للقدر والنصيب كلمة اخرى

13

#للنصيب_والقدر_كلمة_اخرى

ح13
بنحكيلكم موضوع عشان انا مانعرفش اندس عليكم وفي نفس الوقت اللي خلاني مانحكيش من قبل على خاطر تاكدت من نفسي قبل
احمد ابتسم لي ومدلي امية
هشام 
انا لما قالت هكي قلبي قريب وقف لاني خايف انها بترتبط بي احمد خصوصا انه ابتسم ليها وعطاها امية كانه عارف شنو بتحكي وانا لو ترتبط باي واحد نقدر نخرب عليها الا احمد صعب صعب وقعدت نسمع ونقول في خاطري يارب مش احمد
انا ..حكيت قصتي مع يوسف كاملة مع بعض الحاجات لغيتهن زي ماقالي احمد ماتقوليهنش وطبعا ماخلاش الموضوع من هزايب البنات وبالذات هبة على خاطر ماحكيتش من الاول
والاولاد فرحو ليا وقالولي اخير فتحتي قلبك للحب وانتبهت لهشام  اول مرة يبتسم من قلبه لان ليه فترة قالب وجه ومعرفناش السبب وتوقعنا كلنا انه يحب لكن كلنا كنا مانبوش نضغطو عليه نين يحكي بروحه وهدرزنا وغيرنا جو
وجاء بابا روح بينا البنات كلهن لان كل وحدة من هلها مش فاضي
وروحت للحوش واتصل بيا يوسف
وقعدت نهدرز انا وياه وطبعا اب يوسف يعرفه بابا كويس لانه حالته المادية مرتاحة واجد وعنده اشغال واجد في الدولة وهذا ليش بابا يعرفه كويس
يوسف ..عبورة
انا..نعم
يوسف ..نحن تعارفنا على بعضنا وتقريبا عرفنا بعضنا كويس وبالذات اهالينا يعرفو بعض وتقريبا مشاعرنا واضحة
انا...به
نسمع وقلبي يدق يبي يطلع مني وتقريبا فاهمة شنو بيحكي
يوسف ..وبما انك مش بتاعت علاقات ولا انا نحبهن وانتي تقريبا الوحيدة اللي دقيت بابك وطلع احلى باب والحق انا معروف عليا جدي ومانحبش اللف والدوران وتقريبا حتى انتي هكي
انا ..اكيد
يوسف ..بنجيب هلي وبنخلي كل حاجة رسمية وحتى الفرح بنطلعه بسرعة لاني نبي نجيبك حداي الحق هالوجه السمح مستحيل نخليه بعيد عليا واجد
انا..انحرجت وقلت ليه
معقولة انا سمحة للدرجة هذي
يوسف .. بشرة صافية وبيضاء وخدود وردية تقول بيبي وشفايف تقول حبتين كرز وجسم رشيق وواضح فيه الاهتمام وشعر ناعم واشقر  وطويل واجد شنو نبي اخرى
انا ..نحرجت بكل تسلم يارب
يوسف ..هيا خليني بنطلع نكلم عبدالسلام بيش هو يتولى الموضوع
انا...حتى انا بنكلم احمد بيش يجيب عمتو غالية عشان نحكي ليها هي وماما
يوسف ..لازم خالتي
انا... خيرك تنسى انت مش قلت ليك عميمة هذي زي امي
يوسف .. تعرفي من حظي اني محبوب عند خالتي وعمي محمود على خاطر واجعه ان امي وباتي تفارقو وتربيت بعيد عليهم
انا ..الحمدلله عشان مانلقاش من يعارض مع اني طالما احمد معاي معاش نخمم
هيا سلام امنا
يوسف .. سلام
اتصلت بي احمد وقالي به تو نجيبها وطبعا احمد حيقعد  معاي لاني مانقدرش عليهن بروحي من اسئلتهن هو الواحد مع ام وحدة وويوحل لابال اثنين
عند يوسف وعبدالسلام
عبدالسلام ..ها شفتها شن شكلها وبنت من طلعت نعرفوها او لا
يوسف .. بشوي بشوي تو نحكيلك كل حاجة
طلعت تجنن هي ديمة تقول على روحها متوسطة الجمال بس انا نقولك شكلها وانت قولي
