للقدر والنصيب كلمة اخرى

58

#للنصيب_والقدر_كلمة_اخرى

ح58
انا.. خطرها امبارح نسيت
احمد.. نسيتي شنو
انا.. اصبر
خشيت للدار جبت الهدية اللي مجهزته ليه وفرحانة واجد بيها وجيت لاحمد لقيت حذاه علبة صغيرة مغلفة وعلبة حجمها اكبر شوي مغلفة 
احمد.. حتى نا نسيت
انا وياه قعدنا نضحكو من كثر ماتفكيرنا واحد طلع
انا.. بسيطة هديتي لك درتها بكل حب
والعلبة الكبيرة هذي الهدية اللي جبتها لك ولي جبت زيها من تركيا
احمد.. اي حاجة منك اكيد اغلى شئ
وفتحت العلبة الصغيرة ولقيت مدالية شكلها يهبل وعليها كلام مكتوب ولما قريته نوارة قلب احمد ونازال منها قلب صغير 
انا.. عجباتك
احمد .. اي شئ منك حلو واكيد عجبتني
وانتبهت لايدها لقيت نفس مداليتي مدالية ليها وقريت المكتوب عليها احمد قلب نوارة 
من فرحتي انها دارت مدالية لروحها هكي جيتها وضميتها وبستها على ... بوسة خطف وهي مازعلتش ووجها تما احمر عرفتها انحرجت ودرت روحي عادي وفتحت العلبة الكبيرة ولقيت لبسة كانت (سروال جينز ازرق داكن وتيشرت ابيض وعليه قميص كاروهات بلون احمر وازرق واسود وسبيدرو ابيض )
احمد.. حلوة اللبسة وتركيبتها تهبل
وترا وريني لبستك لانك قلتي لبسة ليك وليا مقاربة لبعض
انا.. شوي بس ونضت جبتها ليه وكانت ( سروال جينز ازرق وتيشرت ابيض وقميص كاروهات نفس الوان احمد بس انا القميص طويل لتحت الركبة وسبيدرو ابيض  )
احمد .. تهبل واكيد حتطلع عليا وعليك حلوات
انا.. تسلم يارب وتو وقت هديتك
احمد..ههه من الفرحة بهديتك نسيت تفضلي
نوارتي هذي ماتفتحيهاش الا اليوم اللي انتي عرفتي روحك بتكوني فيه زوجتي صح بيش نعرف ونفهم عليك ويكون هو العلامة بينا
وبعدها مد العلبة الصغيرة وهذي افتحيها 
انا..فتحتها لقيتها سلسلة ذهب فيها اسم نوارة واحمد جوا قلب تهبل  وعلى طول بنلبسها جيت لاحمد بيش يسكرها ليا
سكرها ليا وباس رقبتي من الخلف حسيت برعشة نين معاش قدرت انتحرك سحبني احمد شوره جيت مقمعزة في حضنه ولف ايديه عليا وانا عجبتني القعدة لكن قلبي يدق بسرعة وبس وفك ايده  
وقعد يغير في tv وانا ولا كلمة وحط على مسرحية حلوة في البداية ماقدرتش انركز وبعدها لقيت روحي منسجمة ومعاها حاطة ايديا فوق ايدين احمد اللي لافني بيهن ونضحكو وجونا يهبل لعند رن جرس الباب اللي تحت انفجعت وجيت مصبية كأني دايرة حاجة غلط ووجهي تغير وحتى احمد حسيته رقتله من حركتي لكن ماتكلمش ونزل للباب
احمد.. اوووو عبدالله وسند كنكم اليوم معاي
عبدالله .. والله ماحاجة لكن ياغالي هذين امهاتكم شنو بنديرو مانقدرو نقولو لا
سند..اهو جايبين ليكم غذاء وقالولنا تو ترفعوه بيش يجيهم ساخن
احمد..ربي يحفظهم مع ان نحن كيف فطرنا
سند.. المهم هذا الغذاء وهي سلام من شكلك شكلنا  جينا في وقت غير مناسب وغمز لاحمد
احمد.. عرسان اي وقت بتجوا فيه غير مناسب
وركب احمد بالغذاء وحطه في المطبخ وماتكلمش معاي وقمعز على الصالون وقعد يغير في tv وانا كنت جوا دار النوم توقعته يجيني لكن فاتني واول مرة يدير حاجة زي هكي حتى لما يكون حامق يجيني قعدت شوي وخشيت عليه
انا.. من اللي جاء
احمد.. سند وعبدالله جايبين غذاء كان تبي في الكوجينة
انا.. خيرك احمد تحكي معاي هكي
صبا وجاني وشد ايديا وعيونه واضح انه مضايق لانه وهو يحكي ضغط على ايديا شوي
احمد.. نوارتي انتي زوجتي ومرتي وحلالي عارفة شنو معنى الكلمات مش لازم يكون في فراش عشان يثبت الشئ هذا فهمتي عليا
انا.. عارفة وفاهمة بس ليش حامق انت
هكي
