للقدر والنصيب كلمة اخرى

83

#للنصيب_والقدر_كلمة_اخرى

ح83
احمد.. علياء تحت هيا وراجلها
انا.. شنو تبي بعد اللي دارته
احمد.. هيا ننزلو ونشوفو
احمد نزلني في حضنه ومشينا للمربوعة
انا واحمد .. السلام عليكم
مراد وعلياء .. وعليكم السلام
مراد .. معليش يا احمد اعذرنا على الزيارة هذي
احمد.. انت تتفضل في اي وقت بس هيا
انا .. قصيت على احمد اهلين بيكم
علياء بتوتر .. احمد عبير انا جاية نعتذر منكم  علي درته فيكم بالله سامحوني
احمد.. على اساس اللي انتي درتيه دستي على رجلي او رجل نوارتي
علياء .. عارفة اللي درته حاجة كبيرة بس والله ندمت بالذات لما مراد عرف الحقيقة ومع ذلك قرر انه يعطيني فرصة ويسامحني
احمد.. والمطلوب
علياء .. بيش نبدا حياتي صح مع مراد لازم انجي ونستسمحكم بالله عليكم سامحوني
انا.. لو سامحناك شنو بديري
علياء.. بنبدا حياتي وانا لاول مرة شريكة مراد من غير اي نوايا شينة لحد بنكون عيلة وبالذات بعد ماعرفت مراد انه يحبني من زمان
احمد باستفهام .. زمان
مراد .. ايه يا احمد انا نحب علياء من زمان لكن عمرها ماشافتني بسببك لكن لما صار الاتفاق بينا وافقت انها تتزوجني ورغم اني عارف ليش اتزوجتني لكن كنت فرحان انها معاي لكن انا مستحيل نكمل حياتي معاها لو انت ومرتك ماسامحتوهاش
انا بحتت في احمد واحمد فهم عليا
احمد.. انا مسامحها يا مراد على خاطرك انت بس
انا.. وانا مسامحتك وياريت الفرصة اللي انعطت ليك ما ضيعيهاش لان الفرصة الكويسة تجي مرة وحدة
علياء .. والله بعد ماعاقبني مراد وبعد عليا حسيت لاول مرة اني نحبه وان احمد مجرد وهم عقلي تعود عليه لكن بعد مراد عليا وهو معاي في نفس المكان عذبني صح
انا.. ربي يهنيكم ببعض
مراد وعلياء .. امين يارب
مراد .. يعني نبدا حياتي من جديد معاها وانتم راضين عليها
احمد.. من كل قلبي ربي يهنيك ويهديك ملي انت تشتغل فيه
مراد .. قريب ان شاءالله هيا نستاذنو
انا.. ماضيفانكم شئ
علياء .. مرة ثانية ان شاءالله حنجي ونضيف لكن تو بناخذ راجلي لاني رايفت عليه واجد
انا واحمد.. ربي يهنيكم يارب
وروحو وركبني احمد وغيرلي دبشي وخشينا لسريرنا وانا في حضن احمد
انا.. حبيبي مراد شكله كويس لولا شغله
احمد.. تصدقي انه مايفوتش فيه فرض صلاة وراجل راه بمعنى الكلمة
انا.. غريبة
احمد.. هو قالها قريب ان شاءالله لاني فعلا سمعت ان مراد يصفي في تجارته الحرام وباع قطعة ارض ورث من بوه وقاعد بحقها يبني في سوق كبير يبي يبدا رزق حلال
انا .. ربي يباركله فيه
احمد.. امين يارب
انا.. حبيبي سامحني
احمد.. عليش
انا.. عشان بسبب مرضي محروم من حقك
احمد.. هو تبي الحق ماتعدي المرحلة الحرجة انكون سكرت ستة شهور معاك ما قربتكش وربي يكون في عوني لكن مايهمش حبيبي المهم انتي في حضني ومعاي وتتنفسي هذا المهم
انا .. زدت خشيت في حضن احمد
ربي يحفظك لي يارب
احمد.. ويخليك لي ويعدي الفترة هذي على خير
وعدى اسبوع وانا كل يوم اتجي الممرضة تركب التغذية ليا واستغربت من المكان الثاني وشكلي بدا يتحسن لكن التعب والارهاق اللي نحس بيه ديمة يزيد وبعدها وانا تحت نهدرز مع عمتو وعمو
عمو .. اهلك بيسافرو بكرة صح
انا .. اه خسارة والله قديش خاطري نحضره عرس اسماء
عمتو .. ان شاءالله في باقي البنات وانتي بصحتك يارب
انا .. امين يارب
عمو .. لكن مش عارف ليش انوار بتعدي معاهم وهي حامل وتاعبة اخرى
