للقدر والنصيب كلمة اخرى

39

#للنصيب_والقدر_كلمة_اخرى

ح39
يوسف ..انا جمدت مكاني وخفت ومش عارف باي عين بنقابلها
احمد ..يوسف كنك وقفت نوارة تبيك قالت كلملي يوسف
يوسف
خشيت نلبس في الروب ونا مش عارف كيف بنحط عيني في عينها وخشيت عليها وهيا التفتت  شوري وبعدها غيرت وجهها وجيت مسكت يدها وبندم حارقني ودموع في عيوني سامحيني ياقلبي سامحيني ياعمري سامحيني ياروحي بالله عليك سامحيني
التفت شوري وعيونها دموع
انا.. يوسف انا مانبيش حد يعلم اللي صار بينا نين نصح وبعدين ساهل الكلام مش وقته وحاليا تعامل معاي عادي بيش ماحد يشك في حاجة وانا ناديتك مانبي منك شئ غير اقعد ساكت ومانبي نسمع منك شئ
يوسف ..اللي يريحك انديره لك
انا ..خليني تو
يوسف ..به
بستها على راسها وهيا غمضت عيونها اول مرة اديرها لكن مانلومهاش حتى انا بسببي دوبك ماتتنفس وراقدة في العناية بسببي
انا
طلع يوسف من عندي وقلبي انقبض عليه وجعني خاطري وماتخيلتش حياتي تكون هكي معاه خش عليا الدكتور
الدكتور ..حالتك الحمدلله كويسة بس تبي شهرين مافيش حركة ولا في بذل مجهود لان الضلع المكسور يبي  الوقت هذا  بيش يصح
انا..به يادكتور ونفسي اللي نطلع فيه بالغصب
الدكتور .. هذا بسبب الضلع واحتمال يصيرلك التهاب رئوي لكن ماناش سابقين الاحداث
انا..شكرا دكتور به امتى نطلع من هنا
الدكتور ..من هنا مازال بدري اليوم بنطلعوك للقسم العادي وعلى الاقل بتنورينا اسبوع هنا
انا..غمتلي اسبوع واجد يادكتور
الدكتور ..يمشي ماتحسيش بيه
وبنقولك لما بتروحي للبيت طبعا مافيش بدل مجهود جسدي من الناحية المعاملة الزوجية
انا ..كيف مافهمتش دكتور
الدكتور .. قصدي زوجك مايقربكش لانه بياثر عليك ويتعبك مجهود من هالنوع خصوصا مع الكسر اللي عندك
انا..وباحراج فهمت عليك دكتور بس ممكن تقولها له انت على خاطر مانبيشي يفهم اني مانبيشي
الدكتور ..حتى بعد اللي صار فيك منه مازال يهمك
انا..بصدمة ودهشة شنو تقصد دكتور
الدكتور .. نا نقصد انك ماعترتيش هو دافك او ضاربك
انا ..بمرارة لا غالط يادكتور
الدكتور ..لا مش غالط واللي اكد كلامي ان الممرضة لما جت تحولك في دبشك وبتلبسك روب العمليات شافت كدمة كبيرة على ظهرك
انا.. سكتت ودمعو عيوني قهر وبحسرة دكتور بالله عليك ماتقولش لحد بالذات احمد راه يقتله ويخش هو الحبس وانا نقعد بلا سند ارجوك دكتور
الدكتور ..ماتخافيش مش حنقول لحد طالما انتي ماتبيش
وطلع الدكتور وقعدت نبكي بصوت واطي حتى بصوت عالي مش قادرة لان كل مايزيد صوتي شوي نحس بوجع يقطع فيا تقطيع رفعت راسي شفت من زجاج الباب يوسف واقف يشبحلي نزلت راسي
طلع الدكتور عليهم وقاللهم انهم اليوم بيطلعوني  للقسم وسالهم اذا يبو جناح منفرد او عادي غرفة مشتركة بحكم انها مصحة خاصة
يوسف ..لا دكتور اكيد جناح وانا نازال نخلص الحسابات
