للقدر والنصيب كلمة اخرى

76

#للنصيب_والقدر_كلمة_اخرى

ح76
ومرة اتصلت باحمد قبل المغرب ولاني خايفة بالذات بعد عرفت ان الحاج محمد روح وفي نفس الوقت خاطري في حوت بنقوله كان لقى مطعم يجبلي
انا.. اهلين حبيبي وينك
احمد..بصوت عالي  نوارة تحشمي على وجهك راه زودتيها على حدها شنو تشوفي فيا عيل كل شوي متصلة راه كبدي درهت
انا.. والله طوط طوط طوط سكر في وجهي
قعدت مصدومة وحاسة قلبي بيطلع مني احمد حبيبي عمره ماهزبني وعمره ماقالي كلام زي هذا اصلا انا كنت بنقوله يجيبلي حوت خاطري فيه وقعدت نبكي ونبكي ونبكي ومنهارة وقبل المغرب بشوي غسلت وجهي ونزلت قعدت نجهز مع عمتي وماما في الفطور
ماما.. خيرك نوارة
انا.. مافي شئ ماما
عمتو .. شنو زعلانة من حاجة
انا.. لا ياعمتو غير انحس في روحي راسي مصدع شوي وراسي دايخ
تفاجئت باحمد خاش
احمد.. كنك نوارتي وجاء مسكني
انا
بحتت فيه باستغراب كيف كان على الفون شئ وتو شئ اخر وعلى وجهي الاستغراب
انا.. مافي شئ غير راسي مصدع شوي بس شكله من الصيام ماتشغلش بالك وحولت من حذاه ولهيت روحي بالتجهيز وهو يراقب فيا بعيونه وانا دايرة روحي مش مركزة واذن المغرب وصلينا وقعدنا نفطرو لكن انا ناكل من غير نية ماخاطري في شئ
عمو .. كولي نوارتي كنك ماتاكلي
انا.. ناكل ياعمو
بابا.. موسى ياكل خير منك
انا.. ههه عمو
عمو .. نعم
انا.. نبي حوت ياعمو
عمو .. ادللي هذي بس تبيه طايب والله ني
انا.. نبيه طايب
عمو .. حاضر نصلي التراويح ونجيبه لك
احمد بهمس .. كنك ماقلتي لي
انا.. اتصلت بنقولك وسكتت
احمد
لما قالت هكي ليا واذكرت انا شنو قلت ليها انقهرت لاني فعلا كنت مضغوط لان الحاج محمد ودر المكان اللي لاقاني فيه وهي كل شوي تتصل تطمن عليا عارفها خايفة عليا لكن خوفها قعد يضايق فيا
لكن وجعتني هي شنو ذنبها وانتبهت على نوارة تركب لحوشنا
احمد .. باتي ماتجيبش الحوت لنوارة تو نجيبه نا ليها
عمو .. به
وركبت انا لحوشنا بعد استئذنت منهم نحس في راسي صداع ودوخة بسيطة خايفة نطيح عليهم ويكبروها والحق كرهت حاجة اسمها مصحات
احمد .. نوارتي حبيبتي
انا.........
