للقدر والنصيب كلمة اخرى

16

#للنصيب_والقدر_كلمة_اخرى

ح16
تكينا على مطعم وخذينا غذاء  ولوازمه من مشروب وعصير وشوكلاطة وكيكة ومشينا للمنتزه وقعدنا مكسدين وبدينا نتغذو لكن حسيت جو احمد مش تمام
انا..حمودي تبي الشاورما والله البيتزا تبدا بيها
احمداحمد حمودي هيي وين رايح فطن بي بعد هزيته
احمد ..قاعد
انا ..تي وين قاعد وانا انادي ليا وقت
احمد ..نفكر شوي
انا
خفت يفكر في موضوع امبارح وتغمله
انا.. حمودي انت اليوم جايبني هنا عشان نغير جو مش عشان تقعد سارح بروحك وماتبيش تقولي
احمد
عرفتها مركزة عليا وخفت تفهم ان الدكتور قالي حاجة فقررت نغير الموضوع
احمد.. نوارتي مافي شئ غير انفكر شنو بنديرو ترتيبات لخطبتك وخطبت انوار ونفكر في باتي الحق
انا .. هاك نبدو بالبيتزا قبل الشاورما لانها تصقع تولي يع وعمو محمود خيره
احمد
خذيت البيتزا وكليت منها وانا نحس في روحي نزمط في جمر من كلام الدكتور لان نوارة حساسة واجد وتموت في حاجة اسمها اطفال حتى خوتها الصغار هي اللي متولية امرهم اكثر من امها غير تو بعد طيحتها تولتهن انوار وديمة تقول لما نتزوج بنجيب استيكة اطفال كيف بتكون ردت فعلها لما تسمع اللي قاله لي الدكتور والله تموت فيها وانا نموت وراها كل شئ الا نوارتي يارب ساعدني
انا ..اه رديت سرحت من جديد
احمد ..لا غير خطر علي باتي اضايقت
كنك ماهو عارفة تعلقه بانوار كيف وانتي عارفة لدرجة لما يسافر بروحه يكمل طول الوقت مكالمات سكايب معاها
انا ..صح والله عندك حق زعمه يرفض خصوصا لا انا ولاهي ماقالوش حاجة لاطابت لا انحرقت سكتو وخلاص
احمد ..انتي عارفتيهم زي باتك زي باتي نين يسئلو ويطقسو بعدين يردو
انا ..يوسف قالي مش بعيد اليوم بوه يجي لبوك على خاطر يكمله بحكم انه عديله
احمد ..ايه حتى يوسف مستعجل شكله
انا ..واجد
احمد ..تحبيه
انا ..لا مانقدرش انقول نحبه لكن مرتاحة ليه واجد ونرجى في مكالمته بفارغ الصبر
احمد ..قصدك انتي ترجي في الاتصال وانتي ماتتصليش بيه
انا ..تصدق وحتى كان اتصلت هو نلقاه متصل بيا قبل
احمد..غريب امرك
انا ..ماغريب الا الشيطان هاك الشاورما مازالت ساخنة
احمد..لا حسني شبعت من البيتزا
انا ..كلا انا مازالت جيعانة
احمد ..صحة صحة لكن خاطري نعرف هالوكال اللي تاكلي فيه وين يمشي بس على قد ماتاكلي ماتسمني بكل
انا ..قول الله واكبر حمودي طبيعة جسمي هكي وغير ذلك الاهتمام مانعطيش فيه فرصة يتمرد عليا جسمي مانحبش السمن ومانحبش الضعف حلو الجسم يكون متناسق
احمد ..نجيه المهتم بروحه
انا ..ماهو كيفك انت
احمد ..ايييه الموضوع فيه انا
انا..تعرف من صغري حمودي وانا نراقب فيك ولما كبرت ديمة كنت نحب جسمي يكون انيق ومتناسق زي جسمك
احمد .. حسستيني جسمي واو
انا ..عيب يا راجل انت معذب البنات وبالذات بنات عيلتكم من شكلك ورغم طبعك الواعر الا كلهن ذايبات فيك
