للقدر والنصيب كلمة اخرى

69

#للنصيب_والقدر_كلمة_اخرى

ح69
احمد.. حبيبي نوضي سادك نوم
انا.. نايضة لكن مانبيش نسيب حضنك
احمد.. هيا صحصحي اكيد تو كلهم نايضين حتى عمي وعمتي اكيد جايين اليوم عندنا
انا..هي حبيبي نضت وصليت صلاتي
وغيرت دبشي ولبست قفطان سماوي واسع طوله محير وكمه لعند المرفق ومكتوب عليه كلمة love بلمعة فضية ولميت شعري كعكة فوق واحمد لبس سروال جينز ازرق وعليه تيشرت رصاصي وبشعره اللي بشكل مدرج وبلحيته اللي تهبل وضميته ونزلنا
وجتني ماما تجري هيا وبابا
ماما..خيرك بنيتي قالتلي غالية شنو صار معاك امس
انا.. اهو ياماما مافيا حاجة كيف الجن انا
بابا ..معاش تخوفينا عليك بنيتي
انا.. هو ضغطي هبط بس
بابا..ديري بالك على روحك
احمد.. والله حتى انا خوفتني عليها لكن الحمدلله حالها احسن
وجابت زيزي قهوة ليهم وكابتشينو لينا وقعدنا نشربو
انا..بصوت واطي حبيبي مانكش ماشي للمكتب
احمد.. لا قاعد
انا..اه
وقعدنا هدرزنا وجو حلو واتصلنا باانوار  هدرزنا عليها وجابو الغذاء وتغذينا وهدرزنا وماخلوني اندير شئ وبعدها
احمد.. نوضي نوارتي غيري دبشك
انا.. عليش
احمد.. بنطلعو للمنتزه غيري جو
انا.. هيا معانا وانتم ماتتحركو من الحوش
عمتو .. لا عدو برواحكم نحن بنعدو للمزرعة العشية بنجهزوها لان كلنا بكرة بنجتمعو فيها ومعانا انوار ووسيم وهله 
انا.. به بالك تبوني نقعد اندير حاجة معاكم
ماما .. لا لا عدي بعدين بناخذو زيزي معانا وحتى مرات حارس المزرعة حتعاونا زي العادة
انا.. به امنا بنركب نغير دبشي
وركب احمد وراي
احمد..نوارتي البسي زيي
انا.. حاضر تأمر امر انت
ولبست سروال جينز  ازرق وعليه تيشرت طويلة رصاصية  وكمها طويل ودرت شعري ذيل ولبست انا ويا سبيدروات رصاصية وطلعنا ووصلنا للمنتزه
احمد.. حبيبي انا جبتك هنا وبكل هدوء نبيك تحكيلي كل شئ داستيه عليا
معاش نبي نتفاجاءة بشئ داستيه عليا انا .. عليش حبيبي شنو الفايدة
احمد.. بيش نسكرو كل الصفحات وابدي معاي من اللي صارلك يوم الاسبوع
انا.. بس ماتزعلش مني
احمد.. ابدا
وشد ايديا زين عشان عرفني متوترة
انا اللي صار معاي يوم الاسبوع اني ذكرت ليلة اسبوعي مع يوسف وحسيت كان الشريط بيعاود نفسه وبيصرلي زيه مع ان انت وين ويوسف وين 
احمد.. ماهو اللي شفتيه جديد عليك ولانك ماحكيتي عليها لحد خلف اثر عندك وهذا ليش صارلك هكي لما تكرر معاك نفس الوضع 
انا.. اسفة حبيبي حطيتك في ميزانه
احمد.. عليش الاسف انتي ماحطينيش مكانه لكن انتي الوضع خفتي يتكرر
انا.. ربي يخليك ليا
