للقدر والنصيب كلمة اخرى

15

#للنصيب_والقدر_كلمة_اخرى

ح15
انا...ان شاءالله خير
يوسف ..خير
شوفي انا فاتحت عبدالسلام خوي واليوم اكيد حكى مع باتي ومش بعيد بكرة حيمشي يكلم عديله عمي محمود والحق انا نبي نقرا فاتحة
انا ...شنو قصدك عقد قران
يوسف ...اه
انا..نحن مانقروش فيها انديرو في بيان وتلبيسة ودفع بس لكن فاتحة ماضنيش بابا يوافق
يوسف ...لازم  يوافق اولا على خاطر محد يقولي شنو ادير واقف معاها ثانيا لما نقولك ما ديريش هذي ماتقوليش ليا لما تقعد زوجي رسمي انديرها
انا
مصدومة لاني حسيت وعارة طبعه بانت وخفت شوي
انا.. شنو انت تبي تحكم فيا امنا انا راه مايحكم فيا حد انا نخاف من ربي وعمري ماغلطت  مع هلي ولما بنجي بنغلط نغلط مع اللي بيكون راجلي يعني
يوسف ..ليش فسرتيها هكي
انا..امنا شنو وضحلي
يوسف ..انا لاني والله نحبك صح مليا شئ نعرفك لكن هكي حبيبتك حبيتك يابنت نرقد ونوض وانا نفكر فيك لدرجة حتى عبدالسلام استغرب تعلقي بيك بالدرجة هذي
الحق عندي حدود مانبيش مرتي تتعداهم
انا ..انا نعرف حدودي ونعرف شنو اللي بيضايق راجلي واكيد مستحيل انديره
يوسف ...حبيتيني عبورة
انا .. سكتت لاني مانبيش نكذب عليه انا اعجبت بيه لكن حب مازال مانحسش روحي نحبه
يوسف ...وينك سكتي سؤالي ماهوش صعب لدرجة هذي
انا ..مانبيش نكذب عليك وخايفة تزعل
يوسف ..الحق حتى ويضايق ويزعل لكن نبي نسمعه لاني مانحبش الكذب
انا ..انا متعلقة بيك ومعجبة بيك واجد وحتى لما اطول ماتتصلش نبدا ماشية جاية نشوف في فوني لكن حب مانقدرش نقول نحبك لاني نحس في روحي مازالت ماوصللتها
يوسف ..باه وهذا شن فيه يزعل او يضايق انا راضي حتى بهكي يكفي اني اول واحد في حياتك هذي بروحي كافيتني بس لما تحسي روحك حبيتيني قوليها لي
انا... اكيد حنقولها لك وفعلا انت اول واحد في حياتي
بنقولك يوسف
يوسف..نعم
انا..الاسبوع هذا طبعا مش حنقدر نكلمك واجد
يوسف ..عليش
انا ..على خاطر الاسبوع هذا عرس احلام اخت سند  وبنمشو من يوم الاحد بنباتو عندها
يوسف ..وكيف يصير في هلي انا قلت لعبدالسلام نبي نبعتهم هاليومين
انا..اجلها على خاطري للاسبوع الجاي لان حلومة بروحها ومانقدروش نغيبو عليها
يوسف ..ليش تحكي بصفة الجماعة
انا..ماهو انا وهبة وهنادي واصالة  وانوار
يوسف ..ماشاءالله ربي يدوم الود بينكم
انا..امين يارب
انا نبي نرقد عندي مراجعة بكرة
يوسف ..ماحكيتيش ليا شنو اللي صاير معاك قبل ماتوضحيش في حكيك عشان مانزبطش انتي من لكن تو نبي نعرف
انا ..الصيف اللي بعده بنخش سنة اولى جامعة خبطتني سيارة وضربة كانت قوية لدرجة رقدت اسبوعين في العناية المركزة غيبوبة مانعلم بحاجة وبعدها فقت لقيت روحي حوضي متكسر اكثر من كسر ومشى عليا صيف يع بكل
يوسف ..حمدلله على سلامتك
انا..الله يسلمك يارب
يوسف ..باه شنو قصة القيلات والدروج واحمد ليش شرى سيارة جديدة على خاطرك
انا ..وصلتكم ان احمد شرى سيارة على خاطري مسرع
يوسف ..تصدقي نقولك حاجة تو تستغربي
انا..شنو
يوسف ..عائلاتنا مركزين واجد على علاقتكم ببعض انتم وعيت خالتي لدرجة ابسط شئ تلقيه انتشر في العيلة كلها
انا..عليش التركيز هذا
يوسف ..اولا احمد وثانيا فلوسه
انا ..كيف شنو قصدك
