للقدر والنصيب كلمة اخرى

72

#للنصيب_والقدر_كلمة_اخرى

ح72
احمد.. كنك ياعمتي شنو فيه كنك تبكي اهدي بيش نفهم 
ماما..انوار
احمد.. اهدي وفهميني كنها انوار
انا.. خيرها انوار
ماما.. انوار في المصحة *****
احمد.. اهو جايين
انا..خيرها انوار ونبكي
احمد.. اهدي حبيبي آنا ماشيين تو نفهمو اهدي ياقلبي
ووصلنا للمصحة ولقينا وسيم مطبس  راسه وعمو محمود يبكي وبابا متوتر وعمتو وماما في حالة يرثى لهم وانا جيتهم نجري
انا.. خيرها انوار فهموني
ماما..طاحت من على الدروج
وسيم ..من يوم ماحملت وانا نقوللها فكك منه الكعب وقعد يبكي
جاء احمد قعد يهدي فيه وهو اصلا يبي من يهديه لكن لما لاقنا كلنا منهارين دار روحه هو القوي ونحن نبكو شوي ونسمعو حاجة طاحت التفتنا لقينا عمو محمود مغمي عليه طرنا نجرو ليه وجونا الدكاترة ودخلناه للحجرة وكشفو عليه وطلع علينا الدكتور وقال لنا حاله كويس لكن جاه الضغط
انا قعدت نبكي على عمو و نبكي على وخيتي
وشوي وطلعت الدكتورة جيناها نجرو
احمد.. هاطمنينا
وسيم .. مرتي كيف حالها بالله
الدكتورة .. بالنسبة للزوجة بسيطة كسر بسيط في اليد وجرح صغير في الراس لكن للاسف ماقدرناش ننقدو  الجنين الطيحة اثرت عليه واجد مازالت صغيرة ربي يعوضكم خير
وسيم ثاتر واجد وماما وعمتو تمن يبكن بزيادة
وسيم ..دكتورة نقدر انشوفها
الدكتورة .. ينقلوها للحجرة بس
بابا.. نمشي انطمن محمود لله مااعطى ولله ما اخذ
ونحن كلنا وضعنا مش تمام وجابو انوار للحجرة وخلينا وسيم يخش عليها قبل
وسيم .. حبيبتي حمدلله على السلامة
انوار تبكي .. ماحافظتش على بنتنا
وسيم .. خلاص حبيبتي ربي يعوضنا خير وبعدين مازالتي صغيرة والعمر قدامنا وحضنها نين سكتت
وخشينا عليها واستغربت ان عمو محمود مش معانا
انوار .. باتي وين وبابا وين بخوف
احمد.. باتي وعمي عمر بخير غير باتي من خوفه عليك تعب وراقد في الحجرة الثانية
انوار .. قعدت تبكي بنعدي لباتي بنشوف باتي
على خشة عمو محمود عليها و حضنها وقعد يبكي هو وياها
ومرن علينا  ايام صعبة جدا على وسيم وانوار وعمو وعمتو وبابا وماما والقروب كله وقضيناها ماشيين جايين على حوش انوار لان وسيم مباش انها تقعد عندنا وبدا السمستر الجديد وكلنا شادين في القراية وانوار تما حالها باهي ومشت لقرايتها وحتى الجبس قعد شهر بس وحرمت لبس الكعب وحياتنا تمر بخير مع اني مابطلتش فتح موضوع المعاينة الا احمد مسكر راسه ووعدني لما نوصلو للامتحانات يرفعني للدكتورة وفعلا مازالن على الامتحانات اسبوعين وانا كان ثاني يو مرضتي ومشينا للدكتورة وكنت متوترة واجد
احمد.. اهدي نوارتي مايصير الا كل خير ان شاءالله
انا.. ان شاءالله
وكشفت عليا الدكتورة وعطتني تحاليل وصورة انديرها وطلعت انا واحمد وقعدت نبكي
احمد.. فهميني بس على شنو تبكي
انا.. عليش هكي يصير فيا ليش انا مش زي نانا حملت على طول
احمد.. الحمدلله على كل حال  حبيبي
وطبعا درنا التحاليل وكل شئ  وجن الامتحانات وامتحنا وكملنا وعطتني الدكتورة دواء وقالت ان مشكلتي بسيطة بكل وان حملي ممكن يصير بعد مانكمل اول كورس من الحبوب وفرحت لما قالت ليا هكي حتى الامتحانات خشيتهن وانا فرحانة وكملنا الامتحانات وانوار نفسيتها راقت وهبة طلعت حامل وفرحت ليها واجد وطبعا زادت الدوة بعد ماكملنا امتحانات السنة الاخيرة واحمد هو اللي يقوللهم مازال لكن عمتو عمرها ماقالت لي حاجة على الحمل وديمة تدعيلي بالذرية الصالحة
