للقدر والنصيب كلمة اخرى

65

#للنصيب_والقدر_كلمة_اخرى

ح 65
وغيرنا دبشنا وطلعنا من الحوش
وانا اتصلت بعمتو
انا.. السلام عليكم
عمتو .. وعليكم السلام كيف حالكم بنيتي
انا.. بخير ياعميمة
عمتو .. واضح من صوتك
انا.. كيف حالكم كلكم
عمتو .. طالما انتم بخير نحن بخير الخير
انا.. عميمة راهو بنباتو اليوم وبكرة برا من الحوش
عمتو .. ان شاءالله خير
انا.. بحشم احمد حاجز في فندق يومين بنغيرو جو
عمتو .. اه ربي يهنيكم ان شاءالله
انا.. مع السلامة
احمد.. قصدك امي تعلم بانك مش بنت
انا.. لا ماحد يعلم الا هبة بس حتى انوار ماتعلمش وبعدين ماحد يعرف كيف كنا عايشين مع بعض الا هبة وعمتو تعلم بالتجهيزات بتاعت ذكرى ميلادنا وانا بنحتفل بيها انا وياك
احمد.. وامتى لحقتي ونسقتي
انا.. ونحن في البحر جهزت انا وهبة وبعدها حكيت لماما وعمتو وفرحو واجد مع اني في البداية خفت يزعلن لكن قالولي حقكم سادكم عشرين سنة نحتفلو بيكم
احمد.. ربي يخليهم لنا يارب
انا.. ويخليك لي       هبة تتصل
انا.. اهلين حبيبة
هبة .. ايييه من الصوت واضح ان كل شئ تمام التمام
انا.. اه
هبة .. ربي يهنيك ان شاءالله
انا.. ان شاءالله ويهنيك انتي ويعطيك ماتتمني
هبة .. امين شكلك في السيارة
انا.. اه ماهو حتى احمد طلع يفكر في الموضوع تو نحكيلك تفاصيل لما نتلاقو ونحن ماشيين للفندق
هبة .. اايه عاد تو انتي من بيطولك
انا.. ربي يدووووم عليا
هبة .. امين يارب انتي نيتك صافية وربي عطاك على قد نيتك
انا.. الحمدلله
هبة ..سلام
انا ..حبيبي راه بنمشي للبحر انا وياك المشية اللي فاتت روحنا بسرعة مع ان نحن نقعدو اسبوع قبل لكن لان كل واحد عنده شغله ماتكلمتش ولاني حتى انا كان عندي فيش اندير
احمد.. واحلى حاجة درتيها
انا.. حمودي ياسرك عاد
احمد.. حاضر ياقلبي غير في حاجة نستنى فيها في الاربعة ايام هذين كان ماصارش منها حنمشو للسوسة شنو رايك برواحنا ونغيرو على المعتاد
انا.. ربي يخليك لي يارب
ووصلنا الفندق وكان الجناح تحفة وحطينا دبشنا
احمد.. هيا نطلعو نحس في روحي جعان من الفطور ماكلينا شئ والحق من كثر ماني فرحان مكليتش واجد
انا.. هي غير استنى نزيد نحط خافي على رقبتي
احمد.. هاتي نحطه لك نا
وقدمت منها وبستها بوسة على ..... نين ارتخت بين ايديا فكيت منها وقعدت انديرلها في الخافي ونبوس في رقبتها بوس خفيف وهي ماتنطقتش ولاحرف
عرفتها متحشمة لكن درت روحي مش مركز معاها بيش ماتزيدش اتحشم
احمد.. هيا كملت
انا.. بحتت لروحي في المراية وساويت شعري وطبع وجهي رايح احمر وطلعت وشدني احمد من ايدي ونزلنا مع بعض
احمد.. نحس في روحي سعادتي لو نوزعها على الدنيا كلها يقعدو سعداء للعمر كله
انا.. للدرجة هذي حبيبي
احمد.. اه نوارتي لاني كنت متوقع اطولي واجد
انا.. هبة السبب
احمد.. كيف
انا.. ايام عرس انوار لما ليلتها رقدت معاك على السرير وقلتها ليها فقالت لازم ترقدو مع بعض وقالتلي كيف ببتعودي عليه وتاخذي عليه طالما كل واحد فيكم بيرقد في دار لان مرات يصير تقارب ومرات حضن ومرات لفت يد هذا كله يخليك تتقربي منه