عمتو .. عادي يامحمود غير انت اللي خوفك زيادة عليها هيا في السابع تو
عمو .. انا الحق مش راضي ومش عارف هالراجل المتزوجته مايقولش لا ليها بكل
انا.. وهو يقدر ياعمو ماهو هذا كلامك ليه
عمتو .. وبعدين هو ماشي معاها لانه خايف عليها
عمو .. ربي يستر وخلاص
انا.. احمد طول صح
احمد.. اني جيت السلام عليكم
عمو وعمتو وانا .. وعليكم السلام
عمو .. طولت اليوم
احمد.. شوي شغل في المكتب لان زي ما انت عارف بننقلو للمقر الجديد
عمتو .. على البركة ان شاءالله
احمد .. ان شاءالله
وسافرو اهلي لطرابلس عشان يحضرو عرس اسماء وانا ايامي عادية ويوم مرواحة اهلي وطيارتهم في المغرب وبيعدي عمو محمود يجيبهم لان احمد لاهي في المقر الجديد يركبوله في ديكورات للافتتاح وبعد ماكملت الممرضة التغذية الثانية وروحت جاء احمد هدرز احذاي وجاء بيطلع
احمد.. حبيبي هيا انزلك لتحت حتى امي تقعد احذاك
انا.. حبيبي خليني الحق نحس في روحي ناعسة نبي نرقد
احمد.. بترقدي تو غريبة
انا.. مش عارفة انحس في النوم مطبق عليا خوذني في حضنك نرقد وبعدها اطلع باهي
احمد.. به تعالي هي
وخذاني احمد في حضنه لعند مارقدت وغطاني كويس وطلع ووصى عمتو عليا
عند سند واحمد
سند.. كنك يا احمد مش مركز معاي ساعة وانا نحكي
احمد.. ياراجل قلبي مقبوض
سند.. عبير فيها حاجة
احمد.. مش عارف الحق
سند .. كيف مش عارف
احمد.. هي عادي لكن رقدت في وقت غير وقتها
سند.. عادي هذين هرمونات حمل يتغير مزاج المرا
احمد.. اه  لكن قبضت قلبي مش مريحتني بنرن عليها نشوفها وعت او لا
رن عليا مافيش رد ورن اخرى ورن اخرى ولاحياة لمن تنادي
سند.. شنو صار
احمد بخوف .. مافيش رد
سند.. شوف امك
احمد.. صح قلتها
ورن على عمتو وردت عليه على طول
احمد.. امي نتصل بنوارة ماتردش امتى ركبتي ليها
عمتو .. من حوالي ساعة هكي وكانت راقدة
احمد.. يا امي مش قلت كل نص ساعة شوفيها بالله عليك اركبي شوفيها ريحيني الله يريحك
عمتو .. به به حسك خوفتني
احمد.. قلبي مقبوض من بدري
عمتو .. تو نشوفها ونكلمك وسكرت الخط
احمد.. تعرف ياسند انا بنعدي قلبي كما يزيد ينقبض عليا
سند .. به توكل وان شاءالله خير
احمد
طلعت من الشركة وانا ندعي يارب مافي نوارتي حاجة يارب يارب ماتوجع قلبي عليها يارب يارب انت عارف ان حياتي بلاها ماتسوى شئ يارب
في الحوش
عمتو .. نوارة نوضي نوارة نوضي
وبعد معناه مابيتش نرد عليها خافت واتصلت باحمد اللي كان قريب يوصل بحكم ان الشركة الجديدة قريب من الحوش
عمتو .. ايوه يا احمد الحقني نوارة مابتش توعى تعال بسرعة
احمد.. قريب نوصل جهزيها على بال ماجيت
ووصل احمد وطار بيا هو وعمتو على المصحة ودخلوني على طول للعناية
الدكتورة .. ان شاءالله خير
احمد.. بس وجهك مايقولش خير
الدكتورة .. المرحلة هذي اخطر المراحل لان الجنين يتكون بالكامل وقلبها ضعيف ماقدرش يتحمل فهذا ليش لازم تقعد هنا تحت الملاحظة والعناية المستمرة بيها
احمد.. المهم انها حتفوق صح
الدكتورة .. ان شاءالله
احمد.. مش مهم ان شاءالله تقعد لعند ماتجيب عندكم المهم انها يجيها يوم وتنوض
عمتو وهي تبكي .. اهدى يا احمد نوارة تو تبيك قوي ماتضعفش
احمد بحرقة .. مش قادر يا يمي انا قوي بيها مش متحمل وجاء عمو واهلي بعد مابلغتهم عمتو من المطار للمصحة طول واحمد حضن بابا وقعد يبكي لانه الحضن الوحيد بعدي اللي يقدر يبكي فيه احمد وقعد بابا يهدي فيه