وجاء يوم اتصل بينا عبدالله وقال انه في المصحة خالدة بتولد ومشيت انا واحمد وكان الليل موخر وطولت كانت ولادتها متعسرة وعبدالله  خايف انهم يولدوها  بالعملية ونحن نهدو فيه وفي الاخير قرر انه يخش معاها لبس وخش وشوي وسمعنا صوت بكا وفرحت انا واحمد واجد وجابت وليد وسموه عبد المالك على اب عبدالله  وطبعا الصبح اتصلنا بالعيلة كلها والتمينا ودرنا جو حلو وطلعو خالدة وقعدنا كل يوم عندها لانها طلعت لحوش اهل عبدالله  وقررو انهم ماهمش دايرين لمات بيديرو اسبوع ويعزمو رجالة ونسوان  ومشى اسبوع مليان بالتعب لكن فرحتنا ببكاء عبد المالك يهون كل تعب ونتعاركو على رفعه ولما يبكي نجوه نجارو وطبعا امهاتنا يعاركو وبعدها رجعنا استقرينا ونحن فرحانين بعبودي كانه ولدنا
وعمتو ديمة تدعيلي بالذرية الصالحة بس لعند يوم شافت كانه جوي مش تمام وفعلا انا في هذا اليوم نحس في قلبي مقبوض
عمتو .. نوارتي ماتشغليش بالك على الصغار
انا.. قعدت نبكي لكن بكيت بحرقة ونحس في قلبي مقبوض لكن مش عارفة من شنو 
عمتو .. بنيتي كان في حاجة قوليلي راه انتي بنتي قبل ماتكوني كنتي
انا
كنت بنحكي ليها لكن اذكرت كلام احمد اني مانقولش لحد
انا.. عميمة ماهو حمودي رافض نمشو  نعاينو خيرنا لتو
عمتو .. مازالتو صغار بنيتي ولاحقين على هم المعاينات اصبرو بنيتي حتى سنة ثانية وبعدين ربي يفرج
انا.. ان شاءالله عميمة
خش احمد
احمد.. السلام عليكم
انا وعمتو .. وعليكم السلام
احمد.. كيف حالك يا امي
عمتو .. بخير طالما انتو بخير
احمد.. دوووم يارب
نوارتي تعالي نبيك
وركبت انا وياه بعد ما استئذنت من عمتو
انا..نعم حمودي
احمد..  حضني بقوة نحبك واجد واجد
انا.. وانا اكثر والله
احمد.. نا  سمعت شنو حكيتي مع امي وفرحت واجد انك ماحكيتي ليها شئ
خفت تضعفي وتحكي ليها
انا.. حتى انا اذكرت كلامك لكن فرحت بكلام عمتو وان نستنو حتى لثاني سنة
احمد.. مش قلت ليك مرة امي عمرك ماتخافي منها
انا.. حبيبي نحن الاسبوع الجاي نسكرو سنة عندك علم متزوجين
احمد.. العمر كله وانت معاي وفي حضني زي تو
انا.. مانبيش حفلة كبيرة نبي ذكرى زواجنا لنا بس
احمد.. حتى انا هكي نبي  ونفكر اخرى ان نسافرو بما ان باتي حاله باهي وضغطه تعدل مع الدواء
انا.. ياريت حبيبي
احمد.. خلاص ياقلبي تو انسق اموري ونشوف وين انسافرو
انا.. حبيبي عادي اي دولة حتى مصر لان ليا هلبة مامشيت ليها
احمد.. خلاص ساهلة هذي تو ناخذو اخرى شقة عبدالله محلولة
انا.. تمام بكل ياقلبي ومش حنطولو لان رمضان مازال عليه شهر واسبوعين تقريبا ونبي نقعدو ملتمين زي كل سنة 
احمد..  بس رمضان السنة غير لانك انتي حبيبتي وزوجتي
انا.. ربي يحفظك لي يارب
احمد .. عارفة انا ليش ناديتك
انا.. ليش
احمد.. انا عندي شغل واجد اليوم وبنروح موخر مرات  فقلت انروح تو لاني مرايف عليك واجد
انا.. ياقلبي انت ربي يعاون.... سكتني ببوسة كبيرة وطويلة وبعدها رفعني للدار ورحنا في خبر كان ...........