دكتور .. ان شاءالله
جتني الممرضة طلعتني للجناح وكان معبي ورد وشكله يهبل لفترة ولو بسيطة حاولت ننسى شنو صاير فيا وخشو عليا كلهم حتى عبدالله وسند  لكن ماشفتش الحيوان هشام  اصلا بيش بيقابلني ودارولي جو وحاولو يغيرو مزاجي وللحظات قدرو يغيروه وطلعو قعدت انا ويوسف جاء وقمعز حداي وبيتكلم
انا..يوسف ماتقول شئ لان اللي بينا حينحل غير نصح بس وياريت تتحجج بانك عندك عمل عشان تقعد اقل وقت معاي والاحسن تعال الليل اقعد معاي لان. في الليل يعطوني مسكن نرقد مانحس بي شئ
يوسف
الكلام اللي تقول فيه ينزل عليا زي النار لكن عندها حق باهي اللي هي اللي مازالت تحكي معاي وشوي شوي نخليها تسامحني
خش الدكتور وكشف عليها وطلب مني نطلع معاه وخشينا لمكتبه
الدكتور ..اخ يوسف معقولة على حسب علمي انك عريس جديد هكي ادير في زوجتك
يوسف ..انا انصدمت  شنو دكتور شنو درت فيها من قالك دكتور هي
الدكتور ..لا لكن انا دكتور
وحكالي كيف اكتشف وعرف اني ضربتها حسيت بقهر ووجع عليها وعلى نفسي
الدكتور ..طبعا ممنوع عليك انك تقربها على الاقل لمدة الشهرين الجايات وعندك علم لما قلتها لزوجتك شنو قالت لي
يوسف ..شنو قالت
الدكتور ..قالت لي قولها له انت يادكتور عشان لو قلتها له انا يسحابني معاش نبيه بعد اللي درته فيها مازالت تخاف عليك وعلى مشاعرك
يوسف ..فرحني كلام الدكتور لكن في نفس الوقت كمن صب عليا امية مثلجة
وطلعت من عنده ومشيت شور الجناح اللي هي فيه وقفت قدام الباب وشفت من الزجاج كيف احمد شاد ايدها بين ايديه وكيف هي ضاغطة على ايده وانا ايدها مابت اتحرك بين ايديا نستاهل انا اللي درت هكي في روحي
انا ..احمد وين كنت وليش معاش اتصلت بيا
احمد ..انشغلت واجد ومقدرتش حتى نفتح النت نكلمك لان انوار قالت ليا مخليا فونك هنا والله رايفت عليك لكن الشغل كان واجد وقلت نعود روحي على غيابك
انا..معاش اديرها انا بلاك لاشئ
احمد..خطرت عليا رسالتها
نوارتي شنو الرسالة اللي بعتيها ليا خوفتني عليك وهيا اللي خلتني نكلم يوسف متاخر بيش عرفت انك في المصحة
انا..مش وقتها حمودي نطلع بس نبي منك خدمة كبيرة بدون مايوسف يعلم
احمد..ان شاءالله خير
خش علينا يوسف
يوسف ..كيف حالك تو
انا ..بعد شفت احمد الحمدلله
احمد ..خلاص نوارتي طالما راجلك جاء انا بنروح وبكرة الصبح نجيك بيش يوسف يروح يرتاح
انا..به تصبح على الخير
وطلع احمد ورجعت انا ويوسف بروحنا وخشت الممرضة وعطتني ابرة وشوية لقيت روحي راقدة وماحسيت بشئ نين الصبح جاء فتحت عيوني لقيت يوسف راقد جنبي على الكرسي رغم انه فيه كنبة مريحة لكن معرفتش خيره
وجعني منظره اه وجعني لاني حبيته وصعب ننسى حبه بسهولة حتى لو سيبته وجعتني الكلمة لما قلتها يعني خلاص بنسيبه قبل مايبقى حلالي صح