احمد
خشيت للدار ولقيتها متغطية وراقدة او دايرة روحها راقدة
احمد.. حبيبتي عارف روحي زودتها عليك امبدري لكن والله كنت مضغوط ببنفجر والله لو تعلمي بلي نمر بيه راك عذرتيني 
لما قلت كلمتي الاخيرة ناضت وقمعزت وضحكت في خاطري لاني مانتحملش زعلها
انا ..نحكي ونبكي  ومن امتى حبيبي وقلبي احمد يدس عليا ومايحكيلش وجعه وضيقه من امتى كنت بعيدة عليه
احمد.. حضنتها وزادت تبكي
حقك عليا نوارتي حقك عليا ياقلبي اسف والله اسف
انا ونبكي .. انت اول مرة تقولي هكي اول مرة تهزبني هكي انا والله خايفة عليك مانحمل حياتي بدونك وراه انا حاسة بيك وعارفة شنو اللي يدور في راسك لكن نقولك خليها اهي الشرطة دايرة جهدها وانت ديمة اتابع فيها
احمد
استغربت انها حاسة بيا وفاهمة اللي صاير معاي لكن بعدين ليش بنستغرب هذي نوارتي اللي تفهمني بدون مانحكي لكن مش قادر نقوللها مش قادر ننسى مش قادر نعيش طبيعي وانا اللي دار فيك وفي ولدي او بنتي اللي مافرحناش بيه وفيا هكي ونقعد مرتاح لازم اندورهم ولازم ناخذ بثاري منهم وحق جنيني اللي ماكملش نموه في رحم نوارتي وانا كل ما وحدة من صاحبتها تطلع حامل او تجيب نشوف نظرة الالم في عينها كيف بننسى او نهدا او نعيش طبيعي  بعدين فطنت بنوارتي ارتخت بين ايديا عرفتها راقدة مددتها  على السرير وغطيتها وطلعت بنجيب ليها الحوت
عمتو .. كنك يا احمد مع نوارتي
احمد.. تعصبت عليها شوي في الفون
عمتو .. ليه عليك يا احمد عارفها ما تحملش والله اللي مرت بيه مش اقل من اللي مريت بيه راه
احمد.. اووووووف يايمي
بابا بصوت عالي ...ااااااحمد من امتى تافف على امك  متربي هكي انت
احمد.. ياعمي محد حاسس بيا
عمو .. سيبه ياعمر وهو من يوم اللي صارله وهو مش طايق حد
بابا .. خليه يامحمود بيني وبينه اطلع منها انت
تعال يا احمد نقمعزو برا
غالية ديرلنا فنجانين قهوة
عمتو .. حاضر وربي يهديه
بابا .. فهمني ياولدي انت عمرك ماكنت هكي احكيلي
احمد.. ياعمي مش قادر مش قادر نتحمل مش طايق عيشتي وانا نشوف كيف نوارتي نظرتها وهي شايلة في ايدها عبودي والله سما او ارين والله نظرتها لبطن هبة مش قادر وانا مش عارف منو اللي دار فيا وفيها هكي
بابا .. يا احمد خليها على الله والشرطة اهو كل يوم انتبعو فيهم والحمل ربي يعوضكم غيره يارب 
احمد..امين يارب
ياعمي اني الشرطة مش حنعبى عليها لازم حتى اني بندور غير نلقى خيط  بس حتى الحاج محمد ودر المكان لاقاني فيه وقالي تو نجو في وقت ابكر بيش يزبطه وهذا اللي موترني
بابا .. ربي يهديك ياولدي ويهدي بالك
احمد.. امين يارب
عمي بنطلع بنجيب حوت لنوارتي وهدية نراضيها بيها
بابا .. عدي وربي يخليكم لبعضكم
وخش بابا للحوش
بابا .. محمود معاش تعزق كلام على احمد وسع بالك معاه اللي مر بيه مش ساهل على رجولته راه
عمو .. والله عارف ومافي ايدي شئ انديره ليه
بابا .. خليه في حاله بس ماتركزش معاه بس
عمو .. ربي يهديه حاضر ياعمر
انا
راقدة ومتعمقة في النوم وكاني بنرجع لوضعي زمان نهرب من الهم بالنوم
