للقدر والنصيب كلمة اخرى

80

#للنصيب_والقدر_كلمة_اخرى

ح80
عبدالله وسند وهشام .. اوووووووه عبورة
سند .. ايش الحلاوة هذي مبارك عبورة
عبدالله .. والله طالع عليك
هشام .. كملت الحلاوة مبارك مبارك
انا.. الله يبارك فيكم لكن خيركم مستغربين
هشام .. لان مانعلموش
انا.. كيف مراتتكم ماقالوش ليكم
سند.. لا والله
عبدالله .. تعلمن يدسن
هشام .. لكن طالع عليك وخصوصا انك تعتبري ماناقصك شئ الا هو لان حتى وانتي من غير حجاب كان لبسك واسع ومحترم
انا.. سند فيش لاهي وانت في فونك من بدري
سند..........
عبدالله .. سند وينك
سند... اه قاعد غير شوي نرد على تاجر نتعاملو معاه
وسند طبعا كان يتراسل هو واحمد
سند .. حي يا احمد كان تجي تشوف ملاكك كيف رايحة رغم ذبولها وتعبها الا انها فعلا طالعة ملاك
احمد.. شنو في حاجة جديدة
سند.. لابسة حاجة مانحكيلك بكل مغيرتها للاخير وزايدتها حلاوة رغم ان وجهها معليشي حتى حاجة ومرهق لكن زي الملاك طالعة
احمد.. قولي شنو لابسة
سند .. نو مانبيش قايل ليك تبي تعال شوفها
احمد.. بطل سماطة عارفني مانقدرش نجي
سند.. ما دخلنيش
عند احمد
بعد ماقريت رسائل سند قلبي ولعت فيه النار وخطرت عليا هبة غادي اتصلت بيها
هبة .. الو
احمد.. اهلين هبة
هبة .. كيف حالك يامشقيها
احمد.. والله حتى انا شاقي بلاها
هبة .. ربي يهون همك بيش تجيها
احمد.. يارب اسمعي بنطلب منك طلب
هبة .. ادلل
احمد.. نبيك تصوري لي نوارتي تو وهيا قاعدة مع الشباب
هبة باستغراب .. عليش
احمد.. ديرها لي بالله عليك
هبة .. حاضر
احمد،. واضحة وابعتيها طول نستنى فيك
هبة .. تمامو
استغربت من طلب احمد لكن قلت بالك مرايف عليها وفعلا صورت عبورة صور حلوات وبالذات بالحجاب طالعة زي الملاك بالذات مع ملامحها الاجنبية
احمد
وصلني الصور ولما فتحتهن نين عيوني دمعن من الفرحة كم تمنيتها تلبس الحجاب لكن كنت نبيه بقناعتها وطالع عليها يهبل وزادها حلاوة على حلاوتها فعلا ملاكي تهبل رغم التعب والارهاق لكن طالعة تجنن اتكيت على الكرسي ودعيت لربي ان الغمة تنزاح بسرعة بيش نقدر نرجعها لحضني وهي بامان يارب
عندنا نحن
بعد الهدرزة والضحك والغذاء والحق غيرو جوي مع ان ناقصنا احمد لكن الحمدلله على كل حال
انا.. سند نبيك في موضوع لما الشباب يطلعو خليك بعدهم بشوي
سند .. تمام
عبدالله .. مش هيا انجيبو النسوان خير مايولعو فينا
سند .. واحد فيكم يجيب معاه سماح
عبدالله .. تمام تو نجيبها
وطلعو وقعدت انا وسند وهبة معانا
انا.. سند شنو وصلتو في موضوع التدوير على اللي خطف احمد
سند.. مازال عرفنا مكان المزرعة وعرفنا صاحبها لكن في المرج وقاعدين ندورو فيه
انا.. به بنقولك على حاجة شاكة فيها وتذكر كنت بنحكيها لك من زمان غير تميت من حاجة لحاجة ونسيت
سند.. خير حسك شغلتيني
انا.. الحق شاكة في علياء
سند .. ليش هي وهي مراء شنو تقدر ادير
انا.. من ناحية ادير ادير واجد متنساش هي متزوجة تاجر ممنوعات وعنده عصابة
سند.. معقولة بتقوله اخطف ولد عمي لاني كنت نبيه وهو مايبنيش
انا.. اكيد لا لكن ماتنساش ان كيدنا عظيم وماتعلمش شنو كاذبة عليه اللي فكرت ادير ولد عمها اعتدى عليها توحل في كذبة اخرى
سند.. بس شنو اللي خلاك تشكي فيها
انا.. وانا في المصحة من الحادث مش كنت نوعى ونرقد ومرة حسيت روحي مشوشة وتهيالي شفتها قدامي لكن سئلت عمو قلت ليه ماخليتونيش بروحي قالي لا فقلت اكيد يتهيالي
