للقدر والنصيب كلمة اخرى

25

#للنصيب_والقدر_كلمة_اخرى

ح25
انا ..هي نصوركم وانتم طالعين زي الغزلة وصورتهم وجت الصورة تهبل
محمد عدي جيب عصاة السيلفي خلينا ناخذو وحدة سيلفي
محمد..به وعدى جابها محمد وركبت الفون والتمينا نا جنب احمد وموسى ومحمد قدامنا وحسيت بشعور غريب مافهمتش شنو هو لكن مش زي كل مرة انصور مع احمد هالمرة حسيته غير
احمد ..هاتي انا اطول منك تو تجيبا مفطسين
انا..ههههه شنو قصدك
احمد.. ماقصدي شئ هي واحد اثنين ثلاثة
لما تكيت على الكاميرا حطت ايدها
من خلف ظهري ووصلت لعند خصري مع انها شادة في الجاكة مش في وسطي الا اني حسيت روحي رحت في عالم ثاني وتخيلت الصورة كانها مراتي حلالي وصغاري وانتبهت لروحي ونوارة تنخص فيا
انا..احمد هي وين رحت
احمد ..هيي رنن عليك البنات
انا..ايه رنن على فونك لما حسيتك سارح رديت عليهن نا وهنا يستنن فينا
احمد ..هيا
انا..ناخذ كابي بس
احمد ..عليش حتى مكياج مش دايرة
انا.. نحبش شعري يبان لما اندير فيه اي لقطة والكاب برنوصه واسع يغطي شعري بدون مايفسده
احمد ..اه نجيه المتحشم
وركبنا في السيارة انا من قدام وموسى ومحمد من الخلف واحمد مولع المسجل بصوت عالي ووصلنا للكوافيرة وطلعت هبة وانوار واصالة وهنادي وضغطن ارواحن في السيارة ونا محمد حطيته قدامي وموسى قمعز في حجر احمد وهو يسوق والبنات راقية لهن على خاطر منضغطات واجد داخل السيارة وقفاطينهن واسعات
هنادي ..المفروض انوار ركبت لقدام عشان قفطانها اكثر وحدة مبوج فينا وعبير شكل لبستها بنطلون ار فستان استريت 
احمد ..ماهو عشان حوضها ماتقعدش في ضغط انتن صاحات مافيكن حاجة لكن نوارتي وضعها غير
انا.. الله غالب عليا بحزن
هبة ..عادي ياقلبي تو تصحي ونضغطوك نين تعيطي بعدها وتقولي ياريتني قعدت مريضة ونغصت هنادي
ووصلنا للصالة وانا الصالة اول مرة نجيها نزلن البنات ونزل محمد من حجري ونزلت وقعدت نشبح في الدروج صح مش واجدات لكن دروج معناها وجع والحق حتى لو عارفة ان في دروج كنت مش حنجيب القيلات ياعنجد منظري اللي يجنن ونمشي بالقيلات
على طول احمد جاني وعرف ليش واقفة وطبني وركب بيا الدروج
احمد..شفتك واقفة عرفت القيلات ماجبتيهمش
انا..الحق اول مرة انجيها الصالة وحتى كان نعلم بالدروج مكنتش حنجيب القيلات وانا بالسماحة هذي كلها
احمد..هههههه نجيه الواثق
ونزلني احمد عند باب الصالة
انا..هي محمد وموسى معاي
محمد ..لا لا نحن نقعدو مع احمد
انا..سلمهم يارب
طبعا محمد وموسى مايتحركوش من حدا احمد لما تكون في مناسبة ومستحيل يسمعو كلام حد الا اذا احمد قاللهم
احمد..هيا خشي
انا..به
احمد
نحس في قلبي بدا يتعلق بيها بشكل غريب وهي خلاص بتعدي عليا غير وين كان راقد ياقلبي تو صحلك تفيق بعد شنو جاي تو تنوض وتبهدل في امي
هشام ..ياريتني احمد نطب ونزل ونرفع ونجيب
عبدالله .. وطي صوتك راه يسمعك احمد والله سند معاش تحز
هشام ..نحن مش عشرة عمر ليش البنات مع احمد عادي ومعانا لا
عبدالله ... بالنسبة لهنادي اكثر الوقت معاي وحتى لما يجيبها احمد عبير معاه وانا ماعنديش مشكلة وعيت عمي طالما انا مانتكلمش هما مش حيتكلمو لان عارفين هنادي عرضي هذي وبالنسبة لي اصالة هلها عادي لان جوهم قريب من جو اهل عبير وفي نفس الوقت عمره مارفع بنت معاه الا يا عبير او انوار معاه وبالنسبة لهبة لان حتى فتحي مسموح لعبير تركب معاه وبعدين لازم هبة او عبير معاهم يعني مافيش انفراد وليش مش نحن لان احمد كان داير سيارة قبلنا والمسئلة مسئلة تعود بس
انا
خشيت للصالة وكانت تهبل وحولت الكاب والبنات يطلقنها عيطة نين فجعني
هنادي ..لا لا هكي مش معانا تغطي على العروس