احمد
طلعت خذيت شوكلا كادبوري لان نوارتي تموت فيها وغلفتها مع ورد وتكيت على مطعم خذيت ليها الحوت وخذيت للعيلة لان نبي اندير جو انا وياها وروحت للحوش عطيت امي الحوت
احمد.. امي هاكي هذا الحوت ليكم وحقك عليا ياغالية والله ماتلومي عليا وبست راسها 
عمتو .. ربي يهديك ياوليدي ويصلح بالك
احمد.. امين يارب
امي الحوت هذا ليكم وانا خذيت لنوارة بناكل انا وياها
عمتو .. ربي يهنيكم يارب
وركبت للحوش ولقيته زي ماهو حطيت الحوت في المطبخ وخشيت عليها بالعلبة اللي فيها الشوكلا وباقة الورد وقعدت انوض فيها 
   احمد .. نوارتي حبيبتي هيا نوضي سادك نوم
انا نفتح في عيوني بالغصب .. ها حبيبي نايضة
احمد.. نوضي صحصحي جبتلك معاي حاجة تحبيها
انا.. كادبوري صح
احمد.. هههههه مخرومة وحق ربي
انا فتحت عيوني صح وقمعزت ومدلي باقة الورد
احمد.. اسف حبيبتي وحبيت على راسها
انا.. خلاص حبيبي اصلا انا مش زعلانة منك انا مستغربة بس
احمد .. خلاص حبيبي فوتي وهيا نوضي صحصحي انا اليوم قاعدلك ماعندي وين بنمشي ونوضي جبتلك الحوت هيا عشان تاكلي الفطور ماكليتيش كويس
انا .. تحكي صح اليوم بتقعد معاي
احمد.. والله غير نوضي بس
نضت وانا فرحانة
انا.. حاضر حبيبي ندوش على السريع بيش نصحصح
احمد .. مابين انا ماجهزت الجو
خشيت دوشت ولبست روب خفيف لان الحوش دافي وطلعت جففت شعري ودهنت جسمي وتعطرت وطلعت على احمد
احمد .. الله الله على قلبي لما يبدا طارب حتى عيونه يضحكو والريحة الحلوة 
انا.. بس بنختمها بحوت
احمد.. ولايهمك ياقلبي نحبك باي ريحة فيك
وجيت بنقمعز احذاه قمعزني في حجره وقعد يوكل فيا زي العيل الصغير وانا فرحانة واجد وكلينا وضميت الحوسة
انا.. حبيبي جبت لهلنا والله لا
احمد..ههههه  بعد شبعتي خطر عليك
انا.. انا عارفة انك جايب بس بنتاكد بس
احمد .. اكيد جبت ليهم
انا.. ربي يحفظك يارب
احمد.. هيا تعالي لحضني وخلينا انتفرجو
ومشى وقت لاباس بيه ونحن نتفرجو
احمد.. مش ساد تفريج هكي
انا.. شنو ننزلو لتحت
احمد.. اي تحت وخذاني بي بوسة  حلوة وطويلة ومابعدش عليا الا لما حس نفسي بيهرب وهو حاط راسه على راسي وطبني وحطني على السرير ليكتمل التعبير عن العشق والغرام
وبعد فترة
انا.. حبيبي ديمة زعلني
احمد.. هههه عليش
انا .. كان بتراضيني هكي
احمد.. ونهون عليك والله اضايقت واجد لما سكرت عليك
انا.. ياعمري انت وياروحي هي يادوب انلحقو اندوشو قبل الفجر
احمد .. هيا اندوش انا وياك
انا.. صاااايع
احمد.. في حوشي
انا.. هيا نوض
ودوشنا وطلعنا شربنا كابتشينو ونزلنا لتحت وصلينا وركبنا رقدنا او بمعنى اصح انا رقدت وكنت كل مانتحرك نفطن باحمد واعي لكن قلت مانيش مضايقته لانه ليه اكثر من يوم هكي يطول ولايرقد
ونضت ثاني يوم مالقيتش احمد احذاي
غيرت دبشي وتوضيت وصليت وقريت قران ونحس بدوخة بسيطة لكن قلت اكيد من الصيام ونزلت لتحت
انا.. السلام عليكم
عمتو وزيزي .. وعليكم السلام
انا.. ماما ماجتش لتو غريبة
عمتو .. كلمتني وقالت لي انهم ماهمش جايين