احمد.. كيف مانحمقش نوارتي وانتي لما تكوني في حضني ويرن الجرس تنطي كانك قاعدة مع صاحبك مش مع راجلك
انا.. دمعت عيوني لاشعوريا لا والله ماهكي الارتباك ومش متعودة نكون معاك هكي من قبل هذا ليش لما رن جرس الباب ما انتبهتش لروحي
وحسيت ان احمد بيخلف بوعده وكانه ضحك عليا وطحت على ركابي وقعدت نبكي بصوت عالي مش انت تقول بتصبر عليا وبتوسع بالك معاي مش قلت هكي انت
احمد
وهي تبكي اصلا من لما عيونها دمعو حسيت روحي اني زودتها صح قهرتني اللقطة ولما قعدت تقول مش قلت تصبر معاي وبتصبر عليا حسيت بروحي اخيي بكل طبست عليها وخذيتها في حضني
انا.. في حضنه ليش يا احمد والله انت مش قد وعدك
احمد.. اسسسس خلاص نوارتي والله انا قد وعدي بنصبر معاك لطول العمر لكن فرحت وانت قاعدة في حضني وقريبة مني بالشكل هذا ونطتك ضايقتي بس والله هذا الموضوع
انا.. هديت شوي وبعدين انت من امتى تبدا حامق مني وماتجيش تحكي معاي
احمد.. هههه بنتغير ماهو راجلك تو اني
انا.. اكيد راجلي
احمد.. هيا نطلعو نغيرو جو
انا.. وين نمشو
احمد.. لمنتزه والله اي مكان
احمد.. نلبسو اللبسة اللي جبتيها من تركيا
انا.. ههههه وانديرو استيكر ونكتبو عليه عرسان لاتكلمونا
احمد.. وليش لا انديروه عادي هههههه
وخشيت غيرت دبشي وهو خش للحمام غير دبشه
انا.. حمودي تظفرلي شعري زي زمان
طبعا زمان لما درت الحادث كان شعري يضايق فيا من كثر القمعيز فطلب احمد من ماما تظفره ليا ومن كثر ماكان يقعد احذاها تعلم كيف يظفره ليا وقعد هو يظفر فيه ليا
احمد.. شن خطرها عليك انتي ماتحبيش الظفر لانه يذكر فيك بالحادث
انا.. عشان انت اللي بتظفره ليا نبيها تو
طبعا انا نبي انراضيه لاني حسيته مازال مضايق غير مايبيش يبين ليا لكن هذا حمودي قلبي نعرفه كويس وحافظاته
احمد.. هي تعالي تبيها ظفرة فوق والله تحت
انا.. تحت عشان بنلفه على اثنين به
وظفرلي احمد شعري وكانت القعدة قريبة منه واجد بين رجليه قبل لازم نكون مقمعزة على كرسي لكن هالمرة هو مقمعز على السرير وانا تحت وحتى لما وصل لنص الشعر مفروض نباعد عليه لكن هو ماتكلمش وانا مابيتش نتحرك وكمل شعري وباسني على راسي وطلعنا ومنظرنا كان يجنن
احمد.. استني ناخذو سلفي
ونحن ناخذو في السلفي وحدة من الصور بسته على خذه وضحك احمد على اللقطة
وطلعنا ادهورنا ومشينا للمنتزه وخذينا كابتشينو عدلنا بيها دماغتنا وطبعا التعليقات بتاعت الناس لكن ماعدلناش عليهم وحتى احمد مادورش حد
ونحن قاعدين في المنتزه شفت وحدة ومعاها راجلها من بعيد كاني نعرفهم ولصقت في احمد ليش مش عارفة  لاشعوريا و قربو منا وجو سلمو علينا
منى .. اهلين عبورة كيف حالك والف مبارك
انا.. الله يبارك فيك
عبدالسلام .. الف مبارك تستاهلو بعضكم
احمد.. الله يبارك فيكم
انا.. حتى انتي الف مبارك وربي يفتح عويناتك على خير في اي شهر انتي
منى .. امين يارب في الشهر التاسع مقضينها كل يوم مشي بيش تسهل عليا
انا.. ان شاءالله ربي يسهل عليك
وانتبهت لاحمد يحكي هو وعبدالسلام بصوت واطي وباعدو علينا شوي وبعدها روحو وسيبونا
انا.. خيره حمودي عبدالسلام
احمد.. لا شئ  نوارتي حكايات عادية
انا..عادية وتحكو بصوت واطي
احمد.. والله عادي نوارتي بتاع  هذا نصيب وربي هكي اراد وحتى يوسف متزوج واموره تمام وشكله نسى عبير  على الاقل لما نتلاقو خلينا عادي على الاقل بين العلاقات بين الخوات مايصيرش بينهن فراق
انا.. وانت شنو رديت عليه
احمد.. عادي نوارتي لان الموضوع مايفرقش معاي سميحة خالتي ماعندي وين نهرب منها لكن يوسف مايعنيلي شئ
