للقدر والنصيب كلمة اخرى

37

#للنصيب_والقدر_كلمة_اخرى

ح37
صور كانن كارثة البنت اللي جت سلمت عليا ومن اللي معاها عيوني تعبن دموع مش مصدقة اللي معاها من يوسف هذا حبيبي يوسف قلبي يوسف عمري بكيت وبكيت بصوت عالي ومعاش عرفت شنو ندير لقيت روحي رانة على احمد لقيته مقفل بعتت ليه رسالة وكتبتله
وين عديت عليا وين خليتني وين سيبتني في هالدنيا وينك ياقلبي وينك ياسندي وين خليتني
ونحس بالدنيا لفت بيا واتصلت بهبة وقلت ليها تو تجيني وهي من خوفها عليا وانا نبكي قالتلي اني جاية وسكرت وقعدت نستنى فيها على نار واول ما رن الجرس فتحت ليها وتغمرتها وقعدت نبكي نبكي بحرقة وهي مش فاهمة شئ ومديت ليها فوني وهو على الصور وقعدت تشوف فيهن ومعاش عرفت شنو تقولي
هبة ..حبيبتي نوارتي اكيد هذا ماضي وهي بعتتهن عشان تخرب عليك ماتعطيهاش فرصة فيك تخرب حياتك حتى تاريخ بعث الصور يوم دخلتك دلالة انها بتخرب عليك ومايهمكش يوسف قبل شنو كان معاها المهم انه معاك تو شنو وبعدين شوفي شكل يوسف عمره اصغر من تو معناها الصور قدم
انا..وليش محكاش ليا ليش ماقاليش انا كنت مش حندوره لانه ماضي لكن اكيد في عقله شئ او في قلبه شئ ليها وخاف يحكيلي عليها نكتشف شنو في
هبة ..حبيبتي هو ماحكالكش اكيد ليه اسبابه لكن فكري تو انه زوجك وحيكون بو صغارك وشريك حياتك ماتعطهاش فرصة توصل للي تبيه
انا..كيف بندير كيف بنواجهه وبندير روحي عادي وان مافي شئ
وطحت على ركابي و بصوت عالي قلبي قلبي وووووووووينك يا احمد وينك ياسندي وينك ياعزوتي
هبة ..اضبطتني وقعدت تبكي وتحاول انها تسكتني وعدت جابت ليا مية
انا ..مسحت دموعي صح هبة عندك حق انا مش حندير شئ تو ومش حنعطها فرصة ادمرلي حياتي ويوسف حبيبي انا تو مش حبيبها هي وراجلي انا مش راجلها هي
لكن في خاطري بنمشي الامور نين يجي احمد ونقمعز معاه ومع يوسف ونفهم منه كل شئ وليش دس عليا وبعدين نقرر نكمل حياتي معاه مش حنكم عليه نين نعطيه فرصة يحكي لكن بنستنى احمد بس
خششتني هبة للحمام وغسلت وجهي وطلعت هي للمطبخ دارتلي عصير ليمون وشوي ملح خافت ضغطي يهبط
على جيت يوسف وشافها وهي تعطي فيا الملح وهي تقولي
هبة ..هيا حبيبة خوذي الملح اكيد ضغطك يكون هبط
يوسف ..بخوف جاء شوري كنك عبورة شنو في كنك تحسي في حاجة
انا
رفعت راسي وشفت في عيونه الخوف والحب
انا .. مافيي شئ راسي داخ شوي بس وهبة قالت ممكن يكون ضغطي هابط ودرتلي عصير  ليمون ومع الملح حيكون وضعي تمام
يوسف ..هي نوضي نرفعك للعيادة نطمن اكثر
انا.. لا مش مستاهل الموضوع
هبة ..غير سلم عليا بس
يوسف ..بالله سامحيني خوفي على عبورة دهبلي شيرتي
هبه ..ههه عادي حصل خير ومعليش على التطفل غير رايفت على عبورة ماقدرتش نصبر لبكرة
يوسف ..الحوش حوشك تفضلي في اي وقت صاحبات عبورة يجن في اي وقت الحوش حوشهن
هبة .. تسلم بس نحن مش صاحبات نحن خوات
يوسف .. ربي يحفظكم لبعض
انا ..هي هبة وتي معاي دبشي اكيد شوي ثاني وتتصل منى
يوسف ..حبيبي اكيد كويسة انتي
انا ..والله حبيبي كويسة مافيا حاجة
وخشينا للدار
يوسف
انا حاس بيها انها مش تمام ومش عارف ليش قلبي حس ان الموضوع شور امل
انا
خشيت انا وهبة للدار وسئلتني هبة شنو بتلبسي
انا ..قبل بنلبس لبستي بتاع عرس احلام
لكن تو لا لان منى من اقاراب يوسف من جيهة امه  غير بعيدة شوي القرابة ومرات الحقيرة بتكون غادي فنبي نمشي زي الملكة
هبة ..والله ياعبورة جمالك مافي منه واحلى حتى من منى انتي وايش ماتلبسي يطلع عليك
انا..عيونك الحلوات حتى منى ماشاءالله عليها
شنو رايك في هذا وكان الفستان لونه فوشيا داكن وطوله محير ومفوج واجد من تحت ومن فوق رقبته مفتوحة على حدالكتوف والكم نازال تحت الكتف بشوي وفيه حزام في النص لونه ذهبي وقلت ليها نركب معاه طقم العرس وكندرة ذهبية وشنطتها شنو رايك هبة
هبة ..تطلعي فيه يجنن
انا..حنلبسه حطيته على السرير ورتبته هو والحاجات بنلبسهن
هبة ..حطيتيه في الشنطة