وكل الاحلام اللي بنيتهن معاه امنياتي اللي وعدني انه يحققهن لي ونحققهون مع بعض الكلية اللي كنت بنمشي ليها وانا ايدي في ايده وهو حلالي و و و و
حاجات واجد فايقني من اللي يدور في دماغي
الممرضة ..صباح الخير
انا..صباح النور
يوسف فطنت بالممرضة
يوسف .. صباح الورد كيف حالك تو
انا..صباح النور بخير الحمدلله
جيت بنقوله النفس ضايق عليا ومتعبني وجيت بنقوله نومتي مش نومة وانت مش جنبي ونش حاضني كنت بنقولك ياريتك حتى غصب عني جيت ورقدت احداي جيت بنقوله لكن سكتت واكتفيت بخير الحمدلله 
الممرضة ..اليوم ضغطك احسن
انا ..الحمدلله
يوسف ..الحمدلله بنخش نغسل وجي وانتوضى
خش يوسف للحمام حشاكم
الممرضة ..تعرفي ربي مطيحك في راجل يحبك واجد كمل الليل وهو يبكي لدرجة الممرضات تجمعن حدا جناحك نشوفو فيه وقعد يقولك في كلام يهبل تمنيت عندي جهاز تسجيل وسجلته لك عشان تعرفي قديش يحبك
انا..اه بتنهيدة كبيرة ماهو مازالت عروسة وامبارح كان اسبوعي
الممرضة ..مبارك لكن كان قصدك انه يقول فيه لانك عروسة بس ماظنيش انا اكبر منك في العمر ونعرف الراجل اللي يحب من الراجل اللي عايش اللحظة
انا..تبسمت ليها على طلعة يوسف من الحمام حشاكم طلعت الممرضة وجاب يوسف الصلاية وقعد يصلي وفطنت بيه عيونه دمعو وهو يصلي ودرت روحي عادي وخش علينا احمد
احمد ..صباح الخير
انا..صباح النور
احمد ..كيف حالك
انا..الحمدلله بخير غير النفس مضايقني شوي
احمد ..لاباس عليك بس الدكتور قال حاجة عادية انه يصيرلك هكي
انا..الحمدلله على حال
يوسف
لما سمعتها كيف شكت لاحمد وجعتني انها شكت لاحمد وانا لا لكن ليش توجعني نا نستاهل ماهو نا السبب كيف بتشكيلي من شئ نا سببه
احمد ..صباح الخير يوسف
يوسف ..صباح النور نايض بدري امنا
احمد ..ايه قلت انجي بدري بيش تروح ترتاح
انا ..تقدرو تمشو الزوز انا حالي كويس راه
احمد ..ماهو انا قلت لسند  يمسك بدالي الايام هذي الشركة والاوراق يجبهن ليا في الليل 
يوسف .. وانا ما وراي شئ وشغلي نمشيله العشية
بحكم ان اشغالهم خاصة واصحاب مكاتب
انا..قلتها وزي اللي مش راضية عليها لاني بنجمع يوسف في الحديث
ربي يخليكم لي ويحفظكم من كل سو
يوسف
انا كلمتها نزلت عليا زي النار
جيت سلمت عليها وبست راسها بسرعة وطلعت قبل ماتسبقني دمعة عيني
انا واحمد تمينا بروحنا
انا..احمد نطلب منك طلب
احمد ..من عيوني
انا..نبي فونك 
احمد..عليش
انا ..حكيت ليه الممرضة شنو قالت ونبي نسجل شنو يحكي يوسف وانا مانندريش عليه طالما انه كلام حلو فنبي نعرفه
احمد..اه حاضر
عليك حب اللي بينكم واللي صارلك غير  عين ماصلت على النبي لانهم بالعربي قالو طلعتي حاجة من الاخير
انا..بضحكة باهتة ومعبية وجع الدنيا بيش تعرفو عشان ديمة تقولولي انتي مايطلعش عليك ملامحك اجنبي مايركبش عليك العربي واهو طلعت بيه نجنن
احمد .. فاتني لكن تو نشوف الصور