احمد.. نوارتي بنوض ياقلبي يادوب اندوش وناكل وبنرجع للمكتب
انا.. خليك شوي حبيبي نحس في قلبي مقبوض
احمد.. سلامة قلبك ياروحي ودخلني جو حضنه زين وقعدت نبوس فيه
احمد.. شنو تفكري انتي
انا.. نبيك
احمد.. وهذا المطلوب وحطني تحته و......
انا..حبيبي ماتعطلش واجد ياقلبي
احمد.. مع اللي درتيه تو اظني بنفوت ومانبيش طالع
انا.. ياريت على رنة فون احمد
احمد.. الو
سند.. وينك ياراجل الاجتماع مازال عليه نص ساعة وانت عارف لازم تكون موجود
احمد.. اني جاي
انا.. بتعدي ياقلبي
احمد.. سمعتي بروحك
انا.. خلاص حبيبي عدي دوش وانا نجهز الغذاء ليك
احمد.. حاضر هي
وخش احمد دوش وانا نزلت جهزت الغذاء لاحمد وجاء تغذى
احمد.. نوارتي كنك ماتاكلي
انا.. ناكل حبيبي
احمد.. مش وكال هذا
انا.. تعرف انحس في روحي هاليومين ماعندي نية للوكال وكان نلقى راقدة بس
احمد..حتى انا لاحظتها  بكرة نعاينك
انا.. مش مستحقة حبيبي
بس وانت مروح جيبلي معاك حوت خاطري فيه
احمد.. كنك ماقلتي الصبح راه جبتلك معاي تو
انا.. تو جتني فيه النية
احمد.. انا بنروح موخر تو نكلم باتي يجبلك باهي
انا.. به
احمد.. هي بنمشي انا
انا
جيته ضميته زين ونحس في قلبي مقبوض كاني معاش بنشوفه احساس اول مرة نحس بيه وانا معاه
احمد
استغربت ضمتها ليا بالقوة هذي ونحن في الحوش اللوطي اخرا
احمد.. حبيبتي كنك شنو في تو يجي باتي والله امي
انا.. قعدت نبكي ونزيد نضغط عليه
احمد.. بعد وجهي وباسني على فمي بوسة خفيفة كنها حبيبتي وعليش الدموع
انا.. مش عارفة بروحها تنزل
احمد.. هيا ياقلبي هنيني عاد ومسح ادموعي 
انا.. طريق السلامة ودير بالك على روحك
احمد.. انتي اللي ديري بالك على روحك
وطلعت معاه لبرا بكل وكاني معاش بنشوفه وخشيت تعوذت من الشيطان دوشت وصليت وضميت جناحي ونزلت لتحت مع عمتو لكن جوي مش تمام وعمو جاء وجايب حوت معاه
عمو .. قلتلي بنيتي جبتلك مش لازم نين احمد يكلمني واسطة بينا
انا.. لا عمو اصلا هو جاء خاطري فيه تو وقلت عليه لاحمد ولان احمد بيروح موخر قالي تو نقولك
عمتو ضحكت واستغربت ضحكتها وغمزت  لعمو
انا.. بنجيب صفرة وبناكل مانقدرش نصبر للعشاء
عمتو .. نوضي حبيبة حتى نا  بناكل معاك
وحطيته لكن مش واجد كليت منه حسيت قلبي نغزني
عمو .. ماكليتي شئ نوارتي
انا.. نحس في قلبي انقبض خلاص عمو معاش خاطري
عمتو .. نوضي بنيتي اغسلي ايديك واقري قران تو تهدي شوي
وفعلا قعدت نقرا على امل نهدا والحمدلله هديت نين غفيت ولقيت روحي مغطية لما نضت شفت الساعة لقيتها 2 انفجعت وركبت لحوشي نسحاب احمد روح لكن لو احمد روح راه رفعني لحوشي وراني راقدة في سريري رنيت عليه فونه مافيش رد جربت اخرى مافيش رد جربت اخرى عطاني مقفل وهنا بديت على نار اتصلت بسند
سند  بنوم .. خير عبير ان شاءالله
انا.. احمد وين
سند.. كيف احمد وين
انا.. احمد لتو ماروحش قال بيتاخر  لكن تو الساعة اثنين وهو ماروحش