احمد.. وبه شنو ثاني
انا.. يوم البحر وحكيت ليه شن صار بيني وبين يوسف
احمد توتر وعرفت انه ارتبك
انا.. مش زعلانة منك حمودي لانك قلت ليه لاني عارفة نيتك كانت لو هو مش قابلني بعيبي هذا يسيبني ونحن على البر افضل عشان الوجع اسهل
احمد.. والله هذا اللي كان قصدي وبيش مايجيشي يوم ويتهمك انك كذبتي عليه
انا.. عارفة لكن في هذاك اليوم عرفت قديش تحبني برغم انك وحيد هلك مافكرتش في موضوع الاطفال
احمد.. حبيبتي انتي مشكلتك مش مستحيلة الدكتورة قالت مع شوي منشطات و شوي علاج  بس تكوني تمام
انا.. به الحمدلله وربي يخليك لي يارب
احمد.. ويخليك خلاص معاش داسة حاجة اخرى
انا.. لاهذين بس والله
احمد.. نوارتي نقولك حاجة ماتزعليش مني
انا..قول
احمد.. كيف تعلمتي الكذب
انا.. ماكذبتش انا دسيت بس خوفا عليكم
وبعدين المواقف  تغير  البني ادام لكن ماعلمتنيش الكذب
احمد.. خليك هكي ديمة واضحة ومعاش ادسي عليا شئ
انا.. اندس عليك على خاطر انت تحمق بسرعة وانا نخاف عليك
احمد.. نوعدك اني نسمعك قبل كل شئ ونقولك شنو بندير تمام هكي
انا..هكي تمام
احمد.. حبيبتي نسئلك سؤال بس جاوبي بكل صراحة
انا.. اكيد حبيبي
احمد.. ماتحلميش بشقة او فيلا  بروحك
انا.. وانا وين قاعدة في الشارع يعني
وعليش هذي قريب ثالث او رابع مرة تسئل فيا
احمد.. لان مع يوسف كنتي في فيلا بروحك وعند اهله كانت عندك شقة مستقلة
انا.. اولا الفيلا مالقيتيش فيها الراحة والقدر زي اللي لقيتهن في جناحنا الحلو وثانيا انا لو نبي شقة بروحي كنت قلت ليك اشري وكنت حتشري ليا ولو نبي حتى فيلا كنت حتبني ليا احلى قصر مش فيلا  واذا نبي حوش بروحي راه قلت ليك على حوشكم المسكر اللي حذا اهلي راه صينته وخليته احلى حوش
احمد.. ماهو الجناح صغير مش زي الفيلا
انا .. ههههه وين صغير حبيبي نحن اللي مخلينه صغير نحن لو نفضو صالة الالعاب انديرو منها زوز ديار كبار وبعدين لو مضايقني الصغر على قولتك راه قلت ليك ابنيلي فوق  في الدور الثالث  وراه بنيتلي حوش كبير وبعدين يكفي ان جناحي هذا وانا معاك ومع عمو وعمتو بالدنيا كلها عندي وجناحنا الاصغر عند اهلي يكفيني المهم انتم حبايب قلبي معاي ماعمره المكان الكبير او حتى الفخم يكون هو السعادة
احمد.. ربي يكملك بعقلك ويخليك ليا
انا.. وبعدين حبيبي الفلوس عارفة ان عندك واجد واللي نطلبه من قبل مانتزوجك يكون عندي احسن شئ لا بال تو انا مرتك وشريكة حياتك بيكون اللي نطلبه عندي وزيادة صح
احمد.. اكيد من غير تفكير
انا.. خلاص حبيبي معاش تحط في بالك شئ من الموضوع هذا نهائ ومعاش تفتحه
