وخلاني مقابلاته وجاء قمعز على ركبته وفتح علبة فيها خاتم ذهب يهبل بشكل فراشة كبيرة
احمد.. تقبلي تكوني شريكتي لطول العمر وتكوني رفيقة دربي زي قبل ورفيقة روحي وماتبعدي عني ابدا بالخاتم هذا نجدد اعترافي بحبك وبعشقك وبكل عبارات الحب اللي تنقال تقبلي بي
انا.. شديت ايده وصبيته على حيله
انا.. اصلا انا قابلة بيك وعمري مانتخيل حياتي بلاك لانك انت دنيتي وروحي وملاكي الحارس وهمست ليه بحبك وبعشقك
لبسني الخاتم على تصفيق الجميع وتصفير الشباب وقمعزني على الكرسي وقمعز حذاي اكيد وشوي وولعت اغاني بس مش صوت عالي اغاني حلوات جمعتنا نحن القروب وليها ببعضنا ذكريات حلوة وقعدنا نهدرزو
هبة .. زعمك ياهنادي ويا اصالة ووجدان وانوار وسماح  رجالتنا هكي يدرولنا لما نمرضو
هنادي .. ماضني
اصالة .. لا سومي مايرضى زعلي
انا.. صار سومي
اسامة .. طالما صولي قالت سومي معناها سومي عندكم اعتراض
كلنا .. ابدا
فتحي .. غير امرضن زي عبير وبعدها ساهل
انا.. بعيد السو عليهن وربي يتمم لهن على خير ولا وحدة فيهن اذوق اللي ضقته
هبة .. شفت الناس كيف تقول
سند.. انتي اللي فتحتي الموضوع عاد
احمد.. هشام شنو مازال ماحددتو الفرح
هشام .. نين عبير تفوت المرحلة الحرجة والست هبة تجيب على خير وبعدها نحدد
انا.. مازالي شهر واسبوع ونفوت المرحلة الحرجة وهبة بالك اسبوع وتخش شهرها ولانه بكرية اتجيب في اي وقت يعني تقدر تحدد فرحك بيش تجهزو كل شئ
وجدان .. يعتبر كل شئ جاهز غير حاجات الفرح بس
انا.. سامحيني حبيبة وانتي ديمة فرحك معلق بي
وجدان .. عيب ماتقوليش هكي انتي خية هشام وخيتي ومستحيل انديرو حاجة انتي مش فيها
انا..تسلمو يارب
وشوي وجابو تورتة تهبل على شكل بنوتة محجبة ومكتوب عليها مبارك الحجاب ياقلبي
انا.. حتى حجابي دايرله حفلة
احمد.. هذي اهم حاجة يندرالها حفلة تمنيت تكون من الاول لكن المهم درت حتى تو
خالدة .. امنا يا احمد لو حفظت القران شنو اديرلها
احمد بحماس .. نذبحلها جمل
انا.. والله جد
احمد.. جد الجد لو ماذبحتش في حفظ القران شنو اللي يستاهل ينذبحله امنا
انا.. تعرف اني قبل مقررة اول مانروح من العمرة اول حاجة انديرها نمشي للخلوة نحفظ القران لكن الحمل والمرض عطلني
احمد.. ان شاءالله تفتحي عيونك على خير وتبدا امورك تمام وتحفظيه باذن الله
سند.. امنا انت اللي بتشد البيبي
احمد.. وليش لا
انوار.. اصلا اذا هما حصلو فيه فرصة
عبدالله .. كيف
انوار.. اصلا ماما وامي من تو يقسمو في الايام اللي بيكون فيها البيبي عندهم وهو مازال ماجاء
هبة .. قالك احمد بيقعد بيه صار
وضحكنا كلنا وكلينا مع الهدرزة الحلوة وصوت الضحات العالية
هشام يمدلي في كيس اسود عرفت من شكله انه عود
هشام .. وهذي هديتنا ليك
انا.. الله قديش ليا عليه
احمد.. سنتين وشهر
انا بدهشة .. تحسب فيهن