انا.. ان شاءالله خير
عمتو .. قالت جايين عيت خالك من طرابلس عندهم بنت تبي تتزوج بعد العيد تبي تاخذ دبش من هنا
انا.. هذي اكيد غزلان لان ديمة تقول دبش بنغازي حلو
عمتو .. اه هيا شنو بتعدي ليهم
انا.. لا لا وكان كلماتك ماما قولليها مريضة
عمتو .. كنك بنيتي تحسي في حاجة
انا.. لا عميمة غير عندي دوخة بسيطة ممكن من الصيام ووممكن حتى من تغير الجو انتي عارفتيني في الجو هذا لازم نمرض
عمتو .. لاباس عليك يارب لكن حتى وجهك منصفر
انا.. هههه غير مش حاطة حاجة
عمتو .. ومن امتى وانتي تحطي في الحوش شكلك بتاخذي بردة قوية يستر الله
انا.. فعلا شكلها هكي
عمتو .. خطرها اتصلت عمتك فاطمة وقالت ان يوم 26 رمضان نفطرو عندها كلنا
انا.. يعني بعد بكرة
عمتو .. اه كلمي احمد واطلعي اليوم جيبي لبسة العيد
انا.. لا عميمة مانبيش لان عندي دبش واجد جديد جايبته من باريس ودبي قاعدة مالبستاش
عمتو .. ابدا ولاتفكري اول عيد ليك وانتي كنتي وماتشريش عيد ولاتفكري فيها
على خشة احمد وعمو محمود
عمو .. كنكم شنو في
عمتو .. نوارتي ماتبيش تشري لبسة عيد
احمد.. عليش
انا.. عندي دبش جديد واجد وجايباته من باريس  ودبي
عمو .. لا بنيتي انتي هذا اول عيد وانت كنتي ونحن قبل عمرنا ماقصرنا وديمة نشرولك تو بعد تميتي كنتنا ماتبيش هذي ماصارت
احمد.. خلاص ياباتي تو نطلع انا وياها اليوم وناخذلها لبسة عيد
انا.. حاضر انتم تامرو امر
عمتو ...وابعث جيب من المزرعة خروف وارفعوه لحوش عمك خليفة
احمد.. ان شاءالله خير
انا.. يوم 26 عازمنا على الفطور كلنا
احمد.. تمام هذا ليش امي تبيك تشري لبسة اليوم
انا.. اه
وجهزنا الفطور وفطرنا وصلينا وعدى احمد وعمو  التراويح وجاء احمد لقاني واتية
احمد
شفتها لبسة فستان واسع شوي لونه قهوي داكن  طويل باكمام طويلة وفيه برنوص حاطيته على راسها لانه كبير مغطي تقريبا شعرها كله ومعاه كويش بيج وشنطة بيج وطالع منظرها حلو بيه حسيته زي العباية لانه مش مخصر
احمد.. مع انه طالع زي العباية لكن تهبلي بيه
انا.. جيت بسته على خده هذا من ذوقك ياقلبي وشكله زي العباية هذا ليش لبسته
احمد .. استني حتى انا نلبس زيك
انا.. ههههه شنو بتلبس عباية امنا
احمد.. خزي عليك بنلبس نفس الالوان ياخرايطة
انا.. ههههههه
ولبس احمد سروال قهوي وسورية بيج وكويش بيج
انا.. طالع تهبل ياقلبي
احمد.. تسلمي ياعمري
وطلعنا وقعدنا ندورو ولقينا حتى نانا ووسيم حتى هما بيشرو  لبسة لنانا
وقعدنا مع بعض اندورو وشريت لبسة حلوة تركيبة ذوق احمد وتقريبا اول مرة نلبسها  وكانت من بعيد عيون تراقب فينا بكل غل وحقد وبعدها احمد خذالي خاتم ذهب حلو
انا.. عليش
احمد.. عمتك وعمك هما اللي قالولي
انا.. والله ياعمري عمو وعمتو مش عارفة شنو انديرلهم
احمد.. ما اديري شئ لانهم يحبوك وفرحانين انك كنتهم
انا.. ربي يخليهم لي وبنبرة حزن ويقدرني ربي ونفرحهم بيبي
احمد.. امين يارب وبعد العيد حنرفعك لدكتورة تمام هكي
انابفرحة ... جد حبيبي
احمد.. جد الجد