سند.. لا كنا نخلو فيك بروحك مثلا انا لما نكون معاك كنت نطلع ندخن قدام المصحة لان عارفة قانونها صارم من ناحية الدخان والقهوة نشرب فيها قدام الدار وحتى عبدالله يدخن اكيد زيي ممكن وسيم وفتحي بس اللي مايفارقوش فيك
انا.. معناها حتى لما كنت في غيبوبة نسمع فيكم ونميز في صوتكم شنو تحكو لكن طبعا لما وعيت نسيت شنو كنتو تهدرزو حتى هشام سمعت صوته
سند.. نحن خلينا هشام رغم ان العلاقة كيف راجعة بينا لكن الدكتور قال حتى لو حد تكرهه ممكن يحفزها ويخليها تنوض هذا ليش خلينا هشام
انا.. اه وحتى علياء سمعت صوتها
سند.. به هذا كله شك بس
هبة .. عناية الملاحظة  والعناية المركزة حاطين فيهن كاميرات اكيد عندهم تسجيلات
سند.. يسلم فمك مرات مايجبوها الا نسوانها هي سلام بنطلع
انا.. خيرك
سند.. معاش فيها قعاد مرات كنا ندورو فيها بعيد وهيا قريبة منا
انا.. ربي يوفقكم
سند ...امين يارب
وجن البنات وقعدنا نهدرزو لكن نحس في روحي تاعبة بزيادة لكن كابرات على تعبي
عند سند واحمد
بعد ماحكى سند لاحمد كل شئ دار بينه وبيني كلمو الافندي سليم بيش يقدر ايدير راي ويقدرو يشوفو التسجيلات وفعلا مع الساعة عشرة في الليل جاهم الافندي سليم وطلعو للمصحة
عندي انا
روحو البنات وركبت غيرت دبشي بمساعدة ماما
ماما.. يابنيتي ربي يهديك انزلي لتحت ارقدي ريحيني
انا.. ماما خليني بروحي عندي احساس ان احمد يجي كل يوم مانبيش يجي مايلقانيش
ماما..ربي يهديك
وحطتني ماما في فراشي بعد مالبست بيجامتي وحضنت تشيرت احمد ورقدت
عند احمد وسند والافندي سليم
قاعدين يشوفو في التسجيلات ووصلو لعند ماجتني علياء وطلعت صح جايتني
احمد.. علي الصوت لو سمحت بيش نسمعو شنو تقول ليها
سند .. هذي معقولة من جدها
عندي ماما 
ماما الساعة اربعة الفجر بحتت فونها غريبة احمد مارنش عليا معقولة مازال قاعد مع نوارة لتو وهي قريب تنوض تتوضا وتقرا قران نين ياذن الفجر لازم نركب نكلمه وركبت ماما ولقتني طايحة عند الصالون اللي قدام الجناح وقعدت تعيط على بابا
ماما.. بصوت عالي ياعمر ياعمرررررر
بابا.. خيرك شنو في
ماما .. الحقني نوارة طايحة مغمي عليها مابتش تنوض
ركبلي بابا يجري ولبستني ماما بشت ولفت عليا الوشاح وطلعو بيا بابا طابني وعلى طول للمصحة ومانندري على شئ
عند احمد وسند
احمد.. بنت الكلب هذي
الافندي سليم .. تو بنطلع اندير قرار القبض عليهم
احمد.. لا يا افندي في الاخير هيا بنت عمي وتنضر سمعة عمي اللي هيا سمعتنا
سند.. شنو بدير يعني
احمد.. بنمشي لمراد راجل علياء وبنكلمه وبنسمعه التسجيلات ومتاكد منه حياخذ موقف
الافندي سليم .. وانت شنو ضمنك فيه
احمد.. صح هو تاجر ممنوعات وعنده عصابة لكن معروف عليه بكلمته وانا متاكد ان علياء ابصر شنو كاذبة عليه
سند.. انا مش معاك في اللي بديره
احمد.. نجرب وكان ماصر شئ الافندي سليم يدير اللي يبيه
الافندي سليم .. تمام
احمد نقل التسجيلات لفونه والافندي سليم خذا منهن نسخة للحماية وطلعو شور مراد الساعة خمسة الصبح لان احمد مش قادر يصبر دقو الباب وطلع عليهم مراد بعد ماعرف انه احمد ولد عم مراته
احمد.. صباح الخير وسامحنا على الازعاج
مراد .. صباح النور ان شاءالله خير
احمد.. والله ماني عارف خير والله شر