وجدان .. معقولة تعرفي تعزفي على العود وقعدتي الفترة هذي كلها وليش احمد حاسب المدة بالزبط
احمد.. نحسب لاني ديمة عندي امل انها تجيني في يوم وتقولي نبي عود
وجدان .. هي ماعندهاش عود
انا.. لا كان عندي
هبة .. وفي فورة غضب دششت امه
وجدان .. ههههه قصدكم عبورة تعرف تتعصب
هنادي.. الله لايوريك شكلها
وجدان .. جديات تحكو
اصالة .. تي عندها نظرة تتمني سابع ارض تنشق وتبلعك ولاتشوفيها منها
وجدان.. راكم تحكو على عبير الناعمة الحساسة والمرهفة
انا.. احم احم
انوار .. هي هكي صح بس لما تحمق تتوحش بعيد عنك
سند.. وفيها حتت كف مانحكيلك بكل
وجدان ..ههههه اكيد غالطين
هشام .. نحن ديمة انقولو على عبير عالم المتناقضات
وجدان .. اسم على مسمى فعلا
انا.. مش ياسركم عاد شوهتو صورتي تو
اصالة .. قلنا حاجة غلط
عبدالله .. هي عاد عبير سمعينا واحمد يغني
وجدان .. لاده كثير عليا ههههه
هبة .. كنك
وجدان .. احمد يغني
عبدالله .. وهشام اخرى
وجدان بصدمة .. نعم
سند.. كنا لما نطلعو الزردات مع العائلة
كانت عبير تعزف عود يا هشام يا احمد يغنو مع عزفها وصوتهم يهبل
وجدان .. هيا سمعونا
انا.. بس راهو كان غلطت راعوني لاني ليا هلبة ماعزفتش
وخذيت العود وقعدت نعدل فيه
انا.. شنو بتغني احمد
احمد.. اغنية قديمة بس نحبها واجد
انا.. لمني بشوق صح
احمد.. ههه مازالتي مذكرتيها
انا.. اي حاجة تخصك مستحيل ننساها
وقديش نعرف انك تعشقها الاغنية
احمد.. No كنت نعشقها لكن تو نعشقك انتي بس
الشباب والبنات بصوت عالي .. اااااااايوه
انا انحرجت وبديت نعزف
احمد .. لمني بشوق واحضني
بعادك عني بعثرني
سلطني في في صفيع الموت
ورد تالي بهدير الشوق ذوبني
تعال طفي النار اللي تسعر
لمني بشوق واحضني
غرقني ببحر عينك
نسيني الالم كله
تقرب والعتب خله
اغسل كل شقا سنيني
وامسح دمعت بعيني
تراها جرحت جفني
تعال طفي النار اللي تسعر
لمني بشوق واحضني
سكن رجفت ظلوعي
كل خوفي من رجوعي
ولاتطري سنين الظيم
ذكر فرقاك يرعبني
وغفت عين على صدرك
كل خوفي من رجوعي
ولاتطري سنين الظيم
ذكر فرقاك يرعبني
ولي لمني دفى حضنك
وغفت عيني على صدرك
احلفك لا توقضني
بعد التصفيق الحار جدا وانا نين دمعو عيوني قديش لينا عليها وعلى صوت احمد كيف نسيت اني نعزف من قبل كيف نسيت ان احمد صوته يهبل
وجدان .. تهبل يا احمد وعبورة مش عادية رغم ليك فترة ماعزفتيش لكن تقول امس كنتي في حفلة وهي تو عاد نبي نسمع هشام اللي عمره ماقالي صوته سمح
هشام .. اصلا ماجتش الفرصة
عبدالله .. شنو عبير تقدري تعزفي اخرى
انا.. عادي هشام شنو بتغني
وخليته يفكر وهمست لاحمد
انا.. حبيبي سامحني
احمد.. عليش ياقلبي
انا.. اني نسيت انك تغني واني نعزف ومن يوم ماتزوجنا وانا مافكرتش في الموضوع هذا بكل
احمد.. بالك لانه يفكر فيك في ايام مش تمام