احمد.. هبة هذي تبي هدية كبيرة
انا.. مع اني مش عارفة خيرها شكلها هي وليد في حاجة بينهم لكن مازالت ماحكت ليا  شكلها ماتبيش تنكد عليا
احمد.. ان شاءالله خير
وكلينا وادهورنا وروحنا للجناح الفندق وطلب احمد عصير  وحلو وفواكه 
انا.. عليش حبيبي كيف كلينا
احمد.. نبوه بعدين راه مجهود اللي نبدلو فيه
انا بحشم ..ياصايع
احمد.. صايع في الشارع ماهو صايع مع حلالي
انا.. غير جرب صيع في الشارع وشوف شنو يصيرلك وجاني احمد وحضني زين
انا.. هيا حبيبي خليني بنغير دبشي
خشيت للحمام غيرت ولبست روب ثاني وكان ابيض وظهره عريان كله ومن قدام كان فيه فتحة كبيرة للسرة لكن الفتحة مخططة بسيور رقاق والروب كان طويل
وبخيت العطر وطلعت لقيت احمد مغير ولابس بيجامة
احمد.. اكيد داير حاجة كويسة في عمري عشان ربي طيحني فيك
انا.. وحتى انا اكيد رضيت والدين
احمد
. جيتها ونشم في ريحة العطر اللي مخلطة على ريحة جسمها اللي تهبل وقعدت نبوس فيها في كل مكان ونحاوال اني مانخليش رقبتها مبقعة
وبعدها رفعتها للسرير لنغرقو في بحر حبنا الرائع
انا.. حبيبي وجعتني واجد راهو 
احمد.. ماتلومنيش انا انطلع في شوق سنة وشهرين راه
انا.. كيف سنة
احمد.. من لما فكرتي تتزوجي غيري وانا مش مصدق كيف بنسيبك لغيري وكيف كنت ماد وجهي
انا.. قمعزت وبحتت فيه ونلبس في روبي قصدك انت ماحبتنيش تو
احمد.. اين تو انا كانت عندي مشاعر متلخبطة اتجاهك ولما فاتحتيني في موضوع يوسف معاش عرفت شنو اندير لان مافيش شئ واضح عندي وبعد ماشفتك بلبسة الجمبسوت هذاك الوقت في عرس احلام  عرفت ان شعوري هو شعور حب  
انا.. ليش ماحكيتيش ليش ماقلتش ليش مامنعتنيش
احمد.. اخترت سعادتك ومابيتش نكون اناني
انا.. ونزلو دموعي ياريتك وقفت ياريتك منعتني حتى وقتها لو حمقت منك لكن بعدها كان عادي وماشفتش اللي شفته
احمد.. حضنتها واستغربت كلمتها وشنو اللي شافاته
احمد ..اشششش خلاص عليش الدموع ياقلبي
وشنو اللي شفتيه وحولت راسها وخليته مقابلني وهي نزلت عيونها وقالت
انا.. قصدي اللي مريت بيه
احمد
. مع اني حسيت مش هو السبب لكن مانبيش نزيد عليها لانها ماوقفتش دموع
احمد.. اللي مريتي بيه ياقلبي #نصيب واختبار من ربي ومكتوب
انا.. ونعم بالله
احمد.. خلاص هيا بطلي دموع مانتحملش دموعك انا
انا.. به
وصبا احمد جابلي اميه وكلينا الفواكه واحمد حس بيا اني اخيي معاش دار شئ وقعدنا نتفرجو وهو حاضني نين رقدنا
نضت الصبح قبله وتسللت بالشوي وخشيت دوشت ولبست قونة قصيرة زرقة  وتيشرت ربع كم لونه وردي هادي وجففت شعري داخل الحمام ولميته  وطلعت لاحمد
احمد
فطنت بيها وهي تسحب  بالشوي قلت خليها بالك مازالت ماراقت لكن خطر عليا التسجيل لازم نسمعه
انا .. حبيبي بصوت واطي نوض ياسرك نوم رايفت عليك راه وقعدت انابش فيه ونبوس فيه في كل مكان يجي قدامي وشوي نفطن ليديه شدني
احمد.. شنو انديرلك تو
انا.. اللي تبيه انا ملكك انت بس وليك انت بس
احمد.. رحت في كلامها وقعدت نبوس فيها في كل مكان وبعدها .......