احمد ..فوتيهن كلهن على خاطر الشكل والفلوس مش حاجة اخرى
انا ..خيرك حمودي مافيش حد مايعرفك مايحبك
احمد ..عشان انتي نوارتي تقولي هكي
انا..ربي يحفظك لي
خليني نوض انحط في السلة
احمد ..قمعزي هنا وانا قاعد فيش اندير هاتي الكيس هنا
انا ..هاك خيرك حمقت
احمد ..ينعجد وانتي ماشية لنهاية المنتزه بروحك بيش تلوحي الكناسة
انا..حقك علي اسفة
احمد ..شوي تو نجيك
انا
قعدت سارحة ونسمع في شاب يناشب درت روحي مانسمعش فيه وندعي ونقول ان شاءالله يعدي قبل مايجي احمد يارب وهو مابطل
الشاب ..نجيه اللي قاعد بروحه
انا ..مطبسة راسي
الشاب ..وحشومي اخرى ياربي تهبل
انا
نسمع في احمد يناقش هو وياه وصوته عالي يهزب وجاء بيضربه غيرماخلوشي
وجاني حامق
احمد ..هي نوضي وانتي مادة وجك
انا ..به هي
طبعا احمد لما يكون هكي مانقدرش ننطق ولاكلمة لانه حيهزب ويبدا يكسر وانا تجرح فيا ردت فعله هذي ونقعد معاش نكلم فيه ونضايق اكثر لاني مانكلمش فيه وانا زعلانة فعشان مايصيرش هكي نقعد ساكته يحكي كلمتين ويسكت ومع انه مازال خاطري في القعاد لكن ماقدرتش نقول كلمة وركبنا وطلعنا واحمد مازال حامق
احمد ..شن يسحابني طرطور والله هازي عليا شافك مقمعزة معاي وبعد  ماصبيت جاك هالحقير هالتافه والله كان ماشدوني راه دقدقته
وانا ساكتة ماقدرت ننطق كلمة ووصلت حوشنا خشيت لداري طول حتى ماما ماخشيتيش عليها في دار المعيشة هيا وبابا وانوار نسمع فيها تكلم فيا مارديتش عليها وخشيت داري وسكرت داري بالمفتاح وقعدت نبكي من القهر
ونسمع احمد خش لبابا وماما وانوار عرفوه حامق
بابا ..خيرك يا احمد والع شنو متعارك انت ونوارة شكلك
احمد..لاياعمي مافي شئ غير ونحن في المنتزه سيبت نوارة شوي بيش نعزق الكناسة حشاكم  لقيت واحد يناشب فيها وماعبرني هالحيوان
بابا ..ان شاءالله تعاركت معاه
احمد ..ها ونسكتله يعني
بابا..ان شاءالله ماضريته
احمد ..لا مالحقتش نضربه ماخلونيش
بابا ..الحمدلله ربي يحبه
احمد ..انت معاي او معاه
بابا ..معاك لكن لاني عارفك لو ضربته كان يا مات يا في العناية يا مسببة ليه عاهة مستديمة لاني نعرفك لما تحمق مافيك خير
احمد ..حقير ياعمي يسحاب بنات الناس سايبات
بابا ..الحمدلله جت على خير
انوار مديله امية يشربها
انوار ..هاك حمودي والحمدلله ماطلعت معاك اكيد تو مهزب نوارة نين ماسدها
احمد .. لا والله مانطقت ليها كلمة لاني انتبهت ليها من بعيد مطبسة راسها لكن هالحيوان مباش يفهم انها مش صايعة زي الصايعات اللي يعرفهن
ماما ..هديييي حمودي هديييي
احمد... والله ياعميمة ببنفجر لاني ماخلونيش نضربه
ماما ..عديلها يا احميدة قبل ماتكبر بينك وبينها ونحن اللي نتعبو في جرتكم
احمد..حاضر
مشيت شورها وقعدت اندق
احمد .. نوارة نوارة نوارة نوراة قلبي
انا ..نبكي وبصوت مخنوق خيرك شنتبي
احمد ..غير افتحي ياقلبي
الحق لما سمعت صوتها قلبي وجعني عليها