انا.. هي انروحو
احمد.. كنك قلقتي
انا.. لا حمودي بس مغرب وجعانة ماجعتش
احمد.. انقني جعت هيا نتكو على مطعم ونتعشو فيه
انا.. لا مانبي مطعم نسيبو وكال من ديات امهاتنا وناكلو من مطعم
احمد.. اه نسيته بكل
وروحنا للحوش وسخنا وكلينا وضميت حوسة الوكال وحطيت شاهي اخضر على النار وجيت قمعزت احذا احمد
احمد.. لولا عرس انوار راه سافرنا
انا.. لاحقين عليه السفر
وعدن الايام عادي نطلعو ندهورو ونروحو نهدرزو ونرقدو كل واحد في مكان وجاء يوم الاربعاء نضت على اتصال هبة
هبة .. صباح الخير ياخموجة
انا.. صباح النور خيرك من صباح الله خير الساعة تسعة قاعدة
هبة .. نوضي صحصحي ياحنة مع الساعة عشرة بتجيك الحناية بتحنيك
انا..اه نسيت بكل خلاص تو انوض ندوش
هبة .. بنجي انا بس معاها
انا.. به تعالي قبلها بشوي بيش نهدرزو
هبة .. تمام
انا نضت خشيت للحمام دوشت وصليت وجيت وتيت الفطور ونوضت احمد لما قربت منه حسيته كانه زي اللي مش مرتاح في نومته نوضته
حمودي قلبي حمودي نوض
احمد.. كنك نوارتي فيك حاجة تحسي في حاجة
انا.. لا حمودي وتيت الفطور قلت تفطر معاي لان الساعة عشرة بتجي الحناية هي وهبة
احمد.. به هي نوض نتوضى ونصلي
وفطرنا مع بعض
احمد.. نوارتي ليش الحنة هذي مافيهاش ريحة
انا.. ماهو عشان خليجية
احمد.. سلمها اللي واخذة بخاطري
انا.. عارفاتك تحب الحنة لكن ماتحبش ريحتها هذا ليش جربت الخليجية في فاتحة هنادي بيش انتاكد انك تتقبلها او لا
شد احمد ايدي وباس عليها من جو بوسة هادية لكن صارلي جو كانه انصر شنو دارلي حسيت قلبي ينبض بسرعة ووجهي سخن
انا..حمودي هي دوش وشوف سند اطلع معاه او يجيك واقعدو تحت
احمد .. انتي تأمري
انا..مايأمر عليك ظالم ياقلبي
وجت هبة وطبعا مشتاقة لها هلبة هلبة
انا.. خزي يامعفنة هذا وين تجيني
هبة .. قلت نخليك بروحك بيش مانضغطش عليك ونشتت تفكيرك
انا.. هو متشتت اصلا
هبة .. صار جديد
انا.. لا لكن تعرفي احيانا يجيني وقت كان نلقى نضمه ونحطه جو قلبي ونرقد في حضنه واحيانا نحس فيه هو احمد اللي كبرت معاه وبس
هبة .. اما انتي امرك غريب لكن كيف بتحسي بشئ طالما انتم كل واحد يرقد في مكان المفروض ترقدو مع بعض بيش تتقربو من بعض مرة مرة تلقي روحك قريبة منه ومرة هو ومرة تلقي روحك راقدة في حضنه وهكي لكن طالما انتم على الحالة هذي كيف بتحسي بشئ بيتغير
انا.. سرحت شوي ونفكر في كلام هبة لاني حسيت بيه صح ومافطنتش الا على صوت الجرس
وجت الحناية وحنتني وروحت وقعدت معاي هبة نين حولتها وضمتلي حوستها
هبة .. مش مفكرين تجيبو شغالة والله بتعتمدو على اللي عند عمتي غالية
انا.. حاليا انا واحمد صعب نجيبو خاصة بينا اول شئ لما بترجع عمتي وعمو للحوش بنقضي الوقت لوطا لان احمد برضو بيمشي لشغله فمعنديش ماندير بيها وثانيا خايفين تفطن للي صاير بينا لو جبنا وحدة ديمة معانا لكن احمد قال زيزي شغالتهم  الدائمة لو احتجنا ليها نكلموها لكن بالنسبة ليا جناحي مش كبير واجد وانا ماعندي من يحوس اللي بتحوس بس صالة الالعاب وهذي نكلم زيزي  تعاوني فيها
هبة .. مش مهلبين شئ مش مفكرين فيه
انا.. اتصلتي بالكوافيرة اليوم ووقضتيها على بكرة
هبة .. ايه لكن مش كان خليتيها تجيك خير
انا.. لا هبة مانبيش اندير اي شئ درته قبل
هبة .. هي فتحي جاء بنروح حبيبة
روحت هبة ورنيت على احمد وشاف الحنة وعجباته واجد وقالي طالعة عليا تهبل ومشى اليوم عادي وطبعا رقدت بدري لاني واعية  بدري