للقدر والنصيب كلمة اخرى

53

#للنصيب_والقدر_كلمة_اخرى

ح53
نضت من النوم قبل المغرب بشوي ونسمع في ماما وعمتو برا صبيت غسلت وجهي وتوضيت وصليت العصر ولميت شعري وطلعت عليهن
انا..السلام عليكم
ماما وعمتو ... وعليكم السلام
ماما..صح النوم لتو النوم
انا .. والله رقدت مانندري على روحي
شنو خذيتي عمتو وريني
عمتو .. خذيت هذي شنو رايك
انا.. اسوارة حلوة واكيد حتعجبها
عمتو .. وهذي شنو رايك فيها
انا.. مدتلي سلسلة يد بسيطة ورقيقة تهبل غير عريضة شوي
حلوة ياعمتو انيقة وبسيطة
عمتو .. تعالي
جيت حذاها وخذتها ولبستها ليا
انا.. قصدك لي نا
عمتو .. اول هدية ليك 
انا..قصيت عليها اين اول هدية وانا دولابي معبي هداياك
عمتو .. وانتي مغلى  عليك القص هذي اول هدية ليك وانتي كنتي
انا.. انحرجت وجيت بستها على راسها وضميتها على نزلت احمد وانوار
احمد .. كيف من وراي احضان وبوسات
انا .. جيته ونبرم في ايدي
احمد ..ايه مبارك شكلها جديدة
انا.. اكيد جديدة لكن مناسبتها احلى
احمد.. بمناسبة شنو لاعيد ميلادك ولا النتيجة طلعت
ماما ..اول هدية ليها ككنة لامك
احمد ... اااايه الف مبارك
وانا فرحان لفرح نوارتي بيها 
انوار ...حي عليا راحت عليا نا
عمتو .. والله انتي القلب كله لكن هذي نوارتنا نوارة قلوبنا ونوارة حوشنا
لكن مانسيتكش تعالي وطلعت ليها خاتم حلو حتى هو
وهدرزنا وتعشينا وروح احمد وعمتو
وقعدت مكسدة نشتغل في الميداليات وقلت حتى بندير وحدة لاسامة زي بتاعت اصالة ووحدة لخالدة زي بتاعت عبدالله نشتغل وتفكيري عند احمد وكيف انه دس حبه وتحمل اني نمشي لراجل ثاني بيش مايخسرنيش في انسان يحب للدرجة هذي وخطر عليا قلت نتصل بيه ومنها نكلمه على صفحة الفيس
احمد
كنت متكي ونفكر في حاجات واجد واذكرت اني ونوارة مادويناش على السكن ولازم حاجات واجد بتتغير وقطع تفكيري اتصال نوارة
انا.. السلام عليكم
احمد.. وعليكم السلام
كيف مارقدتيش
انا.. كنت نشتغل معاش مازالي واجد قلت نكملهن وحتى انت مارقدش
احمد.. ربي يعاونك ومارقدتش انفكر فيك
انا.. ان شاءالله خير
احمد.. خير اكيد تو بكرة انجيك نحكيلك
انا ..منكش ماشي للعرس
احمد..تبصري شكلك
انا..عليش
احمد..هكي ماناقص غير نمشي لواحد شوه سمعتك ومطلعش راجل وتحمل الانفصال
انا.. لكن هو ولد خالتك
احمد .. وانتي نوارة قلبي وسكري على الموضوع
انا... به
بنقولك حمودي نبي نفتح صفحة على الفيس والانستا لشغلي
احمد..ليها فايدة
انا..اكيد لاني مانفكرش نفتح محل فنبي نخلي البيع اون لاين بس
احمد.. حاجة عارفتيها فيها فايدة ديريها ياقلبي
انا..ربي يخليك لي
احمد..واصلا بكرة بنجي حتى بنشوفو انوار تبي عرسها الاول او بعدنا بيش تتفق مع وسيم ويشوف روحه
انا.. ان شاءالله نستناك
احمد..تصبحي على خير
انا..وانت من اهله
وقعدت نكمل في شغلي وبعدها رقدت
وثاني يوم مشت عمتو للعرس يوسف وجانا احمد ونادى انوار
احمد.. انوار امتى تبي فرحك قبلنا او بعدنا لان باتي قال نبو نفرحو ديمة مانبوش نديروه مرة وحدة