احمد.. افتحي يانوارتي معقولة تخليني هكي قدام الباب
انا ..نضت فتحت الباب ومشيت قمعزت على الكنبة اللي تحت الروشن
جاني احمد وتكاني على كتفه
احمد.. خلاص ياهبلة انتي عارفتيني مانتحملش دموعك
انا ..طالما ماتحملش فيهن ليش تنزل فيهن امنا
احمد .. والله مانقدر انتحمل واحد يناشبك كانك وحدة صايعة
انا ..بس نكدت عليا طلعت بصوت مازال مخنوق وعيوني وخدودي معبيات ادموع
رفع احمد وجهي شوره ومسح دموعي بطريقة ناعمة وحسيت قلبي رعش
احمد ..خلاص ياقلبي خلاص والله مانقدر ننمسك روحي لعندك انتي وانوار مستحيل نتحمل
انوار ...نسمع في اسمي
احمد..تعالي تعالي وانتي عازقة وذنك هنا
جت انوار وحطها احمد في جنبه الثاني وشاد بيده الثانية عليها وتمن ايدين احمد على كتفي والثانية على كتف انوار ووخذنا شوره
انا
قديش نحس بالامان معاه وقديش يقوى ظهري بيه
انوار
.لما حمودي ايدير هكي او لما يتعارك على خاطرنا قديش نفرح ونحس اني في الدنيا مش بروحي وحتى نتزوج عندي من يوقف معاي وياخذلي حقي
احمد..نجيكن لي يارب ومايحرمني منكن
انا وانوار ضميناه وضحكنا
احمد ...هيا خلاص صبن اللي عندها حاجة اديرها
انا ..بنتوضى ونصلي الظهر
احمد ..وقضك الشهادة حتى انا ماصليته
انوار ..من بدري صليته انتم اللي كنتو ادورو
قالتها انوار وكانها تعزق في كلام شوري وشور احمد عشان طلعنا بلاها
عدينا صلينا وبعدها درت كابتشينو وكيك والشوكلا اللي امبدري ماكليناها وقمعزنا انا واحمد وبابا وانوار وماما
انا ..احمد نبي قفطان على عرس احلام ماعنديش حاجة جديدة
انوار ..حتى انا
بابا ..خفو عليه وانتن ديمة متعباته في جرتكم
انا..ماهو ماما وعمتو غالية بيعدو لعمتي عزيزة وانت عارف احمد مستحيل يطلقنا بروحنا
احمد..ماناقص غير تطلعن بروحكن
انا..اصلا انا مانبيش نطلع لان المحلات دروج وانا مانبي نمشي بالقيلات لهذا يقعد يتفرج عليا واحمد كل شوي تاكها مع حد
احمد..لا امنا تبيهم يديروك فرجة وانا ماد وجهي
انوار ..خلاص حمودي نطلع انا وياك اصلا هيا يعجب فيها ذوقك
احمد ..العشية اليوم مايصير شئ عندي اجتماع في المكتب لكن بكرة حاضر
انوار ..تمام بكل
احمد ..نوارتي 
انا ..طالما قلت نوارتي  معناها فيها تعب
احمد..خزي عليك مش تعبي راحة انا وبعدين كان تعبتك معاي شوي ماهو انتي ديمة اتعبي في
انا..نبصر عليك تعبك راحة ياغالي قديش احمد عندي انا تفضل شنو
احمد..بعد بكرة عندي زردة ونبي تشيز كيك من دياتك الحلوة
انوار ..اشريه واتي لان يوم الاحد بنعدو لاحلام وانت زردتك يوم السبت
احمد ..ماهو قلت ليها بيش اديره بكرة عشان يقعد لبعد بكرة والاحد ماعندكم شئ تمشو لاحلام
ولان عارفة بتاع السوق مايجي زي بتاع نوارة
وغير ذلك اللي طالع معاهم زردة ضنا عمي وخالتي وخوالي زردة كل ثلاث شهور وكل واحد فيهم بيجيب حاجة دايرتها خواتهن  زي كل مرة وانا نبي نوارة اديرها عشان حتى نتفاخر بقلبي قدامهم زي كل زردة 