والفون تو لما بنطلع تو انديره وضع طيران ونخليه لك على التسجيل
انا..ربي يخليك ليا ومابيتش انعلق على انه مكانش قاعد يوم زورتي
واحمد ..ويخليك
ومشى اليوم وجو العيلة وقروبي كلهم وزي العادة هدرزة وضحك ونسيت اللي انا فيه ولما جو بيطلعو جاني بابا
بابا ..نوارتي في حاجة بينك وبين يوسف
انا..لا مافي شئ بابا عليش تسئل
بابا .. ماهو فقدته العيلة كلها هنا الا هو
انا..الليل كله معاي والصبح يروح لما يجي احمد
بابا ..اه متاكدة مافي شئ بينكم
انا ..اكيد بابا
بابا ..به بنيتي باس راسي وطلع
وجي الليل وجاء يوسف سلم عليا وباس راسي وماحاولش يحكي معاي خش للحمام شغلت التسجيل في الفون  وجت الممرضة ضربتلي المسكن وقعدت شوي ورقدت
جاء الصبح ونفس الشئ جاء احمد ولما طلع يوسف احمد قالي بنطلع انجيب كابتشينو ونجيك
انا ..به وعرفت احمد يبي يخليني نسمع التسجيل
طلع احمد وقلبي يدق يدق خايفة لما نسمع التسجيل نضعف لكن لا نضعف كيف وانا خذيت قراري لو جت على الدفة وضربته ليا بكراعه بس كنت سامحته لكن مساباته اللي قاعدت يرن في وذني حقيرة وكلبة ومسخة ووووو حطيت الكلمات قدامي بيش مانضعفش لما نسمع التسجيل
وفتحت التسجيل كان الكلام يادوب ينفهم لانه يحكي وهو يبكي
يوسف في التسجيل
حبيبي سامحيني والله عارف روحي غالط والله ماني عارف كيف سمحت لروحي نمد ايدي عليك والله ماني عارف كيف حياتي بتكون بلاك انتي كل شئ لي انا يوم اللي انقرت فيه فاتحتنا حسيت روحي كاني نولدت من جديد حبيبتي سامحيني اي شئ يخليك ترضي مستعد انديره لك والله ماتلومني الغيرة عمتني وكلام هشام  خلاني مانفرز شئ وانك لولا فلوسي ماكنتيش حبيتني وصورك اللي في نقاله وصورة ليك وليه مع بعضكم ودايرها خلفية الغيرة كلتني ونسحابك زي الحقيرة بنت خالتي مع انك ماعمرك كنتي زيها لكن الغيرة عمتني وخوفي اني نفقدك بطعنة او غدر منك خلاني اعمى  اعمى لدرجة حتى فتحي لما حزني من هشام  قالي اكيد في غلط عبير مستحيل تكون هكي مسمعتش ليه ماحكمتش عقلي وقلت هذا يعرفك من زمان من وانت صغيرة والله ماني ماعارف كيف اندير ولما خشيت للدار وشفت الروب عرفت ان الليلة اللي خربت فيها كل شئ كنتي حتكوني زوجتي مش على الورق بس لكن انا حمار خربت كل شئ ومعاش عارف شنو اندير نتحمل كل شئ الاخسارتك
طفيت التسجيل معاش قدرت نكمل وقعدت نبكي نبكي على حظي نبكي على نصيبي كيف تغيير من اسعد انسانة لانسانة محطمة وبعد ماكان في وذني تتردد عبارات الغزل من حبيبي في وذني مانسمعش في شئ غير سباته ياربي على الحظ اللي عندي وخش عليا احمد وقعد يسكت فيا
انا ..احمد ليش ماحكيتش ليا على قصة يوسف وامل
احمد ..قصدك يوسف ماحكاش ليك
انا..اه ونبي نسمعها منك تو
احمد..باه خليها نين تصحي
انا ..لا تو نبي نسمعه قبل مايجو العيلة
احمد ..به
ياستي القصة