انا .. وبين احضانه ظهري لاصق في صدره وراسه فوق راسي
انا نموت فيك حمودي وكل يوم نكتشف حاجة تخليني نحبك اكثر واكثر
احمد.. مهما تحبيني مايجيش زي حبي ليك
انا.. عارفة مايجي حبي شئ قدامك
جعانة حبيبي هي اطلب الروم سيرفز واطلبنا فطور
احمد.. حاضر ياقلبي
وفطرنا وخش احمد دوش وغير دبشه وصلى وانا خشيت دوشت وغيرت دبشي وصليت  وطلعنا ادهورنا ومشينا شور اهلي ولقينا عمو محمود وعمتو غالية عندهم وهدرزنا معاهم وضحكنا واجد وماما همستلي
ماما.. شكله الفندق داير عمايله
انا.. بحشم عليش
ماما.. شهرين متزوجة ماشفنا علامة وتو ماشاءالله
انا.. ان شاءالله باينة واجد
ماما.. لا مش باين شئ لكن لما خشيتي للمطبخ ورفعتي كم السورية وانتي توتي في القهوة ايدك حالة رايحة
انا.. بحشم معاش عرفت شنو انرد عليها نسيت ايديا بكل
ماما..ربي يهنيك يابنيتي الضحكة باينة في عيونك قبل فمك
انا.. امين يارب
شنو بكرة بديرو عزومة انوار
عمتو .. ان شاءالله
انا.. قديش استحشتها هالفرخة
احمد.. مش مغير انتي في ناس بيطير عقلها عليها وكان يقصد باته
عمو محمود .. عليش داير روحك تعزق في كلام اي والله فرحتي بشوفتها ماني وعطيها لحد
انا..حتى هيا دارتها بجلدتها شهر ونص
بابا .. الجو عاجبهم وهي صغيرة تبي تدهور وتغير جو
ماما .. لكن الحق طولت
عمتو .. ربي يهني بنيتي حتى كان مازال خاطرها تقعد راهو قلت ليها تقعد لكن هيا قالت ليا سادنا
انا.. خزي هالحيوانة تكلم فيكم وانا لا
ماما.. بالك ماتبيش تزعجك ماتنسيش حتى انتي عروس قاعدة وبعدين فرق الوقت
احمد.. فرق الوقت علينا عليكم لا
بابا .. نحن نختلفو ماناش عرسان ونهيجو في فندق
انا واحمد قريب متنا من كلمة بابا
احمد.. انا بنعدي نشوف سند
انا.. بنخش المطبخ
ماما.. ليش ياعمر هكي حشمتهم
بابا.. ههههه نوريه التلقيح على بوه كيف
عمو .. والله احسن مادرت ليه يستاهل
انا
خشيت للمطبخ ونغسل في وجهي نبرد فيه واحمد جاني من الباب الخارجي للمطبخ وجاء ضمني
احمد.. رايفت عليك حبيبتي
انا..مش بتعدي لسند
احمد.. ماخاطري نشوف واحد نبيك انتي بس
انا.. وانا نبيك
احمد.. به هي نطلعو
انا .. اطلع انت وانا نطلع وراك بعد انسلم عليهم وخشت علينا ماما بعدنا على بعضنا بارتباك 
ماما ..ههههه مش لازم عارفينكم وفاهمينكم هاكي شنطتك واطلعي مع راجلك اصلا ماكنتوش اتجو اليوم
انا واحمد ولا واحد فينا نطق
وطلعت انا واحمد وكملنا الطريق ضحك على شكلنا ووصلنا للفندق وقضينا لليلتنا الثانية احلى مايكون وثاني يوم نزلنا عند الاستعلامات بنسلمو المفتاح وبناخذو الكتيب والموظفة ترفع راسها
انا ...بصدمة