سند .. احمد طلع من المغرب قالي صح انه قالك انه بيتاخر لكن ظغط على روحه بيش كمل بدري لانه قال جوك مش تمام
انا.. قعدت نبكي وقلت ليه اتصلت بيه مرتين والثالثة عطاني مقفل
سند .. تو نجي
وانا نزلت لتحت لعمو وعمو ناض قعد يدير في اتصالته وبابا وماما جو وانا صارت فيا حالة
وجاء سند وقال ان السيارة بتاعته واقفة قريبة من الحوش وطلع عمو وبابا يجرو بعد ماخذو المفتاح الثاني مني وجابو السيارة ومافيها شئ غير كيس فيه شوكلاطات ليا وقعدت حالتي حالة نبي نموت رفيقي وحياتي وين وندعي يارب ماتوجع قلبي عليه يارب وعميمة وماما حتى هما مايعلم بيهم الا ربي
انا..نبكي وبس  قلبي كان حاسس انا قلبي كان حاسس نحضن فيه تقول معاش بنشوفه
يارب رده لي يارب ماتوجع  قلبي عليه يارب
وعدت علينا ليلة مايعلم بيها الا ربي ومن صبح ربي كان القروب كله عندنا وانوار ووسيم والعيلة كلها وانا نبكي وبس ماجفتلي دمعة
انا.. يارب قلبي يارب روحي ردها ليا مافيها شئ يارب نستودع فيه ليك يارب لما يطلع يارب ما اضره يارب
هبة .. استهدي بالله وتفاولي خير
اصالة .. ادعيله حبيبة وربي يرجعه لك طيب يارب
انا نطيت نجري للحمام (حشاكم) وقعدت نرجع ونرجع وطلعت نحس في روحي بتطلع
وطلعت لعمو وبابا والشباب قلت ليهم بالك مخطوف واكيد حيكلمونا
بابا.. ايه بنيتي هذا اللي متوقعينا حتى الشرطة قالت بعد 24 ساعة نبدو اندورو
انا.. به نجهزو الفلوس لان المصارف مافيهاش سيولة
عمو .. غير اهدي يابنيتي تو انتي امانة عندنا مانبي يروح ولدي يقول ماحافظتوش عليها
انا.. حاضر ياعمو تو نهدى لكن نبدو نجمعو الفلوس
وسيم .. انا عندي سيولة في الحوش تو نجيبها
عمو .. صحيت وليدي لكن تو انا وعمك عمر عندنا سيولة كويسة ونستنو اتصالهم لو نبو زيادة والله مانا خاطينك
سند وعبدالله .. ونحن ياعمي عندنا
انا طلعت ومشيت لماما
انا..ماما عدي للحوش وجيبلي فلوسي اللي عندك وذهبي الاول كله
ماما.. عليش
انا.. نبي نجهزهن كان اتصلو اللي خاطفينه نلقوهن جاهزات
ماما.. حاضر يابنتي تو نكلم بوك يجيبهن غير اهدي بس
ماما.. انوار تعالي لاختك خششيها للحمام تغسل وجهها
انوار .. حاضر ياماما
ورفعتني انوار لحمام وغسلت وجهي ورديت نبكي اخرى وهي تهدي فيا
ومر يوم ثاني ونحن مايعلم بينا الا ربي والشرطة قعدت ادور وماصار شئ  وثالث يوم ومافيناش واحد رقد وانا مقضيتها يانبكي يانصلي وندعي ومع الظهر رن رقم احمد عليا
انا.. حبيبي كيف حالك انت وين انت كويس احكي سمعني صوتك ياقلبي
الخاطف  .. راجلك عندنا وكويس مافيشي شئ
انا..به نكلمه وربك نكلمه نطمن عليه
الخاطف بصوت عصبي .. اسمعيني زين انكلمك في العصر ونقولك شنو نبي
وسكر عليا ولما جيت عاودت عليه عطاني مقفل وجيت لبابا وعمو وحكيت ليهم
وفعلا جمع بابا وعمو السيولة اللي معاهم كلها وانا الفلوس اللي مخليهن احمد في الحوش والحوش الثاني ومعاها فلوس مؤخري من يوسف والذهب مبوش ياخذوه منا عمو وبابا وقالو خلوهم نشوفو قبل