يوسف ..عبورة كنك التركيز غايب عليك
انا..والله مافهمت
يوسف .. احمد شكله ماشاءالله عليه وجذاب وطبعه حلو رغم وعارته وفلوسه لان خالتي غالية تعتبر الوحيدة في خواتها وخوتها حالتها المادية فوق الريح وغير هذا عمي محمود يحلف براسها مايحنث ومتخيلين  ان احمد مايبيش يتزوج بسببك انتي
انا .. لهدرجة ماهو انت بوك حالته المادية مرتاحة
يوسف ..اهو قلتيها باتي لكن امي الراجل اللي متزوجته حالته عادية مستورة
انا..سامحني بالله
يوسف ..عادي انا مانتحسسش منه الموضوع هذا
مارديتيش عليا على القيلات
انا..الاسبوع اللي قبل الامتحانات زلقت من على الدروج ولما مشيت للدكتور قالي تعرضت لرضوض بسيطة لكن حوضي اصيب برضة قوية وعلى ضوء الرضة قالي المشي نمشي عادي لكن الدروج لازم من مساعدة ورفع ثقيل وبدل مجهود كله لا طبعا لدرجة حتى السوق اكثر حاجة يمشي احمد وانوار
يوسف .باه ليش احمد شرى سيارة على خاطرك
انا..شنو تحقيق هو
يوسف ..لا والله فضول بس لان نعرفو احمد الكروزر روحه حتى تخرب يشري زيها مايستغناش عليها بكل 
انا .. عشان لما اهلي سافرو لدرنة احمد رفعنا لحوشنا الثاني  بيها وهيا تخض واجد السيارة لدرجة حسيت بوجع بمجرد ماوصلت الحوش رقدت طول من الوجع ولما استغرب احمد قلتها له وكان عندي ثاني يوم مراجعة على اساس احمد بياخذ سيارة عمو محمود وبعدين ضربت في دماغه شريت السيارة وناض الصبح ثاني يوم شراها ومشينا بيها للمراجعة وحتى بكرة بيرفعني للمراجعة بينوض الصبح بيمشي لحوشهم يبدل السيارة ويجي يرفعني وهذي قصة السيارة
يوسف ..اه ربي يحفظه خايف على مراتي
انا ..تحشمت وسكتت
يوسف ..نجيه الحشومي
انا ..هي عطيني الاذن مع اني عندي هدرزة واجدة لكن خليها مرة ثانية
يوسف ..حتى انا والله عندي كلام واجد لكن طالما عندك مراجعة خليهن مرة ثانية
انا..تصبح على خير
يوسف ...وانت من اهلي
انا ..ضحكت عجبتني الكلمة وسكرت
وجيت بنتكي خطر عليا احمد قلت نطلع نشوفه
طلعت نشوف في احمد لقيته قاعد واعي ويتفرج على تي في على فيلم في mbc2 وشكله فيلم حلو
احمد ..مازالتي نايضة
انا .. كيف سكرت من يوسف
احمد ..عدي ارقدي
انا ..بنتفرج معاك على الفيلم شكله حلو
احمد..باه لكن كان تجنتلي واديرلنا كابتشينو
انا ..ياسلام ادلل
خشيت اندير فيها وقلبي مرتاح لاني حسيت احمد مرتاح ومش صايره له حالة زي ماصار مع المعفنة حميدة
درت لي وله كابتشينو وجبت كيكة لاحمد
احمد ..صحيتي
انا ..تدلل انت
احمد ..كنك مش جايبة كيكة ليك
انا ..خيرك احمد ماهو عارف ان الحلو بعد الساعة ٦ معاش ناكل الا اذا في مناسبة  لابال تو السير عاطل
احمد ..كنه وليش ماقلتيش
انا..شافه بابا قال المحول الكهربائي يبي تبديل واتصل بالوكيل بيش يجبوه لنا
احمد ..اه باه كنهدا السير اللي غادي قاعد نجيبه لك نين يصلح هذا
انا ..لا خليه اصلا الاسبوع هذا عندنا عرس حلومة وبنقعدو عندها وبعدها ساهل
وقعدنا نتفرجو على الفيلم ومرة مرة نشوف لاحمد لانه كان حاط فراشه تحت وانا متكية على الكنبة وشكلي مانندري على روحي رقدت
نضت الصبح لقيت روحي في سريري راقدة ومتغطية لما اذكرت تحشمت اول مرة انتحشم ان احمد رفعني لسريري مع انه مش اول مرة ايدير فيها لكن اذكرت ضمته اخدودي سخنو وقلت لروحي خلاص معاش بنفكر جت عفوية