احمد.. حاضر ياقلبي.   به انا بنحكيلك موضوع دسيته عليك بس ماتزعليش مني
انا..شنو حبيبي
احمد.. تتذكري لما سئلتيني على علياء بنت عمي
انا..اه
احمد..دسيت عليك حاجة وهيا ان علياء  زمان كانت بديرلي قصة اني اعتديت عليها
انا..شنو من جدها هذي
احمد.. اي والله وكانت حتصيرلي قصة كبيرة لولا عصام ولد عمي
انا..كيف طلعت منها
احمد.. لما تمت تقولي انا شنو ناقصني بيش ماتحبنيش قلت ليها كرامة ناقصاتك وانا مستحيل انفكر في وحدة تعرض في روحها عليا مشت قالت كان ماخليتك تاخذني غصبن عنك مانقعد علياء فقلت ليها طول عمري نعرف البنت يغصبوها لكن ولد مامرتش عليا فقالت ليه انديرلك تهمة ماتطلعش منها الا بالزواج على خشة عصام وقاللها جربي اتفكري انقوللهم اللي سمعته كله وطبعا لان عصام ملتزم فمستحيل حد حيكذبه ويصدقها
انا..به ليش دسيت عليا لما سئلتك عليها احمد.. خفت وفي نفس الوقت بنت عمي توجعني
انا.. واللي خلاك تقولي تو
احمد.. لاني بنسكرو جميع الصفحات وتو بتتلاقي انتي وياها واجد على الاقل تفهمي هيا لشنو كانت تفكر بيش تعرفي كيف تتعاملي معاها
انا.. تفكر بس هيا وانا نعرف كيف نوريها
احمد..ربي يحفظك لي يعني مش زعلانة مني
انا..ابدا
احمد.. هي نتمشو
وتعشينا برا لان عارفينهم بايتين في المزرعة وروحنا وطبني احمد الدروج كلهن
انا.. حبيبي ثقيلة  نزلني
احمد.. قالك ثقيلة ماني عارف منين الثقل
انا مرايف عليك واجد
انا.. حتى انا
وحطني على السرير طول
انا.. به حبيبي استنى نغير دبشي
احمد.. تو نحوله نا لك انتي ما اديري شئ
وحول التيشرت بتاعه وحي عليا من صدره وتفاصيل جسمه وعضلات بطنه  اللي مقسمة ولونها  القمحي الحلو وحول باقي دبشه ودبشي ومعاها بوسات واجدة وبعدها ...........
انا.. انت ماتصبر بكل
احمد.. معاك انتي انا منين بنجيب الصبر
انا..حبيبي الاسبوع الجاي بيكون موعدها ونبي ثاني يوم جيتها بنعدي لدكتورة
احمد.. لا مش مستعجل انا خليها حتى الشهر الجاي
انا..بدلع عليش حبيبي
احمد.. استني شوي
وفتح الدرج وطلع تذاكر 
احمد.. لان نحن بنسافرو بنمشو شهر عسل متاخر
انا..جد حبيبي
احمد..اكيد جد وهذين التذاكر انا ماقلتش ليك نين طلعت التأشيرة لانها عطلت قديش ليا نجري عليهن
انا.. حضنته ربي يخليك لي يارب  لكن وين بنطلعو
احمد.. نمشو اسبوعين فرنسا واسبوع  لندن واسبوع دبي
انا.. احلى مفاجاءة بس ليش مش تركيا
احمد..تركيا ديمة نمشولها قلت نغير
انا.. ربي يخليك لي يارب وبسته  بوسة كبيرة على ...... وهو كمل .........