بيضاء واجد وصافية بشرتها وخدود وردية تقول بيبي وعيون عسليات على الفاتح نين مرات تحسهن خضر صغار شوي بس مش شينات وشفايف ماتفهم شئ حمر على طول تقول حاطة روج 
وشعر ناعم حرير واشقر وشكله مش مصبوغ لاني شايفة من اول سنة جامعة ونفس اللون وطويل واجد لتحت الموخرة بواجد وهذا وهي رافعته فوق تخيل لما يكون مفتوح وقصيرة شوي  بالنسبة لطولي  لكن هي تعتبر طولها معقول لكن جسم واو متناسق ومهتمة بروحها وحتى لما كنت نحكي معاها قبل مانشوفها تلعب في رياضة حاجة من الاخير ماتفهم شئ وطبعا قمة الانوثة لما حكيت معاها وجه لوجه رغم وعارتها وجديتها الا انها اتحشم واجد وفي وقتنا صعب تلقى بنت اتحشم الا من رحم ربي وحتى اللي تلقاه اتحشم احكي معاها شوي يطلع حشمها تصنع
عبدالسلام .. ياراجل في شنو توصف انت متاكد انها بشر
يوسف ..حتى انا منصدم فيها لانها على قد ماتوصف في شكلها لي عمري ماتخيلتها تطلع هكي
واه تعرف طلعت هي بتاعت القيلات اللي حكيتلك عليها تخيل
عبدالسلام ...هههههه تذكر يوميتها شنو قلتلي
يوسف .. لا شنو
عبدالسلام .. قلت لو كان عبير تطلع تشبه البنت هذي ولو شوي تبدا ملكة جمال
يوسف ...سبحان الله طلعت هي بحد ذاتها نصيب ربي يحبني شكله  وباب عرش مفتوح وطلعت بنت عمر فلان عرفته
عبدالسلام..من جدك تحكي
يوسف .. اه من جدي اكيد
عبدالسلام ...ايه ياراجل انت طحت مصبي عمر فلان معروف وانا نعرفه شخصيا راجل لاقوة الا بالله 
يوسف ..معناها حرك روحك نبي حاجة جدية مانبيش نقعد تقول مراهق
عبدالسلام ..غير تعرف عليها كويس معقولة تخش هكي عليها ومراهق في شنو
يوسف ..هيا عمرها مادارت علاقة وتعرف لانها شخصيتها ملفتة كنت نشوف فيها من سنة اولى جامعة وعمري ماشفتها تحكي مع شاب الا شلتها وشلتها فيها احمد ولد خالتي غالية  بس وكنت ديمة نتابع فيها بعيوني وبعدين صح هنا فترة شهرين نحكي معاها على الفون عرفني بيها كويس ومانبيش نقعد مراهق لاني بنبدا ذايب على شوفتها انا من تو كان نلقى نمشي نشوفها
عبدالسلام ..صار تعرفعها قبل
يوسف ..لا منعرفهاش لكن لما شفتها عرفتها وهيا كانت شاطرة حتى لما كانت تحكي على شلتها مكانتش تحكي في تفاصيل واجد بيش مانزبطش هيا من ولكن هيا عرفتني من ومع ذلك ماحاولتش تشوفني بدون ما انا نشوفها
عبدالسلام .. كيف تقدر تشوفك وعرفاتك قبل ماتشوفها
يوسف ..ماهي عبير تبقى نوارة ورغم اني نمشي لخالتي لكن نشوف فيها خطف ماتخيلتهاش حلوة هكي  عبدالسلام ...تحكي جد انت
يوسف ..والله تخيرك مش مركز لما قلت لك على اسم بوها
عبد السلام ..مركز ياراجل غير قلت اكيد اختها لان نوارة زي مانعرفو شور احمد
يوسف ..هذا نحن اللي فاهمينه لكن العلاقة اللي بين نوارة واحمد مش هكي بكل
وحكيت لعبدالسلام على العلاقة اللي بينهم بحكم ان عبدالسلام مش ديمة يجي لخالتي الا اذا في حاجة
عبدالسلام ..سبحان الله على قد ماتمنيت نشوفها يجبها النصيب وحتكون مرات خوي
يوسف ..قول ان شاءالله وهمتك معاي باسرع وقت لاني مانتحملش تقعد بعيدة عليا واجد