انوار .. بدهشة استنى شوي استنى قصدك باتي هو اللي قالها لك شوف انوار معناها باتي موافق عرسي يطلع السنة مش زي كل مرة 
وقعدت انوار اتنطر وتبرم زي المهسترة من الفرحة
انا.. احمد البنت قريب تنجن قبل حتى ماتتزوج
انوار .. سمعتك راه لكن مانسحابش باتي يوافق
احمد.. ماهو قالها في العيد على تنظيف البطن
انوار .. مش مصدقة مازالت
انا.. هي ردي علينا ورانا مواضيع بنحكيهن
انوار .. لا خلو عرسكم قبل لاني بناخذ حريتي مانبي روحي متقيدة براجل في جرتي
اناواحمد .. قعدنا نضحكو عليها
احمد.. خلاص امنا نوضي نسقي مع وسيم بيش يجو هله ويحددو الفرح
وركبت انوار تجري وبعدين نزلت
انوار .. يعني نقوله بعد كم
احمد .. شهر او شهر ونص لان لما نوارة بتجهز روحها تجهزي معاها والفرح عادي لو يقعد بينهن اسبوع بس وشوفي جوك
انوار .. بس هكي مش ضيق الوقت
احمد.. لا انا جبت كتالوجات  لنوارة اختاري منهن حتى انتي الفيلو وقفطان الحنة  ونبعث مرة وحدة
انوار.. مخطط لكل شئ
احمد.. اكيد
وركبت انوار وانا مشيت اندير في كابتشينو ودرتها وجيت لاحمد لقيته مقمعز على الصالون وكان الفون في ايده
انا.. احمد خيرك وجك متغير
احمد.. حطي المقات وقمعزي
انا.. قمعزت حمودي قلبي على سبلة راه
احمد.. النتيجة طلعت
انا.. شنو صار فيك اكيد نجحت
احمد.. ماتبيش تسئلي على روحك
انا.. من شكلك عرفت نتيجتي وبعدين لاني انتساب مش متوقعة النجاح
احمد.. ياهبله انتي نجحتي وصفيتيهن كلهن اخرى وحتى انا
انا .. والله صح وفرحت واجد لاني كنت خايفة ما نصفي به والقروب
احمد ..سند وهبة وهنادي صفو  وعبدالله واصالة  مادة  حملوها
انا.. جتهم ساهلة من قالك على النتيجة
احمد.. تو كلمنا سند
انا.. الحمدلله
احمد .. هي خلينا في المهم نحن فكرنا في كل حاجة مافكرناش في اهم حاجة
انا.. شنو
احمد.. السكن
انا.. عليش اهم حاجة واضح ياقلبي زي الاول
احمد.. كيف
انا.. غير دار نومك وجيب دار نوم جديدة وغير فرش الجناح بتاعك ومتغير شئ فيه لاني نبي نعيش فيه هكي
احمد.. قصدك مانحولش صالة الالعاب الرياضية
انا.. لا انت جناحك دارك المفرشة وصالة  الالعاب الرياضية صح انت شنو ادير
احمد .. شنو
انا .. الدار الثالثة خليها بنفرشها انا  والصالة  فرشها بصالون والمطبخ خليه زي ماهو ويبي تزويق كتغيير بس واذا تبي ادير ديكورات براحتك لكن اللي قلت عليهن مايتغيرش بس وحول الشاشة الكبيرة حطها في دار الالعاب وركب شاشة في الصالة حجمها مناسب ونبي شاشة في دار النوم وحول طاولة مكتبك من دار النوم وحطه حتى هو في الصالة بتاعت الالعاب واني بندير جزء فيها ليا بيش نشتغل فيه وتبدا ديمة حوستنا وشغلنا ورياضتنا فيها وكان بنلعبو برضو يبدن فيها ودارك اللي  في حوشنا لانها اكبر من داري اللي لوطة غير دار النوم حتى هيا والدار الثانية اللي احذاها ناخذوها ونحطو فيها مكتبك ومكتبي وحاجات شغلنا والسير والدراجة بتاعت الرياضة وداري اللي تحت نفضيها ونزلو فيها فرش الدار اللي بناخذها من فوق
احمد..