ورقدنا ونضنا الصبح ودرنا المعتاد وطلعنا للمزرعة
انا..حمودي قبل مابنسافر بنعدي لهبة بنشوفها خيرها وشنو صار بينها وبين وليد ومرات حتى انت تدخل لو اطر الامر
احمد.. ان شاءالله حبيبي وانا اي مساعدة حاضر
انا.. يحضرلكك الخير ياقلبي
ماما.. تعالي نوارة وانتي لاصقة في راجلك
احمد.. كنك عمتي معاها
ماما.. ايه عاد نحن وصلنا في نوارة هو انت محاميها من قبل لابال تو
انا.. ماما خلاص
ماما.. هي امتى بتفرحوني زي انوار
انا وجهي تغير واضايقت
احمد.. عميمة مانيش مستعجل مازالت عريس انا
عمتو .. غير ما طولوش علينا مشتاقين لصغار منكم
انا.. ان شاءالله عميمة
وطلعت برا حسيت خاطري ضاق جاني احمد وضمني من الخلف
احمد.. حبيبتي ما اديري شئ في بالك ولاتقولي لحد اي شئ
انا.. خايفة عمتو تتغير عليا لو عرفت مشكلتي
احمد.. ابدا معناها ماتعرفي عمتك شكلك
انا.. خايفة ياقلبي
احمد.. هبة تعرف
انا.. لا
احمد.. احسن ماتقوليش لحد خليه بينا حبيبتي باهي
انوار .. مش سادكم الحوش ليكم ثلاثة شهور ومازالتو تقول تو متزوجين
انا واحمد بعدنا على بعض وجيناها نحن الاثنين حضناها
انوار .. صدقتكم بتحضنوني مازال بتكملو حضنكم بس
احمد.. تحشمي يافرخة
انوار .. بنجيبه منكم الحشم شكلي
انا..طاول لسانك راه اشتقت ليك والله
انوار .. وانا اشتقت ليكم واجد
احمد.. ادوري فينا واجد
انوار .. والله ياقلبي الوحم دايرها فيا واجد ومتعبني
انا.. لاباس عليك ياقلبي
انوار .. الفال ليك يارب
احمد.. مازال نحن نبو نكملو دهوير اللي بسببك اجلناه وانتي مشيتي
انوار .. كيف بتسافرو
انا.. اه بنطلعو شهر عسل متاخر الاسبوع الجاي اخره
انوار .. وين ماتقولوش تركيا كرهت امها
انا.. لا صقع عليك
انوار.. وين بسرعة قولو
احمد.. باريس اسبوعين ولندن اسبوع وبعدها دبي اسبوع
انوار .. حيي على امكم حي خوذوني معاكم
انا واحمد   ههههههههه
انا.. وين بناخذوك تساحبي روحك بروحك
وسيم .. عند السفر اتبيعنا كلنا
انا واحمد سلمنا على وسيم
احمد.. انوار والسفر ماتعرف واحد
وسيم .. والله كان تبي نمشو بما ان مازال الوقت على كليتها
انا.. نسيتها بكل مازال عليها شهر بس
احمد.. ماتخمميش منسق اموري عمي عمر بيجدد لنا القيد وانتي بتقري نظامي السنة
وسيم .. ربي يهنيكم ويبجبكم طيبين ومحملين زينا
انا.. تحشمت واستاذنت منهم
وخشيت لماما وعمتو وسلمت على اهل وسيم ومشى جو يهبل وبتنا في المزرعة وحتى انوار ووسيم لكن اهله روحو
احمد.. كيف بنرقد الليلة بلاك
انا.. والله ماني عارفة حتى انا بمجرد ما بابا قال باتو معاش عرفت كيف بندير
لكن لازم نعودو روحنا لان مرات تصير مناسبات ونطرو كل واحد يبات بروحه
احمد.. غير شنو يفوت الليلة
انا.. تفوت ياقلبي وبسته وخشيت
وقعدت نتقلب ماعرفتش نرقد الحق نين رن فوني لقيته احمد
احمد.. اطلعي حبيبي وجيبي معاك غطاء
انا..به
وطلعت لقيت احمد مفرش تحت الشجرة اللي في الجنان الخلفي
احمد.. والله مافيها كيف بنقعد للصبح واعي بلا حضنك
انا.. احسن مادرت
ولفينا بعضنا وتغطينا ورقدنا احلى نومة ريحة التراب تهبل  حتى زرقت الشمس ماوعتنا  ماحسينا بيها مظللة علينا الشجرة نين رن فوني الساعة 8 ونص لقيتها انوار