انا.. معاك نسيت اي يوم مش تمام او انت اللي قدرت تنسيني
احمد.. تصدقي ان التخطيط هذا كنت بنديره في ذكرى زواجنا
انا.. المهم درته وانا فرحانة واجد انك معاي وباي حاجة ادير فيها ن ح ب ك
احمد مسك ايدي وباسها
الشباب والبنات .. هوووووووو
فتحي .. احمد عبير ركزو شوي
انا انحرجت واجد
احمد.. كنكم انتم كل حاجة مركبين عليها
سند.. ماهو بتجي على روسنا
سماح .. ماهو انتم ماتتعلموش منه ليش
خالدة .. كل مرة انقولو تو يتعلمو ابدا تلقيهم زي ماهما
احمد.. كنكم يابنات شنو صاير معاكم
هبة .. جفاف بعيدا عنك
احمد.. ماعليك فيهم تو نعطيهم حصص
عبدالله .. نعم نعم انت بتعطينا حصص الله يرحم
احمد.. امنا يشكو ليش
فتحي ..عينهن فارغة يبن كل شئ
هبة .. كل شئ اللي هو يعني ايه
فتحي .. تبن الاهتمام وتبن الفلوس وتبن رومانسية وتبن صغار وتبن عيشة حلوة
هنادي .. اقل حقوقنا
عبدالله .. لكن نحن من لحم ودم
خالدة .. ونحن مش مقصرين معاكم لكن انتم جفاف كبير
احمد.. هو كنكم قلبتوه هكي ماكنتش بوسة على اليد راه  وانتم ياشباب لينا قعدة مع بعض
انا.. ها ياهشام شنو بتغني 
هشام . .. اغنية  الحب الطاغي تذكري لحنها
انا.. اكيد وانت كنت ديمة فالقنا بيها
هشام .. هي
لوكنتي في بالي ذكرى ..ماتخطر غير مرة مرة
هجرك يبقى هين امره ..وكفاك نسيبك بالمرة
لكن انتي حبك طاغي ..عدل في تركيب صباغي
لولا طفل فرح بملاغي .. عقلي كان الغيك لاغي
حطك بين خلايا ادماغي وحب الحاضر وذكرى الماضي وحلمي بكرة
لوكنتي في بالي ذكرى
وانتي معايا ملك ايديا.. ولما انغيب انفكر فيك
نايم صاحي نحلم بيك .. وباشواقه قلبي يناديك
مابين اللحظة والذكرى .. وانتي عندي اجمل فكرة
حب الماضي وذكرى الماضي وحلمي بكرة لوكنتي في بالي ذكرى  
وجدان .. انا عقلي مش مستوعب معقولة هشام صوتك حلو هكي
انا.. فعلا صوته حلو وزمان كنا انحايلو عليه هو واحمد يسجلو اغنية وعلى فكرة عبدالله كان يكتبلهم في اغاني وانا زعميتني انألف في لحن ليهن
هبة .. كانن ايام لكن كبرنا ولهينا  ورجعنا والحمدلله ربي يدوووووم لمتنا
الجميع .. اااااامين يارب
وروحنا وانا فرحانة واجد واجد وروحنا لحوشنا لجناحنا في حوش اهل احمد
انا.. الله قديش مرايفة عليه
احمد.. وآنك  جيتيه
انا.. الحمدلله وانت معاي لاني ماتخيلتش نخشله وانت مش معاي
جاء احمد وحط صبعه على فمي
احمد.. اسسس خلاص معاش تتفكري
المهم ان نحن مع بعض
انا.. عندك حق هيا ساعدني بنغير دبشي ونحس في روحي ماعندي جهد
احمد.. كنك نوارتي تحسي في حاجة نرفعك نعاينك
انا.. لا حبيبي مافي شئ غير هكي بس
احمد.. متاكدة ياقلبي
انا.. اكيد
حولت وشاحي رن فون احمد
احمد.. ايوه ياباتي
عمو .........
احمد.. منو قلت
عمو .......
احمد... انا نازالين
نوارتي ردي البسي وشاحك في حد يستنى فينا تحت
انا .. منو
احمد ........