وروحنا للحوش بعد ماسلمنا على نانا ووسيم اللي مازالو يدورو ونحن في الطريق ومازال شوي على الحوش لقينا رواحنا محاصرين باربع سيارات سود ومضلمات وماشفنا منهم شئ الا مسدسات  وضرب على السيارة واحمد حاضني ومغطي راسي بيش مانرفعاش وقعدت شبه منهارة من اللي صاير واحمد فتح درج السيارة بيش ياخذ مسدس من الدرج وانا اندهشت امتى احمد عنده مسدس اصلا وقعدت شادة فيه
انا .. ونبكي بحرقة وخوف احمد والنبي يا احمد ماترفع راسك وقعدت شادة فيه وهو فوق مني و ماتخليني ياقلبي ماتخليني
وتقريبا دششو السيارة لكن كانو حريصين اني ولا احمد ننضرو  لان مافيش طلقة جت شورنا  وطبعا انا نعيط وبس ونكر في احمد لوطى مانبيشي يرفع راسه وبعدها سمعنا صوت السيارات عدى وطلعت انا واحمد من السيارة طبعا انا ماقدرتش نوقف على رجليا والتمو علينا الناس وراجل مد لاحمد امية شربني منها واتصل بسند والشرطة وشوي لقيناهم كلهم احذانا سند وبابا وعمو والشرطة ووسيم ووليد وعبدالله وهشام واسامة و فتحي وحتى هيثم ولد خالي جاء مع بابا
واحمد قاعد حاضني وبس وهو يطمن فيا وبعد ماوصلو جاني عمو وبابا وروحو بيا وخلو احمد مع رفاقته والشرطة
انا.. يابابا وعمو ماتخلوش احمد انا مافيا شئ انا كويسة
بابا .. ماتخافيش عليه تو يجي يكمل مع الشرطة ويجي
وتلقتنا عمتو وماما وغزلان وامها وانوار
وتغمرني وانا نهرت بكا من الخوف وبسرعة عمتو جابتلي كسبر ووكلتني منه وبخراته على خاطر الفجعة وانوار دارتلي عصير ليمون ولاول مرة مانسمعش كلمة مستفزة من غزلان لانها لو نطقت كنت حنقتلتها اكيد 
انا.. عمتو ماما رنو على بابا والله عمو شوفو احمد
على خشة احمد بنصبي ماقدرتش حسيت رجليا تعقدو طحت قبل مانكمل وقفتي وجاني احمد يجري وحضني وقعد يهدي فيا وانا نهرت نبكي وبس 
احمد.. اسسس خلاص ياعمري عدت على خير وماصارلنا شئ اهدي خلاص
انا.. انت كنت بتخليني انت كنت بطلع مسدس وبترد عليهم وكان صارتلك حاجة وكان طبت فيك رصاصة ونزيد نبكي
احمد.. خلاص ياقلبي عدت على حالها معاش ترعشي روحك هيا نركبو فوق ديري دوش تو تروقي
انا مازالت نبكي ... به
انوار .. نركب نساعدها ماضنيش تقدر بروحها
احمد.. لا نانا تو انا انديرلها
ورفعني احمد لحضنه وركب بيا الدروج ناسي عمتو وماما وبابا وعمو ومرت خالي وغزلان ولاكأن حد معانا وخششني للحوش وعبالي البانيو وحطلي فيه زيت النعناع لان مهدئ وحولي دبشي وحطني في البانيو وقمعز على حاشية البانيو نين تاكد اني هديت
احمد.. شنو حبيبي تقدري توقفي على رجليك
انا.. نحس في روحي نقدر
احمد.. ترا صبي
صبيت لكن مش قادرة بدون ماننسند وساعدني احمد لتحت الدوش  وغسلت وطلعت ولبسني الكبوط بتاع الحمام وطلعني على السرير وجاب منشف ونشفلي شعري وجاب السشوار جففه ليا وطلعلي لبسة ولبسني وظفرلي شعري 
احمد.. تقدري تنزلي لتحت عشان ماينشغلوش عليك
انا.. اه عندك حق اصلا انا خايفة نغمض عيوني
حضني احمد وحسيت بدمعة ساخنة نزلت  عليا ولما رفعت راسي لقيت احمد يبكي
انا.. حبيبي خيرك
احمد.. في لحظة كنتي حضيعي مني