احمد ... نوارة نوارة نوارة قلبي
انا..نعم حمودي واعية هي شوي ونجي
نضت دوشت وتوضيت وصليت وغيرت دبشي ولبست نفس لبست اخر يوم في الامتحان وطلعت
احمد ..صباح الورد نوارتي
انا ..صباح الياسمين رايق اليوم
احمد ..الحمدلله
انا ...دووووم
احمد ..هيا نفطرو
خشينا المطبخ لقينا ماما
صباح الورد ياغالية وبستها
ماما ..صباح النور
احمد ..ها عميمة الفطور واتي
ماما ..هيا قمعزو بنجيب التوست بس
انا واحمد نفطرو وماما قعدت احدانا تهدرز
ماما ..غريبة لابسة لبستك هذي وانتي اخر طلعة طالعة بيها
انا .. عاجبتني ومريحة
ماما ..حتى هو ذوق احمد
انا ..اكيد
احمد ...شنو تلسنن فيا تو
ماما .. يامعفن نحن مانقولو الا في الحق
انا ..هيا احمد وقت على الموعد
احمد .. واتي انا
وطلعنا واذكرت القيلات
احمد ..قاعدات في السيارة
انا ..سلمه يارب اللي ماينسى حاجة
ومشينا للمستشفى ولقينا قبلنا حالة وقعدنا نرجو
وطلعت وخشينا وشاف الدكتور الصور الجدد وقال وضعي تمام لكن القيلات مازالن اقل حاجة شهر ثاني
انا .. يادكتور صيف جاي وانا نبي نسافر والبحر معقولة بنقعد بيهن
الدكتور.. السفر السباحة كله عادي الدروج بس لازم بالقيلات
انا سكتت ورقتلي والدكتور غيرلي المسكن لمسكن اخف بحكم ان الوجع بروحه تما اخف
طلعنا لكن احمد طلعني وقمعزني ورجع للدكتور
احمد
خشيت على الدكتور ومانبيش نوارة تسمع الكلام اللي بيدور بينا
يادكتور معليش بنسئلك على نوارة قصدي عبير 
الدكتور ..تفضل
احمد .. هيا يادكتور قريب تزوج يعني ممكن الصيف الجاي تكون في حوش راجلها ونبي نعرف ان اللي تعرضت ليه ماليشي تاثير عليها من ناحية الزواج
الدكتور ..فاهم شنو تقصد
بالنسبة للزواج عادي مافي شئ ياثر عليها لكن
احمد
حسيت قلبي بيوقف وقعد يدق بقوة وخفت واجد
وبصوت يرعش لكن شنو يادكتور
الدكتور ..ممكن ياثر على الانجاب
احمد ... قصدت معاش تقدر بكل او احتمال
الدكتور ..انا مش اختصاصي لكن حتتعب بيش يصير حمل يعني لازم علاج لكن احسن حاجة شوف مختص
احمد ..انا مانبيهاش تعرف لانها حساسة واجد والموضوع هذا مش ساهل
الدكتور ..تقدر ترفع الاوراق لدكتور مختص والصور بدون ماهي تعلم
احمد ..شكرا يادكتور وانتمنى الكلام هذا بينا
انا .. رن عليا يوسف يطمن علي مراجعتي وطمنته عليا انا سكرت على طلعت احمد
انا .. وين عطلت
وحسيت وجه احمد متغير كانه سامع حاجة
احمد .. مافي شئ غير كنت نسئل في الدكتور على حاجة شوري
انا .. وجك يا احمد متغير زي اللي سامع حاجة شن في
احمد ..مافي حاجة يانوارتي غير انتي يتهيالك
انا ..به
طبعا احمد فيه طبع يع بكل مهما تحاولي تسئليه كان مايبيش يحكي مستحيل يحكي ولان كلنا عارفين بعد سؤاله مرتين معاش اندور ونصبرو عليه نين هو بروحه يحكي
احمد ..هيا نروحو
انا ..حمودي بنروحو طول للحوش
احمد ..تبي تمشي لمكان
انا ..اه انا شوف قديش ليا ماطلعت
احمد.. وين تبي تمشي وانا حاضر
انا ..هي نمشو للمنتزه
احمد ..هيا ليش لا نتغذو غادي
انا ..تمام وفرحت واجد خصوصا من طيحت الدروج وانا ولا طلعة من الكلية والمستشفى والباقي الحوش
احمد اتصل بماما وقاللها وانوار قعدت تعارك لكن احمد قعد يحايل عليها تهدا ووعدها مرة اخرى يرفعها هيا