وطبعا الخبر انتشر اكثر وجو عمام احمد وخلاته واصغار خالته حتى من يوسف ومرته وخوته ونسوانهم وعمامي بمجرد ماسمعو جو كلهم من طرابلس بينما خوالي عادي مش مهم الموضوع عندهم وجاء العصر وما اتصلوش بينا
وفي مكان ثاني
الخاطف .. انت ماتبيش تسمع الكلام شكلك
احمد.. لو انموت مستحيل تسمعها مني بتقتل اقتل
الخاطف .. مش انت اللي بنقتلك نقتلها هي وانت لك الخيار
احمد.. ماتقدر ادير ليها شئ
طلع الخاطف واتصل بشخص اخر
وعندنا
رن فوني رقم غريب وجاء حذاي بابا وعمو ووسيم وسند وعبدالله
انا..تفضل من معاي
المتصل .. انتي زوجة احمد محمود الفلاني
انا.. ايه بخوف كبير ودموع ماليات العيون
المتصل .. يا اختي زوجك جابوه مصاب في المصحة *****
انا .. شكرا خوي انا جايين طمني عليه
المتصل ..طوط طوط سكر
وطرنا انا وبابا وعمو في سيارة وقلنا لوسيم يجيب ماما وانوار وعمتو
ولما وصلنا عند المصحة لازم السيارة تلف بيش تجي قدام المصحة لانها كانت في الطريق العكسية  وحسيت الطريق طويلة
انا.. بننزل وبنقطع الطريق وانتو درسو ولحقو عليا
بابا وعمو مالحقوش حتى يقولو كلمة فتحت الباب وطلعت ومانندري على روحي الا وحاجة خبطتني رفعتني لفوق ونزلت ومعاش نندري على شئ 
في المكان اللي فيه احمد
الخاطف .. شكلك بتعيش وذنبها في رقبتك
احمد.. انت شنو تقول انت كذاب
الخاطف .. تبي تتاكد شوي تو ناكد ليك
الخاطف دار اتصال وفتح المايك
الخاطف .. ايوة ياحبي
الممرضة .. نعم ياروحي
الخاطف .. جاتكم اليوم العصر حالة حادث
الممرضة .. اه كيف عرفت
الخاطف .. عيب تسئلي سؤال زي هذا
الممرضة ..نسيت صح
الخاطف .. اسمها عبير عمر صح
الممرضة .. اه خبطتها سيارة قدام المصحة
احمد..كذاب انت تكذب عليا
وانا نحس في قلبي بيتقطع ونقول يارب ان شاءالله يقعد يكذب
الخاطف .. تو نزيد اناكد ليك
الخاطف ..ياحبي ترا كلمي واحد من اهلها وقولليهم اتصال من طرف زوجها
الممرضة حاضر
وعدت الممرضة لجيهة اهلي اللي قعدو متقطعين بيني وبين راجلي اللي مايعرفوش عليه حاجة وجاء معاها عمو محمود
عمو محمود.. وين ولدي انت تعرفه منين
الخاطف .. انا مانقدرش نقولك شئ لكن بيش نطلق ولدك لازم تحكي ليه شنو صار لمرته وهو يسمع فيك تو
عمو محمود .. وهي تقطع في الطريق بعد ماجانا اتصال انك في المصحة ضربتها سيارة ومازالنا مانندرو على شنو صاير فيها
وسكر الخاطف في وجه عمو محمود
احمد
نسمع في كلام باتي وبنموت ومقدرتش نقول كلمة لانه سكرلي فمي واللي قدرت عليه دمعة نزلت من عيني وانا مش قادر اندير شئ ليها ومطر انفذ اللي يبوه لان تكون حية وبعيدة عليا ولاتكون تحت التراب وانا مانقدر نقعد بلاها
عندنا في المصحة
طلع الدكتور عليهم وقبلها حكى لهم عمو محمود شنو صار معاه
وجو كلهم يجارو للدكتور
بابا .. طمنا يادكتور
الدكتور .......