انا.. لكن انت حاميني انت اللي كنت حضيع مني وقعدت نبكي حتى انا
احمد .. خاطري نعرف بس من يبي ينكد علينا والمشكلة انه مايبيش ضرر نكد بس تخيلي الشرطة قالت اماكن ضرب الرصاص حتى خزان البنزينة مش شوره بكل اللي يضربو يضربو للتخويف بس بدون ضرر
انا.. ماهو من البخت من لما صارت لينا القصة ماطلعتش من الحوش بكل الا لحواشين  القروب لكن لما طلعنا نغيرو في جو وبنشري لبسة عيد يصير فينا هكي
احمد.. خلاص حبيبي هيا امسحي ادموعك وننزلو اكيد قلبهم على نار خايفين عليك
وصباني احمد ونزلني لتحت على رجليا بيش مايخافوش اكثر وفعلا اول مانزلت طول جتني ماما وعمتو وانوار يجارن
ماما.. كويسة بنيتي صح
انا .. كويسة ياماما غير رجليا بس مازالن متعقدات
عمتو .. اكيد نوارتي ماتكابريش
انا ومازالت منسندة على احمد .. معقولة نكابر ومعاي احمد
انوار .. هي تعالي قمعزي وانا انديرلكم  كابتشينو وهدرزي على مرت خالي وغزلان
وجاء احمد وقمعزني وسلم على مرت خالي وغزلان  وهمسلي
احمد .. بنركب بندوش ونغير دبشي
انا.. به  حبيبي وين فوني
احمد .. شنطتك وبدلة العيد في سيارة سند غير مشى يجيب في سحابة للسيارة وتو يجيبهن
انا .. به
وشوي وجاء القروب كله حتى سماح واصالة  اللي نوافس قاعدات جن وقعدن يتغمرن فيا
انا ..كويسة مافيا شئ غير من الرعشة رجليا تعقدو
هبة .. ياروحي عليك وانت في الفجايع
انا.. الحمدلله على كل حال
اصالة .. الف سلامة عليكم
انا.. الله يسلمك ارين وين وانتي ياخالدة عبودي حبيبي وين وانتي سموحة سما وين
اصالة .. والله اول ماوصل الخبر لاسامة طلع يجري ونحن  كنا عند هله وجابني سلفي مانفرز في حاجة في هذيك الساعة وسما  نسيتها بكل نين خطرت عليا في السيارة كلمت عمتي
انا.. ربي يخليك لي حصلتي رعشة وانتي نافس قاعدة
وانتن ياحناتي
خالدة .. خليته مع امي وحتى انا جيت مع فتحي وهبة لان عبدالله طلع طول
انا.. المفروض ماقالولكم الحق مافينا واحد  انضر
هبة .. اصلا حتى باتي جاء وامي غير عبودي معاها كنهدا راه جت
هنادي .. كيف مايقلولناش والله ماعاد يخلصو منا بعدين
انا .. كيف حالك يامرت خالي وحالك ياغزلان وربي يكملك على خير
مرت خالي .. الحمدلله وحمدلله على سلامتك
غزلان .. حمدلله على سلامتك رعشة كبيرة حصلتوها
انا.. الله يسلمكن يارب الحمدلله على كل حال
انوار .. وحدة تشيل معاي غير زيزي تسخن في الموالح
هبة .. اني جاية
وجت انوار جايبة كابتشينو وهبة الحلو
وكلينا وهدرزنا وفعلا نسيت شوي وخف همي شوي وجاء سند ونزله احمد والتمو الشباب كلهم وطبعا عمتو وماما شقو بالسحور وعاونتهم مرت خالي
وخشتلي انوار بشنطتي  والكيس بتاع البدلة
انوار .. هذين مدهن ليا احمد
انا.. صحيتي
انوار .. انتم خذيتو ومعاها حصلتو رعشة ونحن حصلنا رعشة وماخذيناش
انا.. تستاهلي انتي ديمة تبهدلي ولاتعجبك حاجة
هنادي .. ترا ورينا
وفتحن البنات الكيس وعجبتهن اللبسة ووريت ليهن الخاتم طلعته من الشنطة وعجبهن واجد
وخذيت فوني لقيت فيه رسالة فتحتها وبصدمة صبيت