اصالة ..ينعليا الجمبسوت يهبل
انوار ..هههههه تعرفي من بدري يقصقصن فيا على لبستك وانا مابيتش نقول حاجة عشان نشوفهن بالمنظر هذا
هبة .. ينعجد احمد وذوقه هكي تغطي  علينا كلنا
هنادي .. وووك منك تو تقطعي نصيبنا معاد وحدة شايفة لنا
اصالة .. خليك الوجه مش حاطة عليه شئ ونحن ملبزين ومفتلكين ومع هذا كله طلعتي احلى منا
انا..ههههه خلاص مش للدرجة هذي
هبة ..شهادة لله والله مانجاملو فيك يابخت يوسف بيك
انا..هيا ياسركن الحق تعالو ناخذو صورة سيفلي اه استني نكلم احمد يجيب العصا نسيتها في سيارته
وجاب احمد العصا وطبعن ركبن عليه البنات
هنادي ..المفروض نحن معاش نشرو نخلوك انت اللي تختار لنا الدبش
اصالة ...والله هنادي عندها حق تي نحن ماعقبنا جهد على روحانا وعبورة بلبستها طلعت احلى وحدة فينا
هبة ..مش بعيد تغطي حتى على احلام
احمد..حتى هيا نوارتي معقولة بناخذ ليها اي حاجة وبعدين نوارة اي حاجة تلبسها هي اللي تحليها 
هنادي ..فعلا هي نوارتك ونحن نمصو ليم
احمد..ههههه والله ادللن ولايهمكن
وطلع احمد وركبت الهاتف وصورنا صور يهبلن
وبعدها بدو الناس يجو ونحن نستقبلو فيهن وبعدين طلبنا من الضيوف يغطن العروس بتخش
وخش اول وحدين كبيداتي نجيهم يارب
وانا من عند الباب محمد اقرا اللي حفظتها ليك
محمد ..حاضر
وخش محمد شاد موسى وانتبهت ليه يقرا وخشت احلام زي القمر هي وسند وسند طالع بالبدلة يهبل مع انه رقيق
وطبعا البنات عيطات على محمد وموسى وهما يوزعو في البوسات ونحن نضحكو طلع عمك احمد قايللهم ديرو هكي وجت المصورة وصورتها مع محمد وموسى وبعدين صورتها مع سند  وبعدين نحن والعيلة كلها ومشى العرس يهبل
هبة ..طلعت لاحمد هيا احمد كلم عبدالله وهشام وسند بيش ناخذو صورة جماعية حلوة تقعد ذكرى
وجو هشام وسند وعبدالله  وصورنا الصورة وطبعاونحن نصورو جاء هشام هو اللي حذاي مع ان ديمة احمد هو اللي يكون احداي وصورنا وروحنا لحوش احلام وغيرت دبشها ونحن درنا جو يهبل ودربكن البنات واجد نين جهدهن طاح ورقدنا تعبانين بعدها جاء الصبح وفطرنا الناس واحلام عدت للكوافيرة عاد اليوم زفتها ونحن قعدنا طبعا هنادي واصالة وانوار  عدو مع احلام لانهم بيمشو معاها لاهل العريس لكن انا وهبة مانحبوش نمشو مع عروس حتى في عرس اخت هبة مامشيناش معاها وطبعا ماما وعمتو غالية وخالة احلام وعمتها وعمتي ام هبة عدو معاها ونحن قعدنا دايرين عزا على فراق احلام وطبعا الشباب عدو مع سند  وروحن بعدين البنات وقعدنا نضبطو في بعض ونبكو وجاء احمد وسند قعد يفك فينا وحتى سند  بروحه قعد يبكي عاد وخيته الوحيدة وبعد مارقنا حكن البنات على العرس
هنادي ..حتى فرحهم جاء يهبل ودرنا جو على الفرقة مش عادي
انا ..ربي يهنيها 
انوار .. امنا لما خش العريس ودار جو يهبل وصورو وطلع هو واحلام طبعا نحن طلعنا وراهم للاستقبال بتاع الصالة سقدانهم و درنا عزا على طلعة احلام وخش سند  قعد يفك فينا وسكتنا وسند  حتى هو قعد يبكي
وبعدها سلمنا على عمتي عزيزة وماما وعمتو غالية وعمتي ام هبة قعدو مع عمتي عزيزة ونحن طلعنا  وصلنا للحوش تعبانين انوار خشت لدارها وهبة خشت معاي خذت دبشها وخشت للحمام  تبي تدوش وانا طلعت نستنى فيها بيش حتى ندوش ونغير دبشي
وخش عليا احمد
احمد ..كنك ماغيرتي نوارتي
انا..كبدت على اللبسة دارتلي ضجة مش عادية بكل وتقريبا ماما روحت بعشر عرسان او اكثر
احمد..ههههه
ضحكت من غير نية لان كلمة عريس بدت اضايق فيا لكن لازم نسلم في الموضوع
انا..وين رحت
احمد ..قاعد هنا لكن خسارة انتي محجوزة توا راحت عليهم وفي خاطري وعليا
انا..تحشمت وطبست راسي
احمد..امتى بيجو اهل يوسف
انا..تقريبا السبت