مراد .. به تفضلو جوا
وخشو للمربوعة وقمعزو وطبعا احمد هو اللي يتكلم
احمد.. اسمع يامراد بنقولك حاجة واسمعني للاخير
مراد .. تفضل
احمد.. انا مش عارف بنت عمي شنو قايلة ليك لكن اللي درته فيا وفي مراتي اكبر غلط
مراد .. وانت ليش متاكد اني انا اللي وراء اللي صارلك
احمد.. متاكد وبالدليل لكن قبل مانوصل للدليل خليني نفهمك العداء اللي بين مراتي ومراتك اللي هيا بنت عمي
حكى احمد لمراد من اول موقف صارله مع علياء واللي حضره عصام لعند ماسمعه التسجيل اللي انا سجلته ليها
مراد.. بدهشة معقولة هي هكي معقولة استغفلتني بالدرجة هذي انا مراد الفلاني تخاف مني اكبر رجالة تلعب بيا مرا
احمد.. انت اصلا شنو اللي رماكم على بعض
مراد.. علياء صاحبت اختي وقاعد في الجنان الخلفي للحوش وكان روشن دار اختي يفتح عليه وكان صوتهن عالي وسمعت علياء وهي تبكي ومنحرقة وكيف مراتك هانتها قدام الناس وشنعت عليها بالكذب طبعا انا لاني جيت من نص الحديث ماعرفتش البداية شنو وطبعا لانها عاجبتني من زمان لكن هيا كانت تصد فيا فلقيتها فرصة وعرضت عليها اني ناخذ بثارها من مراتك مقابل تتزوجني وطبعا مانحكيلكش زادت كلام واجد وخلتني نكره مراتك بدون حتى مانشوفها وحتى يوم ضرب السيارة بالرصاص هي اللي وراه لانها شافتكم في السوق وجوكم حلو
احمد .. به اسمع لما زارتها في المصحة
التسجيل هذا لما ضربتها السيارة
وفتح التسجيل
علياء .. انتي راقدة وفقدتي جنينك هههه هذي اول المصايب مازال ماشفتي شئ
والتسجيل الثاني لما كنت في الغيبوبة
علياء ... نوضي انا نبيك تتعذبي من طلاقه ليك نبيك تعيشي كل يوم بحرقة زي ما انا ننحرق على كل يوم يقضي فيه احمد بين احضانك لازم تنوضي بيش تتعذبي مانبيكش في غيبوبة انا مادرتش هذا كله فيك وفي احمد عشان ترقدي في غيبوبة 
مراد .. هالحيوانة استغفلتني وقاعدة مازالت تتستغفل فيا
احمد.. انا جيتك لاني مانبيش نضر بنت عمي لانها في الاخير سمعتها من سمعتنا ومانبيش نقدم هذين التسجيلات للشرطة لكن انا جيتك لاني نعرف برغم نوعية شغلك انك راجل وعند كلمتك وانا مانبي منكم شئ الا تخلوني نعيش بسلام انا ومرتي وطبعا انا مش من باب ضعف نحكي معاك لكن من باب خوفي على عمي وسمعة باتي لكن لو يمسني ضر من جديد ماعاد داير حساب لحاجة وعليا وعلى اعدائي
مراد.. هدي بالك يا احمد والله مايصير الا يرضيك وماعاد واحد قارب منك ولامن عيلتك وانا والله ماني عارف شنو نقول وانا مراء لعبت بيا
احمد.. هيا سلام وسامحنا على الزعاج
مراد .. ماضيفناكم شئ
احمد.. والله مستعجل بنعدي لمراتي اللي بعدتها عليا خوفا عليها هي سلام
وطلع احمد والافندي سليم وسند
احمد.. يا فندي انا ضني بمراد مش غلط
سند.. وكلام عبير طلع صح لما قالت اللي تفكر تكذب كذبة كبيرة وماهمها شئ تقدر تكذب اخرى
الافندي سليم .. على العموم انا مش حنذف حاجة حنحتفظ بيهن احتياط
احمد.. سامحوني تعبتكم معاي
سند.. هههه والله مادخلني لو سماح لزتني
احمد.. خليها شوري بس
الافندي سليم .. هي سلام تو راه الساعة سبعة ونص
سند واحمد ... سلام وبارك الله فيك
وعدى الافندي سليم ووصل احمد سند لحوشه
سند .. شنو بدير تو
احمد.. بنعدي نرقد في حضن ملاكي
سند.. ربي يوفقكم ودير بالك من صحتها حتى الدكتورة كاتبة ليها نظام غذائي
احمد.. لهدرجة ماقالهش ليا عمي عمر غريبة