عبدالسلام ...ارزن ياراجل
يوسف ..والله كان تشوفها اطيرلك عقلك
عبدالسلام ..انا اللي عندي مطيرته وزيادة
خلاص كون هاني حنحرك روحي بسرعة بيش يطلع فرحك مع فرحي في الصيف الجاي ان شاءالله
يوسف ..مع انه واجد للصيف الجاي لكن نتحمل ونصبر روحي بالفاتحة
عندنا
جاء احمد وعميمة غالية وطبعا حكى احمد الموضوع وطبعا الاسئلة كاني في جبهة نرد على عميمة تسئل ماما نرد على ماما تسئل عميمة وهذا كله واحمد يجاوب عليا مرات ماما قالت بعد طول نقاش وتحقيق طويل وعريض
ماما..والله شكيت من سهرك في الليل على التيلفون ومابيتش نسئلك لاني مطمنة ومتاكدة ان حميدة عند العلم عشان عارفاتك ادسي علينا كلنا الا احمد
انا ..به طالما مطمنة ان احمد يعلم به ليش التحقيق هذا كله تقول دايرة جريمة
عمتو  غالية .. حتى انتي نوارة القلب
اضبطت عميمة غالية ودمعن عيوني
احمد ..كنك تبكي بس
انا .. من الفرحة قديش عندي ناس تحبني وكيف ربي يحبني بدل الام اثنين والاب اثنين واخ كبير يهبل وعسل واخت واخين صغار يجننو الحمدلله يارب ويحفظكم لي
انوار ...نسمع في واحد يشكر فيا
عمتوغالية ...يقدر حد مايشكرك وانا قاعدة
انوار ..ربي يخليك لي يا امي 
انوار جت لاحمد وهمستله
وطلع احمد مع انوار ومش عارفة شنو حكت معاه
خش احمد وهو يضحك
انا ..دوووم يارب
احمد .. اليوم شكله يوم الاخبار الحلوة
ماما ..خير ان شاءالله ديمة الاخبار الحلوة يسمعنا ربي
عمتو غالية ..هيا تكلم
احمد .. انوار جايها عريس او بمعنى اصح حتى وسيم يبي يتقدم رسمي لانوار بما انها كملت الشهادة
طبعا وسيم وانوار يحبو بعضهم من اول ثانوي هو اكبر منها اخر سنة جامعة وكان كل مايبي ايتقدم تقوله مستحيل حد يوافق نين نكمل الثانوية على الاقل وطبعا صبروا على بعض وذابو في بعض وطبعا في البداية انا واحمد نعلمو وبعدين عمتو وماما علمو
ماما ..قعدت تبكي وتقول بناتي الاثنين في وقت واحد واجد عليا ياربي
عمتو غالية ..مشت لانوار تبكي حتى هيا واضبطت انوار وقعدت تقول بنيتي كبرت وبتعدي وتسيبني
انوار ...امي والله ماني مسيبتك وهو عارف مانقدر نستغنى عليك انتي وباتي
وقعدن ماما وعمتو غالية دايرات مناحة وانا واحمد وانوار نهدو فيهن وغيرنا لهن جو واخير
وجاء بابا وعمو محمود وطبعا خشينا انا واحمد وانوار وخلينا امهتنا يحكو لهن
احمد ..بتخلني وبتعدن وكل وحدة تلهى في راجلها كيف اندير بلاكن
جت انوار لاحمد وحضناته لانه قالها وهو عيونه مرقرقات وانا جيته ومسكت فيه
انا ..ياهبل انت وخينا وسندنا وحبيب قلبنا انت الاول في كل شئ انت ظهرنا اللي ننسندو عليا لو ظلمونا رجالتنا انت عزنا
نقول في الكلام هذا وقلبي يعصر فيا وخايفة فعلا نبعد على احمد
انوار ..احميدة والله الراجل اللي بيمنعنا عليك مانبوه هذي خليك متاكد منها
احمد ..ربي يخليكن لي
ماما تنادي فينا احمد انوار نوارة هيا تعالو
انا وانوار قلبنا وقف وجمدنا مكانا واحمد قعد يضحك علينا