انا ..لا بنمكيج وبندير تسريحة لكن بنلبس في حوشي انتي عارفتيني حتى الفيلو لبسته في الحوش عارفتيني مانحبش نغير برا حوشي
هبة ..عارفاتك قلت بالك تزوجتي تغيرتي
انا..لالا هههه قاعدة زي مانا
هبة ..ايوه خليك هكي
هيا حبيبة فتحي يرن عليا اكيد برا
وطلعت هبة وطلعت وراها وخش يوسف كان يسلم على فتحي
يوسف ..شنو حبيبي حالك كويس تو
انا ..جيت قربت منه بخير حبيبي مافيا شئ
يوسف ..ضمني لكن عيونك كنهن هكي
انا .. وبحرقة وغصة في قلبي كنت بنجرب اندير مكياج بروحي خش الكحل في عيني وقعدن يدمعن
يوسف ..وعليش حبيبة حتى كان فلوس مافيش نقولو
انا..مش فلوس حبيبي المشكلة مانحبش الكوافيرات
يوسف ..تعودي عليهن حبيبة بالذات نحن مناسباتنا واجد راه
انا..يستر الله و منى ترن على يوسف
يوسف ..هي انا جايبها تو
عبورة هي حبيبتي منى قالت نجيبك للكوافيرة
خشيت لبست بنطلون واسع زي الجيبة لونه ابيض ولبست بلوزة  قصيرة عليه لونها وردي هادي ولميت شعري ذيل وطلعنا
وصلت عند الكوفيرة ولقيت منى بادية فيها
وبعدها بدت فيا دارتلي مكياج يهبل والتسريحة رفعت شعري شوي من قدام بنفخة بسيطة والباقي خلاته مطلوق ودارته ليا فلو وجيت بنطلع لقيت منى تهبل بالعربي
انا..بسم الله ماشاءالله طالعة تجنني
منى ..تسلمي يارب
شنو بتلبسي في الحوش
انا..اه لاني مانحبش نغير برا حوشي
منى .. باه معناها البسي وتعالي لحوشنا تلقيني نستنى فيك انا ان شاءالله
حطيت كابي عليا بيش برنوص الكاب نقدر نغطي بيه وجهي بحكم انه كبير وركبت مع يوسف لانه كان يستنى فيا ماعداش ووصلت للحوش ولبست وساعدني يوسف في لبسة الذهب
يوسف ..ياربي قمر قمر قمررررررر بصوت عالي
انا ..بطل هبال
يوسف ..في حوشي ومع حلالي اي هبال بنبطله خلاص انا ذايب راه
انا..تحشمت وعلى قد مافرحانة بكلامه لكن في حاجة منغصة عليا وجاء ضمني وباسني على راسي وساعدني في لبسة الكاب وركبت في السيارة وسكر الباب ومشينا شور حوش عبدالسلام ولقيناهم يستنو فيا وطلعنا على طول منى وعبدالسلام في سيارة وانا ويوسف في سيارة والسيارة الاخرى فيها خالد ومعاه عمتي عازة وامال ووصلنا عند اهل منى ومشى جو يهبل ولما قريب بنروحو جت امل بنت خالة يوسف وعرفتها ودرت روحي عادي جدا وسلمت عليها عادي جدا وجتها امال وطلعتها برا وحسيت اللي صار برا جو مش تمام لكن ماركزتش عليه لكن لما خشت امال انتبهت ليها ان واضح عليها كانت دايرة عركة بس دارت روحها عادي وانا درت روحي مانتبهتش وطلعت منى تصور هيا وعبدالسلام لان هلها جايبين مصورة  لحوشهم
وبعدين كلمتنا انا ويوسف بيش نصورو معاهم وقربت واجد من يوسف ولما جينا بنطلعو شفتها من بعيد زي اللي يراقب فينا
انا ..قربت من يوسف حبيبي مش هيا نروحو
يوسف ..زاد قرب مني لان مافيش حد احدانا وباسني على راسي ومسك ايدي وباسني عليها هيا مع اني اخرها بوسة وضمة حتى هكي نعمة
انا... ههههه وبسته على فمه بوسة سريعة
يوسف ..هييي هي قبل ما اندير شئ حاجة عند الناس
وخشيت للصالة اللي مقمعزين فيها كنا وكلمت امال تجيبلي الكاب بتاعي
امال ..بتروحو
انا..اه خلاص نحس في روحي تاعبة
امال ..هيا تو نجيبه لك
جابتلي امال كابي وخطفت بعيوني خطف شورها لقيتها قاعدة مازالت في مكانها وتشبح فيا من بعيد
وطلعت معاي امال للسيارة بعد ماسلمت على اهل منى وعمتي عازة وركبني يوسف بكل نعومة وحب للسيارة ووصلنا حوشنا
وخشيت بنغير دبشي شدني يوسف وضمني بقوة وعارفاته انه بيبوسني بس قدرت نهرب منه
وخشيت غيرت دبشي ومسحت مكياجي
ولبست بيجامة خفيفة
يوسف ..شنو مازال حبيبة لمتى بنستنى
انا..هانت حبيبي بكرة بس
يوسف ..واخيرا معناها بكرة بنطلع نحجز نمشو لتركيا قبل وبعدها نمشو لدبي شنو رايك
انا..اللي انت تشوفه مناسب
يوسف ..بكرة بتمشي للكوافيرة
انا..لا   عجبتني كوافيرة منى وقلت ليها تجيني في الحوش والتلبيس بتلبسني انوار لاني نبي نلبس لبستنا الطرابلسية والكوافيرة قالت مانعرفهاش
يوسف ..به حبيبي وخشينا رقدنا