انا.. خيرك على الصبح
انوار .. نوضي ياحنة من حضن راجلك ياسرك قبل ماينوض باتي او بابا حتى انا اللي تزوجت بعدكم مادرتها
انا.. هييي نضت
بصوت واطي حبيبي بنوض قبل ماينوض بابا او عمو
احمد.. ومازال راقد باهي ياعمري
بنصبي فتح عيونه استني
انا..شنو حبيبي
احمد.. عطيني بوسة حلوة
بسته على خذه اليمين وخذه اليسار وبسته بسرعة على فمه قبل مايشدني
وخشيت للاستراحة
انوار .. خزي هذا كله حب
انا.. تسحابيني زيك ياودي مانقدر  نرقد بلاه
انوار .. حتى نا طولت امبارح مارقدت لكن الحق في بداية الحمل رقدت واجد بروحي على خاطر كنت مش طايقة روحي لكن تو عادي
انا.. جربت نرقد ماقدرت فهو دار راي وعليك رقدة تهبل
عمتو .. ربي يهنيكم
انا.. تحشمت قصدك عمتو شفتينا
عمتو .. انا وامك فطنا بيك لما رن فونك وخذيتي غطاء وطلعتي مش عيب حبيبة
نحن على عشان وسيم بس كنهدا مارقدتي الا وانتي واحمد في دار بروحكم
انوار .. يا امي والله حتى الشجرة اللي راقدين تحتها تهبل سهفوني على الرقدة تحتها
احمد.. صباح الخير
عدى فراشي قاعد ماحولتاش
ماما.. عدي انوار حتى شوية انتي مرا حامل تو
انوار .. هي نوارة معاي
انا..بنجهز الفطور مع زيزي حرام تاعبة  امس
ماما .. تو نعاونوها انا وعمتك
انا..به
ومشينا انا وانوار
انوار .. تعرفي منظركم يهبل ونحن طولنا نتفرجو عليكم 
انا.. من معاك نهارك الاحرف ان شاءالله مش وسيم
انوار .. لا انا وماما وامي
انا.. اه
انوار .. لاحظت ان الحشم عندك خف نوارتي
انا.. مع احمد لقيته طاير بكل وكان نلقى ديمة حاضناته وتمددت جنب انوار
انوار .. حبيتيه كزوج 
انا.. حبه ليا خلاني مش نحبه لا نموت فيه ومانتخيلش حياتي كيف بتكون بلاه وكيف فكرت في يوم نرتبط بغيره
انوار .. ممكن ربي كتبلك في الاول يصير هكي بيش تحبي احمد زي تو
انا.. اكيد لان ربي ليه حكمة في كل شئ
انوار .. ونعمة بالله
وجاء احمد وصورنا ونحن راقدات على الفراش تحت الشجرة
احمد.. منظركن يهبل
هي نوضو الفطور واتي ولمن الفرشات معاكم
انا.. رقدت كويس حبيبي بصوت واطي
احمد.. وانت في حضني حتى على الشوك مرتاح
انا.. ربي يخليك لي
انوار .. هييي خيركم انتم شنو اللي صاير معاكم
احمد.. شئ نحبو بعض بس وعدى
انوار ..نوارة والله خيركم انا اللي خذيت على علاقة حب مش هكي صاير فيا
لكن انتم حتى عيونكم لما تشوفو لبعضكم تتكلم بالحب لدرجة غرت
انا.. حبيبة امور واجد صارت هي اللي خلتنا بحالة الحب هذي واصلا كان تركزي شوي قصتنا انا واحمد غريبة شوي وتو نقمعزو ونحكيلك عليها بعد مانروحو ومشى يوم اخر جميل وروحنا من المزرعة ودوشت واحمد دوش وعدى احمد للمكتب يبرم عليه وانا قعدت نكمل في طلبية عندي قبل السفر نين روح احمد وتعشينا ورقدنا وثاني يوم مشيت من الصبح لهبة
انا.. صباح الخير عمتي
عمتي .. صباح النور نور حوشنا بنيتي
انا..منور باهله هبة وين
عمتي    ..راقدة قاعدة خشي للدار نوضيها
انا.. تمام عمتي
هبة هبة نوضي يافرخة
هبة عين مفتحة وعين مغمضة .. شنو حالمة بيا شكلك
انا.. اه حالمة بيك صبي
ناضت هبة وغسلت وجهها وصلت
انا ...جبت بريوش مازال ساخن ديرلنا كابتشينو وخلينا نحكو
هبة .. تمام