سند.. دير بالك منها يا احمد راه ذابلة بكل
احمد.. ان شاءالله هي وصلنا ونعني مانفقدك يارفيق
سند.. ولانفقدك يارب
واحمد بكل فرح وشوق وهيام جاي لحوشنا وركب للجناح مالقانيش ونزل تحت مالقانيش وبعدين فطن بسيارة بابا مهناش اتصل ببابا
احمد.. الو عمي عمر وين نوارة دورتها مالقيتهاش
بابا بصوت حزين .. نوارة تاعبة جبنها للمصحة *****
احمد.. اني جايي
معقولة نوارتي انهارت قبل مانجي بساعات يارب نجيها يارب احفظها لي يارب ماعندي غيرها يارب
ووصلت للمصحة بنموت عليها
احمد.. ها ياعمي طمني عليها كنها
بابا .. لقتها امها مغمي عليها واشبح من امتى مغمي عليها ولتو قاعدة مافاقتش والدكتورة قالت بسبب جسمها الضعيف هذا ليش صار ليها هكي وتو هما مركبين ليها تغذية وقالت لو قعدت للظهر مافاقتش حنزيدو ليها دم
احمد.. بنخش ليها منو معاها
بابا .. معاها عمتك حواء
احمد.. كلمها نخش انا نقعد معاها
بابا .. به
احمد
خشيت عليها قلبي بيموت عليها شوق وارياف وواجعتني روحي اني السبب في اللي صار ليها منسحابش بعدي عليها ايدير فيها هكي بس هي ضعيفة ليش حاطين ليها جهاز يقيس في نبضات القلب جسمها ضاعف نين ماثر على القلب على خشة الدكتورة
الدكتورة.. انت من
احمد.. انا زوجها
الدكتورة .. واخيرا شفتك
احمد.. ان شاءالله خير
الدكتورة .. جسم زوجتك ضعيف جدا واحتمال تتعرض لاجهاض اخرى لو مافاقتش من هنا للظهر وبنزيدو ليها دم لو مانفعهاش اكيد جسمها مش حيتحمل وحيصير ليها اجهاض
احمد.. استني شوي يادكتورة قصدك نوارتي حامل
الدكتورة .. ليها شهرين واسبوع
احمد.. نعم وانا اخر من يعلم
الدكتورة .. هي اللي ماتبيكش تعلم على حسب مافهمت منها لانها قالت انك تمر بظروف صعبة وماتبيش تصعبها عليك بمرضها
احمد.. يارب شنو درت في عمري بس يارب
الدكتورة .. خلي املك بربي كبير
احمد.. انا مايهمنيش الجنين بقدر ماتهمني هيا هي روحي يادكتورة بلاها ماعنديش روح
انا بصوت ضعيف ومش مصدقة ان احمد احذاي .. حب ي ب ي انت هنا
احمد.. ياروح حبيبك وقلب حبيبك انا معاك وحنكون عمري كله معاك
انا.. الغمة انزاحت ياقلبي
احمد.. ايه ومعاش بنفارقك بكل غير انتي قوي روحك ونوضي لي
انا..ماتسيبنيش
احمد..عمري ماعاد انديرها
الدكتورة .. مازال الوضع مش مطمن لكن بما انه فاقت الخطر خف شوي
احمد.. حبيبي اقوي على خاطري
انا بدمعة نزلت .. نحبك ياعمري
احمد.. وانا نموت فيك
ورديت غمضت عيوني  لكن الدكتورة قالت اني راقدة
احمد .. طلعت توضيت وصليت ودعيت لربي ان يرد ليا عمري ويحفظها ليا ولما جيت لقيت باتي وامي وعمتو وعمو وانوار ووسيم وحكيت ليهم كل شئ وباتي من القهر نين رقى عليه الضغط وعطوه حبة بيش ينزل
وسيبتهم وخشيت على ملاكي الراقد
وقعدت شاد ايدها
احمد.. نوضي ياعمري بيش نقدر نعوضك على كل يوم فات بعيد على بعض نوضي ياقلبي والله حياتي بلاك مستحيل حتكون ليا
ومشى الوقت على الجميع والقروب كله جاء  هنا ساعات لكن كانهن دهر وشوي وفقت ثاني لكن اكثر نشاط
انا.. نسحاب روحي نحلم
احمد.. ماتحلميش ياقلبي اني هنا حذاك
انا.. بوسني بيش نتاكد وباسني بوسة ناعمة وحنونة مليانة خوف ومليانة شوق وبعد عليا لما نفسي قريب راح
احمد.. نحبك
انا.. اشتقت ليك
احمد .. خليني نمشي نكلم الدكتورة اطمني عليك ونطمن اللي برا انك فقتي
انا.. به
الدكتورة .. المدام .......،