سرحت شوي وخطر عليا سلبيتها في تجهيز فيلا يوسف وانها مبتش تختار شئ فيها ولاتشرط عليه شئ فرحت من داخلي ان في شئ تغير وان هيا تغيرت
انا.. احمد وين مشيت
احمد.. قاعد  والله طلعتي مانك ساهلة وانا نقول اهم حاجة مافكرتش فيها وقلت بالك تبي شقة بروحك
انا.. مستحيل ولاخطرت في بالي لاني مستحيل انسيب عمو وعمتو وبعدين نحن في حياتنا مش متغير علينا شئ سوى اننا بدل ماكان كل واحد يرقد في دار تو بنرقدو مع بعض  وحسيت بشعور غريب وانا نقول في الكلمة هذي
فهذا ليش التفكير في اثاث بس بيتغير وحتى الموضوع هذا دويت فيه انا وعمتو وماما
احمد.. ايه سبقتيني هالمرة
نوارتي بنطلب منك طلب
انا.. تفضل ياقلبي انت تأمر مش تطلب
احمد.. مايأمر عليك ظالم يارب
نبيك تعيشي فرحتك نبيك كانك اول مرة تتزوجي نبيك تكوني عروسة وفرحانة بعرسها مانبيش اللي شفته في عرسك الاول يتكرر نبيك تختاري الفيلو اللي حلمتي بيه وقفطان فاتحة زي ماتتمني نبيك تعيشي كل شئ باصوله حتى لو مش عشان خاطري حاولي ولو بالتمثيل على خاطر اهالينا شوفيهم كيف فرحانين بينا
انا.. من غير ماتقول مش انت قلت مستحيل نطلقك ولاتفكر اطلقني مهما صبرت عليا
احمد.. اكيد
انا.. بنقولك حاجة ماتزعلش مني
احمد.. خوذي راحتك اهم حاجة تصارحيني
انا.. لما كنت نجهز لعرسي الاول كانت فيا حاجة تقولي كانه فرحتي  ماهيش دايمة  كنت نحس بيه الشعور هذا وكنت متخيلاتها الموت اللي بتخرب فرحتي
لكن ربي اراد لينا شئ ثاني فهذا ليش مكنتش نبي اي حاجة زي ماخططت ليها عشان ماننكسرش واجد لكن لما انت تو اللي بتكون عريسي وزوجي وبنكمل معاك حياتي الشعور عندي غير الاحساس اللي حسيته في الاول مهناش بكل بالعكس الاحساس اللي في داخلي يقولي افرحي وماتنقصي شئ من فرحتك بالذات بعد ماصليت استخارة واذا انت قلت هكي عشان مانبيش نغير واجد في مكان سكنا لاني تعودت عليه هكي مانبيشي يتغير واجد بالذات الصالة لان قضينا فيها وقت واجد وبعدين ضيوفنا طول عمرنا نلاقو فيهم لوطا اذا عندكم واذا عندنا يافوق يا الجلسة اللي لوطة وعلى اصحابنا زي ماكنا قبل صح بيصير في تغيير شوي لكن مافي شئ يتغير
احمد.. الله يخليك لي ويطمن قلبك زي ماطمنتيني وانا نرد ونقولك مستحيل انتخلى عنك ومايفرقني عليك الا الموت
انا..بعيد السو عليك
وجو اهلينا وفرحو بنجاحنا وكلمت البنات والشباب وباركت لهم واخترت انا وانوار الفيلو وطبعا هالمرة زي مانحلم واخترت حتى فستان الفاتحة وانوار حتى هيا اختارت فستانين تلبسهن  يوم حنتها