بابا .. اهدى يا احمد مش هكي تو نوارة تزعل راه
احمد.. مش قادر يارب ليش الفرحة معاي ولا معاها تكمل
بابا .. استغفر ربك وعدى هيا بنصلو المغرب
احمد.. استغفر الله العظيم
وعدو يصلو وشوي القروب جاء والتمو
ومن كثر الزحمة اللي دايرينها خذو جناح في المصحة عشان يقعدو فيه بيش مايسببوش ازعاج للمرضى الاخرين لانهم مافيهمش حد يبي يروح والبكاء سيد الموقف
احمد .. يادكتورة انا نبي نقعد احذاها
الدكتورة ..بس هيا مش حتعلم بيك
احمد.. لكن قلبها حيحس بيا
الدكتورة .. باه البس الروب وخش ليها
احمد لبس الروب وخش قعد احذاي ومسك ايدي وهو يتفرج على الاجهزة والخيوط اللي مرشقة في جسمي
احمد.. راك تفكري تسيبيني نموت وراك راه ردي بالك
وعند القروب
هبة .. عمتي حواء انا خلاص نحس في روحي مش قادرة
ماما .. خيرك هبة
هبة .. اضني بنجيب
ماما .. انكلم الدكتورة ووليد برا
طلعت ماما تجري كلمت الدكتورة وطلعت بعدها لوليد
ماما.. وليد هبة بتجيب اطلع جيب دبشها ودبش البيبي وكلم امها وامك
وليد .. ياعمتي دبشها معاي ديمة في السيارة شوي ونجيبه ونكلم هلها وهلي
وفعلا الدكتورة قالت هبة انها حالة وضع
ودخلوها لحجرة الولادة والكل على اعصابه وجت عمتي فاطمة والكل يدعي ليها ويدعي ليا
احمد
وانا عند نوارتي حسيت بايدها تحركت قعدت مركز معاها بالك تتحرك اخرى شوي وفتحت عيونها
انا.. هبة يا احمد
احمد .. كنها هبة
انا.. شوف هبة يا احمد
احمد.. حاضر ياعيون وروح احمد
بستها على راسها ورجعت رقدت وطلعت بنشوف هبة
احمد.. امي كنكم حالكم هكي وهبة وين
عمتو .. هبة دخلوها غرفة الولادة
احمد.. سبحان الله
عمتو .. كنك
احمد.. نوارة فتحت عيونها وماقالت شئ غير هبة وتبي تطمن على هبة ورجعت رقدت
عمتو .. ربي يفتح عيونهن على خير يارب ومايوجع قلب وحدة فيهن على الاخرى
على طلعت الدكتورة
وليد .. طمنيني يادكتورة هبة كيف حالها
الدكتورة .. تسئل على مرتك والبيبي مش مهم
وليد.. مهم بس امه اهم
الدكتورة .. على العموم هما الاثنين حالهم كويس ولله الحمد وجابت ولد زي العسل
وليد.. الحمدلله يارب جانا احمد
عمتي فاطمة .. حمدلله على سلامتهم
وليد.. الله يسلمك ياعمتي
عمتي فاطمة .. بتسميه احمد مش علي على بوك
وليد.. من يوم ماحملت هبة وهيا تقول كان ولد بنسميه احمد وكان بنت ملك على خاطر عبير تبي الاسم هذا واحمد على احمد راجل عبير
عمتي فاطمة .. ربي يحفظهم لبعض ويحفظك ليهم
وليد .. امين
وبعدها خش وليد على هبة
وليد .. حمدلله على سلامتك ياحبي ومبارك عليك احمد
هبة .. الله يسلمك ياروحي
وبعد ماصحصحت هبة جابلوها وليدها وخشو الكل يباركو ليها وخش حتى احمد وفرح انهم سمو ولدهم عليه وحكى لهبة على اللي صار معاي وهبة اصرت انها تاخذ احمد ليا انا واطر وليد تحت اصرارها انه يرفعها
هبة .. نوضي عبورتي اني جايتك انا واحمد الصغير تمنيتها بنت بيش نسميها ملك زي ماتبي لكن جاء احمد
فتحت عيوني وعندي هبة صوتها زي الحلم
انا.. حمدلله على سلامتك جبتي حبيبي
هبة .. هههه حبيبك
انا.. عدي ارتاحي انا كويسة
هبة .. به
انا.. قربيلي حبيبي نبوسه
هبة .. حاضر
قرباته ليا وبسته وكانت ريحته تهبل
انا.. هوبي نبي حبيبي الكبير
طلعت هبة ووليد وكلمو احمد وقالوله اني وعيت ونبيه
احمد .. نعم ياعيون وقلب وروح احمد
انا.. اشتقت ليك
احمد.. وانا اكثر
حبيبي نوارة نوارة فيقي كنتي تو تحكي معاي