انا ..ادلل ياقلبي وحتى لو اناجل مشية احلام مع انه التشيز كيك اصلا يبي يوم يقعد في الثلاجة قبل مايوتكل فنديره بكرة الجمعة وانت بعد بكرة السبت يجيك مية المية
احمد ..تمام بكل شنو ناقصك بيش انجيبه لك
انا ..تو نكتبهن لك في ورقة وعارف محل مستلزمات الافراح عديله جيبلي منه العلب البلاستيك الشفافة بشكل مثلث على خاطر نحطهن فيه بيش كل طرف بروحه يسهل عليكم اوكاله وخير ماتقعدو حاصلين تقصو وتحطو في تباسي وبرضو لان العدد كبير يسهل حتى حطه في الحافظة اللي تحفظ في البارد
احمد ..باه كان عندك صورة وريها ليا والله نقولك الساعة تو 3.5 هيا معاي نطلعو على السوبر ماركت ماكملتي حاجتك يكونن المحلات هذين فتحن تاخذيه بروحك
انوار ..حتى محلات المستلزمات بتاعت الافراح تلقاهن مفتوحات مايسكرنش من الصبح لليل
احمد ..تمام بكل غيري دبشك وانا نغير مرة وحدة للاجتماع بيش نلحقو نكمل قبل الموعد
انا ..حاضر
وخشيت داري نلبس ولبست سروال واسع شوي لونه اسود وعليه بلوزةقصيرة  بيضاء وعليها جيليه وردي وسبيدرو وردي ومارفعتش شنطة معاي وفوني حطيته في جيب الجيليه ولفيت شعري على بعضه وشديته بمساكة
واحمد ركب يغير في دبشه
لبس سروال جينز ازرق هادي عليه تشيرت بيج وجاكة خفيفة ازرق كحلي يهبل طالع
احمد ..هيا نوارة واتية
انا ..هي واتية
احمد ..غريبة لامة  شعرك
انا فكني مانبيش مشاكل لان اكثر حاجة انتنابش عليها شعري لما يقعد  مطلوق
احمد.... ههههه  هيا
انا ...محلاك وانت تضحك
وطلعنا وخذيت مكونات التشيز كيك وبنديرله اكثر من نوع تشيز كيك اوريو وشوكلا وكراميل وفروالة لانهم واجدين ونبي نرفع راس حمودي في نفس الوقت قدامهم ومشينا لمحل المستلزمات ولقيناه قدامه عشر درجات بيش نركب ليه وبحتنا مالقيناش محل ثاني قريب وتما وقت على احمد عشان اجتماعه بيش يدور اخرى بحت فيا احمد قالي نطبك وخلاص مافيها كيف
انا ..باه نحاول وانا منسندة عليك لان المحل  معبي تو كلهم يقعدو يشبحو وانا ننحرج
احمد ..باه
انا..انسدت على احمد وركبت اول درجة وحسيت بوجع واجد لكن تحملت لكن عند الدرجة الثانية نقاني حسيتها اقوى معاش قدرت وشديت في احمد من رقبته وعيوني مرقرقات من الوجع اللي حسيته لان تعتبر من طيحتي اول مرة نجرب نركب الدروج من غير القيلات تاريتهن كانن شادت عليا وجع كبير احمد ..لهدرجة
انا ..اه
طبني احمد وركب الدروج ونزلني عند الباب ومسحت دموعي لان وجعتني روحي
احمد
بحتت فيها لقيتها امدمعة
احمد.. كنك نوارة
انا..وجعتني روحي وماتخيلتش درجتين يوجعني هكي
احمد ..هانت شهر وتفتكي ان شاءالله هيا نخشو ياقلبي وقت
خشينا للمحل ودرت روحي عادي رغم اللي في المحل كله يتفرج علينا وفي وجه علامة استفهام وخذيت حاجاتي وخلص احمد وطلعنا روحت للحوش واحمد عدى لاجتماعه
رن فوني رديت
انا..الو
يوسف حامق ..وين كنتي اليوم